鉄皇子小賣所

鉄皇子小賣所，食佢嘅鐵板料理係重要，但更加重要嘅係，可以現場面對面令距離欣賞前xxxx酒店主廚Ken哥嘅鐵板燒表演。小賣所設於太安樓，所以佢嘅鐵板料理價格非常親民，一個非常飽肚嘅鐵板牛丼都係60蚊冇找但價格親民嘅同時可以為你提供非一般嘅食材品質。今次我哋叫咗四款鐵板美食首先推介嘅係鐵板一口和牛粒，和牛粒肥瘦適中，唔會話一啖咬落去成粒都係肥膏和牛粒用酒燒方式處理過，粒粒都煎到外皮脆脆地，但係咬入去又充滿牛汁嘅軟腍，而且以依個價錢嚟講份量仲一啲都唔少。之後係牛肉薄燒，牛肉片經過鐵板燒香咗將裏面嘅油脂香迫晒出嚟再加上牛肉片包住大量嘅蔥同埋蒜，一啖咬落去，牛油香蒜香蔥香混合晒一齊，嗰種味道直谷上腦，正！鐵板羊架又係一樣用酒燒方式處理過嘅美食，羊架本身睇得出肥瘦均勻，而且唔會太騷再加上酒燒處理過，基本上色香味俱全，而且咬落去一啲都唔嚡口。 然後就係性價比最高嘅鐵板牛肉丼，你冇睇錯一個用鐵板處理嘅牛肉丼飯竟然只係賣$58我加多個炒滑蛋都係加多$15，過份量已經多到一個成年人都差啲食唔晒。牛肉片嘅雪花分明。絕對唔係拎啲平價貨嚟整，燒香咗嘅牛肉再加埋蛋香十足嘅炒滑蛋，再加上Ken哥秘製醬料，成個丼飯嘅感覺根本就係高級日本餐廳嘅製成品，再加上仲可以現場睇到Ken哥嘅鐵板表演，諗唔到咩原因唔去試。…查看更多

如果你問我食過好食又難忘嘅鐵板燒有邊幾間？鐵皇子小賣所絕對係其中一間😍當時同朋友喺元朗食過，念念不忘，估唔到係太安樓又見返😊😊絕對係美食的命運相遇🤣✨牛肉丼✨係店內人氣王🤩白飯粒粒分明，牛肉片份量十足，拌埋特製醬汁，味道濃郁又唔會死鹹，帶啲微甜微鹹平衡感，好適合一餐飽肚正餐。✨日本一口和牛粒✨粒粒都勁Juicy，日本和牛嘅鮮甜脂香，入口即化。師傅鐵板功力十足，火候控制能力好高，烤得外脆內嫩，真係好食到絕晒手指。最重要份量合理，配簡單調味就已經超正，絕對係「靚牛」體驗代表。✨牛肉薄燒✨牛肉片切得夠薄，燒得香噴噴，入口軟嫩又帶點微微焦香，牛味十足。入面包裹着爆香的蔥蒜，配埋啲特調醬汁，香噴噴又超好食👍🏻✨牛肉炒飯✨ 牛肉炒飯好有驚喜‼️飯粒油香不膩，炒得均勻，粒粒乾身又有口感。牛肉切粒唔會過老，伴隨住蔥粒同蛋液香氣，口感層次豐富。炒飯味道唔會太濃，又吃到牛肉本身嘅味道，係一碟用心又夠滋味嘅炒飯代表。款式選擇非常多，高質但價錢非常合理，難怪如此受歡迎。見到同場唔少人都有點炒烏冬，下次定必要試試。店家服務親切，大力推介！#鉄皇子小賣所 #鐵板燒 #太安樓美食 #big_big_foodie #big_big_foodie食勻西灣河#big_big_foodie食勻香港 …查看更多

今日嚟到太安樓搵食就畀這間香氣四溢鐵板燒店舖吸引了過去鐵板牛肉丼58蚊仲有一啲牛牛小食落單之後可以企喺出面等雖然係好熱但係覺得好似睇緊師傅表演咁樣感覺鐵板燒嘅距離冇咁遙遠係食得起的高級菜雖然價錢係平但係絕對冇揸流灘厲害厲害鐵板燒牛肉丼飯面有很多薄切牛食過唔似平時嗰啲牛肉飯咁肥膩呢個飯係香口又重肉汁鐵板牛肉薄燒表面牛肉好似當飯嗰啲不過煮法有一啲唔同裏面有大量炸蒜同埋蔥睇住佢整真係唔使驚啲牛肉唔靚塊塊都色澤鮮嫩手法純熟得像表演，牛肉煎香放料再捲，一絲不苟覺得嗰個鑊鏟好神奇又可以做炒又可以用來切開牛肉卷見好多人都拎住一盒一口和牛粒，所以又跟叫一份牛肉粒好靚料， 肥瘦好均勻睇師傅整又唔覺得鐵板熱得咁緊要一落汁嗰個鑊氣，真係厲害遠遠都聞到和牛的香氣真係太鍾意鐵板嗰種吱吱聲除咗係色香味仲有視覺嘅享受和牛的香味係與眾不同店舖門口有枱仔可以立食餐廳街坊價錢食物質素高見到好多街坊都叫鐵板牛炒飯，下次會試一試這個…查看更多

最近在太安樓裡挖到一間讓人驚喜的鐵板燒。這家店由前萬麗海景酒店的主廚領軍，把酒店級的鐵板功夫帶進地舖格局，小小的空間藏著大火候。開放式鐵板檯面就在面前，師傅展現功架，面前鐵板突然火光紅紅🔥🔥加上劃刀、灑鹽，節奏感十足，就像看著一場近距離的表演，相當猛烈。1️⃣ 一口和牛粒🫎外層微焦，裡面粉嫩多汁，油脂香在嘴裡爆開，香氣和肉味的平衡剛剛好。2️⃣日式帆立貝煎得邊緣微脆，中間仍保留嫩滑口感，配上燒汁及牛油，滿口都是有層次的鮮味。3️⃣牛肉薄燒牛肉薄片不柴，吃起來帶點炙燒焦香，夾著蔥花與蒜片一起入口，香氣層次更豐富。要盛讚老闆非常慷慨，蒜片及蔥花落得極足，各種味道在口內爆發，極滿足！😋4️⃣招牌牛丼飯最後壓軸是主廚大推的signature 牛丼飯，鐵板香氣滲入米飯中，粒粒分明，每一口都混著牛脂、洋蔥與醬汁的濃郁香甜，讓人忍不住一口接一口。整體來說，鉄皇子小賣所的最大魅力在於價錢親民但質感不降，做到街坊價、酒店味。眼見不少街坊已是熟客，和主廚有講有笑，這是那種吃完會忍不住想推薦給朋友的小店。👍👍…查看更多

《鉄皇子小賣所》由元朗搬到西灣河太安樓，掃街別錯過。師傅係前萬麗洒店主厨，煮鐵板燒功夫勁，揮一揮鑊鏟就能煮出美食。今次嚟嗌左：✨️鐵板牛肉丼 $58大推💥米飯是採用珍珠米，牛肉味超香濃。而牛肉汁浸透飯中，十分滋味。✨️日本一口和牛粒 $58師傅煮時會用一埋火燒過牛肉粒，夠哂火喉。牛嘅肉質很有嚼勁，食得出係高質貨。✨️鐵板牛肉薄燒 $65薄薄嘅牛肉包著許多葱和蒜蓉，予以解膩。✨️鐵板汁燒羊架 $85冇羊羶味，油脂香均勻，燒到非常香口。✨️汁燒帆立貝 $58帆立貝新鮮厚用，淋上牛油醬汁，滋味無窮。📍鉄皇子小賣所 西灣河 筲箕灣道57-87号 太安樓地下 A54 A号鋪#鉄皇子小賣所 #西灣河 #香港美食指南 #太安樓 #一口牛…查看更多