釜山商會

食店空間大，坐得舒服店員面帶笑容，而部分係韓國人即時當自己快閃韓國食個晚飯🔅釜山商會豬肉湯飯 $111用豬肉、蔥蒜調整嘅湯底接近奶白香濃又甜，入面嘅豬肉片亦煮得軟腍用熱辣辣嘅湯伴飯，超正🔅釜山商會冷面 $109小編喜歡韓式冷面，幼身但又夠彈牙冷面配搭嘅涷豬肉片好爽口將五彩食材撈混，入口只係微辣但後勁都幾強🔅釜山商會海鮮煎餅 $139煎餅有一定厚度，充滿住魷魚、鮮蝦同香蔥邊邊位少少焦脆，點點醬汁味道提升小編想再惹味啲，就加咗少少泡菜

呢間係尖沙咀嘅餐廳好有韓國既風味，連店員都似係韓國人食物種類好多，比一般嘅韓式舖頭多前菜嘅種類都好多✅釜山商會豬肉湯飯湯底好濃郁，帶住啲豬骨味，味道香甜，用來做湯飯一流！ 豬肉片唔肥但滑嫩，再加啲香蔥同娃娃菜，又清甜又健康✅調味牛肉BBQ牛肉BBQ用嘅係靚牛肉，醬油醃得啱啱好，肉質又嫩又多汁。燒烤後有陣陣香味，甜甜鹹鹹嘅醬汁，食完一塊又想再食。✅釜山商會豬肉拌麵呢個拌麵啲麵條彈牙有嚼勁，豬肉片同醬汁夾埋一齊，好有層次感。再撈埋香蔥、紫菜、泡菜等，味道一流，辣辣地又好清新

呢間平民韓國菜餐廳，價錢親民。餐廳會先送上前菜小碟，包括泡菜、黑豆、薯仔絲、南瓜、炸紫菜粉絲卷、白蘿蔔等等，味道都幾地道。泡菜酸辣開胃，黑豆甜甜地，薯仔絲爽脆，南瓜綿密，炸紫菜粉絲卷香脆，白蘿蔔爽甜解膩。主菜方面，我哋試咗豬肉湯麵$105、石板烤豬肉$185同人蔘雞湯 $125。豬肉湯麵清清地，麵條爽滑。石板烤豬肉配生菜同醬料食。人蔘雞湯夠多雞，湯底糊糊口感，啱晒唔鍾意太濃烈人蔘味嘅朋友。湯底暖胃。

雖然我仲有幾日就去釜山，不過我都想係香港試一試香港版釜山食物先，咁到時去到就有得對比下嘛。呢間餐廳新開係韓國街，面積都幾大，入到去播曬k pop，店員係韓國人，係我對面又坐左成檯韓國人，我都真係有一刻覺得自己去左韓國 🤣。現做辣炒年糕（$228）呢鍋野有d似部隊鍋，有年糕、韓式魚蛋、腸仔、半個公仔麵，重點就係中間嘅韓式辣醬，成鍋野味道嘅靈魂，店員會幫手煮，唔洗驚自己手殘煮得唔好。釜山豬肉湯麵（$95）、釜山豬肉湯飯（$97）呢兩款係佢地招牌食物，所以一次過就試曬兩款！白色湯底煲到奶一樣，飲落好香濃，我覺得豬肉湯飯個湯比湯麵更加出色，入面加左唔少韭菜，多左一重韭菜香，豬肉用上五花腩，食落唔肥又保留到五花腩嘅香，果然係招牌菜。📍釜山商會 (尖沙咀)尖沙咀金巴利道79-81號金栢閣地下A-C號舖。

釜山商會(Busan Sanghoe)位於尖沙咀金巴利道，主打釜山傳統料理🤭🤭餐廳裝修簡約，像是進入了釜山小店的一樣🤭🤭先來六款韓式前菜…有泡菜，粉絲等..和黑色一粒粒嘅豆第一次食又幾好食😂釜山商會豬肉湯飯…湯底好濃郁，又熱辣辣上枱豬肉口感有彈性..伴飯跟湯一齊食👍釜山商會冷面…店員溫馨提示一定要Mix一齊食，而且係一啖麵一啖豬肉片好好食🤤🤤牛肋條肉BBQ …已經醃咗好入味跟生菜一齊包住食好好食，而且係店員幫忙燒烤的👻

路過看見這家餐廳，看見餐單好像比一般韓國餐廳不同便進來一試。Ordered 醬油蝦飯，跟釜山商會豬肉湯麵。醬油蝦非常鮮味，飯有用醬汁煮過，豬肉湯麵，味道非常清新。店員都非常熱情！服務非常好！

最近學跳舞識咗一位韓國朋友，上完堂之後，佢特登帶我黎呢度食韓國菜呢度空間感好大，設計好有格調，座位舒適寬闊，餐廳都係由韓國人主理，夠晒正宗釜山豬肉湯飯濃濃的豬骨湯呈現奶白色，都係由廚師們每日清早起身長時間燉製而成，睇落好似好清，其實好濃郁嘅豬骨湯，用石鍋上仲特別熱添，嚟緊冬天啱晒釜山豬肉湯麵同樣用上濃郁豬骨湯，d幼滑嘅麵條吸晒啲豬骨湯，如果加少少辣更好味板燒豬肉豬肉不是薄切，有厚度，肥瘦相間，燒得好靚配埋醬料蒜片一齊食，口感層次豐富

終於裝修完lu~原來係一間韓國料理！都好大間，見到係韓國人主理～諗起近排嘅廚師比拼即刻入去食吓先🤣每一台都有呢個天鵝紙巾，好搞笑🤣佢送嘅前菜同平時嘅韓國料理有少少唔同，好豐富，有粉絲黑豆薯仔條泡菜等等～而且仲有少少和暖添🥰釜山豬肉湯飯🐷🍚不嬲都好鍾意食湯飯，但係好少食到覺得好好味嘅😗呢一個絕對會Encore！豬骨湯底有奶滑嘅感覺，雖然清清地但係又好香嘅豬肉味，果然係我足料熬製！有一種清淡而濃郁嘅感覺🤤釜山豬肉湯麵🍜兩者湯底應該係一樣嘅(?)但係我自己就覺得湯飯嗰個好似濃郁啲🤣呢個面好特別，有少少似拉麵嘅感覺好彈牙😙啖啖豬肉唔油膩幾香口～石板烤豬肉 🐷🥬豬肉肥瘦適中，外酥內嫩～加上醬汁包埋生菜食，惹味滿足另外都有多款韓式飲品同啤酒😎

🙋🏻‍♂️餓底探員去咗尖沙咀調查呢間釜山料理，餐廳由韓國人主理，環境闊落，座位舒適，更設有戶外座位，夠晒chill又有氣氛🥔前菜🙋🏻‍♂️表示個前菜係免費奉送，一盤裝住六小碟，有薯仔，泡菜，南瓜，炒粉絲等，薯仔加咗黑椒，味道特別，南瓜味道甘甜，最驚喜係有炒粉絲，食落好惹味🍜釜山豬肉湯麵 $99🙋🏻‍♂️表示個湯麵好大碗，份量好多，湯底呈乳白色，味道鮮甜，飲落有啲似雪濃湯，麵質幼細，口感滑順，豬肉香軟鮮嫩，充滿韓式風味🐖釜山豬肉湯飯 $97🙋🏻‍♂️表示個豬肉湯入面有香蔥同大白菜，配上白飯，個湯味道鮮甜濃郁，豬肉口感鬆軟，白飯吸收咗湯汁，味道更加香濃入味🐖石板烤豬肉 $185🙋🏻‍♂️表示豬肉用上五花肉，烤到非常焦香，口感香脆又有咬口，味道脂香，配上蒜片同青椒，用生菜包住嚟食再點埋包飯醬，食落清新又惹味，味道層次豐富📈吃貨指數😋好味度 8/10🔙返啅度 8/10

呢間餐廳環境舒適，地點方便，座位都多燈光浪漫昏暗，音樂好有情調，仲有好多釜山既環境相同圖片，我地坐低左，職員好快就送上配菜既前菜俾我地，共有六款，蜜糖蕃薯好特別，咸咸甜甜甘我地叫左一份鐵板燒五花腩配生菜，職員會燒好d五花腩再俾我地食，五花腩肥瘦適中，又唔會好厚身同肥，夾埋生菜食好夾仲有蒜香同埋辣醬，辣得過癮，另外叫左一碗豬骨拉麵，拉麵好幼身，湯底香濃豬骨味，份量都幾大碗，叉燒切片份量都好多鋪滿碗邊。

無意中喺OpenRice見到有間新開嘅韓國餐廳，主打豬肉嘅菜式，原來釜山嗰邊係主要出名豬肉湯麵同湯飯。因為媽咪唔食牛肉，所以嗰日我哋點咗鐵板燒豬肉、釜山會館豬肉湯麵同埋湯飯。鐵板豬肉肥瘦分明，肉味唔錯啲菜洗得好乾淨，亦都好新鮮！拼埋好好食！雖然湯麵同湯飯睇落好似冇咩特別，但食落去發現真係好好味！個湯瘦肉味道幾濃，仲有啲牛奶或者Cream嘅味道，勁好飲！我最鍾意就係佢嘅湯好清，完全冇油，食落去一啲罪惡感都冇，真係好舒服！真係超推薦！

尖沙咀不嬲有條韓國街比所有去唔到韓國嘅人過足韓食癮🥰今次經過見到有新餐廳當然即刻去試一試。餐廳個名叫釜山商會當然就係賣釜山最出名嘅嘢食，食韓國菜當然唔少得試吓佢哋嘅特色前菜6小碟前菜睇落同平時食嘅前菜差唔多，但係味道就的確有少少唔同。主菜我哋點咗釜山豬肉湯飯、肉湯的味道特濃，豬肉肉質鮮美，平時牛肉湯就食得多豬肉湯就真係比較少見。釜山豬肉湯麵，超多超濃豬肉味，而且食麵比食飯更加入味。最後仲食咗店員推介嘅龍頭山塔辣豬骨煱係釜山著名美食，豬肋骨豬肉配上精製濃湯、特製辣醬、新鮮蔬菜同埋勁多勁多勁多嘅芝士，非常邪惡而且份量夠晒四個人食。總括嚟講如果鍾意食豬肉嘅人一定會好開心，加上釜山嘅豬肉絕對唔比韓牛失色，值得一試🤤

跟朋友到了#尖沙咀 #金巴利道 搵韓食，見到呢度開左間#釜山商會 ，望落去餐廳設計精緻有特色，空間感夠大，便進入開餐囉，店員都是韓國人，猶如置身韓國食店中☺️。石板烤豬肉，已燒好的#豬肉 肥瘦相間，烤得微焦，熟度剛剛好，肉質爽實有彈性，肥而不膩，點埋韓式辣醬連埋前菜，夾入菜🥬一併食，又幾正喎。#韓國 #釜山 #豬肉湯飯 很出名，呢度都有得食，湯熱辣辣，豬肉新鮮夠彈性有咀嚼感，將飯伴入湯內一併食，暖胃又滋味，真的正呀💯。釜山豬肉湯麵，豬肉瘦的比例多，但亦很軟嫩，湯麵夠晒大碗🍜，湯比較清淡，麵質爽淋亦唔錯👍。

金巴利道又開咗多一間韓國餐廳! 今次試咗好多唔同豬肉嘅菜式🐷 有6種前菜, 包括泡菜, 粉絲, 南瓜etc. 好得意嘅鴨仔紙巾盒超搶眼!🦆 座位好闊落, 仲有啱打卡嘅neon light 同韓式裝飾! ————————————————食物:❆龍頭山塔的辛辣豬肋骨 $480Yongdusan Tower’s Spicy Pork Rib 辛辣豬肋骨肉質嫩滑! 店員會好細心咁幫你分開一嚿一嚿豬肉, 再示範點樣用芝士包住, 加湯一齊食😋 呢種食法唔單止提升味道, 仲令到每一口都充滿香濃嘅芝士味, 特別適合芝士控! 搭配一啖熱湯，真係好開胃❆ 石板烤豬肉（200g） $185Black Stone Sizzle Pork Belly BBQ 每一片豬肉都烤得香脆可口, 油脂恰到好處, 肉質鮮嫩👌🏻你可以用新鮮生菜包住啲烤豬肉, 咁樣一齊食健康啲! 生菜嘅清爽感可以平衡烤肉嘅油膩, 令整個口感更加清新❆ 釜山豬肉湯飯 $97Busan Style Pork Soup 會配一碗白飯, 兩樣一齊食好暖胃!🤰🏻湯底清甜, 豬肉味道十足食落去非常滋味~湯嘅清新感可以中和之前食嘅熱氣野，令個嘴無咁油膩👅

呢間尖沙咀新開🎊嘅釜山商會除咗有釜山🇰🇷地道食品之外，佢哋仲有啲韓西 fusion pasta🍝，感覺都幾特別。佢哋入面係輕工業風🛠️嘅裝修風格，店外仲有戶外用餐區添，🤩地方十分之大。六款前菜🥬各有特色，個人比較鍾意🌶️泡菜、粉絲同埋🥔薯仔絲。釜山豬肉湯🍲好香蒜頭同埋韭菜味，🍖豬肉入口好鬆化，飲落😊好暖胃舒服。釜山豬肉湯麵🍜嘅湯頭好清香，豬肉薄片🤤好嫩滑有啲似日式叉燒，🥢麵質好鬆軟充滿☺️麵粉香。侍應推介呢個佢哋🎊新出嘅醬油蝦意粉，係感覺好特別嘅🇰🇷韓西 fusion 風格，韓式嘅生醬油蝦🦐配上多汁勁濃醬油香嘅彈牙意粉🍝，充滿蒜香十分鮮味！