金麥泰泰國菜館

營業中

休息中

炎熱天氣食欲不振,必選開胃的泰國菜, 一想起食泰國菜必然到九龍城區食, 就來到金麥泰泰國菜館!.店地方整潔舒適。...首先點來開胃菜先【泰式生蝦剌身】 $98生蝦口感勁新鮮鮮甜,夾生蒜片及紅椒片一齊來吃,並釀點秘製少少辣泰醬,好滋味。..【泰式辣椒蒜蓉炒青口】 $88這大大隻青口夠鮮甜彈牙,而辣椒膏帶出微微鹹香,不算太辣, 十分滋味。..【泰式老虎笑】 $108泰式老虎笑就是燒牛肉不會燒得太乾太韌,約有6-7成熟,肉質鮮嫩多汁,可蘸酸辣秘汁,也是好開胃好味菜。..【泰式鹽燒鰂魚】$168切開外層被燶煙燒黑黑魚皮,展現雪白的魚肉,可單食魚肉嫩滑非常,或另可蘸點酸甜醬料,別有風味。..美食配美酒, 當然啤一啤酒呢!..最後免費送甜品好香甜椰汁糕,具濃濃椰汁香。

今日帶媽咪黎九龍城食泰菜😜哩間泰菜幫襯過好多次，但今次第一次帶媽咪黎，媽咪一入黎就話好有風味😊😊嗌左梅子明爐鳥頭，簡單又有泰式風味的一道料理，烏頭魚肉鮮甜可口，配搭香茅、南薑、酸梅、醃蒜頭等材料煮出來的湯頭，味道酸酸辣，一啖魚一啖湯👍👍菠蘿炒飯以半嗰菠蘿🍍，份量非常滿，炒飯除有菠蘿基底之外，菠蘿炒飯內裹有青口，提子乾，青豆，臘腸，波蘿肉等等，仲有果仁粒，吃的時侯有口感，整體不錯😊😊泰式炒椰菜苗，泰式一向都是我和家人的至愛，而這個更是回味無窮呢原隻大椰青，椰肉好多好滑，好清甜🥰🥰西米椰汁糕，是一道泰式甜品，濃郁的椰香，Q彈的西米，椰奶味道香濃，香甜卻不膩口♥️

今晚去九龍城揼骨，揼骨前同個朋友係附近食少少野先，黎到九龍城當然食泰國菜啦，於是係揼骨場對面食。鋪面雖然細細地，無乜點裝修，但勝在乾淨，坐得舒適。我地叫左個「泰式炸蝦餅」、「馬拉盞炒通菜」、「菠蘿炒飯」⋯「泰式炸蝦餅」，一上菜聞到好香口既味道，好開胃，蝦餅好爽口，再沾上泰式辣醬，簡直係絕配。「馬拉盞炒通菜」，好香馬拉盞味，可惜通菜有少少黃，但都無影響個味道既，「菠蘿炒飯」，每次食泰國菜，菠蘿炒飯基本上係必食，呢個菠蘿炒飯鋪滿肉崧，好豐富既材料，炒飯炒得粒粒分明。呢間泰國菜出品唔差，而且仲份量多，性價比高，幾抵食架～👍🏻👍🏻👍🏻

約左朋友收工食飯，朋友話想食泰國菜，我就提去九龍城食，始終都係泰國菜集中地。搵左一陣，就隨心咁揀左呢間。職員服務好好，價錢都好平，份量又大，性價比高。👍🏻食物質素好高，有正宗泰國既味道。😋冬陰功湯 小 ($75)呢冬陰功湯好啱我口味，小小辣過下癮。佢落既調味料都好足，好香好惹味。入面有2隻蝦，肉質嫩滑，好味道！👍🏻呢個冬陰功湯都值好高分。😁泰式炸拼盤 小 ($108)併盤包括炸蝦餅，炸魚餅，炸蝦春卷，炸芋絲春卷，香葉雞。全部都好好食，我最鍾意個炸蝦餅，外皮炸得好脆，蝦肉夠彈牙爽口，好味道！😋泰式燒豬頸肉 ($82)呢個燒豬頸肉真係不得了，超級超級好食。好有質感，而且有小小入口即溶既感覺，我最怕豬頸肉太難咬，呢個係做得好好，而且燒得好香。超級推介！👍🏻👍🏻泰式菠蘿焗飯 ($78)擺設好靚，有腰果，肉鬆，爽口蝦，同埋大量菠蘿！好香好入味，份量都好大。食到超飽。😁芒果沙冰 ($30)超大杯，芒果味夠，唔會好甜，好岩我口味。👏🏻咸檸七 ($22)

📍 金麥泰泰國菜館 ______每當媽媽想食泰國菜時，最簡單懶惰的方法便是去一趟九龍城吧。在大概五步一泰國餐廳，十步一泰國雜貨店的九龍城，芸芸76 家泰國食肆中，這天試了金麥泰。店子小小的在城南道一旁，一貫泰國餐廳樸實無華的裝修。 因只有兩人，便簡單點了泰式大蝦粉絲煲，蠔仔煎蛋和泰式柚子沙律再打算以一個芒果糯米飯作結尾，份量應該剛剛好。 當餐點陸續上場的時候便知道我們錯了，先不說味道單看份量，只能用一個「巨」字形容！嚇得我們馬上先取消芒果糯米飯，怕浪費食物。大頭蝦數隻如手掌大小，這個尺寸在香港並不多見加上滿滿的粉絲， 香口惹味。蠔仔煎蛋和柚子沙律也同樣如此，量大味美。忘記拍攝的大杯芒果沙冰也是新鮮現製，酸甜開胃，水準之上。二人捧着肚子離開也不過三百多元。不敢說金麥泰是九龍城味道最好的泰國餐廳，但肯定這是其中一間最划算的！______泰式粉絲焗大頭蝦 $198鐵板烙蠔仔 $88泰式柚子沙律 $58芒果沙冰 $30______📍 金麥泰泰國菜館 (九龍城)九龍城南角道34號地下

/金麥泰泰國菜館久違地嚟一次九龍城仿泰國之旅🇹🇭收工攰攰地去咗九龍城做泰式按摩，做完諗住喺附近食埋飯先屋企，見到尼間金麥泰泰國菜館都幾多人食，而家食物價錢都幾平，一於試試佢🤭餐廳位置都幾多，大部分都係適合多人坐嘅大圓枱同長枱，啱晒一大班人👍🏻不過，我最欣賞係佢嘅set menu，一張張唔同菜式配搭嘅照片，左上角寫住價錢，十分方便客人睇，而且由一百蚊去到千幾蚊嘅餐都有，一定揀到你想食嘅餐👍🏻最後揀咗一個五餸餐 $381🇹🇭泰式生蝦刺身一碟有6隻生蝦，有冰底托住，識落夠新鮮👍🏻🇹🇭冬陰功湯一個湯碗咁大足夠二至三人飲，味道偏酸有少少辣，入邊有好多材料，有三隻海蝦同好多雜菌😋🇹🇭泰式炸拼盤份量好大有五種炸小食，包括炸蝦餅、炸魚、蝦春卷、炸雞塊、炸糯米春卷我特別鍾意佢嘅炸蝦餅同埋蝦春卷，前者蝦餅肉好彈牙，後者嘅蝦春卷竟然係原隻海蝦🦐🇹🇭泰式燒豬頸肉呢條泰式燒豬頸肉起碼有20片🤩 豬頸肉肥瘦均稱，食落口唔會太靭但係都保持到豬頸肉嗰種咬勁🥰🇹🇭乾炒金邊河粉金邊河粉同樣都係好大碟，有啲豆乾、豆芽同蝦做配菜，河粉炒得都幾乾身，唔會黐埋一舊舊，但食到最後真係太飽喇，食唔晒🫠🇹🇭珍多冰最後嗌多咗一杯珍多冰，

星期三12點半原本想去泰金國食野，但發現當日休息，我哋即時轉場，係IG搵到呢間「金麥泰泰國菜館」有唔少好評，就決定去一試！去到食飯時間，但成間餐廳冇人都有小小驚，點知食落真係麻麻地🥲.▫️ 泰式老虎笑 $108（6/10）呢個其實就係燒牛肉，其實食落唔錯，只係其中有幾舊咸到飛起😨感覺係冇撈勻啲調味料.▫️芒果糯米飯 $55（3/10）等咗好耐，原來係因為啲芒果糯米飯啱啱整好，熱嘅上枱🥲感覺好似食緊飯，唔係食緊甜品，雖然朋友覺得可接受，但我覺得不能接受，同埋如果未ready好點解唔一早同我哋講，如果知道熱嘅一定唔叫😮‍💨.▫️泰式炒金邊粉 $55（4/10）好重茄汁味🫠同我平時食開嘅金邊粉好唔同，呢個親民價錢冇蝦都算合理，但份量比正常少，而且味道真係令人好失望，反觀最近係旺角食過嘅另一間同價位嘅金邊粉高質太多了….▫️芒果沙冰 午市套餐+$20（6.5/10）午市套餐價加$20就有(ˊo̶̶̷ᴗo̶̶̷`)朋友話味道正常.▫️椰青 $32（6/10）正正常常，不過第一次食到咁少椰肉嘅椰青.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b.

好姊妹話屯馬綫開通咗之後竟然冇搭過屯馬線😨 咁一於同佢搭去宋皇台睇吓文物、打下卡，再順便去九龍城食泰菜。今次係好隨機喺南角道搵一間黎試，揀咗金麥泰泰國餐館。 我同佢都勁肚餓，以為自己好食得🤭叫咗八樣嘢🤣-生蝦蝦上面都鋪滿冰粒，食落都好爽口。點埋個泰式汁，正晒。-雞肉生菜包呢個一上枱我就知道我哋嗌錯咗😅 我地應該叫豬，豬係肉碎，呢個雞肉係雞肉粒，味道唔錯，不過肉粒太大舊了。-豬頸肉沙律豬頸肉燒得少少濃邊，正‼️ 配菜有青瓜蕃茄拌埋酸酸辣辣嘅汁好惹味～-泰式蝦餅超級熱辣辣、香口，彈牙👍-串燒豬牛雞好香燒烤味，啲肉燒到啱啱好，啲肉唔會韌。-細冬陰功好足料又香濃，仲有3隻大蝦好入味好彈牙啊～-馬拉盞炒椰菜苗-椰汁糕好煙韌又唔黏牙又唔太甜。我哋今次太睇得起自己個胃😅，食唔晒要打包～ 埋單$60x.金麥泰泰國菜館 (九龍城)九龍城南角道34號地下

九龍城出晒名多好野食 全條街都係數唔盡嘅泰國餐廳 適逢天氣炎熱想食下泰國菜 就選擇咗呢間好評唔少嘅餐廳試一試🤪餐廳距離地鐵站超近 1分鐘內已經到達 好方便~ 環境方面 簡潔乾淨 係一般親民嘅泰國餐廳😊菠蘿炒飯🍍每次食泰國野都必嗌～呢間都係原個菠蘿上既，唔係間間都用原個菠蘿架！味道唔錯！即炒夠晒熱！入面有泰式臘腸粒同大量果仁肉鬆 正💯咖喱牛筋腩配薄餅🫓呢間既咖哩汁比較特別，偏泰式口味～未必個個食得慣～反而想大讚牛筋腩，炆得好林好香牛味，如果份量再多d會更開心😝薄餅係另外點既，反而薄餅份量比出面多，有3塊！好味😋生菜包🥬最出色係生菜包，食到停唔到！肉碎既味道好香口 仲有少少微辣 配埋新鮮既生菜係十分夾～👍🏼最抵讚係d肉碎冇嘜肥豬肉，岩晒我😃鐵板烙蠔仔🦪再叫左個泰式鐵板烙蠔仔🥰 一上碟已經好有氣勢 蠔仔蛋份量夠大之餘 連埋鐵板上 熱辣辣好有鑊氣 配埋辣醬食 夠晒鮮味 可以送幾碗飯🤣芒果糯米飯🥭見到個個都有嗌 必定要試下有幾出色～果然冇失望😎係即叫即整既熱雙色糯米飯 好香椰汁味🥥而芒果都好當造🥭超甜！一齊放入口簡直係人間享受💯總括而言 呢間泰國餐廳絕對推介 CP值高 味道地道 價錢又親民

想起食泰國菜，一定過嚟九龍城，今晚特意到訪一嚐網上IG見到的泰國餐館🍴多款泰國套餐，價錢相宜而且性價比高👍👍我哋今晚點咗$243的套餐：🔸泰式鳳翼釀珍珠雞翼炸得外層香脆，內裏釀入炒香冬菇糯米飯，沾上泰式甜辣醬，好味😋🔸泰式燒豬頸肉爽口彈牙、香口又惹味，正宗泰式燒豬頸肉！🔸泰式木瓜絲沙律地道的泰國菜式，味道酸酸辣辣，爽口又開胃。🔸冬陰功湯每啖都有濃郁椰香味，酸酸辣辣。除咗套餐，另外再加一個新菜式：香茅爆炸鯽魚$168賣相有點似避風塘炒蟹，不過換上全條起骨拆肉的炸鯽魚🐟，廚師用上大量香茅絲炸蒜爆炒魚件，令每口魚肉都充滿香茅蒜蓉味，送啤酒🍻一流。芒果沙冰$30/@即叫即製，大大杯芒果沙冰，透心涼。

今晚同閨蜜去九龍城嘅「金麥泰泰國菜館」食飯。😊😂❤️兩個人點咗三款菜式🐟🥬🐷同兩個椰青🥥。。。😋1️⃣泰式生菜包$68揀咗🐷，加咗泰式香料同辣椒，味道又香又辣，加上新鮮爽脆嘅生菜，好味😋2️⃣泰式明爐梅子烏頭$168烏頭新鮮，肉質嫩滑，配上薑、蔥、芹菜、秀珍菇，口感清新，魚控必點🐟❤️3️⃣泰式咸魚芥蘭$58鹹度適中，芥蘭爽口👍🏻4️⃣椰青兩個$64椰青水清甜可口，飲完仲可用匙羹挖椰肉出嚟食👍🏻最後埋單連加一$383！🤓價格好親民！

相信每個人心目中都有間九龍城必食泰國菜🇹🇭今次試下朋友介紹嘅💁🏻‍♀️金麥泰泰國菜館🥢泰式鳳翼釀珍珠 ($63)唔係好多泰國菜館有釀雞翼 所以見到一定會點😂糯米煙韌香軟 加埋冬菇超香雞翼燒得好香脆推介👍🏻👍🏻👍🏻🥢 泰式馬拉盞椰菜苗 ($67)每次食泰國菜必叫嘅椰菜苗🥬炒得爽口唔會太硬 馬拉盞香濃惹味 好吸引😍😍🥢 乾炒金邊河粉（$63）好足料、香氣十足炒得夠乾身好有鑊氣🤩金邊粉口感彈牙醬汁酸甜適中﹎﹎﹎﹎﹎﹎﹎﹎﹎﹎九龍城泰國菜館個人排行榜：🥇泰金國🥈泰發泰國餐廳 (九龍城)🥉金麥泰泰國菜館

Sawadikap太耐冇返鄉下, 好懷念泰國菜嘅香辣甜酸😋今日忍唔住即刻約朋友出去小泰國之稱嘅九龍城食泰國菜🇹🇭 係南角道有多間泰國菜館, 我地去咗金麥泰泰國菜館食, 佢由泰國華僑主理, 又出名平, 靚, 正! 重要係唔收加一👍🏻👍🏻👍🏻冬陰功湯(小) - $75冬陰功湯叫咗細碗🍲, 但個份量一啲都唔細, 我諗足夠四人份量 , 冬陰功湯有好多料, 有小小椰子香味, 有鮮菇🍄, 鮮蝦🦐, 香茅香味等。冬陰功湯冇想像中咁辣, 反而有啲甜味! 😋泰式雞絲湯河 - $35呢碗雞絲湯河🍜, 啲河粉好特別, 佢係一塊塊粉條, 啲雞好鮮嫩, 湯好入味! 泰式馬拉盞通菜 - $58泰國菜館必食嘅馬拉盞🌶️通菜, 通菜有蝦米 一齊炒, 我覺得好惹味, 仲要係幾大碟, 屋企真係煮唔到呢啲味道。泰式炸蝦餅 - $78炸蝦🦐餅份量非常之多, 有六塊, 塊塊都脹卜卜, 外脆 , 非常之彈牙, 仲好香蝦味! 配埋泰式辣醬, 真係好好食。 泰式串燒豬 / 雞 - $14, 牛 - $16豬, 牛, 雞各兩串, 串串燒得火候啱啱好, 唔會太乾, 食落都幾香口, 仲有佢嘅沙爹汁, 點埋一齊食, 好好味! 青檸梳打 -

金麥泰泰國菜館又係星期三夜啲當然係再去超市儲下貨啦，順便搵吓有咩好嘢食去到九龍城泰國菜，今次食嘅二間泰國菜館，佢哋出名多套餐選擇，絕對有一款套裝岩你$315套餐，今次同老婆食飯就點做呢個套餐，佢哋當中包括有泰式冬陰功湯、泰式拼盤、菠蘿炒飯、泰式串燒整體嚟講佢哋都幾出色，好有地道泰國風味，尤其係冬陰功湯，辣味十足芒果沙冰另外芒果沙冰絕對係冇得彈，連老婆都鍾意飲埋佢哋少甜真係可以做到少甜嘅效果，而且芒果味重喺九龍城地方食泰國菜好多地方環境都唔係咁好，餐廳佢哋嘅環境幾舒適最緊要冷氣十足同埋食物環境質素都唔錯。係舒適情況下享受泰國菜絕對係禮拜中最好嘅一個完結

當天氣熱到無咩胃口嘅時候，你覺得食咩菜最適合？我哋覺得酸酸辣辣嘅泰國菜就最開胃啦！講到食泰國菜，第一時間走諗起有「小泰國」之稱嘅九龍城。九龍城嘅泰國菜真係由街頭到街尾十幾間，而我哋今次就選擇咗由泰國華僑主理嘅金麥泰泰國菜館。泰式柚子沙律頭盤就叫咗泰式柚子沙律，非常開胃！呢度嘅柚子沙律份量好多，又夠晒正宗，有花生碎、紅蝦仔、酸汁作調味，加上酸甜開胃嘅柚子，作為頭盤真係一流！冬蔭功湯酸而不辣，仲有陣陣椰香味，湯料有秀珍菇同大蝦。值得一讚嘅係店舖將煲湯嘅香茅隔走曬，可以放心大大啖咁飲湯。泰式馬拉盞通菜馬拉盞非常惹味，通菜脆口，非常有鑊氣。泰式串燒雞肉/豬肉/牛肉火侯控制得宜，唔會燒到啲肉乾爭爭，食落口juicy多汁，相當高質素。泰式青咖哩雞青咖喱嘅咖喱味香濃，送飯一流，惟份量較少，而且雞柳略嫌嚡口。泰式蝦羔炒飯呢個細炒飯，份量絕對夠2-3個人食。炒飯配料有肉鬆、花生、煎蛋、大蝦，每種配料可以因應自己嘅喜好去決定撈幾多落個炒飯度。略嫌美中不足嘅係蝦羔味唔算太出眾，但炒飯帶有微辣令人食唔停口。