金麥泰泰國菜館

週日晚上同朋友一齊嚟咗呢間泰國🇹🇭餐廳食晚餐🤣$68「泰式椰汁雞湯」：雞湯奶白色味道濃郁，裏邊仲有大量雞肉同野菌可以食，亦都落咗大量香料，包括香茅、洋蔥、香蔥、芫荽等🤣$98「泰式海南雞半隻」：海南雞拆咗骨食得好方便，亦都煮得夠熟但係又唔會太熟所以肉質好滑，而雞皮就仲滑，朋友同我都忍唔住食咗1-2塊雞皮🤣，仲有一小碟辣辣哋嘅醬汁可以沾雞食🤣$68「泰式肉碎生菜包」：自己用生菜包住啲豬肉碎嚟食，豬肉碎份量夠晒多，豬肉碎裏邊有瘦肉、肥豬肉、洋蔥等，用生菜包住嚟食，惹味得嚟有啲啲清新嘅感覺🤣$78「泰式蒜蓉炒椰菜苗」：椰菜苗🥬新鮮所以非常爽脆，泰式蒜蓉炒簡單好食🤣$32「椰青」：有清新嘅椰子味兼少少甜🤣$168「泰式鹽燒烏頭魚」：烏頭魚都幾大條，夠多肉，搽咗啲粗鹽喺魚皮上邊先嚟燒所以魚皮燒到硬硬哋，咁樣可以較為鎖住魚汁😋；仲加咗啲南薑、香茅、蒜頭喺魚肚裏邊咁樣既可以辟魚腥味又可以清香啲🤩；魚肉肉質鮮甜又夠juicy😋…查看更多

平常非常少來九龍城吃飯，剛與朋友們來到啟德體育園看比賽，雖然這裡也有不少食肆，但當然也想過來九龍城這邊吃吃出名的泰國菜，所以，選了老字號之一的「金麥泰泰國菜館」。因舊區重建，搬了過來現址，地方頗大，光猛潔淨，裝潢較時尚簡約，有別傳統泰國餐館模樣。看到廚師不時走出來，都是泰國人，出品自然正宗有保證。我們選了一側的卡位，比較闊落。大大本餐牌選擇十分之多，並圖文並茂，定價亦十分相宜。此外，有本小餐牌是套餐來的，組合也是十分多，我們就選了其中一款套餐，再散點兩款美食，足夠三人共享。套餐包兩杯餐飲，但只是基本熱飲，但可以升級為特飲、沙冰，我們就選了「芒果沙冰」（套餐+$20）及「椰汁冰」（套餐+$8），前者以芒果肉來打，味道濃郁，質感幼滑，超好喝；而椰汁冰亦很不錯，椰子味十分香甜，感覺清爽。先來個冷盤「泰式鳯爪」（套餐），鳯爪去骨自然吃得方便，味道酸酸辣辣，亦頗具辣勁，叫人吃得過癮，還佐以紫洋蔥及香芹，當作些沙律也可以啊。套餐包了個冷盤，所以，散點就選了一道小食「泰式咖喱芝士焗青口」（$78），一客有六隻，剛好夠我們三個分，青口之上放了好些泰式咖喱及芝士，吃來極為香濃惹味，而青口肉也比預期軟軟，不會又韌又難咬，好吃。選這個套餐都是因為這「泰式明爐梅子魚」（套餐），熱焫焫的明爐上枱，份外有氣勢，而且，條烏頭很大條，魚肉很鮮甜，很嫩滑，十分有魚味；加入梅子令湯底酸酸甜甜，醒胃好喝，而湯裡面還有些手打肉丸及蔬菜，很美味的一道明爐魚鮮菜式。套餐沒有包括主食，所以，我們點了一客「泰式椰青海鮮焗飯」（$88），單到外觀已是霸氣十足，陣陣椰香，份外吸引。裡裡有不少鮮蝦、魷魚、青口，最驚喜是混了清甜的椰青肉，再配上椰漿汁，令個飯吃來香香甜甜，甚為特別，而且別小看它，足夠3-4人享用。最後，當然來一道美味甜品吧，套餐就包了「芒果糯米飯」（套餐），除了帶有軟糯的白糯米，還加上煙韌的黑糯米，飯粒微熱，拌上香甜椰漿，這樣已很好吃，伴以清甜芒果肉，美味度提升幾級。不愧老字號，越晚越多客人，是實力的明證，地方闊落，招呼殷勤，價位又相宜，絕對值得再訪。…查看更多

九龍城最出名食泰國菜，今日同老公就去左間由泰國廚師主理嘅泰國餐廳食晚飯。餐廳空間大，卡座又闊又坐得舒服。到晚飯時間，客人越來越多，見到門外有客人等入坐，連外賣嘅人都多，食物質素有保證。餐牌選擇種類唔少，見到d相，樣樣都好想食。除左散叫，仲可以揀套餐，而價錢合理，仲要無加一添。最後我哋叫左炒菜、燒肥牛、明爐魚、船河同兩杯沙冰。泰式炒通菜：泰式係用蒜蓉、辣椒及泰式豆醬去炒，炒得碧綠，夠鑊氣，帶小小辣味，幾好食。泰式老虎笑 (燒肥牛)：燒烤味香，肥牛燒到七至八成熟，嫩紅色，入口一啲都唔韌，多肉汁，點埋旁邊泰式辣汁夠曬惹味。泰式遊船河：湯底非常濃味，豬肉入味軟熟，配料有紅蘿蔔、白蘿蔔、通菜、菇同芽菜等，河粉就用咗泰式寬河粉，整體材料豐富，寬河粉夠掛汁，幾好味。泰式辣椒檸檬魚：有三款魚選擇，我哋揀咗烏頭。老公唔食得辣，所以叫咗小辣。烏頭魚大條，新鮮，肉質鮮甜結實。醬汁帶少少酸酸檸檬味道，微辣，都幾開胃。椰汁沙冰：椰汁味濃，甜甜地，大大杯，夠冰凍。西瓜沙冰：少有沙冰款式，同樣大大杯，幾消暑。…查看更多

黎開九龍城，唔食泰菜好似對唔住自己咁，呢間係朋友帶我去，話係呢度開咗好耐，最近搬咗新舖。設有卡位，坐得舒服。裝飾唔係以傳統黃色為主調，但都有泰式感覺。打開餐牌想食嘅泰菜應該都有，泰國廚師主理。想食點酸辣凍盤，見到泰式鳯爪($58/細)，呢個份量岩2-3人分享。鳯爪爽彈，最緊要無骨好易食，加埋紫洋蔥及芹菜，開咗個胃了。有食當然有飲，誠意推介椰汁沙冰 ($35)，超夠椰汁味，仲有沙冰嘅冰涼感，一杯夠飲成餐。友人就要咸檸七($22)，正常發揮。菜都有幾種炒法嘅，要唔辣得黎又惹味嘅，就叫泰式炒椰菜苗 ($78)。真係椰菜苗黎架，入口夠嫩無渣，用泰式豆醬炒，偶爾食到蝦米，單食都唔會覺味太濃。呢客泰式辣椒蒜蓉青口 ($88)係友人提議，上枱後覺得性價比相當高。除咗配菜有青紅椒及洋蔥芹菜外，有成7-8隻大青口。話係泰式辣椒，辣度只係BB級，醬汁用黎撈飯超岩數; 青口肉厚味濃，食2-3隻都幾飽肚。呢個外型成個蛋糕嘅係泰式椰青海鮮焗飯 ($88)。頂層有肉鬆，再淋上椰漿，之下係椰青海鮮飯。海鮮類包括蝦，魷魚及青口，加埋椰青肉與飯一齊焗，有椰青清香及椰漿香甜，配海鮮係正確，成個焗飯份量足夠4個人食，超抵又好味。泰菜甜品時間，總離不開芒果糯米飯 ($58)，就算由曼谷機場上機前都要買盒返香港食。有我歡喜嘅白糯米，入口夠熱度又軟糯，淋上香甜椰漿，好食。本應對唔太黃色嘅芒果抱有懷疑佢嘅甜度，點知入口係超甜，我錯了，哈哈……..食物份量對眼，價錢絶對貼地，唔係食裝修，食到真正泰菜味道。…查看更多

之前都係幫襯開「金麥泰泰國菜館」舊店，但因為舊區重建，所以舊舖要搬去隔幾條街既福佬村道既新地址，原來餐廳已經營業左35年，今次搬舖，所有員工包括廚師都係舊店的員工，味道品質有保證。新店空間大左，可容納大約70人。生蝦刺身 $98蝦肉爽口，配上綠色辣汁，慾罷不能。皮蛋蝦餅 $78香脆蝦滑外皮，啖啖蝦肉夾雜皮蛋，配上甜酸醬汁，想不到味道很夾，蝦肉味道香濃，可一可再。泰式燒豬頸肉 $88豬頸肉煎得香口，如果醬汁可以再辣啲就好惹味了。泰式辣椒蒜蓉炒青口 $88青口好大隻，好厚肉，大約有8隻，好足料，唔係好辣，個汁好味，可以撈飯。泰式香葉肉碎煎蛋飯 $68蛋黃流出來配上白飯和肉碎一齊食，勁好食😋，肉碎味道夠濃。芒果沙冰 $35用芒果肉打出嚟，味道濃郁，果然係招牌飲品，必點👍🏻菠蘿沙冰 $35原來菠蘿沙冰都一樣咁好味，雖然味道比芒果味淡，但就有陣啖啖清香味，可以encore👍🏻…查看更多