金鳳大餐廳 (D2 Place TWO)

營業中

休息中

Whenever I need a quick steak fix, I think of Golden Phoenix. The sizzling on iron plate is simply irresistible. The restaurant has opened many new branches in recent years and today was the first time I tried the D2 Place branch.Tenderloin, medium rare, extra garlic, red soup as always.The fluffy bun was warm enough to melt the butter. HK style borscht soup had tons of veggies inside. Sprinkled some pepper to add more heat. Appetizing soup with balanced sweetness and sourness.The meat had been

係附近返工經常聽到有同事午餐去食呢間 今日終於有機會試試佢喇 午餐大概12:30過嚟攞位 大概等五至十分鐘可以入座 唔算等太耐叫左午市套餐 有豬扒加牛扒配薯菜 包湯，餐包同嘢飲 分量十足 如果覺得唔夠飽，可以將薯菜轉成意粉都得 牛扒同豬扒嘅肉質都唔會太硬 如果對肉質比較有要求嘅話，建議可以散叫午市套餐之外嘅扒 可以選擇唔同部位同事叫咗焗豬扒飯份量好夠 一個飯有兩塊豬扒 最後都食唔晒 呢個套完全夠飽建議喺附近返工嘅可以過嚟一試

相信好多想食港式牛扒的人都會食過金鳳，皆因金鳳算係港式扒房之中比較多分店的，而最新、最豪華的一間就係位於荔枝角D2 Place。是夜突然懷念起舊式鋸扒的滋味，就去咗就近的金鳳～柯打一份套餐，會跟送牛油餐包及紅/白餐湯。紅湯代表的羅宋湯，感覺比起其他分店來得足料，可能蔬菜分量較多，而且湯比較入味，質感亦比較濃稠。美國牛小排餐 $195熱辣辣的鐵板連同牛扒上枱，客人選擇蒜蓉汁/黑椒汁之後，店員將醬汁倒入鐵板，滋滋聲立即響起，醬汁亦因為鐵板的熱力而隨即散發開去，香氣十足，更令人飢腸轆轆。五成熟的牛小排入面依然粉紅，外面帶微脆之餘更沾到香濃醬汁，滋味非常。除咗牛小排之外，鐵板上仲有薯角及少量配菜，一份都已經相當飽肚。另外加生蒜是必須吧，令整份牛扒的味道更加昇華，無得輸！貴族牛扒（美國牛肩肉）$208入咗商場的金鳳裝修比較光鮮亮麗，門外牆上掛咗隻以霓虹燈砌成的發光牛牛。

呢間餐廳系D2 place，主打港式鐵板餐🥩，同朋友行街，咁啱經過金鳳，聞到勁大陣鐵板嘅煎香，即刻就忍唔住想入去試下😚🥩 貴族牛扒鐵板餐 （五成熟）金鳳有蒜蓉汁同黑椒汁揀，小編就揀左黑椒汁🙆🏻‍♀️ 上鐵板個陣有啲嚇親，塊牛排好厚，勁大份，小編同朋友第一時間都驚食唔曬。一切開，見到個顏色啱啱好，廚房控制個溫度控制得好好，切一細塊試下，牛肉扒保留了適度的嫩度，個口感嫩滑，每一啖都散髮出肉汁的鮮美，小編同朋友食到舔舔脷～懷舊鋸扒鐵板餐最緊要有香港特色忌廉湯配餐包勾起左細細個食港式鐵板餐嘅回憶，這道湯品濃稠豐富，入口滑順，忌廉的香氣充滿口腔。搭配著酥脆的餐包，完美地平衡了湯的濃郁口感，令小編感受返細個同屋企人一齊食鐵板餐的溫暖與滿足🫣🐟忌廉比目魚飯比目魚肉質鮮嫩，外層煎到金黃趣口，搭配甜甜地嘅港式忌廉汁，伴碟仲有啲翠肉瓜同紅蘿蔔，用港式忌廉汁個種甜而不膩嘅味道送飯，真系可以撈幾碗飯🥰🍹龍鳳檸檬可樂跟餐+ $16嗌咗呢杯特飲，帶啲微微的酸甜，仲有啲微嘅咸味，飲落口中和食鐵板嘅膩，又可以再食多幾塊🤩

同事生日，約咗佢去荔枝角金鳳大餐廳 (D2 Place) 鋸扒，餐廳以平民懷舊鐵板餐而聞名，分店遍佈各區，午巿和晚巿都座無虛席，每個客人枱上都有個熱辣辣扒餐。餐廳裝修雅致，也不會有鐵板常見的油煙味。扒餐包括：牛油餐包，餐包軟熟，塗上牛油更好味。餐湯（可揀羅宋湯或忌廉湯）忌廉湯綿滑香濃。餐飲：加8蚊轉左凍檸七冰爽清新加18蚊 轉雪糕紅豆冰用牛牛鐵板盛載上枱才由侍應加醬汁,可以揀黑椒汁或蒜蓉汁，我揀咗惹味嘅黑椒汁，倒下黑椒汁時咋的一聲，香味四溢，熱氣迫人，即使是高高舉起餐巾，鐵板餐的魅力依然是無法抵擋。鴛鴦扒餐有香煎豬扒和雞扒，可以一次過享用不同扒類，大大塊份量十足，肉質好嫩加上濃濃以醬汁好惹味。荷蘭豬扒餐：豬扒比手掌大，肉質軟腍適中，黑椒汁香辣。還加多一塊美味的煙肉。另外加18蚊就有大大碟香噴噴的炒意粉，好抵食。

好耐之前去過太子金鳳鋸扒，當時感覺良好，所以而家就有興趣再試……點知，唔愉快嘅經歷唔明白，侍應為何咁勞氣？客人排隊45分鐘， 坐低order嘅時候，仲要受氣店入面好嘈， 好多人傾偈，落單嘅時候，因為聽唔清楚侍應問題， 我麻煩佢 ， 講多一次， 佢就黑面大聲冇禮貌「塊扒， 碟上 定係鐵板上？」我自問係一個有禮貌嘅人，從來唔會大聲話人，我會唔該 前，唔該 後….所以呢， 呢位侍應我真係唔知佢， 發咩神經？鍾意搵d 客人，出氣？講返食物水準， 牛扒叫6 成， 過熟….嚟到張枱，放入口，感覺已經係8成舖頭冇水吧，係侍應整飲品，勁難飲，凍奶茶只有甜味，冇奶味我呢一世，唔會再幫襯，我感覺……貼錢買難受

6pm食飯，餐廳無人，只有職員落場食飯休息到7pm 眼見已有幾人拎飛等位環境尚算乾淨服務態度果然一般般首先叫入座個位長髮便服女職員再到 有制服的短髮女職員落單再由上餐的 胖男職員全部都黑口黑面 語氣重 放野大力眼見另一位後生女職員 一次拎3杯檸茶去隔離枱，隻手掂到杯上的冰食物方面，叫咗個 西冷牛扒餐7成熟食落啲牛 勁淋 淋到好假羅宋湯正常，有微辣$138

最近夜晚去試過 餐品中規中矩 唯獨有一位年輕女服務員給人不愉快的用餐體驗 不要求五星級服務但能不能認真對待工作 問個餐飲問題好似要點樣你甘。。。又冇回答又黑面 服務態度太差 相信佢d同事都覺得佢難頂 年輕人做得服務行業可唔可以對客人態度好d 成餐飯比你影響曬心情💢 真系特意來寫下這篇評論希望有機會可以比當事人睇到自己反省下啦 相信佢平時自己出街食飯都唔希望遇到d甘嘅服務員💁 最後吐槽一下套餐甜品和沙拉 沙拉🥗只有幾片葉子 甜品系啫喱

服務態度差員工黑口黑面，情侶二人唔使嚟食，因為永遠都唔會叫你入座，枱只會比四人同六人入座，因嫌你人少賺得少，牛扒有雪藏味，七成變全熟，薯條又迵燶又爛哂，食食吓又叫你轉枱俾佢可以叫4人入

由於自己唔食牛所以通常去到都係會選擇鐵板雞扒，或者雞扒沙律但係由於琴日未瞓醒費事食太油膩所以叫咗雞扒沙律塊雞扒係脆卜卜入面勁多汁食金鳳，最緊要係個白湯琴日仲要係南瓜白湯好開心

好耐冇去D2place行街，路過見到金鳳轉左新裝修（定係我太耐冇去😂）幾是正舒服，就入去食晚餐🥣 位置都幾闊落舒服，就算鐵板好大煙都唔會好大味。牛柳餐 （蒜蓉汁&生🧄）兩大塊牛柳加上爆多蒜蓉再加蒜蓉汁，好癲狂🤣🤣不過鍾意食蒜的真係會覺得好正😍😍☺️超香口😋 牛柳都好軟又有牛味，5成熟啱啱好，鐵板燙完後都唔會太熟🤣帶子西冷牛扒 （黑椒汁&生🧄）呢個係每月晚餐set，包沙律🥗同甜品，就叫左一個試下😜西冷牛扒都係五成熟，加黑椒汁又係另一種風味😋陪埋生蒜又係一絕☺️☺️牛扒肉質頗嫩夾埋汁食都好juicy👍鐵板餐嘅牛算係咁啦😊帶子大大粒👍呢個餐比嘅係薯格，變得焦香，雖然霖晒不過裹著啲汁又幾好味😂跟餐嘅甜品係啫喱配埋淡奶一起食都唔錯，啫喱唔會死甜good👍羅宋湯味道不錯，而且有大量蔬菜🥬正😋呢間連鎖鐵板餐來講，食物質素同價錢都成正比的😆平平地鋸下扒都不錯☺️

點解要人坐出面,入面有人2個坐4個坐,成隻四眼金色頭髮阿姐好冇禮貌 ,唔比坐入面人哋唔食走,仲講走噤走,好好服務態度,唔想做生意可以照唔招呼尖沙咀果間忙,但老闆好好人,金鳳 失望

午餐有牛油餐包，個包都暖暖地，西湯(羅宋湯或忌廉湯)，飲品，凍飲不用加錢，好開心，免加一服務。叫左午餐A$68，洋蔥汁牛肩肉配薯菜，薯條好多，睇落比較油，牛肩肉都幾淋，食唔到鬆肉粉味，嚟到已經切好晒一舊舊，份量正常，如果配飯或意粉會好飽。我見隔離枱叫意粉，個碗意粉係滿滿一碗，見到都飽左😆。確實係懷舊餐廳，個洋蔥汁係茶記味道，牛肩肉都係茶記水準，不過不失。2點後叫午餐有9折，唔使加一，有八達通付款，埋單$61，對得起呢個價錢丫。

突然好想食細個讀書時候嘅西餐，就約咗朋友響佢公司附近嘅金鳳大餐廳！中午人比較多，要拎飛等位，好在我哋錯鋒去，兩點鐘陸續開始捚單。等咗十零分鐘有枱！本來一心諗住食鐵板扒餐，不過見佢有lunch set 比較抵，又擔心自己食力唔夠，所以最後都係要咗個lunch set 蒜蓉牛扒，朋友就揀咗雞扒！首先個餐湯羅宋湯味道好濃，完全仲係細個時嗰嘅味道，飲第一啖就兒時回憶返哂嚟，好好味，不過咁重口味嘅嘢而家只能偶一為之了😂 個蒜蓉牛扒個汁都好好味，牛扒當然係薄身嗰隻所以也沒有幾分熟嘅需要，全熟但口感又唔鞋就當然係處理過啦，好在也沒有弄得太淋，仍然保留適度嘅咬口。朋友個雞扒望落都唔錯呢度唯一係地方唔大，枱與枱比較密，中午人多時比較嘈，嚟食飯醫肚冇問題，要同朋友傾偈慢慢嘆就唔適合了！

招牌牛柳餐..............................叫左5成熟啱啱好，切開中間帶粉紅色然後用鐵板熱力燒到熟透軟軟淋淋，唔錯。..............................另一塊牛柳略帶少少筋，有d 咬唔斷，但整體上唔錯..............................另外set 包括左餐湯，餐包，飲品。單純食左個扒黎講已經好飽個餐包最後都係食唔落🥲sad..............................