金鳳大餐廳 (中染大廈(8咪半))

營業中

休息中

今晚跟爸爸去了荃灣的金鳳大餐廳懷舊一下～食返個炸炸聲鐵板餐先。餐廳有多款唔同既鐵板選擇，有不同肉類，仲有唔同既肉類配搭，睇到d餐廳都流口水。仲要餐廳內好多食客都食緊熱辣辣鐵板，又香又炸炸聲，超吸引。點餐後，餐湯和餐包很快送上。紅湯白湯各有特色～而且仲大大碗架，又足料，又飽肚又滿足。餐包配埋牛油～最好不過。餐飲都是點了一些港式經典～熱奶茶～茶香奶滑。另一杯是凍檸檬水，檸檬水能一解肉類的油膩。正爸爸點了一客美式雜板餐～超豐盛呀，有牛扒、豬扒、雞翼、香腸、火腿。賣相超吸引同豐盛，完全勁飽肚，超多肉，岩曬食肉獸～店員送上鐵板後，隨即淋上黑椒汁或蒜蓉汁～炸炸聲又熱又香，香氣撲鼻，忍不住要開動了。每款肉類都勁大塊，又厚身又啖啖肉，超吸引，大滿足。而我則點了鴛鴦扒餐，有雞扒和豬扒～都是超巨大超豐盛，十分好吃。肉質又啖啖肉又濃肉味，超正呀。多汁肉厚。食到停不了口。

家姐生日 問佢想唔想食牛扒佢話想 我話要唔要環境呀？佢話唔洗啦食啲平民啲既牛扒就ok於是就決定帶咗佢去呢一間平民價錢又有小小環境呢個價錢食呢啲牛扒 🥩高質👍🏻👍🏻📍羅宋湯辣辣地 好開胃碗埋個餐牌 好食📍帶子牛柳餐好厚既牛柳 我地叫左7成熟切落已經好淋 加上個鐵板好夠熱切開左之後再兩邊個煎一煎個熟到岩岩好 好正🤤📍帶子西冷牛扒兩個餐我地都揀左帶子大大粒 好鮮味西冷牛扒肉質嫩滑啲同埋肉味重啲咬落去感受到肉既多汁 一樣好食🤤總括黎講兩塊扒都好出色溫馨提示：記得要加蒜呀👍🏻牛扒上面再加生蒜，簡直係成塊扒嘅靈魂😍

黎開荃灣，響愉景新城 附近啲中染大廈，地舖就有間扒王入去點了個西冷扒餐試試環看四週 牆上寫著 1969， 難道這間老店比我還要歷史悠久?!左邊則畫有牛的不同部位點西冷扒好吃的地方，在於待應會問你幾多成熟我今次就要"medium well" 即系大約七成熟啦以前響酒店啲扒房食開 學左幾句依家拋下書包：blue rare 全生/ rare一成熟/ medium rare三成熟/ medium五成熟/well done就全熟下次約埋女伴去，就記得用上這些英文喇很快，扒來了，待應還親切地問要蒜蓉汁還是黑椒汁，於是熱騰騰的汁就在您面前倒下去當即成為全場焦點，哈哈記得要找條巾去擋擋熱滾滾的汁啊切了一塊 連埋滿滿的蒜蓉入口，果真是肉裡呈粉紅 功架十足的扒王熱騰騰還伴上薯條，這個時間如果想凍食，就可以好像我這樣塗上凍凍的牛油在餐包上，又有個餐前包凍凍肚 開開胃當然還有傳統的羅宋湯相伴，這間店還有看起來很像點唱機的東西是次午餐因為件扒太好吃，未有太多心思去研究這部東西不過整間店空間感夠大，同時也有不少食客在吃午餐正值午餐時分，中染大廈上面的OL也陸續下來吃飯餐後飲埋杯凍奶茶，滿滿的飽足離開荃灣扒房之選，

重新裝修後第一次去，等緊位嘅時候發現上面天花板冷氣機好污糟。 啲塵大大堆， 一嚿嚿積住，仲有少少慢慢飄～飄落嚟，坐下面食嘢都幾驚。食物質素和員工服務跟以往一樣沒有變，食物抵食夾大件😋， 價錢公道。裝修後入面房變得更加多座位， 坐得更多人。

多年前曾經去過灣仔的金鳯食晚餐，咁啱今次探訪朋友及介紹荃灣中染果間食下午茶，一口就答應。去到咁橋午餐可以食到5pm，又咁啱係可以食下午茶餐，各人各有各喜好。遇上我朋友有時會有選擇困難症，所以美中不足係叫餐時有個年長的人士好唔耐煩的吹叫乜嘢，令到我朋友非常之尷尬，急急叫了三個餐及叫佢轉頭再過來。落單時又要每人先落食什麼食物後才一個一個落飲乜，怪怪的。送上食物時，有年輕人送多咗一個湯及麵包，我哋立時話比佢知應該不是我哋的，但年輕人回應多給你們吧（大家都覺得年輕人有善D）！點知一陣兒，年長的用比較重語氣話我哋係咪加湯及包，我哋立時回答是年輕人送的，但我哋都覺得語氣使唔使咁火滾（今時今日不是要提倡禮貌運動啊）。至於食物方面，全是熱的，牛扒鷄扒全是煮得洽到好處，味道唔錯加分，只係朋友話鷄脾比較咸而已。整體食物滿意，服務方面有代改善。店舖乾淨企理，坐得舒適。

外賣了兩份早餐，講解自己的三文治早餐，蛋治配熱齋啡，我在OpenRice app上備注了咖啡是轉熱齋啡，店員自己睇到我的備注已經幫我自動轉了齋啡，10分細心。蛋治的蛋唔會因為擺放得耐而令到麵包濕淋淋，所有嘢都好企理。另外一份是火腿公仔麵、粟米炒蛋配熱檸水，這間餐廳已經會自動分湯，唔需要擔心再加錢，發現蛋的顏色比以前黃，可能轉咗其他國家的雞蛋，味道香濃比原定取餐時間早了1分鐘已經準備好，所以一去到即刻攞得👍🏻

我同朋友就選擇咗食鐵板餐。今日買完家品之後就嚟樓下呢間金鳳大餐廳呢間餐廳專食鐵板，我就揀咗個牛柳鐵板餐，朋友就揀咗個羊扒鐵板餐套餐配有餐湯同飲品，我哋分別點左經典嘅紅白湯各一等食物期間就留意下呢間餐廳嘅懷舊設計，連員工都係著懷舊嘅格仔衫，好快湯就同埋鬆軟嘅餐包一齊送上，係以前細個飲開嘅味道，夠曬經典，羅宋湯好足料！鐵板餐好快送上，我哋都係揀咗蒜蓉汁，每次見到店員倒汁都覺得好治癒，聽到熱辣辣滋滋嘅聲音！牛柳點左4成熟，非常之嫩但係佢又唔會好似其他茶餐廳同冰室嘅扒咁樣用鬆肉粉醃到冇曬肉質口感，食落都好有牛味，肉質真係好嫩，鐵板嘅好處就係可以熱住塊扒，想熟d又可以，好好食！朋友都大讚羊扒餐都好好味，佢點五成熟同樣非常之嫩口而且味道濃郁，鐵板令外皮煎得更香，味道更濃，熱住食嘅羊肉更加好食，唔會變得太酥。肉嘅份量十足，搭配埋經典薯菜，真係非常滿意嘅一餐。

大家好今晚去了荃灣中染大廈的金鳳大餐廳我之前己經去過位於太子既總店食物品質都唔錯今次過來荃灣店食美國德州頂級西冷餐和金鳳皇牌焗豬扒飯 相比起總店 荃灣店坐得比較闊絡首先上餐湯紅白湯各點了一個羅宋湯有少少辣 蕃茄味都好濃郁湯都比較多蔬菜忌廉湯就比較Creamy同有粟米和紅蘿蔔餐包上枱時都係熱而且都幾鬆軟跟住就上美國德州頂級西冷餐汁料選了黑椒汁同照舊加埋蒜蓉這個餐都是鐵板上並且在客人面上淋黑椒汁都幾有儀式感西冷扒我點了5成熟切開牛扒都係差唔多這個熟度牛扒都可以保持牛肉既纖維感加埋蒜蓉就更加惹味牛扒餐仲有薯格同翠肉瓜伴碟吸收牛扒汁同黑椒汁更加好味跟住就係金鳳皇牌焗豬扒飯這碟飯是即焗都幾多芝士芝士焗到燶燶地比較香仲有好多菠蘿豬扒都算厚同埋己經切開一件件飯底也都有炒過有蛋香最後餐茶凍檸茶同凍咖啡都好正常而且凍飲唔駛加錢總結荃灣金鳳食物質數都同總店差唔多不過空間大好多坐得比較闊絡

真係今時唔同往日服務差 上菜急 以前都會一樣樣上 而家上完湯無耐就上野食 張枱好大張咩 真係趕客咁 ，我唔介意價錢貴與平 但我介意係咩都一次過上枱 真係令人反感 ，寧願食其他都唔貼錢買難受，食物質素月做月差

見到堂食咁多好評，於是在某外賣平台叫外賣。打開外賣盒，為何唔見牛扒嘅？哦！原來細件到一啖食完。豬扒係完全冇味，好乾身，很難入口。只有幾滴蒜蓉汁，連蒜蓉汁都咁寒酸。唯一只有餐湯係正常發揮。

今早到愉景新城看電影順道入金鳳吃個早餐。餐廳入口不在大街上，要從中染大廈旁邊的門口進入，有一大片玻璃窗可以看到街外，餐廳環境開揚，選了卡座，座位闊落。看餐牌早餐有五款選擇，不過價格不便宜，從40多元起。餐廳有最低消費每人要20元，吃一個餐就一定夠了。選了一份通粉配滑蛋，及牛油方包，熱奶茶。通粉正常發揮，煮得不過火，粒粒有咬口。仿鮑魚絲火腿都是一般味道，帶點鹹味。蛋炒得滑，野菌切片滿佈蛋面。牛油方包軟熟。奶茶用鍚杯保溫度十足，有茶味。早餐沒有什麼特別，正正常常的港式味道，食飽去看戲。

平日晚飯時段每次經過都會見呢度人山人海，有10幾個排緊隊絕不為奇。令唔算鍾意食舊式扒房嘅我，都在好奇心驅使吓試一試。我星期五6:00去到，都係啱啱好唔使排，入到去都好快滿座。幾乎每台客都係叫鐵板扒餐，四周香氣瀰漫。醬汁落入鐵板的「嘰哩窸嚕」聲四響，好有風味！難得呢度抽風良好，無乜油煙味。服務態度良好首先上菜的係是日精選晚餐。侍應會溫馨提示我地用餐紙遮一遮，又耐心解答我哋嘅問題，幾有禮貌。帶子軟腍香口醬汁方面有蒜蓉汁和黑椒汁。我揀黑椒汁，兩粒帶子上插有兩支金鳳小旗仔，幾得意，有啲似小時候去酒樓食甜品咁😆。帶子煎得唔錯，香口軟腍，不會過熟，咬下去有布甸感覺。😋西冷牛扒正常發揮塊西冷不太有肉味，不算肥嘅，亦唔會柴口，口感可以。不過呢款係精選晚餐，附送兩粒隻帶子，有沙律又有雪糕，都算可以一試。安格斯肉眼扒我朋友食安格斯牛扒就好好多，幾香，亦都幾Juicy，肉汁在齒頰間溢出，Tasty！雖然無帶子，不過都建議大家去要揀安格斯食。整體來說，算幾抵食。牛扒好大份，又有飲品，薯菜亦多樣，幾多翠玉瓜，有薯條或薯格揀。所以都推介喜歡食扒嘅朋友嚟。

聽朋友成日推介金鳳大餐廳嘅港式扒餐 終於嚟荃灣試呢一間😆金寶大餐廳嘅室內裝修都幾有舊年代嘅港式風味 用紅色皮整嘅梳化特別有感覺🤣餐廳都採用原有嘅員工落單同朋友嚟食 見到今日嘅每月晚餐套餐好抵 就決定嗌呢一個以帶子西冷牛扒為主食嘅套餐😆 $178 包晒餐包沙律甜品同飲品真係超抵🤣另外朋友就叫咗$202嘅美國肉眼扒套餐 另外再加錢配個超多人推介嘅雪糕紅豆冰首先係餐包同餐湯一齊上餐包同餐湯上嘅時候仲係熱辣辣重點係牛油完全冇溶到👍🏻 夾落麵包食外熱內冷超正😍白湯係正常水準 入面有紅蘿蔔同粟米粒～飲品方面 雪糕紅豆冰真係超正！紅豆一粒粒分明 甜度啱啱好😝個沙律入面有薯仔青瓜等等嘅蔬果都幾fresh！終於上正餐～職員會問你想要啲咩汁我哋就揀咗黑椒汁！另外本身加咗兩蚊加蒜蓉 個人覺得加蒜蓉味道更好😍一淋汁個鐵板即刻熱辣辣 本身套餐除咗有塊牛扒之外，仲有少少薯菜～兩款牛扒都叫咗五成熟西冷牛扒肉質好軟熟 帶子都燒得好香😍肉眼扒就相對肉汁較多😎 切開仲係得返少少紅 如果鍾意食生啲嘅建議可以食三成熟～ 同朋友share就係可以兩種扒都試到👍🏻👍🏻最後個西冷套餐仲包咗個雪糕😆個雪糕都幾滑身～ 啱啱好中和返鹹食

今日同朋友放咗工，響荃灣附近，諗住搵間餐廳食飯傾吓偈，於是上網嘅搜尋，見到好多人推介呢一間老字號，歷史悠久嘅港式鐵板板房，賣相好吸引，見到咁多人推介，讚餐廳食物質素好高，又方便，所以我哋就決定去試吓，估唔到真係好有驚喜，好開心識到呢一間餐廳，而且環境好舒服，空間好寬敞，真係好啱一家大細嚟食飯，或者傾偈，一對情侶都可以浪漫咁鋸扒，真係好推介呀，而且呢度嘅侍應服務質素都好好，好有笑容，而且好快手，好新鮮，全部食物即叫即整，侍應有親切感，好主動，所以我覺得呢間餐廳真係值得來呀，而且佢哋有唔同嘅鋸扒選擇，我好推介佢哋嘅香煎雞扒餐，每一餐嘅份量都好多，睇得出廚師好有心機，佢哋嘅餐湯同餐包都係好好食好好飲，佢哋仲有黑椒汁，蒜蓉汁推介，真係好好食，而且扒嘅份量都好好用，肉質鮮嫩，真係一定要嚟

同老公咁啱要去荃灣嗰邊做嘢， 轉好耐冇鋸個扒 上openrice睇下有咩好嘢。今日唔係好想試新嘢， 因為太耐冇鋸個扒， 唔想浪費咗個quota ，所以穩陣啲去金鳳。我哋係下午茶時間去，入到去原來佢都幾大座位都幾舒適唔會好逼。個裝修都幾有特色， 佢哋有下午茶餐都幾吸引，有焗嘢食（ 唔記得影相）, 最後我哋都決定食返我哋原本想食嘅鋸扒餐！佢喺下午茶時間都有折扣優惠。我哋嗌咗份肉眼扒餐， 跟餐都係會有餐包同埋餐湯。 有得揀蒜蓉或黑椒汁。 味道都ok。都肉嫰無根。