金鳳大餐廳 (中染大廈(8咪半))

營業中

休息中

蒜蓉汁西冷牛扒仔（$73）有餐湯，餐包，凍飲唔使加錢。羅宋湯同粟米紅蘿蔔忌廉湯夠哂熱，味道正常。餐包室溫，有牛油。凍檸茶正常。牛扒仔有兩件，夠哂腍身，肉味欠奉，靠蒜蓉汁提味。薯條脆身夠熱，沙律菜正常但偏少。（之後見到隔離枱揀咗意粉，原來係茄汁撈意，如果早啲知就好了，好耐無食過）全日早餐（$72）有餐湯，餐飲，無餐包（可能因為有脆豬）。熱奶茶正常。份量同款式都多，有奶油脆豬（大個，脆口）、煙三文魚（上枱時無為意，原來無俾。當食咗一半時，望到餐牌先發覺，同員工講俾漏咗，好在有影相做證據，即刻後上俾返。有兩片卷成花）、碎蛋醬配美國焗薯（碎蛋醬加得太多沙律醬，偏甜，焗薯夠軟身，仲有炸煙肉碎）、扒蕃茄（有大半個，有焫過）、法蘭克福腸（脆皮）、牛乳炒滑蛋（炒得幾靚，半熟有蛋汁）、沙律菜（正常）。所有嘢嘅味道都正常，但大堆頭，五顏六色，睇見都開心。午市套餐不收加一服務費。

好耐冇食過鐵板餐, 今日特登黎同女朋友黎金鳳鋸個扒黎到緊係要食個雜扒餐啦，雜扒非常豐富，有牛扒、豬扒、雞翼、腸仔、火腿，仲有薯菜跟首先標配當然有羅宋湯同埋餐包，個包好軟熟，羅宋湯都好濃郁個鐵板黎到啦，我就揀左黑椒汁，食鐵板就緊係要睇佢jarjar聲，個鐵板夠熱，一倒汁落去就出曬煙，正呀三塊扒都煮得好好。牛扒外焦內嫩，肉質鮮美，豬扒嘅口感滑嫩，而雞翼就係香脆可口，味道香濃，真係一啖啖都好滿足！配菜方面有新鮮的蔬菜和薯條，薯條炸得金黃酥脆，搭配上牛扒，真係開胃又過癮。女朋友唔食咁大份就叫左鐵板牛柳餐，牛柳切得都幾厚，7成熟岩岩好，外面有少少焦香，內裡卻保持住肉質的鮮嫩，而且好有牛味，唔錯唔錯整體來講，金鳳呢間老牌港式扒房都keep到水準，兩道鐵板都好出色，無論食材同味道都好好，如果想食鐵板，呢度真係一個唔錯既選擇

金鳳大餐廳走的是港式懷舊扒房路線，讓人彷彿回到70年代的香港，非常有特式。我們二人分別點了牛柳餐和澳洲帶子拼加拿大肉眼扒餐，套餐包括有, 餐包配餐湯 (忌廉湯/羅宋湯)及餐飲，澳洲帶子拼加拿大肉眼扒餐還有沙律及雪糕。餐湯方面，我們分別點了忌廉湯和羅宋湯，忌廉湯濃郁順滑，羅宋湯則酸甜適中，都是非常港式的口味。主菜部分，牛柳五成熟恰到好處，牛柳厚切，外脆內嫩，肉質鮮美多汁，大推。帶子拼肉眼扒也是不錯，帶子鮮甜，肉眼扒亦十分夠份量。兩個主菜都配以薯菜，加上蒜蓉/黑椒汁，十分惹味。

黎得金鳳大餐餐廳，一定係食佢懷舊嘅味道，尖沙咀山林道係佢第一間，荃灣同埋山林道嗰間都有食過，我自己本身住荃灣，所以會過去八米半食。餐廳每一晚都好多人排隊，想食就預早少少過去穩陣啲，如果唔係可以上去商場行吓先，佢哋都好快有位。佢哋嘅雜扒好好食，不過今次想叫個海鮮焗飯加個魚柳條，佢哋嘅份量一如以往咁大份，個炸魚柳條新鮮炸起，佢哋個粉漿落得好少，入口好脆身，我哋推薦食呢個。之後叫咗個海鮮焗飯，鋪面嘅芝士好多，啱晒我呢啲芝士控，另外佢海鮮嘅種類都好多，有魚柳、蝦、魷魚、青口，總之鋪滿晒成個飯上面，同埋佢嘅汁都幾多，唔會好似出邊食食吓好乾，整體嚟講好滿意呢餐。

金鳳大餐廳呢間餐廳本身開左好耐，其實之前都食過，不過今晚想鋸下扒，所以過黎再食下。夜晚都算多人，好多都一家大細黎食，佢全部都係卡位，不過佢上菜都算快，所以唔洗等好耐。我今晚叫左個雜扒野，佢其實所有野食既份量真係好大，有個包同埋例湯，仲可以加多個餐飲。佢個包好軟熟，加埋鹹牛油好好食，個羅宋湯偏甜。個雜扒有雞牛豬火腿雞翼薯菜，配埋個蒜茸汁，好好味，啲肉唔似落鬆肉粉，都好淋，好好食，呢個價算平啦。外賣仲有9折

帶子鐵板牛扒餐呢個帶子鐵板牛扒餐真係冇得彈！一上枱就聽到鐵板「滋滋」聲，香氣撲鼻，令人食慾大增。牛扒煎得剛剛好，外皮微微焦香，內裡粉嫩多汁，入口即化，肉質好有彈性，油脂分布均勻，食落好有牛味。帶子亦都煎得恰到好處，外皮微微焦脆，內裡嫩滑多汁，鮮味十足。鐵板上仲有啲洋蔥、青椒同紅椒，增添咗口感同香氣。最正嘅係佢哋嘅黑椒汁，香濃惹味，同牛扒同帶子好夾，令人食到停唔到口。整體嚟講，呢個帶子鐵板牛扒餐無論係味道定係賣相都令人滿意，絕對係必試之選！美國德州頂級西冷餐呢個美國德州頂級西冷餐亦都唔輸蝕！西冷牛扒嘅份量十足，厚度適中，煎得外皮香脆，內裡粉嫩多汁，肉質好有彈性，油脂分布均勻，食落好有牛味。最特別嘅係佢哋用咗德州風味嘅調味料，帶少少辣味，令人食落更加開胃。旁邊嘅配菜亦都做得好好，薯蓉綿密滑溜，蔬菜新鮮爽脆，同牛扒好夾。整體嚟講，呢個美國德州頂級西冷餐無論係味道定係份量都令人滿意，絕對係牛扒愛好者嘅福音！羅宋湯及忌廉湯配餐包呢個羅宋湯同忌廉湯配餐包都做得幾出色！羅宋湯味道濃郁，湯料豐富，有牛肉、紅蘿蔔、椰菜、洋蔥等，每一啖都充滿住蔬菜嘅甜味同牛肉嘅鮮味。忌廉湯亦都唔輸蝕，湯質幼滑，奶香濃郁，

上次一個人系屯門食金鳳，覺得好好食今日系荃灣行街，又想再食鐵板餐，就搵埋屋企人一齊食！上次試過個貴族牛扒餐覺得個牛味好好食，所以今日都決定食一模一樣嘅餐！！我哋叫左：1. 貴族牛扒餐(3成熟)黑椒汁加蒜2. 貴族牛扒餐(5成熟)黑椒汁加蒜3. 凍檸茶走甜 2杯4. 跟兩個羅送湯同餐包一嚟就已經上咗餐包、羅宋湯🥣個餐包熱辣辣，配埋個牛油嚟食一流羅宋湯有好多料，好香蕃茄味辣味同埋牛肉香味👍🏻👍🏻1. 貴族牛扒餐(3成熟)黑椒汁加蒜2. 貴族牛扒餐(5成熟)黑椒汁加蒜貴族牛扒，即係牛肩肉，同上次食一樣咁好味，佢肉質好腍，而且好香牛味又冇筋❣️雖然要俾錢加蒜，但加咗算真係香好多！牛扒底下仲有薯格，同埋蔬菜間鋪啲店員全部都好有禮貌，姐姐又好體貼咁拎紙巾俾我

是日元宵佳節，迎來蛇年第一場春雨。倍感浪漫。元宵，咁同女友去邊度食飯啊？酸菜魚？打邊爐？冇頭緒係正常㗎。相傳元宵佳節，啲大家閨秀都會喺屋企食完飯，先至出去 睇花燈俾人溝。所以傳統上係冇元宵佳節晚餐呢回事。………哎呀，講返金鳳。都半個世紀啦，要講嘅乜都講晒。都係嗰句，香港嘅味道，每隔冇耐總會跳起條筋食一餐金鳳。食嘅係佢個total package，打從遠處見到佢50年不變嘅招牌，夥計醒目嘅紅白格仔制服、Menu嘅Layout 字體、環境嘅燈光 …… 乾淨+四平八穩嘅餐枱 ……. 殷勤禮貌嘅夥計 ….. - 唔使諗，一定係羅宋湯。原生牛肉湯底，微酸小辣開胃。- 餐包軟熟，微暖，有質有量。- 沙律菜，新鮮脆口，上枱嘅時候仲係冰冰涼涼。- 蕃茄蓉大蝦意。好地道嘅童年回憶蕃茄底，酸酸甜甜，個汁開得好綿滑，佢哋用比較粗身嘅意粉。一啖咬落去，意粉同埋汁醬嘅比例好balance，口感非常好。大蝦佢哋用大頭蝦，蝦頭爆膏，蝦肉淸爽。- 鐵板帶子西冷扒。有質有量。呢啲真係50年不變。

金鳳係抵食夾大件嘅，荃灣中染呢間分店，午市係不停排隊今日食北海道牛乳滑蛋蝦仁拼豬手飯永遠都鍾意呢度嘅白湯，同埋熱辣辣嘅餐包，真係即刻開胃晒滑蛋蝦仁炒得好好，豬手原來已經切好幾件，一啖一啖食都幾滋味午市免費升級紅豆冰，絕對係無敵嘅， $62一個午餐，性價比無話可說啦⼁

7月尾嘅星期日同爸爸媽媽行完荃灣，就揸車去咗8咪半食金鳳，原來大廈嗰名係有段故事，大家可以上網查下如果有興趣。我哋三人，我要咗豬扒拼雞扒，淨菜底，份量大大份，味道正常嘅，係食懷𡚒，阿媽要咗帶子牛柳，隻帶子有啲生，比咗我食，帶子其實得個大，冇乜鮮味。老豆叫咗咖喱豬扒意粉，大大份適合大食嘅。我哋6點9到，開始要排隊，不過都比荃灣市中心嘅餐廳易搵位嘅。

好友香港傳統特色嘅西餐廳，真係好懷念，響荃灣竟然發現一間環境非常溫馨又懷舊嘅西餐廳，食物質素好高，而且服務都好好，有忌廉湯配牛油餐包，真係好懷念呢種味道，而且裝修都好有特色，而且見到好多人去幫襯，都知道呢間餐廳好有特色，同埋有質素，非常受歡迎，所以響荃灣嘅朋友，一定要泥試吓，佢哋嘅黑椒汁西冷牛扒真係好好食，煎得拍到好處，而且肉質非常鮮嫩，好有鮮味，而且香味婆比，加埋有白飯配餐，真係一流呀，而且佢哋仲有蒜蓉汁選擇，味道真係好濃郁，仲要推介佢哋嘅美式集扒餐，佢哋嘅集扒餐好豐富，有牛扒，豬扒，腸仔，火腿，真係好多款式選擇，而且佢哋嘅集扒餐咩都油，真係好啱一家大細去食呀，而且佢哋嘅牛油餐包都好有彈性，咀嚼起來十分滿足，羅宋湯都好豐富，非常足料，真係好正

今日叫咗個XO醬雞髀肉炒出前一丁.差評～～差評差評、、、超級差差差、、、好鹹。。。超級鹹。。啲面又一嚿嚿，硬嗮、叫左杯阿華田火都黎、、又無味又唔甜～仲要係得半杯野、有無搞錯，點食啊～～～～～～～～～～～～～～～～～～～～～～～～～～～～～～我平時好少俾差評、真係忍唔住要寫低…咁樣既水準都可以出嚟煮俾人食….真係😤😤😤😤😤😤😤😤😤😤😤😤😤😤😤

傳統港式西餐廳，環境懷舊又溫馨，真令人懷念。忌廉湯配牛油餐包濃郁嘅忌廉湯，湯質絲滑，奶香十足，搭配微熱嘅牛油餐包，令人食指大動。黑椒汁西冷牛扒仔 配白飯牛扒煎得恰到好處，外焦內嫩，肉質鮮嫩多汁。黑椒汁香氣撲鼻，微辣的口感恰到好處，配上白飯，簡單卻滿足。菠蘿燒汁烤焗蒜香雞髀拼法蘭克福腸 配意粉雞髀烤得外皮酥脆，蒜香濃郁，菠蘿燒汁帶出了一絲甜味，與法蘭克福腸的鹹香完美結合。意粉吸滿了醬汁，讓整道菜更加豐富。紅豆冰凍檸水

今日我和朋友去了荃灣行街，我們又想吃牛排，剛巧見到呢間餐廳覺得不錯，便決定進去吃晚餐。餐湯選了忌廉湯：忌廉湯口感絲滑和細膩，令人垂涎。牛油餐包：麵包柔軟而富有彈性，咀嚼起來十分滿足。羅宋湯：羅宋湯的味道豐富，甜菜的天然甜味與酸味結合，給人一種清新又充滿深度的口感。肉類的鮮美與蔬菜的清脆融合，每一口都能感受到不同的味道和口感。西冷牛扒餐（$150）：西冷牛扒的肉質較為緊實且有嚼勁，不像菲力牛扒那樣柔嫩，但有其獨特風味。西冷牛扒本身就有濃郁的肉香味，再搭配蒜蓉汁，能讓味道更上一層樓。招牌牛柳餐（$150):牛柳保持外嫩內多汁的口感，不會過於油膩或柴，非常好食。埋單總共$300，加一後$330，幾抵食，不錯。

同事生日，今天中午我們去金鳳餐廳慶祝🎂。為了不想等位，我們特意在12:00前到達，結果直接入座。一坐下，看到牆上有個1969牌，詢問侍應才知道，原來第一間分店是1969年開業，現在香港已經有多間分店了🤪。我點了黑椒汁西冷牛扒意粉，牛扒🐮外焦內嫩，黑椒醬汁香濃，搭配意粉，味道非常棒。我的同事則選了洋蔥汁煎豬扒拼火腿意粉，豬扒🐽的香氣與洋蔥的甘甜完美結合，讓人食指大動。午餐套餐還包括牛油餐包和紅蘿蔔忌廉湯，搭配飲品🥤🥤，真是大滿足。午餐套餐還包括牛油餐包和紅蘿蔔忌廉湯，搭配飲品🥤🥤，真是大滿足。餐廳空間寬敞，座位舒適。用餐🍝後，外面已經排起長龍，顯示它的受歡迎程度。下次我要找機會晚上再來試晚餐，很享受那滋滋作響的鐵板聲和煙霧瀰漫的氛圍，真的令人期待😋😚！