金飯館叄·零 咖哩·干炒牛河專門店

喺牛頭角憑著椒鹽豬扒飯贏盡口碑嘅炒飯專門店金飯館 最近喺港島灣仔開設第3間分店🤩 繼旺角金飯館2.0肉餅焗飯專門店，金飯館3.0就主打咖喱及乾炒牛河‼️ 餐廳將茶餐廳美食升級為新店推出3款新菜式，包括：古法焦糖乾炒牛河、咖哩蛋炒飯、自家製原粒乾鮑雞粒砂鍋飯，每款菜式都即叫即做，熱辣辣夠哂鑊氣🔥咖喱吉列豬炒飯 : 炒飯炒至粒粒分明，乾身又彈牙，佢哋每粒米飯都係被蛋汁完美包住🥚；而咖喱醬汁加入獨門配方🍛，用上泰式香料🇹🇭，味道會較為清新，帶點辛辣，撈飯食好刺激。吉列豬扒亦都好大塊又厚身，即叫即炸，炸到外層酥脆，內𥚃鬆化又可以鎖住肉汁，配埋燶邊半熟蘭王蛋🍳，夠哂邪惡😈古法焦糖乾炒牛河: 小店以創新手法加入焦糖作為調味製作岀呢碟乾炒牛河，入口帶甜香微焦但又唔覺得膩，份量亦好驚人，見到枱枱有叫都要打包😱 用上新鮮牛肉，肉質鮮嫩又唔會好肥；再加入泰式芽菜、蛋絲、紫洋蔥等炒香，當然唔少得燶邊半熟蘭王蛋，蛋汁香濃～砂鍋啫啫腐乳椒絲生菜煲: 以砂鍋啫啫烹製，鑊氣十足，好惹味～…查看更多

之前就喺牛頭角食過金飯碗 一直對佢嘅炒飯念念不忘 又平又有鑊氣又大大份 🫃估唔到而家開到第三間分店 蝦頭油炒飯🦐鑊氣十足！每粒飯都金黃香噴噴，蝦油嘅鮮味完全滲入飯粒，仲有彈牙蝦仁，大大粒蠔 ，上面仲有櫻花蝦，食落濃郁得嚟唔油膩。黑松露墨魚餅飯🖤墨魚餅煎到外脆內彈，墨魚肉餅好有咬口，黑松露醬落得豪氣，一上枱就聞到濃烈香氣，撈埋熱飯同焦香嘅蘭王蛋 實在太邪惡但好滿足😳佢嘅份量實在係10分驚人，絕對啱晒大胃王黎食 草豆quota下次就過嚟試佢嘅乾炒牛河😋金飯館叄·零 咖哩·干炒牛河專門店 (灣仔)灣仔天樂里6-18號恆安大廈地下D&E號舖…查看更多

乾炒牛河係粵菜嘅名物，喺香港任何提供粥粉麵飯嘅食肆都可以食到。牛河雖然廣為人知，但做得好嘅餐廳真係寥寥無幾。琴晚路經天樂里見肚餓，赫然見到一間自稱「乾炒牛河專門店」嘅店舖，就諗住一定要試吓。點知抱住希望入內，最終以失望裹腹。入座之後，點咗一客「古法焦糖乾炒牛河」、一客「蟹肉咖哩炒飯」。牛河一上黎，已經知道上當。牛河嘅色水偏淡，河粉表面暗啞無光，好似係冇落油炒嘅咁。牛肉係軟嫩嘅，但醃肉時間不足、底味欠奉。牛河入口好甜，分明係落糖太多。河粉軟爛，冇牙嘅老友記唔使戴假牙都可以妹得爛。牛河入面嘅芽菜、洋蔥、青蔥同牛河只係搭檯關係，完全冇香氣、冇口感，感覺係預先炒定嘅配料，落鍋兜吓就當爆鍋。呢碟牛河，真係一試難忘、再試火滾，水準絕對及得上工廠食堂、後街架步。開頭唔知點解牛河表面要加隻煎蛋，仲要係蘭王，試過先知原來蘭王煎蛋係遮羞布。咩「古法」、咩「焦糖」只係個名：你同佢玩認真，只係因為你太天真。傳統乾炒牛河，講求嘅係鍋氣，以高油溫爆鍋，釋放配料同牛肉嘅香氣，滲入河粉。用科學啲嘅講法，以高溫爆炒，促進咗Malliard Reaction嘅發生，豉油、牛肉入面嘅蛋白質轉化爲氨基酸，入口先會食到鮮香。所謂嘅焦糖，係兩個方面嘅追求：河粉表面均勻嘅焦糖色、糖焦糖化之後嘅甘香或焦香味，但絕對唔係甜味—牛河從來都唔係甜口嘅食物。洋蔥、芽菜、甚至韭黃係爲鹹口嘅牛河提供爽口的口感，以菜嘅鮮爽中和鹹味。至於個炒飯，我只能話佢地做到粒粒分明，但同樣係太乾，飯粒雅淡無光，入口好似食咗一啖戈壁沙漠咁。後廚唔知係咪為咗啲客食完個碟冇油，所以炒牛河炒飯儘量少落油。落油幾時落、落幾多，完全係基本功，要炒好河粉同炒飯嘅廚師都要識得拿捏。為咗個碟唔油而落好少油，令食物唔香，係斬腳趾避沙蟲嘅做法，唔係一間自稱「專門店」嘅應有水平。最後，我領悟到一個道理：呢個年代，只要你臉皮夠厚，尷尬嘅就係食客。…查看更多

聽聞呢度有沙嗲牛任食，仲要只係48蚊，於是特登去試下！閒日下午茶時間唔算好多人，一入去就有位坐。鋪頭好企理，好光猛，感覺都幾乾淨😀 落單之後等左陣，熱辣辣嘅沙嗲牛就煮好啦！😋 牛肉每嚿都好大塊，一碗入面差唔多有六、七塊牛，好足料！😆 而且每一塊都沾滿沙嗲醬同花生醬，食落勁惹味！😋 太陽蛋煎得啱啱好！燶邊得嚟個蛋黃仲係流心㗎！😋😋😋 麵底就正正常常，唔會煮得好腍～ 下午茶嚟講，呢個真係超級飽肚，我食到盡都只係食到兩碗😂 連埋男朋友，兩個夾埋都只係食左六碗（暴露男朋友食量😎） 為左避免浪費，所以鋪頭規定要食完一碗，先可以再叫下一碗，去食嘅朋友仔要注意呀～ 🫰🏻總結！超級抵食！性價比超高！係附近返學返工一定要試下😋…查看更多

聽朋友介紹，收工得閒就過黎食～幸運地不用排隊排長龍，很快就有位坐～一入到門口就問到旁邊位岩上台嘅炒飯，超級香😋😋就於是就叫了個蝦頭油炒飯【🔥鑊氣十足！一試難忘的完美炒飯】 炒飯一上桌就聞到濃烈嘅鑊氣，香氣撲鼻，瞬間打開味蕾～ 米粒分明金黃，乾身唔油膩，每粒飯都均勻沾有炒蛋，仲有小蝦米，真係鑊氣逼人食落啖啖有口感兼滿足。 如果鍾意食炒飯，呢度絕對係必試之選！滿分推薦🌟 然後仲有「金飯館3.0」嘅招牌 **古法焦糖乾炒牛河**，一上桌就聞到獨特嘅焦糖香氣混合傳統鑊氣，甜香微焦卻毫不違和，瞬間勾起食慾！ **鑊氣十足唔油膩**：碟底幾乎無多餘油分，河粉乾身分明，焦香邊緣帶微微脆口，證明師傅火候控制功力深厚！ 整體評價：呢道菜完美演繹「傳統與創新碰撞」！焦糖嘅甜香非但無破壞牛河傳統風味，反而提升整體香氣同層次，令人食過返尋味～搭配鑊氣十足嘅炒功同優質食材，絕對係「輕奢版」乾炒牛河嘅代表作！最令我難忘嘅系「蝦醬生菜鍋」就是鑊氣與濃香的極致合體！一上桌那股霸道蝦醬香氣就攻佔我地，鹹鮮濃郁中帶點焦香，真係未食先流口水～ 生菜炒得恰到好處，爽脆得嚟不失水分，掛滿濃稠蝦醬汁，入口先是鹹香衝擊，隨後鮮味同蒜香慢慢滲出，夾雜啖啖蝦膏香，邪惡但極度滿足！ 師傅功力深厚，火候猛而不焦，蝦醬均勻包裹每片生菜，鹹度調得剛好，送飯一流！熱辣辣上枱時滋滋作響，鑊氣十足，食到最尾都仲係暖笠笠～ 鍾意重口味嘅朋友必點！風味濃烈又夠鑊氣，絕對係白飯殺手🍚✨ 分量夠大，而且最近要價錢合理，真心贊&推薦呀…查看更多

乾炒牛河專家，去試下，叫咗個招牌菜「焦糖乾炒牛河」，盛惠港幣98蚊，嗰女侍應將碟嘢一上枱，面頭隻荷包蛋成隻瀡落枱面，嗰女侍應拿拿聲將碟嘢攞返入廚房，之後擺返隻蛋喺面，隻蛋賣相完全接受唔到，收咁嘅價錢，唔係嘩，忍唔到，叫佢換過隻蛋，第二隻，感覺好啲，好，開始食嘢，成碟嘢普通過唔普通，我覺得「太興」重炒得好食過佢，咁賣98蚊......無語！又踩坑！拿拿聲食埋佢，埋單，走人，無下次。第一次寫食食評，忍唔到，發泄下！…查看更多

咖喱炒飯底，可以一試。貴價乾炒牛河….有嘩一聲嘅價錢，但味道唔夠驚喜…而且鑊氣🈚️曬，上黎有d凍左了，感覺就有d伏，因為係餐廳主打推介，好易令人期望過高嘎！lunch time 人較多，但上菜都唔算等太耐。總體而言料係足夠的，份量都幾夠大，多人食可以share，一人份量夠曬飽⋯⋯但味道係偏甜，喜歡食甜的朋友可能就OK啦，但個牛河越食就越甜，感覺好奇怪呀⋯⋯😅😅😅，整體價錢都係偏貴了，應該唔會有下次了⋯⋯…查看更多

如果成世人只可以食一間茶記，唔使諗一定揀呢間🤣 乾炒牛河尤其出色，其他菜式都好正🙌🏻❝ 古法焦糖乾炒牛河乾炒牛河份量大得過分，餐牌張相細細碟，點知嚟到成座山咁高，差啲想舉報佢違反商品說明條例🙂‍↔️牛河炒得乾身香濃，醬汁滲入每條河粉，鹹中帶少許焦甜，加入葱花同蛋配搭又幾清新✨冇諗過自己會比一碟乾炒牛河驚艷到，但呢碟真係令人回味無窮！😋❝ 咖喱吉列豬扒飯吉列豬扒大到見唔到個飯🤣🤣因為掛住影相攤咗陣先食，本身仲有少少擔心凍咗唔好食，點知微暖依然皮薄酥脆，肉質軟嫩🤤 如果熱辣辣食應該再正十倍🔥仲有另上香濃咖喱汁，微辣中帶椰香，配上粒粒分明嘅炒飯底，真係會忍唔住食咗好多！🌶️❝ 沙嗲牛肉麵沙嗲湯底濃郁香辣，牛肉片薄而嫩滑，吸盡醬汁精華。下午茶時段仲有無限任添沙嗲牛放題（限時一個鐘），大胃王可以挑戰吓🤪❝ 砂鍋生菜煲生菜清甜爽脆，食得出係用靚料👍🏻 湯底溫潤，生菜吸滿砂鍋嘅濃郁湯汁，健康又暖胃的🥬❝ 慢煮瑞士雞翼相比其他菜式，瑞士雞翼就冇咁驚艷，不過依然好好食！如果乾炒牛河攞A+，瑞士雞翼都有A-🤣雞翼經慢煮入味，肉質特別軟嫩，而且每隻都好多肉，掂喎💪🏻…查看更多

咖喱海鮮炒飯味道可以，但係要等左至少半個鐘先有得食，入邊仲好凍。已經好早落單，但都等左成40分鐘先有得食。所以建議最好預留足夠時間，兩三人聚餐比較適合，一個人午餐就唔好去啦…查看更多

OT到20：00, 諗起依間新開嘅茶記，就決定嚟食個快飯； 坐低20：26， 用手機落好單就等嘢食，見好耐都唔嚟，問其中一個員工話炒飯要等耐啲，點知跟住見佢出餐，遲嚟過我嘅都已經有得食就係冇我份，已經好肚餓嘅我等到20：50忍唔住同另一個員工講，我只會等多5分鐘，唔嚟嘅可以唔洗嚟喇，佢先入廚房問話3分鐘有，跟住我真係睇住手機個鐘等，好彩佢冇呃我真係三分鐘到。講返我叫個飯---咖喱肉餅煎蛋炒飯，份量好足，兩個女仔食都夠飽，咖喱汁係另上嘅，個味偏咸，但因為另上嘅關係可以自己控加落飯嘅量所以都還好，味道就一般啦，冇螢光咖喱咁hea但都冇印度咖喱咁香，個飯就真係炒得好乾身，啱鍾意食爽飯嘅人，對我嚟講就有啲太乾，不過篤穿咗上面隻蘭王蛋撈埋就即刻好食咗，而個肉餅就好厚，可能因為要煎好耐先熟所以兩面都偏乾，裡面肉汁就無乜架喇，感覺似比較乾嘅漢堡扒。如果唔洗等咁耐，佢應該都係一個唔錯嘅選擇。…查看更多

之前一直都有食過，路過見到係灣仔都新開咗😝乾炒牛河牛河用料同鑊氣超足！牛肉一D都唔老非常嫩滑🔥咖喱吉列豬扒飯豬扒外皮酥脆摯愛佢哋家咖喱！！好送飯！！！😋瑞士雞翼雞翼好易脫骨，燉得好霖🤩瑞士汁一定要試下撈飯！！真係正到爆啊！…查看更多