金順蘭州拉麵

營業中

休息中

人情味小店屯門住宅區內既一間小店，食手打蘭州拉麵，當然仲有食人情味啦！幾年前朋友介紹之後就迷上了，每次都會叫三鮮冷麵，因為佢個汁酸酸地勁正，再加埋佢個辣椒油，perfect池！係夏天食，真心勁開胃！而火鴨絲冷麵都好味架，都可以一試！而牛腩湯麵又好味姐，湯底清得黎又入味，勁正，冬天食最岩暖胃！甜品一定要食返個豆漿薏米豆腐花，解晒膩，同甜甜地係全餐既點綴！Ps話明係人情味小店，老闆娘間中都會送下野，睇你好唔好彩啦！

屯門人介紹呢間蘭州拉麵店係屯門區數一數二小店代表，所以今晚收工收得早，就來置樂附近試試老闆手勢！早來的關係，仲有好多位坐，呢度麵店黎講絕對算乾淨企理，難得衛生清潔做得幾足！點了個煎餃子湯麵，湯底好清澈，清甜得來完全想飲晒整碗湯而且配合幼幼地又有咬勁嘅白麵條，小小蔥花，唔使餸都可以食成碗面，加埋五隻煎餃其實真係好飽，煎餃大大隻，豬肉同韭菜都落足調味料！我更加喜歡唔沾餃子醋，因為想食原汁原味嘅餃子。如果下次再來一定要叫串燒！支持小店！希望以後都食到呢種家的風味湯麵！

以為呢間係食刀削麵...點知淨係得拉麵。叫左個餃子拉麵。餃子係九菜餃, 幾惹味,幾足料, 幾大隻。麵唔知係咪自己拉的呢? 粗幼不一, 可能個湯完全無味....基本上個麵係只有少量鹽味, HEA 左D, 就算標榜唔落味精, 都可以自己整個湯底吧...豆漿是室溫, 有D 似大陸D店... 我覺得會好易壞, 雪下會好D...

今天行過這間蘭州拉麵店，肚仔正在打鼓，急不及待內進入坐。店內約有十多二十個座位。不論枱面、餐具、醬油樽，甚至地板也很整潔，店員更是一位溫柔的亞姨。想不到一看餐牌才發覺沒有甚麼平價拉麵吃。最後挑了差不多最平宜的餃子拉麵。餃子拉麵 $47 想不到自家製的餃子有韮菜和白菜豬肉兩種，每款有3大隻，豬肉與菜餡調味適中，肉汁鮮甜，蔬菜夠水份。餃子皮雖然略厚，但吃得出也是手搓的。相信也是自家製的拉麵，麵質爽滑中又帶點點嚼勁。湯底自然順喉，不知不覺間喝下了大半。店內差不多每位食客也會點拉麵再加凍/熱豆腐花。每人消費5O至60元不等。可見這小店很用心經營，而不乏捧場客。

呢間手拉麵店睇落細細地無乜特別 但佢地既拉麵係自家制 連湯都係牛骨清湯 好多街坊都會黎食下平日我特別會推薦佢地既什錦拉麵 因為包含曬佢地出名既配料 另外可以揀要幼麵定粗麵 幼麵就係平日上海拉麵咁 食落好夾個湯底 粗麵似刀削麵 口感彈牙一齊睇下呢碗什錦拉麵啦 有兩串好香既雞肉串 雞肉外皮酥脆 入面保持到滑滑既口感 另外雙丸有魚蛋同牛丸 兩者都好彈牙 水餃就係韮菜餃 好飽滿大大粒 極推薦 大家可以買生既返屋企煮架！不過如果鐘意食羊肉既朋友 可以食佢地既孜然羊串 十分香口但唔會膻味

置樂見到呢間蘭州拉麵小店，喜歡試新野的我，又黎試下先。拉麵加$5配的豆漿，豆漿偏甜豆味稍弱，也頗細杯。香煎蘭州餃子$33: 有驚喜喎，餃子隻隻飽滿大隻，剛剛煎好熱辣辣，外皮香脆但始終有點油，餡料調過味，肉和菜各佔一半，有肉汁，小心大力咬會爆汁，附上醋可點食。金順雜錦上海麵$58: 有一串雞、一串豬、兩隻餃子、魚蛋同牛丸，雞串肉嫩滑，豬串爽口，但有我不喜歡的孜然粉，魚蛋同牛丸都好爽蛋，但牛丸牛味頗弱，餃子水準不錯，我最期待的牛骨湯底卻令我失望，只有咸味，麵底是上海麵扁身的煙靭有彈性。腐竹薏米豆腐花+$8: 腐竹薏米糖水混豆腐花，意念不錯，好夾，有粒粒薏米，豆腐幾滑。

傻人又再出動，在屯門日間百無聊賴，四出亂踫，見到一間湯麵店，即被吸引。沒有想過拉麵的湯底是那麼清，幸有肉餃及蔥香，略可挽救一點。其中最特別之處是有兩串雞串燒，乾是乾了點，但浸入湯汁剛剛好，頓時滋味爆發，可謂在雞肉中吃到湯汁。精彩處其實是手拉麵，煙靭兼備，小人大愛。

其實我無寫過任何食評亦都唔識形容有幾好食你地聽。但我想寫嘅係一件充滿人情味嘅小事。希望大家支持小店舖。將人情味延續下去話說每逢唔開心，有心事嘅時候我就會想自己一個人靜靜地食個飯。今日剛剛收工9pm返到屋企樓下。突然諗起好耐無食過蘭州拉麵。我就係佢關門之前衝左入去(事實係當我叫左個麵之後佢就反牌休息😂)坐低，叫左個雜錦拉麵加豆漿(共64蚊)我就靜靜地自己諗下野，手機睇下野。因為食過既人都知道。佢地所有嘅麵都係即叫即整。保證客人食到係最熱辣辣嘅野食好味不在話下。我諗每日早上五點即拉嘅麵唔好食，依個香港都無咩好食。事情就係發生係俾錢嘅時候。就係無錢XD(返工返到完全唔記得自己未㩒錢)差4蚊。我話:唔好意思。我住樓上架，我上去攞返落黎俾你吖。老闆:唔緊要。唔洗急吖。下次你再黎食俾返咪得囉。依種人情味...我地係香港係愈黎愈少當我地密密麻麻去工作。去旅行。去為生活忙碌嘅時候。其實忘記左好多一直係我地身邊。好靜。好溫暖。好有誠意既小店。最後我返到屋企。無俾到個4蚊。因為我知道我好快又會再去食過。再慢慢感受下個種人情味。

呢間拉麵我食過幾次，絕對會食完再食，拉麵係個老師傅親手拉嘅，特別彈牙，佢最值得讚嘅係食店選擇唔多，但每一樣嘢都好食物，牛丸爽口、串燒肉外脆肉滑、火鴨絲絕對唔係平時茶記食果啲味噌火鴨絲，係好似係自己用鴨肉類僟似手撕雞咁手絲出黎，湯底夠熱仲食唔出味噌嘅味道，所以唔想出街食味噌的話，我多數會黎呢間食。老闆娘比較寡言，但係「人情味道」在於用心制作嘅食物裡，推介必試「薏米豆腐花」，好特別，有腐竹雞蛋糖水嘅口味但配香滑豆腐花。我有只見到一個九龍人朋友，竟然黎咗屯門呢間小店，原來一個屯門朋友介紹，覺得佢make a good choice, 因為屯門無咩好食，呢間小店雖然然地方小小，未必係一大班朋友黎嘅首選，但3、4個一齊食都係個good choice @ 屯門。

當天晚上想吃拉麵，路過看到這家小巧的蘭州拉麵店，於是決定進去嘗嘗！店家雖小，卻是十分的溫馨，店內服務人員都很親切。我們點了一碗「香蒜涮羊肉拉麵」和ㄧ碗「蘭州餃子拉麵」，套餐還附豆漿或是腐竹薏米豆腐花。在等待上菜的期間，看到牆上貼了一些相關的報導及文章，標榜店家不使用味精，清湯是老闆娘熬煮的。兩碗麵上桌後，湯看上去很清，喝了一口，好喝！味道十足！吃了一口拉麵，好吃！彈牙！羊肉嫩又香！餃子皮薄餡多，好吃有口感！但豆漿和豆腐花太甜，下次不會再點。麵店的湯頭真的好喝不加味精，食物新鮮真材實料。現在市面上太多提供加工食材的餐廳，已經很難可以找到這麼真實、有家的味道的麵店了。真的是一家值得再回去的小麵店！

我很愛這店，經常光顧。要吃彈牙的拉麵，必須七時到店，太早未拉好，太遲會賣光。要享受最彈牙的麵質，我覺得吃冷麵最佳。以蟹醋拌麵，佐以青瓜蘿蔔絲，夏天吃極佳。我最愛餃子，每次咬下去，脆糯的皮，多汁的肉餡，超級無敵好吃！但師傅有時會重手，太鹹，不過一般而言是能保持水準的。

蘭州拉麵，一種回族的食物，就連這個各國美食雲集的香港都不容易找到蘭州拉麵。蘭州拉麵一定要人手拉才能夠做到幼滑如絲，一般只有連鎖集團式餐廳或酒店才會有人手拉麵，沒想到屯門一個小屋苑內都藏著一家。拉麵店好細，只得三張枱，大家都只盡快食完就離開。蘭州拉麵湯頭以牛、羊肝等傳統材料熬制而成，清可見底，而麵以人手拉製關係，幼滑如絲，小店可做到這一點的確難得，可惜湯夠清但味不夠香濃，麵很滑但食物卻很普通，串燒很乾，雞肉串燒外面香料好夠，但咬開卻淡而無味，幸好炸餃抱回了不少分數，金黃香脆之如沒有多出一滴油，一人人食五隻都不覺膩。不過豆漿令人非常失望...雖然人手拉麵很難得，不過拉上補下質素都只屬普通，加上價錢非便宜，如果要山長水遠去就沒太大必要。

抱恙了想食清一點便想起有一段時間沒去的金順。記得師傅6點後才回來，便過了6.30才到達店裡，為的只是那碗即叫即拉的拉麵。點了香蒜涮羊肉拉麵，一貫的牛骨湯底，清得一點油也沒有。拉麵有咬口而不過稔，那微羶的羊肉更是美味，值得一讚。每次來都忍不住要食老闆娘的餃子，皮薄又多汁，煎的食法是最多肉汁的啊！小店用心經營，值得回來支持。

我幾乎每星期都去食一次，有時午餐時段去，有時下午茶時段去，有時晚餐時段去，唔同時段既唯一分別係：下午茶老闆落場休息，所以無拉麵供應，改用上海麵，送豆漿或薏米豆腐花。今次我地叫左清湯腩拉麵同埋蘭州餃子拉麵，牛腩瘦得黎唔韌，餃子係自家制，皮夠薄，咬落肉汁鮮甜，超好食！另外，食得辣既一定要加辣椒油，又係自家制，極香！老闆親自拉既麵，煙韌彈牙有口感。湯底好清甜，聞説係老闆娘每朝親自去買牛骨返黎熬制而成，飲落的確唔覺有味精，所以我次次都飲晒。

充滿溫情的蘭州拉麵要一碗涮羊肉蘭州拉麵吧。師傅仍未回來，麵要手拉的。先吃點小食吧，點了湯餃和爽魚蛋。湯餃份量足夠，皮不薄，但吃下去原來十分足料，椰菜餡的，滿口餡料，吃得很飽滿。不錯。爽魚蛋十分爽滑，好彈牙，惟魚的份量仍欠一點，是北方的做法乎？有點不惑呢。說時遲那時快，師傅回來了，看上去文質彬彬，但原來手力驚人，有點意想不到。他放好行裝，洗好手，就搓起麵粉來，手一拉已經成麵條，端上來，麵條大小均一 分明，吃下去十分煙靱。羊肉竟沒有羶味，而且湯底用椰菜等煮成，鏡如水的透徹，但嘗到一份淡淡的清香。湯底沒有用味精或色素，吃下不涸喉。十分好。先生拉麵，太太打點、包餃子、煮糖水，夫妻二人檔奉上自己多年造詣的家鄉味道予食客，味道中帶點家鄉溫情，吃完這頓後，感到十分高興。