金鍋清湯火鍋 (已結業)

呢間餐廳打邊爐好正，我地揀咗就皮蛋莞荽鍋，皮蛋份量多，煮到個湯好入味，加上粟米同大量莞荽，令到湯底非常濃郁。🌿佢哋嘅手打墨魚仔，質感真係一流，⼀入口已經感覺到啲墨魚仔粒粒分明，而且有嚼勁，工夫真係唔簡單，完美保留咗墨魚嘅鮮味同口感。🦑再講下個海蝦，呢度用嘅海蝦蝦肉嫩滑鮮美，每隻蝦都夠大隻。佢哋嘅海蝦保持咗啲海水味，好似啱啱喺海入面撈返嚟咁，冇太多加工，簡單煮熟已經好食得唔得了。🍤美國雪花肥牛厚薄適中，雪花紋理分佈均勻，一煮落鍋入面，啲油脂溶化得啱啱好，食落口感非常不錯。🥩至於百分百新鮮手切吊龍牛肉，就更加係一絕。呢個牛肉入口即溶，好有牛肉嘅原味，肉質亦都相當鮮嫩。🐂最後講下豬頸肉，豬頸肉嘅肥瘦比例完美，每一口都係嫩滑，食落口感爽口彈牙。🐷…查看更多

去咗佐敦食打邊爐，見到「金鍋」呢間餐廳，感覺幾港式，唔似會好貴，一於試吓啦！金鍋嘅服務態度好好，好適合同朋友或者家人一齊去～員工仲會介紹有咩好食湯底揀咗牛骨清湯，幾鮮甜，滑口又唔會太油膩，仲有啲冬瓜片，加分！雪花肥牛，牛肉油脂分布均勻，入口即溶，牛味濃郁😋吊籠牛肉，係牛背脊內側上邊一長條肉，肉質夠肥，味道香口❤️❤️另外要提吓，新鮮肥牛嘅碟好特別，有寫到部位同埋建議淥幾耐，咁就可以放心食到啱啱好熟，唔會老嘅肥牛。鵝腸，白滑嘅鵝腸條條鮮甜，爽口，腸內肥膏夠厚，所以入口香醇。炸午餐肉，好香脆，外脆內軟。手打墨魚滑，墨魚滑口感彈牙，鮮味十足，好出色。雜菜拼盆，$32 有好大蘿蔔，打邊爐嚟講性價比高。…查看更多

今次嚟呢間打邊爐，真係有驚喜，我哋係叫豬骨清湯，但係清得嚟係好飲嘅！另外，配菜方面，叫左牛肉肥牛、白柏葉、墨魚滑、花魷魚、韭菜餃、芝士腸，同埋加咗個烏冬做主食。當中最驚喜嘅係白柏葉，白雪雪好爽口！至於餃子，係少數火鍋店裏邊我覺得好食嘅餃子！唔會煮完變一pat嘢咁款。同埋最最最鍾意係入面既素菜區可以任食😍最後煮咗個烏冬，吸曬唔同煮完既食材味，非常之飽，又滿足😋😋😋另外仲有加配燒雞髀菇同埋安格斯牛，非常濃厚嘅燒烤味😚好少一餐裏面可以同時享受火鍋同埋燒烤！係吃貨嘅幸福♥️會再幫襯！…查看更多

之前都嚟過打邊爐，覺得整體都唔錯，所以再嚟幫襯。今次揀咗經典嘅皮蛋芫茜湯底，都有唔少皮蛋喺入面，一上檯已經勁香芫茜味，令人食慾大增。配料方面我哋兩個人點咗蒜香滑牛肉、雪花肥牛片、皇帝菜、手打鮮蝦滑、牛筋丸、韭菜餃同烏冬。好鍾意呢度嘅蒜香滑牛，醃得好入味，肉質嫩滑彈牙；雪花牛肉份量都多，牛味都幾濃；鮮蝦滑口感細緻綿密，有蝦嘅鮮味；韭菜餃餡料飽滿多汁，餃子皮薄吸汁；整體上啲配料都新鮮又大份，抵食又坐得舒服，值得encore👍🏻…查看更多

今日同朋友黎到依間火鍋店烚下烚下，店面骨緻裝潢走搞笑風。除咗一般嘅火鍋材料之外，仲有唔少特別嘅部位，剔紙落單，簡單方便。隔離有調料區，俾客人自助混醬，入面有我最中意嘅麻醬、沙嗲醬同豆瓣醬。我地點咗牛骨清湯，牛骨湯非常清甜，入面有冬瓜、冬菇、紅棗等等嘅配料，打邊爐之前一定要飲番碗先。牛脷，牛味非常重，口感煙煙韌韌。牛黃喉，即係牛嘅主動脈，估唔到依度竟然有得食！口感爽爽脆脆，值得一試。黑豚肉片，每一片都好大片，肉質嫩滑一啲都唔韌。鵝腸肥瘦均勻，爽得黎又帶有油香味，千期唔好煮太耐呀，如果唔係會好硬。最重要一定要試下小酥肉，炸得好酥脆，灑上胡椒粉，就咁食或者淥落去都得~…查看更多

強烈推薦招牌花膠雞湯，裏面有雞有花膠，煲熱咗之後超級香，湯汁濃郁醇厚，花膠雞肉南瓜與高湯的鮮美完美融合，回味無窮！一定要配個烏冬食，個烏冬係好食嗰款，唔係酸酸哋嗰隻。唔小心飲咗好多湯，真係太好味，暖身又滋潤。本身個雞都有啲份量，額外叫咗牛肉同鹹蛋黃墨魚丸。鹹蛋黃墨魚丸都幾特別，唔係間間餐廳都有，佢正就正在包住成粒鹹蛋黃，唔係得少少碎，鍾意食鹹蛋黃嘅人可以一試！舖頭坐到20幾個人，店員友善，幫手加湯，環境乾淨企理。開到好夜，宵夜可以一戰！…查看更多

昨晚與女兒去到位於佐敦廟街259A號的金鍋清湯火鍋，這間火煱店有豐富多樣的食材，不僅材料新鮮，而且味道美味、份量充足。 首先，我們揀選了這裡的牛骨清湯底。湯底中散發出濃郁的牛骨香氣，入口滑潤卻不油膩，而且有冬菇及其他配菜在湯料中。配搭上蒜香滑牛肉、手打鮮蝦滑、鮮腐竹、金針菇、粟米、瀑布蘿蔔片和娃娃菜，每一口都是一種享受。 當中最好味的，必定是蒜香滑牛肉，肉質嫩滑，非常入味，帶來驚喜，作為吃火鍋的肉類，是我吃過最好味的，確實不錯。女兒則喜歡鮮甜粟米，真的很甜美。瀑布蘿蔔片切成薄薄一長片，快煮20秒便可以享用，入口爽甜。 不僅如此，店家還提供出前一丁和烏冬等多種食材作為選擇，無論是愛吃麵條還是烏冬的我們都能找到自己的心頭好。最後還有甜品，就是那口感糯糯的紅糖糍粑，麻薯煙韌香甜，更是這道火鍋的完美結尾。 這家餐廳的材料一直保持著新鮮，每一樣食材都經過精心挑選，確保食物的口感和風味都達到最佳狀態。 還有這裏的店員細心招呼，無論是點菜還是服務需求，他們總是能及時回應，給予周到的幫助，讓我們感受到無微不至的呵護。要前來金鍋清湯火鍋亦交通方便，想品嚐美味火鍋，這裡絕對是最佳選擇。 #金鍋清湯火鍋#佐敦廟街259A號怡齡閣地下D號舖…查看更多

朋友推介火鍋店，於是去了佐敦廟街259A號怡齡閣地下D號舖港鐵佐敦站C2出口，步行約4至5分鐘。店內裝修簡潔但時尚，牆上掛著有趣和店鋪的招牌推介火鍋菜式。菜譜簡單易明，多款湯底、火鍋食材、串燒、粵菜小吃和自家製的飲品。豬骨清湯$88湯底有京葱片、鮮冬菇、紅棗、杞子、冬瓜，香濃豬骨味，入口很舒服。美國雪花肥牛$88牛脂香濃，滾淥數秘，入口即溶，肉質嫩腍多汁。雜菜拼盤$38新鮮脆口的生菜和皇帝菜，足夠二人份量，吸入湯底更覺鮮味。手打墨魚滑$62新鮮墨魚滑夠彈牙爽口，鮮味十足，調味恰好。雲吞$42皮薄餡靚，內有鮮蝦、蝦米碎、肉碎、葱粒，彈牙可口。烏冬$18烏冬夠軟滑，柔嫩有嚼口，吸入湯底的精華，更覺美味可口。雪梨桂花蜜$38自家製的火鍋必選飲品，清涼又解渴，喝一口舒服又順喉。…查看更多

店舖面積唔係好大，但樓底高，空間感唔錯 。牆上嘅裝飾字句仲好特別，幽默感十足，睇到都會會心一笑，啤酒都想飲多2杯。座位下放有置物籃，頗是細心。:)餐牌選擇唔少，海鮮，小食，肉類，蔬菜都齊全，想食咩都要諗一諗。蕃茄湯湯滾起後，先喝2碗蕃茄湯，蕃茄味濃郁，相當唔錯。後來先見到“清湯係專業”呢句標語，搞到心癢癢想試埋佢嘅清湯底。秘製滑牛肉牛味一般，但醃製過後，牛肉調味比較入味，而且入口軟稔。牛黃喉淥幾秒已經食得，非常爽口，正鹹蛋黃墨魚丸:)墨魚丸唔會硬邦邦，加埋中間鹹蛋黃，雖然唔係我想像嘅流心效果，但味道都幾有趣。雜菜拼盤:)有黃帝菜，康生菜，健康之選烏冬煙韌口感，蕃茄湯烏冬，係唔錯呀雪梨桂花蜜清爽解膩，1大瓶好抵飲藤椒魚皮少少辣味，愈食愈開胃。伴酒一流。環境舒服，食得舒適。…查看更多

打邊爐只要材料夠新鮮，其實個湯底唔需要太濃味，所以今次就去左呢間以清湯為主嘅火鍋店，湯底除左麻辣鍋以外，以清湯為主，有招牌金湯花膠雞鍋、皮蛋芫荽鍋、豬骨清湯、蕃茄湯等，今次就揀左牛骨清湯牛骨清湯湯頭鮮美，唔會掩蓋食材原本嘅味道，牛骨湯本身具有滋補作用，對身體好。打邊爐最鍾意食牛，店舖提供多款手切牛、肥牛，今次揀左手切吊龍牛肉，吊龍肉佔全牛比例4%，是牛脊骨上嘅一條長肉，牛味較濃，肉質軟嫩細膩另外白鱔片都值得一讚，白饍片魚肉厚薄適中，食落爽脆鮮甜又彈牙，手打墨魚丸圓潤飽滿，外表光滑細緻，入口有彈勁十足的口感炸饅頭片適合作為甜品，饅頭呈金黃色，脆口，沾上奶醬，好好味整理食材包羅萬有，每樣都好新鮮，值得一試…查看更多

打邊爐 材料好多都係$39碟，岩晒我哋2人嚟每款少少又可以食到不同食物都唔錯，價錢每人約$280 @ 佐敦打邊爐 金鍋清湯火鍋 都方便又近地鐵站牛骨清湯入面材料都不少，清湯味有點牛味都不錯，清清地食到牛肉原汁原味香港比較少有的新鮮手切吊龍牛肉，肉味濃而口感有咬口，而安格斯手切牛肉感覺口感比較軟熟，各有各好牛脷切薄煮完不會好硬身，脆肉鯇好新鮮而且唔多骨，魚肉好爽口彈牙桶蠔幾大隻，煮完後都保持到，食落去比心目中鮮甜好味黑豚肉和豬頸肉，不會好多油脂，偏瘦但不會口感硬，整體不錯手打墨魚滑食落幾彈牙，墨魚味都幾濃，鮮雞件幾嫩滑大件，不太多骨啖啖肉。最後餃方面叫了一個魚皮餃見雪梨桂花蜜幾特別就叫咗支試吓，唔太甜桂花味好濃郁幾香。最後打邊爐點會唔叫一個出前一丁作完美句號…查看更多

最近周末嘅時候同個好朋友行完街街就一齊去咗打邊爐, 諗返覺得真係好超值美味。呢間店位於佐敦, 叫「金鍋清湯火鍋 (佐敦)」, 環境明亮,裝潢簡潔大方, 好有小店風味。我哋坐低後, 店員立即溫馨提問我地想要咩湯底, 我地今次豪d, 點左個花膠蟲草雞湯, 然後好快店員就拎左個吹到冒煙嘅銅鍋,裡面盛滿咗一煲濃郁香甜嘅花膠蟲草雞湯。湯頭味道濃郁,滑溜細緻,飽含咗雞骨嘅香甜,仲加入咗花膠同蟲草,增添不少滋養成份, 超級鮮甜。之後就係食材環節。店舖提供嘅蔬菜種類非常齊全, 只要每人加$38就可以任食, 由娃娃菜、金菇、鮮冬菇、雞脾菇到南瓜片、枝竹等, 樣樣都新鮮爽脆, 十分健康! 我哋各自都揀咗一大堆嚐鮮,都唔知邊樣先食。當然,仲唔少得點左肥牛同鵝腸,每片都厚身肥美,經過煮熟後更添鮮甜多汁。另外仲有好大粒嘅桶蠔,肉質彈牙,香濃鮮甜。甚至仲有鴨血同烏冬,增添咗唔少飽肉感, 食到咁上下, 其實個湯底已經好甜啦, 我地仲飲左好多湯, 感覺好進補呢!!…查看更多

佐敦的金鍋清湯火鍋餐廳為食客奉上了一頓令人回味的用餐體驗。首先是招牌的炸魚皮,金黃酥脆,入口即化,配上幾片青瓜,清新爽口,是開胃的絕佳選擇。最喜歡那任食的素菜,包括各式時令蔬菜、豆腐製品和菌類,新鮮爽口,色香味俱全。除此之外,餐廳還提供了多種醬料供客人調配,讓素食者也能盡情享受美味。餐廳的主打菜式當屬招牌的滋補藥膳雞煲。一隻雞隻慢火熬煮,湯頭濃郁鮮美,飽含中藥材的香氣,既滋養身體,又暖胃養心。最後點了一份清涼爽口的冰粉,恰到好處的甜度,為整頓豐盛的午餐畫上了完美的句號。…查看更多

之前行過見到呢間火鍋店裝修幾靚，餐牌又幾抵，都想試好耐，今日終於有機會同老婆嚟食。揀咗牛骨湯底，啲配料好抵食，好多都係$39碟，就算少人食都可以試到好多款！🥢新鮮手切雪花牛肉、安格斯手切牛肉、蒜香滑牛肉手切雪花牛睇樣都知靚仔，雪花分布均勻；安格斯手切牛食落好香油脂味，而且厚度適中，幾有咬口；蒜香滑牛醃得夠入味，肉質彈牙，整體上幾款牛肉都相當唔錯👍🏻🥢桶蠔好鮮😋海水味足，肥美creamy🥢沙白蜆食落冇沙，隻隻都開到口，肉質新鮮。🥢白鱔片肉質實淨，冇骨嘅白鱔片啱曬我呢啲懶人。🥢黑牛柏葉比起白色牛柏葉，個人會更偏好呢種黑牛柏葉，口感爽彈。🥢韭菜餃🥢雪梨桂花蜜清甜refreshing…查看更多

金鍋清湯火鍋5月12日 星期日喺Hot Sport 外圍搵嘢食，好多時都有驚喜。好似呢間「金窩」咁，舖頭細細、精簡裝修、個Menu都好簡單火鍋配料全部一律$39，簡單嘅湯底一律$88。蔬菜櫃任食每位$39。醬料部份一應俱全。地方乾淨企理、飯枱四平八穩、個Gas爐都好靚仔。佢哋嘅串燒都好喜出望外。我叫咗串燒白鱔，肉質彈牙，新鮮嘢。串燒脆肉鯇，唔係度度有，新鮮好食。其他嘢邊爐料都幾好。冇乜伏位。整體嘅用餐體驗係良好嘅。價錢亦都非常合理。…查看更多