金銘潮州粉麵餐廳

營業中

休息中

呢間粉麵都已經開咗好多年，間唔時都會食佢，不過好少堂食，因為其實佢啲位唔係幾好坐之餘仲有啲污糟，不過今日趕時間就冇辦法。今次叫咗牛腩魚皮餃雙拼河粉加檸檬茶，就咁望落去量都幾多，但係夾起就見到佢有一半嘅牛腩都係薄切切咁樣，而且係瘦嘅，食落去就真係麻麻啦。魚皮餃有三粒，份量算多，但係食落去唔係好夠魚味，同其他舖頭嘅魚皮餃爭少少。檸檬茶茶底OK，係值得加分嘅地方。埋單$51尚算OK，不過如果過黎食嘅話就唔推介食牛腩啦，叫崩沙腩會比較好。

今日收工又做孤獨的美食家自己搵食，係天水圍想食下粉麵無幾多選擇，行黎新北江呢間金銘都無乜點食過，見有位就坐底先啦。餐廳環境一眼望晒，好開揚，坐底睇下餐牌，價錢比一般既粉麵店較為貴，但如果食物質素好就貴都值得，咁就一試究竟啦。六星級崩沙牛腩河今日一於食返我最愛既崩沙腩，佢仲要講到話係六星級，就試下係咪先，先講講牛腩大約有7-8件，切得都幾大塊，食落無雪味，不過質地比較老，比較鞋口，好在都夠腍，同帶少少筋位，質素要講六星級就一定唔係，勝在夠大件，河粉係比較幼身果種，夾都算夾到但比較易斷，未去到碎濕濕果種，叫做合格啦，湯底黎講唔會好咸，起碼食完唔會好口渴，ok既，另外我加左8蚊將個菜加底，加完都有超過10條生菜食下，但無得分開上成碗黎。整體黎講金銘定價比較高，質素比較普通，相對性價比偏低，但未至於食到講粗口，所以我覺得係潮式粉麵店黎講只屬中下水準，環境方面去行商場中央冷氣，環境比較局促，食到都出晒汗，好熱，店員既態度相算不錯，問野都會好好咁答唔會唔耐煩果隻，係成日係度吹水比較大聲d。

📍金銘潮州粉麵（天水圍）-#5🫶🏻係最高 環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-牛腩河粉 -$46今次已經係第二次食！~\(≧▽≦)/~ 佢每件牛腩都係好淋 好入味 食完真係會每次經過都想再食 唔好睇相以為佢好細碗 食完都好飽架🤤 豬手麵 -$46今次都試左佢嘅豬手 平均一碗會有4塊豬手 而且上菜嘅時候會有埋個細碟比你放骨 唔駛放落枱面 佢嘅豬手都好入味 食到有滿滿嘅骨膠原🥹🥺我地兩次都係星期六嘅3/4點去食 所以都唔需要排隊 經過天水圍嘅朋友 又中意食粉麵 就要試下啦

雖然好近屋企，但未食過！次次經過都滿座，以為係普通嘢，因為佢嘅位置麻麻地。今日放假見人少少地，就入去試下，點知：牛腩夠冧，米線又彈牙，份量又超級多，因為我嘅食量好大，爭d都食唔晒，一般女仔應該係食唔晒，服務態度很好，奶茶夠滑，佢哋嘅辣椒油超級正👍🏻

就算出面食幾多間牛腩河都覺得金銘好食d 今次係私心推介 因為以前份工收零晨 小巴經過金銘都會係紅橋落車車一碗先返屋企訓 哈哈 轉左工之後好好彩 金銘都跟住我係天水圍開左分店 雖然分店不見總店甘可以保持水準 不過河粉依舊爽滑 湯頭超濃縮牛骨精華 食完真係好精神 又好開心 我身邊朋友都俾我推介左去食 今日我係圖書館遇上我死黨所以我同佢講左我岩岩食完金銘 之後佢要我陪佢再去食返碗 超好笑 我每次叫餸都有少少唔同 但都不離牛腩加多一款餸 同埋要多蔥加辣油 店員會用湯匙盛起蔥花 甘唔鐘意食蔥既人客都可以自「走蔥」好聰明既做法 不過餐廳唔提供紙巾 大家一定要帶紙巾

今日好想食下d港式既麵店金銘重要係黃店緊係要幫襯一下啦一去到當然唔洗排隊地方唔算係乾淨架啦但服務都ok既d姐姐都幾好禮貌問佢野都會答本來想試下牛沙瓜問姐姐咩叫牛沙瓜佢話係牛既胃但佢話今日無之後都揀左崩砂腩河其實佢d粉都都唔算貴都係30-40蚊左右抵食第一句想講既就係佢好大碗見到都知食唔曬因為我唔中意蔥所以走左試左啖湯 好正 清湯好鮮甜 又唔油好濃既牛味 會係甘想繼續飲牛腩好嫩好似入口溶甘 肥瘦均衡河粉彈牙 唔會好似煮到好霖可以夾得起 唔斷讚👍

麵食到枱，我睇下部手機，未有進食，俾個女人侍應生鬧，問佢筷子放邊，又俾佢話，大佬我嚟俾錢食野㗎，仲要受佢氣，我對住佢龍肉都食唔落，即走鬧鬼佢pk，佢仲鬧番我食屎，今時今日什麼服務態度？唔好再去食喇，貼錢買難受 !!!

等外賣個陣見到有餐廳員工係廚房食煙，一見到我望住佢就即刻放低支煙跟住望翻我轉頭。仲要佢係帶住手套食，食完又掂翻啲食物，本身係廚房咁容易起火嘅地方食已經好危險，佢仲要係室內，犯曬法，對呢間店好失望。

今日突然想食下潮州粉麵，起身就和爸來吃個早午餐，原本都怕吃完會不夠飽，因我倆比較大食，幸好有得加底我叫了一碗牛雜河加底多腩汁，飲凍可力湯吾系好夠，牛雜味道十分一般，不是好食，又未到難食，就是普普通通的味道，食完吾會令到我有種好掛住想要再食既感覺，河粉我就習慣加大量紅醋落去食，我覺得甘樣既河粉先好食，個湯配着河粉食哂都吾會話十分口喝，杯可力都是正正常常，有啲餐廳為節省成本，沖得好淡，尼間就冇尼個問題。而我爸叫了牛腩河加底，凍奶茶牛腩比牛雜岀色，食有岀有牛味，吾會炆煮到得返陣咸味，但當然牛味亦不是十分重，只是吃得岀有餘，未到好高境界，牛腩炆得都算淋，凍奶茶我就冇試。總結，下次應該吾會再食牛雜，試下其他。

說真的，新北江的金銘潮州粉麵我一次都未吃過，因為平日主要和家人光顧新北江另一邊的食肆。不過昨天早上百無聊賴，本想好樓上格仔鋪買面膜，可是時間太早未營業，加上自己有點餓，不如就來金銘吃早餐吧。原來這裡賣的粉麵不貴，28至34元左右就有交易，比江仔記便宜大碗多了，難怪經常超多人光顧。至於我不想吃太飽，所以吃淨雲吞好了。淨雲吞比我想像份量預期多，一般粉麵店一碗雲吞大約四至五顆，這裡就有七顆雲吞，只賣32元，不得不說很抵食。雲吞皮薄，內裡餡料用料豐富，每顆雲吞足足有三尾完整的蝦隻，爽口彈牙，肉餡鮮香，相當不錯。

在天水圍北江吃了金銘後 真的覺得很生氣。為什麼對客人的態度可以真的差。特別是知道女不像女 男不像男的人(她是TB吧我猜) 態度像是欠了幾千萬沒還一樣。 吃的一肚子氣呀。食物的質素也不是特別的高。牛有點過鹹 沒關係。我能接受。但是態度真的差到不可以接受了。不會再來了 真的。 不會再來了 不會再來了 也不會推薦給身邊的朋友來吃。態度差是致命傷 。。。。。。。不會再來 。不推薦。 。。。 。。希望TB女態度能好吧。實在是太差了 。

中學時代好鍾意食魚旦河/雲吞河呢D麵食,價錢又相宜,岩哂學生但近年多左好多米線/川辣薯粉,漸漸已經無食呢類麵食有日咁岩o係第2個入口入商場,見到呢間就試下。雲吞河,腩汁...味道正常,鮮蝦雲吞足料,河粉爽口。以前食呢類粉麵約1X元,原來依家已經2X了,不過沒關係,吃的是回憶。

這天，因為工作關係，天水圍城，差點迷路了，見有一間餐廳，立即坐下，先行醫肚再出發。我吃的是牛腩撈粗，粗麵的鹼水味不重，麵質爽口彈牙，真的不錯， 牛腩入味，而且肉質容易入口，相信一定是經過長時間烹調。 而跟捞粗的湯底，味道也相當濃郁，我把整碗喝下。朋友吃的水餃，看上去好像也不錯。兩個人，有油菜，凍飲等等，需要一百三十多元，雖然價錢並不便宜， 但一點也不貴，味道真的不錯。吃完這餐晚飯，繼續我們的行程。

一向好少響新北江商場搵食，事關果度的食店質素唔多掂。有日去水研社買野飲見新開左間潮式粉麵，標榜正宗，見佢裝修 ok (比起其他新北江食店四正得多)，所以今日去試下。今日食左魚蛋河（$23），熱奶茶（$6），見佢聲稱手打魚蛋所以一試。點餐後約兩三分鐘，先來奶茶，然後魚蛋河，速度滿意。點餐時阿姐有問要唔要腩汁，基於想試原味和怕肥的考慮，決定唔加。兩條包裝糖隨奶茶附上。奶茶用膠杯裝，扣分。未落糖先試一口奶茶，唔夠熱。味道方面，茶味夠，奶味亦足，加左一包糖再試，味道頗為平衡，但喝下後舌頭有少許發麻。雖有缺點，但奶茶尚算合格。魚蛋河用雞公腕裝，不過係膠碗，扣分。內有兩條生菜，少許生䓤，魚蛋片和魚蛋。湯頭是粉麵的靈魂，我先試一口湯。一入口，傳來不銹鋼味和腥味，令人作嘔。而且湯並不是用任何材料煲成，似是煲雲吞餃子的水而已，難喝至極。正路係用大地魚和蝦殼煲湯，何來正宗? 河粉潔白幼身，試一口，夠滑身，亦不易斷，但有腥味。魚蛋好細粒，尚算彈牙，但可以更彈，而且食到有碎魚骨，雖然魚骨未至於好似銀龍果的咁 sip 住的牙同食到牙痛，但都係唔得。至於魚蛋片，一個字，淋。完全唔彈牙，不過無魚骨，味道亦同魚蛋唔同

閒日下午茶時段不多人， 叫左個牛根河 （$27）當我的早午餐， 加六蚊有野飲。不用五分鐘， 牛根河即到， 湯夠味， 牛根夠咬口， 河粉吸入腩汁， 好味道！下次唔多人的時候， 會係我再encore之地