金記小食酸辣粉

呢間金記小食店好出名酸辣粉我哋經過都要試一試，估唔到佢嘅酸辣粉夠晒正宗🍜仲可以揀唔同嘅辣我哋揀咗BB辣，夠晒滋味仲可以自選材料添，芝士腸、魚肉、腸仔、豬大腸同埋大量肉碎真係好好味呀😋咁我哋必食最佳拍檔，蘿蔔、豬紅、韭菜、大腸，仲可以加韭菜餃添🥟真係好大隻，大腸夠晒乾淨滋味😋仲有大量豬紅🔴我哋叫咗個魚肉碗仔翅Share，真係夠晒豐富😋大大碗魚肉，啖啖肉碗仔翅🍲夠晒Yummy！下次經過都要再食！…Read More

上完堂有時候唔知食咩，多數都會去食下D小食店。之前已經食過【金記小食酸辣粉】覺得幾好食，所以今次就去左食。佢地旁邊有細細個位置可以堂食、或者選擇外賣。酸辣粉：酸辣粉本身已經夠豐富，有榨菜、肉碎、花生等基本配料！今次再加料，包括木耳、海帶：增加爽脆口感；貢丸、芝士腸、廚師腸：肉感滿滿，鹹香惹味；芝士丸、蟹籽丸：一咬爆漿，邪惡又過癮；湯底酸辣夠勁，麻香突出，所有配料吸盡湯汁，食到最後一啖都唔會膩～魚肉生菜湯：湯底清淡鮮美，魚肉嫩滑無腥味，生菜爽脆清甜。最正係落咗麻油，香氣撲鼻，飲完成個胃暖笠笠，簡單又舒服～…Read More

金記小食酸辣粉地址：太子汝州街21號英來大廈地頭先中午食唔飽，趕住行街街shopping,見到有街頭小食，即係買來食同朋友當下午茶，女人去旅行就係一大堆買衫買accessory 影靚相，仲要整頭整nail .....酸辣薯粉qq彈牙長身，湯中有芫荽榨菜花生酸菜肉碎，有層辣油精髓盡現，加了魚旦，木耳同韭菜餃同朋友share 多d 餸拌麵有花生芫荽，簡單醫肚之作！豬紅大腸韭菜蘿蔔，大大配$39 個fd 話好耐無食好（4樣有齊架最佳搭配）完全你細個街頭拎住食架風…Read More

自己最愛食酸辣紅薯粉，今次就同朋友係太子附近行街嘅時候，中途被酸辣湯香味吸引住。呢間小店可以選擇外賣或者立食，而且每一份小食足料又好味。酸辣紅薯粉 （小辣）蒸騰熱氣裹，有辣椒、花椒與骨湯嘅醇厚同香氣。足量嘅紅薯粉，香辣口味，非常夠味又惹味，入口下去全是滿足。最佳配搭用心配料，有蘿蔔、豬紅、韭菜同大腸等，非常豐富！份量都好多，蘿蔔好清甜，豬紅口感滑嫩帶微彈，大腸則軟韌並富有Q彈嚼勁，口感更肥美厚實，正！韭菜餃 / 芫茜餃 （雙拼）兩款餃都餡料飽滿，入口鮮美，口感非常豐富。特別愛芫茜餃，芫茜香氣四溢，係口中爆發出嚟～…Read More

係太子旺角掃街年青人回億印記，當中唔少得街頭小食，酸辣粉以醋為主要調味，具有麻、辣、鮮、香、酸且油而不膩的特色。薯粉如糊狀物清澈透明，Q彈口感，肉碎配搭炸蒜，加上脆口花生，又香又脆。魚肉生菜的味道以鮮味、彈牙為主要特色，魚肉部分是手打的鯪魚滑，口感有嚼勁、魚味濃郁，並帶有生菜的爽脆和清甜，湯底則提供鹹香。最佳搭配有白蘿蔔、豬紅、韭菜和大腸，蘿蔔的清甜、豬紅的軟滑、韭菜的清香和腸的嚼勁，搭配酸辣的湯底，形成豐富的味覺體驗。 …Read More