金記冰室 (創紀之城五期(apm)) (已結業)

自從北角嗰間執咗之後就冇試過金記冰室。今次嚟到觀塘竟然有，所以就嚟呢到食。我哋都等左10分鐘先有位，畢竟係繁忙時間。餐牌超多野揀（未影晒），睇到眼花撩亂🤩我本身一早就已經諗好要食海南雞飯，但係竟然賣晒😞。豉椒排骨飯（$63）都算大碟，個汁幾深色。啲排骨可以腍啲，但係整體來講味道唔錯。麻婆豆腐飯（$58）晚餐都$58抵食超大份！叫佢多飯真係多到笑死人🤣，我我哋兩個人都食唔晒😅。雖然大份，但係麻婆豆腐唔夠辣同埋好少豆腐好多肉碎，如果多啲豆腐就好啦。果汁xi稀得滯，可以再結啲。滑蛋韭王炒蝦仁（$72）因為呢碟係小菜，所以唔包飯。整體來講味道唔錯，但係太油膩😪同埋啲蝦係炸過嚟先一齊炒，我個人唔鍾意😕因為價錢較平所以唔包餐飲，如果包餐飲就好啦。侍應嘅服務態度竟然好好😮呢點值得讚賞👍🏻啲餸嘅份量又多，價錢唔貴。食物質素還可以再改善💪🏻

2人行落雨濕濕費事周圍走～都係喺APM食啦～金記冰室其實都好多分店～不過就未試過依間～試下味道會唔會唔同先芝士鮮茄焗炸雞脾飯～炸雞脾即叫即炸皮脆肉嫩～濃濃蕃茄味汁多撈飯一流呀～不過上面嘅芝士好少如果多D應該會更加香無骨海南雞配油飯份量適中～海南雞無骨嘅食落幾方便～ 雞肉唔會老配以姜蓉、醬、花生粒賣相都幾吸引～再加碗大大碗嘅油飯～雖然唔係幾健康～但食落真係幾香嘅跟餐有飲品同湯～羅宋湯夠酸幾好味～又夠多雜菜～飲品揀咗熱奶茶～夠滑夠茶味

今日開工大吉，順路經開apm便上去金記冰室，見餐牌收費正常反就叫左個防飽火腿米粉配蒜蓉包炒雙蛋，早餐的份量來說是足夠的雙蛋也炒得幾鮮嫩，很夠味道正，希望可以繼續推出驚喜

近日多projects, 好忙碌。自己忙，vendor亦忙。為了放缓一下大家緊張心情，又清一下大家累積的壓力。所以下午開會大伙兒蛇出去邊食下午茶，邊開會。金記係一個蛇王好基地。位於商場較高層。老板好少上來。金記有好多位唔係走廊邊，唔會人地一行過就見到。當然金記下午茶質素亦唔錯。雞亦薯條。雞亦香脆但唔太乾。薯條熱辣辣的。三文治D飽好新鮮，軟軟的。輕食的話，不失為一好選擇。較重量級下午茶，可以擇個米粉加多士加雙旦。多士脆。旦亦煎得香。米粉亦足够！食完晚餐可以免啦。

舊店既招牌，新店既風格，往往就係我既至愛，佢既早餐沙嗲牛同出面好唔同，花生味好重，好濃，麵好爽，孜唔會過咸，仲有個焗豬好食過大x樂好多，有心機好多，而且咁既價錢都算合適水平，值得再試

潮流吹一股懷舊風,好多餐廳都會整番個懷舊feel吸引客人(通常60-70年代，大家多些共嗚)，但好多得個look,食物完全無配合。金記無浮誇的裝潢，只有簡單的餐記布置。大家都明白地方有限和位于商場内，無乜特别冰室feel可以做到。海南雞飯，重點是没有骨，有湯，有大碗白飯，還有花生。 飯好好味，是加了油煲的，無錯是肥左d, 但真係可以食幾碗。焗葡國雞飯，好多雞。味道不錯，不會太濃 懷舊圖案杯，好有心思奶茶比其它餐記優勝，必試菜蜜唔使加錢保衛爾牛肉汁，唔知乜黎。回家問家人，50-60年代好受歡迎，是冲的牛肉湯。下次真係要試下飲白雪公主和黑牛，都唔係容易揾到，但可以自己整通常老店，服務就麻麻地，但Apm金記的店員好有效率和有禮貌

apm內都有唔少野食不過今好耐無食過金記冰室就再食一次，結果係失望，而且略貴，份量比較少，都要$62了。點了鮑絲火腿通粉，煎雙蛋，熱檸茶。鮑絲火腿味道沒有特別，係切得比較幼，不過都無咩所謂，但通粉份量比較小，而且小得有點過份了。通粉係細粒個隻不過都唔林，口感可以但都係個句，份量太小了。煎雙蛋，細細份，無特別。麵包應該算係生命麵包個類，食落去係軟林林的，沒有特別既口感。熱檸茶都係出面普通味道，沒有特別茶味。環境方面，因為係商場內所以裝修比其他街鋪感覺好。如果係觀塘黎講，呢間就真係唔吸引了。呢個價錢食呢個質素就會完全唔值了。。。總結沒質沒量，價錢略貴，沒下次。

這天跟太太到 APM Palace 看看戲, 增進一下感情. 在香港這個工作繁重又多姿多彩的城市, 有時候, 這些生活最基本的, 都很容易忘卻. 餐廳位置很好, 就在戲院外面, 很方便. 距離看電影大約只有三十分鐘左右, 就在這裏吃早餐了. 餐牌有鮮豬潤餐的, 可惜當天沒有供應, 改點了鮮牛肉米粉餐及沙嗲牛肉麵餐. 跟餐有牛油多士及蛋, 還用個煎 pan 上, 什有特色. 多士上很多牛油, 喜歡多油的朋友一定要試試. 沙嗲牛肉就跟即食麵, 不是出前一丁. 沙嗲汁都不少, 而且都惹味, 微辣. 麵較為結實, 放久一點才吃. 湯就不算很熱. 沙嗲牛肉跟麵就當然夾味, 符合預期但未算出眾. 鮮牛肉米粉跟有薑蔥, 很新鮮. 鮮牛肉亦嫩滑. 米粉爽口. 整體上四者配合起來的味道不俗. 份量方面亦算充足. 價錢方面感覺合理, 處身 APM 之餘店內環境亦舒適. 最後只有一個近年在食店出現的弊病, 就是店員要更換餐牌要客戶幫忙. 

食完飯要趕住返工，所以見冇乜人排隊就直接入去食〈咖喱吉列豬扒飯〉一嚟到真係俾塊豬扒嚇親！！雖然好像非常的大，但其實沒太多的肉，很薄。但咖喱汁幾好味，微微的辣很好送飯，如果可以多少少汁就更好了。〈滑蛋韭黃炒叉燒〉叉燒比蛋多，其實反而想吃更多的蛋.😅😅😅蛋炒得幾滑，加埋韭黃都幾香！！但是叉燒就唔太靚。〈金磚風沙炸豆腐〉全晚最欣賞呢個！外層香脆惹味內裡非常嫩滑!!總結：價錢合理，座位都ok舒適。侍應態度都幾好而且每檯客人走咗之後都好快嚟執枱，衛生方面令人滿意，中規中舉，唔會抗拒再吃。👌🏻👌🏻👌🏻

又一間海南雞🍚🍚🍚🍚🍚🐔🐔🐔🐔🐔apm 頂樓👍🏽👍🏽👍🏽👍🏽灣仔見過有分店🍛雞好滑👍🏽👍🏽👍🏽🐔🐔🐔但個湯咸左dd😣😣😣

食過數次，第一次見新開貪新鮮，之後幾次都係因為等酒樓等唔到位，又餓，近近地，食住先今次又係，諗住飲茶，但趕返工，見上面有間金記，唔好理!醫好個肚先!叫左個咖喱牛腩飯，啲飯好硬，加唔夠水煮，咖喱就一般般，牛腩就叫好啲，有筋有腩，唔太難咬，無咩渣，盤內都有5，6嚿~午餐跟湯跟飲品，羅宋湯唔錯~唔辣，有足料蔬菜~煮到軟林林!熱飲杯幾有創意，又特別~杯邊鬼馬地寫上「謝謝你飲我」，哈哈!

Foods tastes insanely good here! Highly recommended!The spicy chicken noodle has the original taste. No doubt we couldn’t find anywhere else but HERE!

做完facial同男友搵食，金記這間茶餐廳已在apm有一段時間，不過次次都食咗其他野。 兩個人星期五大約8：45左右都依然要等位，等咗大約10分鐘左右。點咗海南雞飯 ($70)加個冰震奶茶 (跟餐加$5) 同鐵板美式雜扒 ($85)。海南雞飯連埋湯上，個湯飲落唔似平時海南雞飯個種味精湯，不過點解少少湯渣都無(有既,一粒南北杏)....湯味似一般街飲到既例湯味.....最後我都分唔到佢係咩湯......好彩個飯同D雞都幾好食，油飯香而且粒粒分明，雞就非常滑溜~味道都幾好。不過就係細份咗少少.......同個醬無咗我最鍾意既酸辣醬而變咗花生 (不過花生味道都OK)鐵板美式雜扒入面就有牛扒、雞扒、豬扒、煙肉同香腸，仲可以配飯或意粉。黑椒汁比較濃稠，倒個汁落鐵板落未有煙霧瀰漫，不過都有"咋咋"聲，即係都算幾熱既。扒都比較薄身，香腸係普通㕑師腸。牛同豬就一般般，雞比較好，食到肉汁。整體算合格啦........奶茶唔係我飲不評。呢間茶餐廳裝修同乾淨程度比一般好，不過就偏貴....暫時都唔會再encore 住。

金記冰室的種種類繁多 經常性更換不同的餐牌 而且內容豐富 豬扒炒公仔麵 口感不錯 豬扒有咬口鹹甜度適中 咕嚕蝦球 套餐有湯餸 包嘢飲 蝦肉彈牙爽口我們進去是不用等位只是比較忙招呼態度差 位置安排比較擠擁

apm 戲院同層，成間冰室是依商場的彎度而成長長的。用的器皿是鋁色盛辣油和糖。與一般冰室那樣，為用盡每一分地方款客，枱下有抽櫃放餐具。午餐也頗多選擇，由於在商場內，平均價錢都偏高些。金記煎肉餅飯，煎肉餅由一煎pan 盛住，有少量沙律菜伴碟，而醬汁是泰式甜辣醬，一大堆放在肉餅下，唔你你鍾唔鍾意都一定要蘸上。肉餅外層煎炸得頗乾硬，肉餅偏薄，混有粟米粒較爽口，但仍是無乜肉味。整體成塊肉餅都較乾硬，無彈性唔juice。羅宋湯，不過不失，味道正常。熱檸蜜，尚算肯下多些蜜糖，甜甜酸酸幾暖胃。