金記冰室 (已結業)

來這裡便是因為喜歡這裡懷舊的佈置及菜式，例如這面牆就有香港多年前的海景。這裡公司三文治($38)相當好味。外表與其他茶食店的差不多，但這個三文治，仍相當暖，可見新鮮出爐。內裡的餐肉，蛋等充料也很充足，又好口感，抵讚。雞翼也很嫩滑可口，味道又不會太濃，恰到好處。不過相比灣仔總店，飲品﹑菜式選擇仍然不夠多，希望下次來有更多選擇

早排，屈小姐帶賴先生黎過同一間餐廳食過，食左咖哩牛腩農夫包同焗雞扒飯…覺得都唔錯，可以翻啅!而精明既屈小姐就發現左較早時間有團購優惠，所以買定呢間野…準備翻啅!! 我地今日又黎左啦! (明明話…減緊肥! 美食(女)當前，豁出去啦) 今次都係照舊叫左農夫包x焗飯呢個組合!照舊點左馬來咖哩牛腩農夫包…另外叫左佢出名既鮮茄焗沙丹豬扒飯!首先…佢個農夫包餐係包餐湯嫁! 我地必點羅宋湯! 因為呢度個羅宋真心好飲…茄酸辣三味都齊…而且好足料…誠意之作!推介!再黎就係…馬來咖哩農夫包啦! 濃郁既咖哩，配外脆內軟既農夫包! （如果再脆啲就好啦）加上幾淋既牛腩薯仔! 仲有新加入既飯…吸晒d汁超香超濃，d飯真係正!又係另一推介! 不過而家轉左新版本既農夫包…以前果個會好食啲! 雖然有另上汁，不過個包嘅汁同料可以再多少少 再辣少少就perfect!最後就係佢另一個出名既…鮮茄焗沙丹豬扒飯啦…呢個就真係名過於實啦…汁唔夠茄…豬扒炸得左火…都係食番焗雞扒飯好食d…!#減肥遲d先算啦

午餐時間到喇，一個人求其搵間茶仔食野，揀左個焗豬扒飯，差唔多要等二十分鐘左右先上枱，焗豬扒飯，香噴噴既茄汁配搭鬆軟的豬扒和香口炒飯，猪扒肉質厚實經焗煮後仍然保留肉汁同嫩滑，配上粒粒飽滿既炒飯，美味得讓人一啖接一啖停不了口。'

今日又約埋三五知己去左西營盤，行下行下又去左金記抖抖休息下。天氣熱到爆，一坐底已經忍唔住叫左杯凍檸蜜解下暑。 其實飲品就間間茶餐廳都差唔多，不過杯野就唔會太甜同埋啲冰唔會多到似飲冰咁，都算抵讚架啦！今次難得朋友們都想食公仔麵，就叫左個咖哩牛腩撈公仔麵同埋乾炒雞扒公仔麵.....一上枱，真係好驚喜。個乾炒雞扒公仔麵上枱都幾靚仔，好香，好夠鑊氣，個公仔麵口感異常地好， 好彈牙，軟硬度剛剛好，唔會太林太硬。 再配埋麵入面嘅芽菜同埋蔥，真係perfect match好好食，比乾炒牛河更好嘅口感，估唔到公仔麵會好食過河粉。個咖哩牛腩撈公仔麵都好鬼正，每條麵上面嘅咖哩夾埋，真係好開胃，個咖哩好香，唔辣嘅，好惹味。牛腩都好有咬口，唔會太林，真心想再叫加底，真係好好味

点了个学生怀旧餐，猪扒米饭配奶茶、薄牛肉拼沙拉，牛肉真的好小一块，而且肉很老！沙拉还可以，是土豆块，我以为红豆冰无论在哪个冰室都不会差太多，没想到这家打着老年纪冰室，红豆冰不够味，稀的，很不好喝！

今日陪女朋友行完街，莪地黎左附近果間金記冰室，揀左雪菜火鴨絲炆米，雪菜火鴨絲炆米係餐廳必有的經典麵食，火鴨即再度烹調的燒鴨，本身無味的米粉吸收燒鴨和雪菜的味道，令人回味無窮。

蕃茄魚柳農夫包，這個農夫包可以足夠，3個人吃，一個人跟本未能把整個放進肚裡，農夫包是用一個大的法包，麵包內的肉抽起，形成日個碗的器皿，然後再掉進飯及茄汁及放芝士在頂，然後焗一焗！出來的農夫包，蕃茄味非常鮮香，酸酸甜甜非常開胃！吃過不停！魚柳肉質還可以！配以：中式湯青紅蘿蔔，豬骨湯。滿足

是日無飯開，還是懷念金記的雞翼沙律任何時間去order , 上枱雞翼都係熱辣辣，瑞士雞翼炸得金黃又香脆！切開入面十分juicy ! 份量又夠，抵食大件，味道又夠！沙律每次食都咁有正，凍凍地，蔬菜薯仔都有律有口感。茶餐廳最緊要係咪？就係keep 住水準，金記實在無一次令我失望啊！

聽說金記前身是筲箕灣大排檔，三年後在大排檔對面開了冰室，直到2012年結業。近幾年他們在西營盤重開，以「懷舊」為主題，所以我們今天專程來尋味。這兒由門口餅櫃、瓷磚牆壁、紙皮石地板、卡位以至盛載砂糖的盅都充滿懷舊色彩，最令人驚喜的是用乒乓球棒製成的菜單，望着這乒乓球棒製，兒時在屋邨打乒乓球的畫面馬上浮現在腦海裏。我們點了常餐和雞脾沙律。常餐的多士不是薄薄的白方包，而是厚厚的麵包，並焗得剛剛好，軟硬適中、配以牛油，為這餐懷舊下午茶打開了序幕。奄列略嫌煎得過火，不夠香滑，如做到澳牛的水準就好了。羅宋湯通粉的羅宋湯不夠濃，通粉不夠入味。雞脾炸得香脆可口，沙律比例不平均，薯仔比較多，水果太少，如果水果多些就更好了。此外，估不到這兒服務態度不錯，樓面阿姐不斷說「唔該」、「小心熱」、「漏了單，唔好意」等，對比一般茶餐廳來說，這兒算很有禮貌了。

經朋友推介，就同友人去咗 食晚飯。個餐牌以乒乓球板樣整成，都幾特別。叫咗嘅食物分別有 :<雞髀沙律> ($48) ～ 雞髀個外皮有點脆，加上雞肉入味，所以味道不錯。而沙律又多汁同果肉爽口<咖哩牛腩農夫包> ($89) ～ 個農夫包好大個，個包外脆内軟而咖喱份量充足！再附送一碟咖喱汁比你點，有誠意！ ～ 但呢度嘅咖喱係香多過辣 (所以食得辣嘅朋友或會失望！） 最後，這是一個同朋友吹水的好地方。

這日有時來開這頭，經過就見到金記大招牌，比招牌同門口副對聯吸引入來。芝麻黑糖醋骨$78，炸得脆脆，加上芝麻好香口，甜甜酸酸，酸中微苦，幾特別。$48沙律加個雞脾，雞脾肉的嫩滑，沙律甜中帶果香，口感爽口。幾好味，可惜菜式沒有灣仔的金記般多

因為巧合要去一次西營盤，諗唔到食咩見開舖幾光鮮就行左入去。感覺上係一間好企理GE冰室，地方好整齊，唔會地下濕，好怕果啲一地食物碎GE冰室，呢間係一間可以比人舒適感，悠閒慢慢坐慢慢HEA GE地方。一入去比個波板MENU吸引左，好鬼CUTE!! 食物都好多選擇，因為係晚飯時段，仲可以叫小菜食。叫左個從來都未試過GE滾水蛋，其實我好想試果個保衛耳牛肉汁架!! 個滾水蛋攪均左感覺似杯燉蛋味水，甜甜地好有特色。超級推介係招牌菜咖喱牛腩農夫包，個包烤得好脆，咖喱唔係辣係偏甜GE，牛腩好軟，唔會話太林，份量都好多，個包蓋好似多士咁，仲好細心驚你唔夠咖喱汁醒碟比客查上包道食，抵讚。小菜方面，個肉崧四季豆好有鑊氣，調味好正，豆豆好翠綠又爽口。無食到豆豆有渣。估唔到諗住冰室都係得西多士，雞肶果啲係招牌野，但呢道小菜都好掂。去冰室無理由齋食小菜GE，所以都叫左份公司三文治試下。份三文治好足料同好扎實，唔會甩左枝牙簽就成個分屍咁，生菜蕃茄果啲都好新鮮!!!

今天叫了咖喱牛腩農夫包食，真係好味，又好脆，而且牛腩炆到好入味，好重牛味添 。唔好睇少隔離伴碟，好新鮮架，唔係隨便放d黃晒既蔬菜上去架。最重要我本身不太食到辣，呢個農夫包不太辣外，又可以聞到咖哩香味。下次再去，都一定會再叫呢講。平時食西多，總會覺得係下午茶感覺。因為我地等緊人既關係，個侍應就介紹左法蘭西多比我地食。意料之外，因為平時去茶餐廳，話要加奶，就一定會自動的加了很多上去，每次來到都覺得好罪惡感。但呢度好好，有一支煉奶同一支糖漿比自己加，切底的減低那份罪惡感。呢個西多，條邊仲炸得脆脆的。不太甜，我鍾意。不可以不提的，絶對係金記別具特色的餐牌，有一種回到讀書時期到大排檔用餐既感覺，重拾當年回憶。值得一讚的是呢個餐牌分類得好清晰。食到最後，意猶未盡，決定叫個公司三文治。與其他茶餐廳沒有太大的分別。其實平日食三文治的時候，最怕係生菜是凍的，麵包皮和午餐肉是熱的。但這個三文治，整體温度平均，呢個值得一讚。最後，是次食品豐富，也很好味。如果下次再去的話，一定要試下炒粉麵飯。

兩個人搵地方開飯，但經過一日煎熬，個腦已經唔多想郁，timing既野大家明既，咁啱行到金記門口就決定係佢。唔洗等位，入到去侍應哥哥仲好好招呼拉多張櫈我地放野。舖頭裝修好港式，牆上都係有香港特色既圖畫同裝飾，不過唔知點解餐牌係乒乓球拍型。落單首先叫左個招牌咖哩牛腩農夫包$89唔好睇張相咁細，實物分分鐘大過你個頭，咖哩幾香，個包外脆內軟，一定要趁熱食，牛腩都好入味，上邊仲有少量芝士，但應該有同個包一齊焗一焗，所以肉質唔算淋，但係好食既。由於見個包咁大件，為免浪費我地加左個蠔王飽片扒時蔬跟飯同中湯$78中湯，正常中湯無驚喜。蠔王飽片送飯一流，多飽片炒得啱啱好，又足料，其實夠我送兩碗飯，但為左試招牌農夫包真係試唔到太多野，下次再試。總括黎講水準about average，招牌菜吸引，好招呼，環境有特色，會再黎試下個tea。

今日朋友過咗嚟搵我一齊食lunch，去左茶仔叫在個肉酱通粉配凍檸茶，份量太少啦，但係通粉非常彈牙加上肉醬碎配合，使简简單單一道午餐令人回味，配上清涼凍檸茶和火侯十足的中湯。