金記冰室 (新都廣場)

今日放假行到累累地 見又唔洗等位就入左去食。點知中哂伏。叫左個炸醬撈麵，個麵煮到個面漿糊咁樣， 一啲口感都冇，好似食糊仔咁， 難食到我第一次要去寫負評， 基於唔想浪費，最後都食曬 ，唔會再幫襯。…查看更多

今日趕時間，同亞仔來一個快閃餐，其實週圍好多餐廳，見金記今日唔係好多人排隊，就決定响呢度食，餐廳裡一排排卡位，都算坐得舒適！點咗兩份午餐，套餐包括主食、羅宋湯或老火湯、餐飲，睇番價錢都算抵食。洋蔥豬扒拼火腿飯豬扒炸得外表香脆，內裡還有些汁，中規中矩喇！黑椒义燒炒意粉，义燒和意粉味道可以，再加多些黑胡椒，味道更佳！餐飲叫咗即磨咖啡和奶茶，咖啡還比我預期中好，可以一試！總括來講，餐廳除咗早、午餐，其實全日都有好多選擇，例如焗飯、粉麵、小炒套餐、扒餐；牛扒大大件，仲係用鐵板上！食品各式其式，下次搵時間再來試試其他✌️…查看更多

環境尚可。味道十分一般, 有啲都幾難食, 但價錢又唔算平！ 下午茶時段同屋企人嚟食, 叫左個奶醬多, 40分鐘都未嚟！ 中途問左四次,但係四個waiters都係話"幫你睇下"… 有冇check就不得而知了~個個食哂喺度等個50分鐘先出到餐嘅奶醬！ 簡直世界級笑話~ 前所未見咁垃圾, 唔明解仲咁多人食🤣 管理都有啲問題, 中途不斷有食客行入來,但係被職員告知冇位, 趕返出去。總之十分不推薦, 除咗環境尚算乾淨,其他方面冇樣好…求其搵間茶記都不比呢間嘢差, 除非時間多到用唔曬又對味道零要求,就即管試試佢~🤣🤣🤣…查看更多

四點幾去食下午茶, 呀姐話入到去自己搵位,冇人比餐具，冇人比水 叫你自己去自助斟水, ok之後我哋叫咗三個菠蘿油餐, 附近都有好多枱叔叔嬸嬸伯伯坐低叫咗唔同嘅下午茶餐, 成半個鐘大家乜都冇送過嚟, 所有人都乾等, 再追單, 追來追去都係得個吉, 我就自己走咗去水吧叫佢比嘢飲先, 一啲年紀大啲嘅老人家一直只可以乾等, 最後連佢哋都等到肚餓唔耐煩去追單, 阿姐竟然同我哋&佢哋講 「已經冇晒菠蘿油」, 仲有好多茶餐都冇晒 然後開始有唔同嘅嘢飲送出嚟, 但係又不斷送錯單, 現場只係得兩三個阿姐喺度走走趯趯, 人手嚴重不足, 連最基本嘅茶餐都話冇貨 但係又幫人落單 最後混亂出唔到貨 連最基本嘅下午茶都冇下午茶供應, 我呢個人手安排管理真係太過惡劣。最後等咗成個鐘得三杯嘢飲同一個菠蘿油, 最震撼嘅係菠蘿又係凍嘅 熱奶茶同埋紅豆冰都係難飲嘅 茶餐廳咩都可以難食 但係熱奶茶就一定唔可以難飲！用咁渣嘅茶葉沖熱奶茶☕️ 金仔你可以叫得上茶餐廳嗎？人生食過最難食嘅茶餐廳下午茶。…查看更多

見佢餐牌啲魚柳圖原條又盛好吸引咁，黎到上碟大吃一驚！仲細過我隻手掌，而且食落成碟都好無誠意。先不論個魚既size，味道有雪味都係普通貨色。仲有佢個沙律醬好稀，好似溝左水咁。同埋個沙律係普通罐頭雜錦水果加醬撈埋一齊，你話咁樣值唔值$49？我覺得就直頭係貴！而且環境，佢做左輸送帶斟水，但令到成間舖頭都好熱，越坐越焗，係咪想令客人快啲走？加$3轉左凍奶茶，不過不失，茶味欠缺。整體黎講，唔會再幫襯，好失望！😡😡😡😡…查看更多