金蘭花泰國菜館

營業中

休息中

今日同好耐冇見嘅舊同學出嚟食飯, 就佢哋方便, 就過咗去九龍城覓食上次去九龍城嘅時候見到一間環境幾唔錯嘅泰國嘢 - 金蘭花, 一於走去試一試<泰式燒牛肉>泰式燒牛肉嘅份量都幾多, 牛肉口感鮮嫩, 肉汁爆滿, 燒烤感十足<咖哩雞>唔知點解次次去食泰國嘢, 都覺得要食下佢嘅咖哩 由於我哋已經嗌咗燒牛肉, 所以 咖哩就食返雞肉啦 呢度嘅咖哩唔會好辣, 最啱一啲想食咖哩又怕辣嘅同學仔 咁啱見到隔離枱食緊法包椰皇咖哩雞, 望落好似幾好食, 一於mark係to eat list<蝦醬炒飯>最後當然要食返啲主食填肚, 我哋仲嗌多份蝦醬炒飯, 食落有少少濕濕地, 但米飯依然係粒粒分明

呢到既酸辣去骨鳳爪好出色！平時食開鳳爪，但無骨鳳爪真係第一次食，我覺得食落口好滿足！唔洗自己去骨食方便好多！呢到既酸辣鳳爪酸酸辣辣好開胃好刺激！仲叫左份大圓法包椰皇咖哩雞！咖哩汁多到滿瀉🤤無論食點包食定撈飯食都好滋味！面包外脆內軟既口感都好好食！點埋咖哩咁食就真係一流！而且咖哩雞都好入味，肉質嫩滑！非常推薦呢到既咖哩,我覺得咖哩炒蟹應該都會好好食!同埋可以點埋酸辣去骨鳳爪做前菜!!🤤總括黎講,呢到既食物質素好滿!,希望下次同朋友黎試多D唔同款式既菜式!

有好耐好耐好耐冇食過泰國菜啦，今晚忍唔到啦！！約朋友一齊去九龍城，九龍城嘅泰國菜選擇好多，有好多間都食過，不過呢間金蘭花就仲未試過，我地決心要試勻九龍城嘅泰國菜,所以點可以放過呢間金蘭花啊，哈哈！首先入去就見到好多客人張枱,有一個圓圓地好大個嘅麵包，入面裝咗好多野咁，漏曬d汁出黎，真係勁吸睛！所以坐低就即刻望menu嗌番個大圓法包~入面有雞、薯仔，被黃咖喱淹沒，雞好大件，咖喱帶有椰香，辣辣地，好正！！通菜~通菜好入味，泰國菜的炒通菜真係唔可以唔嗌！海南雞~份量超級大，擺的好整齊，有生菜墊底，on top有芫茜，側面仲有番茄同瓜，成個look好清新，雞肉鮮甜，蘸呢度嘅秘製醬更加好味！蒜蓉包

今日同同事收工食宵夜，經過呢到見到有魚煲食就諗住點左份魚煲同串燒食下!魚煲份量都好夠，2-3個人份量左右，配料都好多，連個湯底都好好飲,魚肉又夠哂鮮甜！份量又好足!黎得呢啲泰式餐廳我就一定會點串燒黎食，所以就點左幾串串燒黎試下!無諗過原來呢到既串燒都幾野味幾大串！有雞肉、牛肉、豬肉、雞軟骨可以選擇！仲配有沙嗲醬，我覺得食串燒一定唔可以少得沙嗲醬，配埋一齊食先夠出色！呢到既沙嗲醬夠哂香同濃！呢個宵夜好豐富好滿意！會有下次！

每次黎到九龍城都一定要食泰國菜💓💓泰式生菜包是係我每次黎泰國餐廳都必定會點的菜式😍泰式生菜包係用生菜包住肉碎香料，辣度岩岩好，好滿足好滿足😚哩度既串燒選擇好多，食串燒最重要一定喺沙嗲醬，哩度13蚊一串，好抵食喔😍😍見到即叫即燒既串燒好惹味，我哋就叫咗四串試吓😚😚雞腎、雞軟骨、雞肉同牛肉。雞腎好爽口、雞肉嫩滑、而牛肉好入味、雞軟骨好脆口❤️泰色炒椰菜苗：翠綠既椰菜苗，炒得好爽又有口感，味道甜味甜的，一貫泰菜風格😚泰式檸檬魚，豐富既湯汁，清甜味夾住好開胃既酸辣，配埋啖啖魚肉😋😋仲有好多配菜😆😆沖衝味雷🥳🥳🥳

今日同兩個舊同學一齊過咗嚟九龍城呢邊做義工，做完之後我哋就去咗睇戲，睇完戲出嚟已經好肚餓，我以前係學校係出名嘅食肉獸，無肉不歡，我哋行咗好多間餐廳但係都唔啱心水，直到見到呢間金蘭花泰國菜館，見到佢餐牌上面嘅牛肉我就決定我一定要食佢😏我哋入到去坐低店員就好快過嚟問我地想食啲咩，店員推介左佢哋嘅泰式豬頸肉，既然係肉我都OK就一於叫咗呢個同埋燒牛肉另外仲叫咗其他嘢但我最鍾意都係佢嘅燒牛肉同埋豬頸肉，好正，食肉獸必點🤤呢度嘅店員態度好好，呢樣嘢值得一讚👍🏻

今日同朋友過黃大仙逛街，行完之後諗住食下泰國菜既然係食泰國菜，咁就緊係過附近嘅九龍城搵野食啦過到睇咗陣，行黎行去，猶豫不決，真係要再一次感歎九龍城的泰國菜餐廳還在太多了，選擇多到眼花繚亂最終決定試下金蘭花鑊仔冬陰功炒飯係因為見隔離有枱食緊，跟住另外一枱岩坐低嘅客人都order緊“鑊仔冬陰功炒飯”，所以我估應該係呢個名，即時叫番個，因為覺得幾趣緻，好似食韓國菜咁，用個金屬大碗裝住d野食咁。炒飯炒得幾好，唔會好dry。好食

好嘢一定要同大家分享下!今日唔洗返工,就落咗去同朋友行下，咁就諗住橫掂出到嚟不如喺呢邊食埋野啦，我哋就去咗搵嘢食，見到呢間金蘭花泰國菜館，見到咁多人等位就知應該好好食，就決定食呢間啦，我哋三個人等位都唔使四個字，呢度店員感覺好Nice，仲推介有咩好食俾我哋知，咁我哋就跟住店員既推介，點左海南雞，小食拼盤，另外仲叫咗白飯，呢度嘅海南雞啲肉好滑，佢會有個醬汁俾你點嗰個汁真係好正，我就最鍾意食佢個串燒，利間餐廳比我感覺好好，嘢食又好食服務態度又好👍🏻👍🏻支持❤

前日係我生日，但因為屋企人個個都要返工，第二日要返工又唔想收工食得好趕頭趕命返屋企，咁多人媽媽又話唔想買餸係屋企煮完食完又要洗碗咁辛苦，就決定今日收工全部聚埋一齊出街食餐飯。阿哥結咗婚就搬咗出去住，家姐就上年都搬埋出去住，大家約埋食餐飯都好難㗎，所以今日我哋就揀咗大家嘅中心點九龍城度食飯，食咩就阿嫂決定嘅我一開頭都唔知，嚟到先知原來食泰國嘢，呢度人流幾多，不過都係等一陣就有位啦，佢呢度啲嘢食整得好好食。特別想同大家講下嘅係佢嘅脆皮豬手，名副其實啲皮真係好脆肉又夠多，我哋另外仲叫左個小食拼盤，開頭都以為佢冇乜特別，但係佢拼盤好豐富，有春卷，串燒，香蘭葉包雞等等⋯，試完佢之後先發現原來呢度嘅串燒好好食😍。

今日一家大細聚埋一齊食飯，一向我哋屋企食飯都係我細姑媽決定食乜，因為佢係一個專業嘅食家😂佢最鍾意就係周圍搵嘢食，永遠都俾佢發掘到好多好好食嘅嘢，佢真係好犀利👏🏻咁所以呢個責任就落在喺佢度啦，今日細姑媽就帶咗我哋嚟呢一間位於九龍城既金蘭花泰國菜館到食飯😍不過細姑媽就話佢自己都未試過，但係睇OpenRice有好多好評，因為我哋人比較多所以等位都等左半個鐘，由於我哋叫得太多嘢食，我就講重點啦，泰式海南雞，真心推介俾大家一定要食，同你出邊食到嘅海南雞真係好唔同，加上佢有個秘製嘅醬汁，海南雞肉滑皮薄點埋嗰醬食真係正，仲有個泰式燒牛肉，食牛最怕就係太熟佢呢度嘅牛肉燒得啱啱好，而且我想講呢度嘅野全部份量都好多好抵食👍🏻，仲有佢個蒜蓉多士都好食過人🥴我哋全部人都有讚冇彈🤩🤩

鍾意食泰國菜嘅朋友或者可以一嘗下呢間位於九龍城嘅泰國餐廳🥰叫金蘭花泰國菜館佢灣仔都有分店嘅，都可以去灣仔到試😎今次就食咗佢個炒貴叼，咖喱雞蛋麵包同埋椰青🥢呢間餐廳一入到去已經好有泰國風情，坐低食嘢嘅環境都好舒適，😌講返啲嘢食，佢個炒貴叼唔會話好咸，味道啱啱好👍🏻啲嘢都炒得好爽口唔會太林🥳至於咖喱雞大麵包真係好大😛都有啲驚食唔晒😅但最終都食得晒，因為咖喱味好濃郁好香好惹味🤣，所以忍唔住食晒佢，食完呢兩樣我覺得一定要飲番個椰青😇好新鮮唔會係擺咗好耐嘅嘢青，呢三樣野加埋一齊簡直完美。😇

今次嚟到金蘭花搵食！ 鍾意食燒物嘅朋友唔係淨係可以食韓燒或者BBQ～因為仲有泰國嘅泰式燒！我今次去咗間叫金蘭花嘅泰國餐廳門面比較舊，入到去好有泰國嘅風情掛住泰國嘅喜慶嘅飾物，令到成間餐廳都好有感覺坐低好舒適咁今次我主要係想講呢間泰國餐廳嘅燒嘅嘢食，好似佢嗰啲串燒～同出邊比係有少少分別～因為出邊只係普通咁樣炭燒～之後燒得來可能肉質會鞋或者未必咁好味、反而走咗個味而呢度燒得好好唔會走味亦保留到原本嘅味道再加上佢哋有自己自家製嘅醬汁令到成個串燒嘅味道提升咗好多亦都好好味😋仲有佢個燒牛肉我見OpenRice上面都唔少講關於佢哋餐廳入邊嘅燒牛肉好平又好多我都覺得的確唔差肉質嫩口、唔會燒到冇晒汁令到味道提升係提升到好好好好味！

過九龍城搵朋友，經過見到呢間好似有人介紹過話幾好食，一於拖埋個friend一齊食餐好野先！🔸拼盤拼盤都幾大份，有兩件香葉雞、沙爹串四串、春卷四條、蝦餅四件，香葉雞包到好似粽咁，迷你粽，好可愛！蝦餅外脆內爽，蝦肉彈牙爽口，串串都好好味！🔸生菜包生菜包一食就胃口大開，乾乾地身嘅肉碎，泰式的特色整法，真係好正！🔸金邊粉首先金邊粉份量好大！粉比較濕潤同黏，食落口感比較特別，味道較足，甜甜地，側邊有個青檸，我鐘意整埋幾滴青檸汁~

今日終於都約到個friend出嚟，之前聽我個friend講話九龍城有間好好食嘅泰國菜，我就叫佢搵日帶我去，但係佢就比較繁忙😅加上我係住大埔比較遠，大家要夾下啲時間，拖左三個月今日個friend終於帶我嚟，我一向都好為食，聽到有好嘢食嘅我點會放過，呢間金蘭花泰國菜館係九龍城龍崗道，呢度人比較多，正常晚市時段都要等位，我哋就叫咗個明爐烏頭魚，泰式海南雞，大圓法包椰皇咖喱雞，明爐烏頭魚勁正🤩泰式海南雞既肉好滑，🎉大圓法包椰皇咖喱雞真係要推薦比大家，勁正勁好食😍🤤

細細個嘅時候住喺九龍城，大個之後都好耐冇返嚟呢邊，今日返嚟呢邊搵個老朋友，短短既時間，呢度都變咗好多，我個朋友帶咗我周圍行吓，跟住到咗夜晚佢就話帶我去食泰國嘢，朋友就帶咗我嚟呢間位於九龍城龍崗道嘅金蘭花泰國菜館。雖然人比較多，但等左一陣位就入得去，感覺呢度裝修冇乜特別，但總比到種感覺我係覺得好乾淨。店員亦都好親切，佢啲嘢食都幾好食，叫咗個泰式海南雞，好想同大家分享下，呢度嘅海南雞同出邊食到嘅唔同，平時食開嘅海南雞可能係點薑蓉，但呢度佢有個秘製嘅汁點好好食，而且海南雞嘅肉好嫩，我地仲叫咗碟菜，炒得好好食，連呢度嘅蒜蓉包都好好食，好想推薦比大家❤