金蘭花泰國菜館

營業中

休息中

九龍城有好多不同的泰式餐廳，隨意入一間都好有泰式風味。係門外見到金蘭花有兩間相連鋪，所以就入去試吓! 鋪內都算寛敞，整潔！今次我哋試左招牌菜大圓法包椰皇咖喱雞, 菠蘿炒飯，碎豬肉生菜包，菜心炒牛肉！大圓法包份量十足，咖哩汁不太辣，可能有椰漿，咖喱雞很惹味，而且法包焗得鬆軟，兩者配合很美味！菠蘿炒飯內有很多菠蘿粒，有少少蝦，尤魚，花生粒，味道不錯！菜心牛肉是菜牌內沒有的，我們叫服務員另做，味道尚可！今次最大驚喜是生菜包，豬肉有少少微辣（利申：我不吃辣的）我都食到而且很好味配合埋生菜，好香口！我叫左個椰青，是King size,味道很清甜呢！

好難得去到有香港小泰國之稱的九龍城食泰菜。 皇上話這間每次都好多人排隊， 今次行過， 好似無人排， 所以就抱著試下既心態。 可能是「正宗」， 感覺好似唔太過適合我食😅😅只能推介一，兩樣心水。馬拉盞通菜order 少辣， 可以接受到辣度， 通菜是夏天菜， 配上馬拉盞，所以都好難整得難食炭燒豬頸肉比較穩定嘅一樣， 只是個汁對皇上尼個就比較喜歡蒜香牛坑腩鐵板令到牛腩不斷出油在板中， 又配上炸既菜， 做唔到吸油效果， 仲令成件事出現太多油炒金邊粉炒得太干身， 欠味道

好耐冇食金蘭花，成家人專登過嚟食諗住回味一下。我諗個老細應該已經轉左手，啲人樣唔同晒，最大獲嘅係啲嘢食難食到不得了，破壞晒我嘅回憶！成餐飯等咗45分鐘都未上菜，搞到我要行過對面街入返咪錶。第一道菜等咗45分鐘嘅係生蝦刺身，我佢竟然話俾我聽冇晒啲炸蝦頭，但好彩個生蝦都彈牙既！第二道菜係燒豬頸肉，成碟總共得12片，啲豬頸肉梅既，仲有陣油益味，肯定唔係新鮮既！之後就係炒通菜，成個人灰晒，連碟菜都有豬頸肉嘅油益味，火都黎埋！好彩個蒜蓉包雖然好少蒜蓉同牛油，但都係脆既！，咖喱青口味道冇問題，但全碟只係得八隻青口，真係灰爆！相都冇心機影，記憶之中最差既一餐🤬

行呢條街就好似去左轉泰國咁😯成件街都賣泰國嘢，同埋好多泰國人😳見到呢間食店除咗貼滿同明星嘅合照，仲有泰國總理嘅相😌.本身成日見佢喺舖頭出邊拎啲餸菜入嚟🤔(仲以為佢請槍🤣)，之後發現原來有兩間舖頭，第二間就係隔離，不過中間隔左間唔知乜野😳.——————————————————————▽/ 泰式海南雞(半隻) / ❶❿♥︎♥︎♥︎♥︎♡(半隻已經足夠3-4人份量😏無骨方便食😚好有鮮味，唔太乾，但略嫌雞質唔夠滑🤨)./ 泰式燒豬頸肉/ ❽❽ [👏🏼]♥︎♥︎♥︎♥︎♥︎(唔係講笑~呢個好好食😋食到炭燒味，燒到啱啱好，肉質唔鞋又唔硬🤤點埋個酸鹹辣醬汁，超刺激嘅味道，令我係咁夾嚟食🥰)./ 炸蝦餅 / ❻❽♥︎♥︎♥︎♥︎♡(即叫即炸，唔係好多粉，重點係！炸得好鬆脆🤩唔會炸到又硬又拮口🥰食落蝦肉好冧，名正言順外脆內軟😍)./ 蒜蓉炒通菜/ ❼❽♥︎♥︎♥︎♡♡(呢個不過不失😁，可以落多少少蒜蓉，炒得有多啲鑊氣)./ 冬陰功湯 (2人份) / ❻❽♥︎♥︎♥︎♥︎♥︎(冬陰功從來都係我至愛💕 夠酸夠辣，味道豐富，湯好足調味料，蝦好新鮮，太感動了將蝦剝殼切邊🥰)./ 頂級鮮椰青/ ❸❻♥︎♥︎♥︎♥︎♡(夠晒清甜解渴😙，但好可惜冇得食入邊啲椰青肉🥺

父親節前夕家人下午臨時先話想食泰菜，book左幾間都full，泰菜想起九龍城，隨意揀左金蘭花，去到門口企滿人，我哋安排樓上閣樓最入的枱，有小朋友真係最好坐呢啲，只有一個ee 去服務我哋，但ee態度十分友善，食物每樣都出色，特別喜歡麵包咖喱雞，麵包好新鮮軟棉棉，芒果糯米飯，椰汁多芒果甜，乾炒貴叼都炒得好好食，下次一定要再嚟，性價比高👍🏻👍🏻

其實我好鍾意食蝦醬炒飯，不過成日食到嘅都唔夠蝦醬味，所以真係好唔開心，不過呢一間泰國菜館就滿足到我嘅要求。出面好多地方食到嘅蝦醬炒飯都只係上枱嘅時候你會聞到蝦醬味，食落口嘅時候就無乜味，但今次食到呢間就真係唔錯，入口時好有蝦醬香味，啱晒我嘅口味，如果你都鍾意食蝦醬炒飯而又遇到蝦醬唔夠味嘅問題，建議你黎試下呢一間。

一間無論食幾多次都覺得咁好食嘅泰國菜{金蘭花泰國菜館}😋首先好想講嘅係呢度嘅店員服務態度良好，感覺好親切，喺度住左咁多年其實咩都食到厭，但呢一間泰國菜真係食極都唔會覺得厭，今日去咗外國做嘢三年嘅家姐返咗嚟香港，一家人出嚟食飯，就同佢哋嚟咗呢間金蘭花泰國菜館，家姐幾年都冇食過泰國嘢佢好開心，好想講下佢哋泰式燒豬頸肉真係好正，每次黎我都會嗌，今日都唔例外嘅，加埋佢個秘製醬汁真係好好食，肉質夠嫩👍🏻👍🏻，佢啲咖喱辣得來好香，用薄餅點嚟食好好食，咖喱汁撈白飯都好正，真心推薦大家黎金蘭花食嘢一定要叫豬頸肉😍

而家疫情雖然仲未完，但放假都真係想出外走走，於是出左去黃大仙搵男朋友行街，夜晚再去九龍城食泰菜，九龍城食泰菜既舖真係有好多選擇，最後男朋友帶左我去呢間金蘭花食，因為佢之前食過覺得幾好食。一坐低，男朋友已經order一客蒜蓉法國麵包，之後再叫一客乾炒貴刁同燒牛肉。蒜蓉法國麵包好好食，金黃色好香，外脆內軟，熱辣辣脆卜卜，份量仲好多而且大件; 乾炒貴刁，真係乾炒，唔會炒到油淋淋，味道亦幾好味，蔬菜都炒得好好，唔會炒到淋晒; 燒牛肉，呢度既牛肉係燒得啱啱好，唔會燒到過熟令到牛肉鞋口，佢係燒到仲有好靚既粉紅色但又唔會有血水，而且份量真係好多，好抵食，我地兩個人食三碟餸都已經食到好飽好滿足。

同朋友咁耐無見,就大家收工食餐飯,佢平時最仲意食泰國料理,就同佢黎試下呢間泰式餐廳!平時去大排檔食飯就叫開馬拉盞通菜,今次就試下佢既馬拉盞白菜仔啦,佢仲有芥蘭,椰菜,通菜可以簡!啲菜爽口又唔夠嫩,仲好美味!見佢呢到魚鍋都好出名,幾多人食,一於就叫左個魚鍋試下!啲魚肉好新鮮，食落口好鮮甜啲湯都好好飲 仲可以用黎撈飯食😻仲有我最仲意食既炒飯啲蝦大大隻又新鮮份量又夠多，加埋啲蔥更加香，口感更加豐富呢個炒飯色香味俱全😻推薦👍🏼

為食嘅我今日帶埋屋企人出嚟一齊覓食，係OpenRice睇中左呢間金蘭花泰國菜館好耐😋今日一於就出嚟試下佢，同屋企人出到嚟行一陣街就已經即刻過去金蘭花度等位，等左20幾分鐘就到我地，我黎嘅最大目的就係要食佢個大圓法包椰皇咖喱雞，我哋另外仲叫咗好多嘢，但我就特登叫咗個白飯用咖喱汁黎撈飯食，果然真係好正好重椰香味嘅咖喱汁，重點係辣嘅，有時喺出邊食既咖喱係唔辣嘅🥺而且佢串燒好好食唔會乾晒點埋個汁一齊食真係好正😍我會再返黎食多次的🤤

平時好鍾意食野嘅我今日竟然比我無意間遇到呢間金蘭花泰國菜館，話說今日收工我同事叫我去九龍城嗰邊幫佢攞啲嘢，咁我冇嘢做諗住順便過嚟九龍城利邊行下都好，就應承咗幫佢拎，過到嚟呢邊人生路不熟行左好耐終於拎到同事嘅嘢，但我已經好肚餓，就諗住再行下睇下見唔見到有啲咩好嘢食，就比我見到呢間金蘭花泰國菜館，見到門口有人等位就諗住都試吓啦，等左10幾分鐘就入得去啦，唔知呢度有咩好推介所以就膽粗粗問店員最多人鍾意叫啲咩😂佢就推介左我食呢個大圓法包椰皇咖喱雞，咁我就點多咗個薄餅同埋泰式炒飯，估唔到原來份量咁多，食到我勁飽，同大家先講下個泰式炒飯，個味道香港人應該都好鍾意，夠晒入味，炒得好夠鑊氣。另外佢既咖喱唔算太辣，因為佢嘅椰味都幾重，我諗大人細路都啱食，點埋個薄餅食好正好滿足👍🏻

又黎九龍城搵野食，黎得九龍城，一定係食下泰國菜啦！！今次揀咗金蘭花泰國菜館，出面個樣望落好似好正宗咁，哈哈！！雖然地方唔算好大，但係食物味道唔錯！鑊仔冬陰功炒飯成個鑊仔裝住d炒飯拎出黎，幾得意下，炒飯好正，冬陰功味入曬飯度，酸酸辣辣好開胃，冬陰功的獨特味道真係無法抵擋印度薄餅內裡好軟又有嚼勁，啖啖都有小麥香。如果加埋咖喱一齊食，就正到爆！柚子沙律沙律有好多柚子，同埋菠蘿、腰果等等，成個搭配好清新美味，可以解膩醒胃！

平時好小會黎九龍城呢邊,今日約左幾個好好既姊妹黎呢邊因為其中一個姊妹岩岩做左人媽媽,而佢依家係住呢邊既,上佢屋企玩完契仔我地就一齊出去食飯,我地仲未諗到要食咩既時候,就見到利間金蘭花泰國菜館,就決定一齊試下利間,呢間餐廳既感覺比人好舒服,  無特別誇張既裝修但幾光猛應該可以一試價錢唔算太貴 我地叫左好多野食 樣樣都想試下 我個人有幾樣野食推薦,大家黎食既話可以不妨試下,泰式燒豬頸肉,肉質好好咬,加上燒得好香, 好岩送飯食仲有佢既豬手,必食,脆卜卜既皮,雖然明知熱氣但忍唔住食唔停口,佢仲有個小食拼盤,又有串燒又有春卷同蝦餅,正呀下次探契仔再來先得!!

成日話九龍城有好多好嘢食😋，我都叫做住附近，但都唔係成日過嚟食嘢，早前朋友介紹咗一間食肆，叫我去試下，係咩菜？九龍城當然係泰國菜啦😉去到九龍城，真係見到好多不同大大小小的食肆，大部份仲要係小店，唔係大集團嘅連鎖店，值得嚟食，幫助下啲小本經營💰嘅舖頭。朋友介紹這間舖位於龍崗道唔難搵，去到已經見到有客人在門外等候，好彩都唔係等咗好耐就入座👍睇返Openrice，原來都有好多好評，唔怪之得有唔少客人慕名而來啦🤗講返食物方面，叫咗幾款食物：🥢燒牛肉🥩牛肉火候控制得啱啱好，中間仲有少少粉紅色，唔會過熟。肉質鮮嫩多汁，入口散發濃濃油脂香氣，點埋個香濃惹味嘅醬汁，好開胃，滿足指數破錶！🥢泰式烤魚🐟烤到外層酥脆但唔燶，外酥內軟，魚令肉鮮香可口，加埋醬汁一齊食，味道酸酸辣辣，愈食愈開胃，好有濃郁嘅異國風味。🥢黃咖喱牛腩🍛咖喱香而不辣， 香料味濃厚，入口散發住淡淡嘅椰香，完全係泰國嘅味道。牛腩肥瘦均勻，口感軟腍無渣，非常入味。牛腩索晒濃濃嘅咖哩汁， 滋味無窮，送飯一流！

上個星期送貨嘅時候經過九龍城呢邊見到呢間金銀花泰國菜好似好多人食咁，好多人等位，今日就帶埋老婆同埋個女特登出嚟呢到試吓雖然都要等位但係其實都係等左15分鐘左右，店員就出嚟帶我地入去啦，我哋就叫咗佢個泰式燒牛肉，牛肉仲見到紅紅地肉質非常好，點埋個汁好好食😋老婆就叫咗個咖喱嚟送飯老婆話個咖喱辣辣地好好食，但因為我小小辣都食唔到所以就同個女食其他野，佢呢度仲有好多嘢食，最後就叫咗杯珍冰比囡囡飲，我哋一家人都食得好開心，好滿足🤤