金華餐廳

營業中

休息中

工作經過坪石邨眼見平台一大間茶餐廳，地方空間感大，衛生也不錯！坐下點下星期五的午餐-菜甫肉碎炒飯，凍奶茶（少甜）。飯量相當夠，但賣相一般，飯炒得不夠乾身，菜甫略咸，加上淡味的飯，又夾得不錯！奶茶比較多奶就較差....

行過彩虹好似周圍都無野食，見到間餐廳好似幾正常，入去嗌左兩個餸，咁就中左伏..... 我地嗌左芥蘭炒牛肉同埋西蘭花炒鮮魷。西蘭花炒鮮魷都算正常味，芥蘭炒牛肉出曬事。D芥蘭好似隔夜菜咁.....超級難食，食左兩條就食唔落，又黃、又老.......送兩碗例湯，但d湯落左好多味精，飲完之後，即刻喉嚨痛，唔敢再飲。好失望大佬，下次唔會再食..............................…................

今日趕住睇話劇，等爸爸放工後要速食，本想食返之前嘅清湯腩，但..有d失望，個腩無之前咁淋，仲叫左兩個腩添😅 仔仔碗牛肚就好好味，三十零蚊碗粉，仲有咁多餸，算係咁👍👍👍 *初入座時，枱底地面發現有篤啫喱狀的膠，阿媽我怕怕，見倒即調位...舊邨屋關係掛...要體諒😅

這天與團契的弟兄姊妹來這裏吃飯，我們大概7點到，店裏也還有很多位置。我比較少去茶餐廳吃飯，因為覺得又貴又很一般。這次我們叫了一個豬頸肉炒麪，一條豆豉蒸魚，咕嚕肉。另外我加了一杯凍奶茶。先說說豬頸肉炒麪，豬頸肉挺好吃的，不過有好幾塊比較厚，很難咬開。麵的話，已經軟了，感覺一般般。豆豉蒸魚挺好#的，很鮮，魚肉也滑。咕嚕肉覺得份量少了點，我們四人一人一塊就快沒了。味道還不錯。而奶茶反而挺好喝，滑。 總的來說，是填飽肚子的一個選擇吧。

2018年11月試過早餐全部雞扒牛扒豬扒超多肉鬆粉醃製 店員態度服務一般 冇乜禮貌 2018年12月試過買整牛雜 八十幾蚊返屋企打開個盒見到 兩塊牛蒡正常幾粒超細粒牛費15塊牛肚同其他茶餐廳食淨牛雜比例完全不同啲汁 味道超鹹食完 好口渴

搭小巴途經這裏， 因為太肚餓的緣故， 就到了金華餐廳醫肚。 鮮茄牛肉湯飯$48，原汁牛肚飯$50， 吉列魚柳配沙律$38， 跟餐兩杯啡走和熱可力。鮮茄牛肉湯飯 ～ 牛肉質感太硬， 雖然有好多番茄，但湯的味道不太濃。原汁牛肚飯 ～ 味道過得去啦又不算太好， 牛肚炆得幾林。吉列魚柳配沙律 ～ 沙律味道太甜了， 吉列魚柳都係普通啦，唔算話太好食。其實入去這間茶餐廳之前都大概估到食物水準， 不過我太肚餓喇，所以唔理得咁多， 唯獨是佢嗰杯啡走就畀好飲嘅。

意思係無乜人流照道理都無關痛癢。但真係好唔掂所以呢刻無聊下就寫返篇真實劣評。久唔久經過呢邊 本身想食m記但諗起茶記想試奶茶就唔諗咁多都係是但試間點知中伏。牛麵配奄列。個蛋硬過自己炒個啲。好鞋又唔多有蛋味失望。之後腿絲仲要有好多都似過期酸酸地。我一半食不下。再黎個牛正常但個麵就都失失地準。比正常再低半粒星。奶茶靈魂但就不過不失整體都係失望永無下次

收工在坪石邨搵食，見呢間餐廳門面不錯，店內地方幾大，主要係卡位，我得一個人，被安排坐在入口同收銀對住嘅卡位，睇咗餐牌大約2分鐘唔夠，一位姨姨店員走到我枱邊，好掘的第一句：你等外賣架？我話唔係，第二句：叫得未呀？睇夠未呀？嘩！嗰句「睇夠未」我即刻著火，黑面答佢：好急咩？睇多陣唔得架？佢無答我又行咗去！真係不知所謂，你主動過來問我使唔使落單無問題，咁嘅態度，我欠你嗎？唔使比錢架？得個急字只會令人反感！之後我叫另一個姨姨落單，佢正常啲，不過落單後又走來覆多次單（一飯一飲品啫）咖哩吉列豬扒炒蛋飯（$52）賣相不錯！連骨豬扒賣相幾好，不過炸得較乾，好似吉列肉乾多啲！咖哩汁香濃，難得係微辣（好多餐廳都寧願做唔辣咖哩了）咖哩汁內的薯仔炆到入晒味又稔身，好味，配菜紅蘿蔔仔同粟米都只係灼熟，撈咖哩好味，炒蛋熟晒嫩滑，白飯鬆軟，好味！熱檸茶（跟餐加$7）夠熱茶底濃唔澀，好味咖哩汁好味，但服務係粗糙嘅，姨姨們係可以完成落單上菜工作，不過說話唔多理人感受！感覺好差！唔受氣嘅咖哩汁好味

住彩虹坪石邨都知，金華近年裝修左，闊落咗，乾淨咗，光猛咗呢度食物質素一般，同彩虹區其他茶餐廳差不多，但價錢卻是最貴，可能靚裝修吧，不過唔緊要，最緊要坐得舒服。不過今日食完午餐，就知道不會再有下次！一點完餐後就發現點錯了飲料，已經即時同肥阿姐講唔好意思，點錯了，肥阿姐一副不悅樣閙左句：咁點丫而家！你而家想點呀！我黎食野架，做咩無啦啦比人閙！！真係打哂問號？鬧乜野又唔係好食，價錢又貴，態度差到咁， 唔憂做咁既然唔憂，彩虹區的確仍有好多選擇，呢間唔會有下次

其實作為一個食客，物品貴唔緊要，最緊要物有所值，所以就算蒸一條黃立倉要92元，而且咩都唔包，唔包飯，唔包餐飲，要加10元先有飯和湯，都算，照試。好食的話，物有所值的話，就算貴，下次可以在來。而我2018-03-08晚上大約就19:00的時候，去試下間叫做金華的茶餐廳，位於彩虹坪石邨，但係當條魚端來到的時候，你見到條魚比一個正常170女仔手掌大的時候，你會有什麼感受？我只頭覺得比人欺騙，感覺好似比人當水魚湯咁，以下係圖，有圖有真相。大家去的時候要小心啦。

今朝送咗阿女返學興趣班，喺附近搵間茶餐廳坐下，好耐都未試過自己嘆個早餐 呢度環境唔錯，有窗口卡位，已經係早上九點幾十點， 餐廳唔算多人，兩個人可以打對面坐卡位叫咗個傳統嘅茶餐廳早餐，煎蛋午餐肉配多士，牛油夠，多士脆。塊午餐肉厚到你唔信，好好食，要讚!火腿鮑魚麵，熱檸茶，個面嘅湯底都唔錯，齋鮑魚起碼有四塊，食完滿足曬早餐嘅願望老公叫咗個菠蘿油同熱奶茶~個菠蘿包好可惜， 師父可能用微波爐叮出嚟，雖然隻碟熱嘅，咬落去 韌嘅，有點失望，奶茶正常發揮。

晚上有晚市套餐，亦有兩餸/四餸/六餸套餐，套餐選擇頗多，作為屋邨茶餐廳，內裡座位舒服，已經很難得。叫了個兩餸餐，味道較為清淡，但合我口味。最欣賞是是日例湯，係紅蘿蔔青蘿蔔湯，不似味湯，清甜好咁。好有家的感覺。

新裝修後 幫襯過幾次 今次先記得要寫下食評 哈哈 那當然 整間餐廳的裝潢都比之前漂亮及光猛 顧客人數當然也比之前多吧 午餐時段有個餐牌 星期一至星期日都有幾款不同的選擇 既方便又快捷 我和朋友打算吃個快飯 便選擇了星期六的午餐 他點了咸蛋蒸肉餅飯 我點了五香肉丁炒公仔麵($50) 約5分鐘後 他的飯到了 但吃了一半 我的麵還未到 於是便同亞姐講叫佢跟跟 點知無左影😐😑再叫另一個哥仔幫我跟跟 要叫兩次先有追到😶😶味道方面 普普通通 不過不失啦 麵質很淋 但味道是偏咸的和有少少辣 辣度是可以接受的 但不吃辣的朋友要注意喔 另外 五香肉丁份量其實可以多返少少 熱度都夠的 嗯另外咸蛋蒸肉餅飯 我朋友話剛新裝修後 味道較好 但每況愈下 未至於好難食 但今次的質素好麻麻地囉 另帶一提 凍飲要加3蚊😱😱覺得有點貴吧 位於老屋邨的茶餐廳 價錢又不是平民化 味道就一般般囉