金苑酒家

營業中

休息中

昨天下午落着傾盤大雨，於是找一處近地鉄的地方吃午飯，一出地鉄口，有位阿姐派傳單說午市大中小點七折，於是便上去，這裏離地鉄口只需大概十步腳程。星期一至六午市，大中小點七折（假期除外）金龬紅米腸（大$27.9）紅米腸啲皮都很滑，脆網卷夠脆亦夠熱，饀料都很豐富。煎韮菜鍋貼餃（大$27.9）這個韮菜餃就比較一般，煎得不夠均匀，有啲地方很乾很燶，有啲地方又完全煎唔到。香芋松子餃（大$27.9）這個餃的味道比較淡，饀料淡皮也淡。雞絲滑粉卷（大$27.9）粉卷的皮很滑，但餡料肉太多，如果可以加多些蔬菜，如西芹紅蘿白等會好些。生菜魚球粥（大$27.9）粥底味道不錯，但比較稀，食到一半出哂水。黑椒金錢肚（大$27.9）醬料味道都算惹味，但金錢肚過稔，沒有口感。蜜汁义燒腸（大$27.9）因為其中有人唔肯食紅米腸，所以另叫义燒腸，皮薄亦很滑，义燒份量都很多。

星期四晚爸爸返左大陸，我就和媽媽與妹妹撐檯腳，食個晚飯。來到位於旺角彌敦道655號胡社生行4樓的金苑酒家我們叫了乳豬飯，加了條魚和啫啫生菜乳豬皮烤得幾香脆，由於所選用是bb豬，肉質格外鮮嫰，飯沾了豬油的香味，吃了一碗又一碗，好味。乳豬飯$108但是魚蒸卻是有點過火，肉質有點鞋口。蒸魚$168啫啫生菜煲，上檯時仍發出啫啫聲，熱氣騰騰，好味啫啫生菜煲$98總結：金苑酒家價錢不算抵食，而食物質素算是不過不失，如果就腳的話，可以一試。

是晚跟朋友去朗豪坊行街街，shopping完後肚子餓便找地方食宵夜，見到有姐姐在街上派宣傳單張，看見食物價錢非常抵食吸引😍，便決定去探索一下，大約晚上11點鐘差不多8成滿客人。看見餐牌上有很多選擇，看到寫他們出名燒鵝便即點，肉質嫰滑，只是皮不夠脆，但其香味不錯。清蒸沙巴龍躉仔非常新鮮，另乳鴨皮脆有肉汁😋也相當不錯，還有炒菜也非常大碟，一點沒有將貨就價，👍但題外話：唯一缺點的是酒樓內煙味很重和很吵耳，但總括食物是價廉物美。

下午茶小聚，見大，中，小點一律半價，約了家姐弟婦一行4人點了12碟點心，份量都夠大，所以大家都食到飽飽。連至愛的义燒包都吃不到。金綱紅米腸裡面似用油炸鬼包住蝦膠，食到3重不同口感“軟脆彈”， 好特別，不是一般酒樓可以食到 春卷脹卜卜好足料，炸得夠脆口。紅豆年糕厚切變咗年糕扒，好有驚喜鮑汁鳳爪都好入味

朝早同屋企人出旺角有野做，一早搞掂要搵地方飲茶啦 叫左蝦餃，薄罉，煎腸粉蝦餃都幾夠份量，有2-3隻蝦，而且好爽口。薄罉d粉調得幾好，好煙韌，同埋邊邊位煎得脆脆地，口感又軟又脆，但中間唔知咩事有d火腿片喺到，搞到d味怪怪地。煎腸粉都ok，煎得啱啱好，好煙韌，不過如果再煎香多少少同埋俾多d花生醬甜醬，我會再開心d囉，哈總體黎講係好食既，不過服務就真係麻麻地，我地入去由頭行到尾都冇人理，唯有自己搵位坐服務員又得好少, 茶要加水都要自己出手

金苑酒家早茶唔難搵位，搭枱都唔迫。兩個人叫左幾個點心，薄撐，蝦餃，炸鮮蝦腐皮卷同埋煎腸粉；薄撐夠薄，煎得好香，唔會太膩；蝦餃皮薄，但又唔易穿，蝦夠大隻，蝦肉彈牙，唔錯；炸鮮蝦腐皮卷，好欣賞佢個腐友炸得好好，好脆但唔會太厚，蝦亦都好新鮮彈牙；最後煎腸粉略嫌太大條，不過煎得ok, 唔會煎燶。總括而言下次係可以再揀呢間酒家。

今日同朋友在旺角行街，未決定食乜見到有人派傳單，這𥚃食肆甚多手拿住幾張傳單逐一看看見到皇子豬半隻原價二百多現在$108似乎幾吸引就上去試試兩個人第一時間叫了半隻皇子豬因為指定二至四人只可叫半隻再看看其他，都未想到食乜四處望留意附近幾枱都都有魚問問店員甚麼魚，隨即推介蒸沙巴龍𧄌我同朋友都認同有豬加條魚亦無防皇子豬燒得好皮脆，而肉質郤很腍皮與肉之間只有一層好薄的脂肪豬肉郤出奇地軟滑清蒸沙巴龍𧄌 - 味很鮮味，魚肉雖然是滑但是賣相吾得，蒸到散哂嘅感覺呢啲情況是蒸過了龍，倘若早兩三分鐘相信嫩滑度更加好研究餐牌見到千頁豆腐圖片賣相幾好況且得兩味感覺美中不足所以中途加了一碟千頁豆腐師傳老練刀功將軟綿綿的豆腐切塊豆腐不但沒有碎，還站得直挺挺的層層疊疊的圍成一朶美麗的花瓣放上面有八寶料大致是瓜粒，肉粒，菇粒等再在上面加了個茨汁豆腐入喉滑嫩古溜，需吃到濃郁豆香八寶粒味道則平平無奇瓜粒環境就是酒樓格局，可能是新開地方算是乾淨光猛，服務一般價錢好像貴了一點，兩人五百六十因為三個餸菜之中，皇子豬已經特價老實說現在很多集團旗下酒樓可以同一時間㨂兩三款特價食品這裡只可㨂一種，其他小菜價錢偏高所以拉勻都幾貴，希望下

今日係我第二次去幫襯嘅，因為之前第一次去食嘅時候剛剛開張，而家我諗開張咗都有三個月到啦！第一次去食嘅感覺都唔錯，但係冇影相，今次係第二次去，感覺沒有第一次嘅好，因為當時我哋係照左一啲特點嘅點心，今次醒目啦，記住記住只有大中小點做特價，其餘特點或者已經掉咗價錢嘅係冇做特價架，如果好似我咁慳錢就唔好叫喇。我今次叫全部都係大中小點，係早茶時段係做官假嘅，要讚一讚嘅係我叫左水仙茶，但係我飲啦我去嘅茶味有幾香喎，有啲桂花味，好少茶樓嘅茶係OK好飲架嘛。其他點心不過不失啦，我覺得最好食同埋要讚嘅係流沙煎堆，佢啲點心熱辣辣，唔似某啲酒樓凍冰冰，煎炸嘅食物都係即整嘅，所以熱辣辣，熱食已經係可以好食好多啦，非常非常好啊！兩個人埋單＄156 ,比起其他茶係貴啲啲！不過我可以都會再黎架！仲有啊，距啲座位都幾舒服雖然有啲擠迫，但係有好多部電視機，我可以一年睇住財經一面嘆茶，最重要冇人可以搭枱呀嘛！

同囝囝在朗豪坊辦理完事情後, 肚子餓了, 商量去那裡吃, 吃什麼; 日本菜？上海菜?快餐？最後決定吃中菜, 就直接上金苑酒家, 倆個人點了四道菜, 全部都吃光光😋再來個甜點; 乾淸紅棗糕, 這真的是一頓既美味又滿足的晚飯😋👍🏻感恩🙏🏻

一行幾人見到$198燒乳豬咪試下囉…乳豬算係好嘅，夠熱又夠脆，仲有爉味炒飯底，算唔喇…不過就肯定唔足一隻囉…個柚子脆蝦球，味道都幾好，酸酸甜甜幾開胃…金銀蛋浸莧菜，係全晚最出色嘅餸，味道適中，份量正常…肉泥釀尖椒，個茨汁係好出色好好味，但個肉泥就好霉，唔好食…清蒸鮑魚仔, 可能佢用咗d唔靚嘅陳皮，食落好苦，搞到個鮑魚仔都苦埋…最難食，係個魚雲煲，完全腥到暈，未食過咁腥的！至於嗰度嘅服務質素，算罷啦…差到衰過大排檔

清年假之日突然想飲茶,首選乃旺角區仍有點心車的倫敦大酒樓,以為平日會是較少人容易有位,實際是不用上班的哥哥姐姐還真的多,全場座無虛設還如舊式酒樓要自行找位,好不容易見有吉桌卻即時被放上X先生Y太太留座的紙牌,就算想拼桌也好像有點難度,走人....邊走邊看的看到對面的彌敦道好像也有兩家酒樓名字,時間尚早的又走過去看看。先上4樓名字較陌生的金苑看看,一出電梯已看到這裡似乎有位,雖然也要自行找吉桌,幸而侍應姐姐也樂意幫忙,終於有位飲茶了。雪白桌布上的碗碟純白簇新還有花紋,個人認為這套茶具甚為好看,店方的採購部這部份做得真不錯。習慣性選了香片($5)飲用,泡出的金黃茶湯帶有花香入口也蠻順滑,在茶葉愈泡愈濃之下,另一壺開水調和一下就剛好。中午十二時前結帳視作早茶價格計算,點心價格比午市優惠一些,看看手錶的時間....這個早茶優惠我絕對可以享用得到。沒有了點心車早茶,只好繼續在點心紙上劃點心,點心紙上的點心種類也不算太少,有興趣的點心也包括在內,選擇方面問題不大。金苑鮮蝦餃($30.8)即叫即蒸,傳菜姐姐打開蒸籠的一剎蒸氣湧出,蒸氣散掉後才看到四隻蝦餃大小不一,摺紋不太密集的蝦餃沒有出現笑口,奶白

六月與家人聚餐，蝦子餅見有間新開的酒家，决定去一嘗晚飯。餐牌上有很多新張期間的推介，於是蝦子餅點了其中幾樣品嚐 食物質素上佳，後來的海鮮魚，新鮮滑溜，大家都掛著食而忘記拍照，食飯期間侍應都勤力，常幫忙換碟和加茶，埋單時看看，吃了這麼多餸才幾佰元，蝦子餅與我决定下次再來嚐一嚐金苑的午市飲茶。7月再約了友人齊來金苑飲茶，知客安排了一張近電視的枱俾我地，環境舒適好坐，一邊看節目一邊喝喝茶，人生一樂也燒鵝如住常皮脆肉淋，蝦蛟大大粒新鮮，尖椒煎得香辣，而雞腳配沙薑味可口，全部點心新鮮，食得出是自家製造，特別好味，是次本人與友人都開心滿足地過了一個愉快的中午時光