金苑粉麵

行經土瓜灣道見有間粉麵店 門口正在搭棚裝修 走入內坐低冇一分鐘 個男店員應該係老闆問食乜 大佬呀 都未睇餐牌點叫呀 轉頭再來問 我話睇下先 睇完即叫已經面黑黑 句句頂心杉咁 叫可樂來就劈低支飲管 我一插入可樂即刻泡泡向上標 都唔知佢有冇心整蠱我 😡叫左一碗鮮墨魚鬚魚麵夠彈口湯清甜 一碗水餃魚麵夠料味道不錯 就算味道好 咁嘅服務態度不會再來囉 貼錢買難受 何必 老細唔休做冇有怕囉😕…查看更多

今次路過土瓜灣搵食，人生路不熟之際上OpenRice睇有咩好食，但係啱食嗰啲都實在有啲遠，最後自己行吓行吓去咗呢間粉麵檔，冇期望之際入去求其食。點知一行入去，已經聽到阿姐喺電話接外賣，喺度講魚麵😳即刻睇吓個餐牌真係有魚麵食。粉麵檔一定要食嘅就係牛筋🤤自己覺得牛筋整得好食，其他嘢食都唔會差得去邊🤭 見到佢呢間有墨魚鬚即刻唔使諗就決定到。最終叫咗個「牛筋墨魚鬚魚麵要腩汁多蔥」🤤好快已經嚟咗，牛筋唔係一條條，係一條再斜切上，墨魚鬚得1條，另外4件係墨魚頭，反而我自己勁鍾意食墨魚頭😍😍又爽口又有軟骨🤩🤩跟住原來佢嘅魚麵係魚蛋切條😂 又幾特別喎，即係成碗魚蛋條😆，啱晒我呢啲唔鍾意食飯/麵嘅人😂個湯底加咗腩汁清清地唔會太鹹，正👍🏻…查看更多

少去土瓜灣，經過都無咩餐廳選擇，結果揀左間粉麵店，裝飾偏舊式，以為會好食，結果伏伏地叫左牛腩+魚片頭麵$37+$6，魚片頭加$6得2舊，味道同口感都很差，係實滴滴既口感，吾彈牙。麵份量好少，食完都吾夠飽加$9有凍飲，檸檬茶正常發揮仲叫左魚旦河多腩汁，河粉份量叫ok，但河粉質地吾滑，較麵粉口感，多左腩汁都無腩汁味、好清，落辣椒油又吾辣，得個咸字，真心伏到呢加$9有通菜，腐乳味道吾濃😪最後唯一讚既係炸魚皮，$13一份，份量少，真好脆好食，係要讚總結吾會再比機會食，價錢適中、但食物質素好普通，吾好食…查看更多

我係土瓜灣返工，都係喺附近食晏，呢間係我一星期裡面都會去食兩至三次。今日食晏叫咗個牛腩魚麵跟餐菜芯，一開始係碟菜芯嚟先，但份量係比平時少（得四條，鋪得一層，平時係兩層有六至七條）。我即刻講咗句，"嘩 咁少嘅"。一個阿姐就講跟餐係咁少，我話我食開都知無咁少，我都係嚟比錢食野消費。之後我再同疑似老闆娘講話今日碟菜咁少嘅？佢話可能淥淋咗所以細碟咗。聽完呢句我即刻慶咗，不過之後無出過聲。我照食完，比錢，走人。唔係食啲咩貴價野食，但收咗錢都要對得住良心過得到人，各位小心。…查看更多

今次係食呢個墨魚酥加雲吞麵另外加薑檸樂 。因為周邊都冇呢啲舖頭，所以變咗佢比較多人，佢仲要營業到夜晚12點 。 雖然嘢食係正常 ，但係有個女樓面唔單止對價錢唔熟悉要望住餐牌嚟寫，並冇解釋清楚跟餐嘅嘢飲唔包薑檸樂，而係要另外再俾$18(唔係熱飲補錢) 唔係話唔肯俾錢，而係佢講冇清楚仲喺度狡辯，仲要鬧人 ，收銀亦都冇幫拖 。 所以冇下次 。呢間嘢獨市唔係大晒，你真係唔好怪人哋點解啲人唔出街食嘢。 希望佢唔會多謝街坊多年支持而加快執笠。 🙏😇…查看更多

下午坐車出土瓜灣，落山道巴士站落車，距離約會時間仲有半個鐘，又未食嘢，夠時間食個快餐，望兩望，裝兩裝，食碗粉麵肯定最快手，點知畀我搵到嘅間驚喜嘢。一坐低，店員即刻過嚟問我食啲乜？大佬呀！我第一次嚟幫襯，鬼知你有咩食咩？於是同佢講話等陣先，佢行開咗。我迅速打開餐牌，入面好鬼多選擇，但好彩第一時間吸引我嘅係大大隻字「魚麵」，再望下細項，吸引我嘅字係「鮮墨魚鬚」，正在猶疑之際，個店員又走埋嚟問我食啲乜，前後我諗兩分鐘都無，講真咁嘅態度真係好趕客，你又唔係澳牛，間舖又只得5成滿左右，何必咁趕住落單呢？佢既然咁趕，我亦無謂心多，一於叫鮮墨魚鬚魚麵，見到佢個餐牌有話加錢可以有我至愛之一嘅魚皮，咁就加埋落去啦！魚皮先到，弊！韌口。再過幾分鐘，魚麵終於到，原本想叫杯飲品，但飲咗一啖湯之後，取消呢個打算，事後亦證明我呢個決定係正確，因為我係成碗湯飲哂，之後一直唔口渴。手機食完到我食，我先將魚皮放落湯度浸腍，咬一啖墨魚鬚，個鮮味即時出到嚟，雖然係硬咗少少，但鮮味真係沒法擋，魚麵就無乜驚喜，但唔會太差，可以啦！而魚皮浸腍後，唔會太難食，埋單$46，應該會有下次嘅，雖然個店員催命鬼嘅態度真係好唔掂。…查看更多

【九龍城區】【金苑粉麵】之前行過土瓜灣，都係為咗搵賣兩餸飯畀遊客而上咗報紙嘅港明美食，結果佢嘅性價比都唔錯，令我眼前一亮。咁我作為一個八卦精，行過呢頭當然就碌埋附近嗰幾條街，睇吓有冇其他嘢好食。碌吓碌吓，就見到呢間嘢。咁我誠然唔會癲到食完個兩餸飯然後再去食粉麵啦，我係之後再有機會去嗰頭先去食埋嘅。個招牌係黑底金字寫住「金苑粉麵」咁啦，另外旁邊就寫住牛丸、牛雜。所以我入去就想食呢兩樣嘢，盡量唔使叫兩碗嘢就最好啦。咁我就叫咗「牛魔王牛丸魚麵」，牛魔王係一個餸，牛丸係一個餸，雙拼轉魚麵，一流。所謂牛魔王即係牛雜、牛腩、牛筋，都幾好喎，一次過食晒呢三樣嘢。不過質素方面就唔算話好突出咁，普普通通，冇咩值得提起。反而另外拼嘅嗰個牛丸，雖然得三粒，但係入口彈牙，牛味又香，幾正。魚麵就爭啲魚味，我唔係太建議喺度食。嘢飲我揀咗「凍杏仁霜」嚟飲，又整得幾濃幾好飲，哈哈。夾埋食咗 $74，本身牛魔王同魚麵都唔係平吖嘛。。。（地址：土瓜灣土瓜灣道253號東興大廈地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am九龍城區 #土瓜灣 #金苑粉麵 #牛魔王牛丸魚麵 #牛雜 #牛腩 #牛筋 #牛丸 #杏仁霜 #1am1027 #1ambackup…查看更多

成日行過見啲牛腩都幾吸引收工都有少少夜番到去都唔係好想煮飯於是就去食呢間( ´ ▽ ` )ﾉ-樽裝芬達 $10💰-牛三寶河 $47💰上枱就見咁清既，唔係我想要既濃湯腩汁既色所以叫左店員加炸蒜，香蒜味真係會提升食慾我想像唔到如果冇香蒜會有幾咁清淡……牛三寶分別有牛筋,牛腩,牛肚，味道偏淡個人覺得個腩汁都唔夠味偏清淡，如果腩汁濃番啲就更加好喇牛筋係有咬口既腍，唔會過腍呢個幾滿意成碗野味道太淡，相信唔會再食‼️…查看更多

星期日繼續周圍搵野食行到見到有間魚蛋粉就入去試下本來都諗住都係果啲野價錢正常 款式都正路但見到有個category係魚麵就試下畢竟出面都比較少見叫左碗雲吞牛肚魚麵魚麵好彈牙牛肚就正常雲吞麻麻地 下次可以試其他😂…查看更多

關於粉麵店，自己一向中意廣東式，貪佢夠濃味，而另一種係潮州式，湯底又淡D，又落D我唔中意嘅唐芹，牛腩味道更淡，唔夾自己口味.所以，係屋企隔離街哩間金苑粉麵檔，係潮州式粉麵店，從未幫襯過，今次幫襯只因為佢地有鮮魷魚鬚，而我又突然想食.另外哩間潮州粉麵店又有D奇特，除咗有魷魚鬚之外，又有泡飯，魚麵，豬油渣，奇奇怪怪又有生炸豬扒，炸豬頸肉同香茅雞翼，當然.... 多D選擇係好事.再留意環境，感覺係好亂..... 同埋唔多乾淨.....女友小熊點咗碗水餃魚蛋河扣底，我叫咗個淨紫菜四寶，重點當然係鮮魷魚鬚啦!希望愈大失望愈大! 鮮魷魚鬚就只有彈牙，完全無鮮甜味! 好似食擦膠！但擦膠都起碼有膠味！份量又少，偷工減料！水餃魚蛋河扣底都重有好多河粉，好明顯無扣底，水餃有原隻彈牙鮮蝦，而潮州魚蛋超彈牙，湯底就唔好提了....我果碗淨紫菜四寶，人地通常落魚扎佢地就落扎肉，另外有魚皮餃，貢丸同豬肉丸，落單時要求多腩汁，但湯底仍然偏淡，魚皮餃餡料又實皮又實，食一粒已經一半飽肚，相信食一打再加半個光酥餅已經可以行走天下!其他丸都係一貫水準之作.服務就超頂引，叫佢扣底無扣底，都算，小熊點汽水侍應問小熊罐裝定支裝，小熊話要罐裝五秒後攞支裝囉! 有個客叫淨雲吞，個侍應就同廚房講淨魚蛋，求戀其亂Q嚟! 叫我下次點敢嚟?…查看更多

掃針紙！咩外賣！落得未！男女職員均惡過碼頭孤哩，點好食都係食一次。牛腩幼麵，麵條份量都偏向少，剛剛端來都尚算帶少許咬口， 浸湯之內都不算是太林。牛腩的份量大概是六至八件，比起大埔鴻發份量一定少得多😹有兩件都是偏瘦的牛腩，質地麻麻，瘦得滯，吃起上來滿口痴牙；其他的就有點脂肪，都算是幾層肥瘦相間，不算太差。調味料醋、魚露、辣椒油，辣椒油辣得來有少許炸蒜在內裏，味道都不太差。不過就服務以及份量來說，似乎前幾個鋪位那間九記？的，更加抵食，服務更好，想不到會再來的原因。…查看更多

住附近嘅街坊實知呢間嘢🤣尤其呢排好多舖頭都冇開🥲有時想求其買個麵食都會去間🤣➼ 肥牛米線外賣嘅份量都OK，我一個女仔食完都覺得飽飽哋🤣可能有肥牛嘅關係，個湯都有啲油，不過唔影響味道嘅！30幾蚊一碗麵都唔會期望係好靚嘅肥牛，我會形容個質素係不過不失，同岀面啲任食邊爐任嗌嘅差唔多🤣不過買咗真係要快啲食，因為浸耐咗啲肥牛會熟得濟，就冇咁好食了。…查看更多

呢間店已經幫襯8年，幫襯得8年，食物質素一定有咁上下啦，係咪。正宗潮味粉麵，尤其牛腩及牛雜嘅味道，我個人認為已經係土瓜灣別無他選。但突如其來，匪夷所思嘅事情發生咗。有一日一個去食，叫咗罐汽水，點知攞咗罐細汽水，好奇心望下個雪柜，見到有大有細，再問一下個價錢，原來大小同價。咁點解唔係比大罐我呢？仲教我下次可以出聲㗎，再睇個侍應口罩戴到落個鼻下面，就唔想同佢講嘢。你比細嘅，點解唔收平D呢？大小同價，點解唔比人選擇呢？食店嘅食物係重要，但服務質素亦可少。…查看更多

日日食飯真系食到厭，有時都真系唔知食咩 就會去整返碗牛腩河食 。今日行完街經過，又唔知整咩餸好，就買咗淨牛腩返去加餸，真系超正超好食啊 之前都試過魚蛋，墨魚鬚，炸魚皮..... 每一樣都唔錯，又平又正，值得推薦…查看更多

唔好睇呢間粉麵舖好似好普通咁佢同其他粉麵店有一樣野唔同 就係佢有自製嘅魚麵 好彈牙好好食㗎 所以每一次我都會嗌魚麵👍🏼咁食粉麵當然又係減肥之選啦配料方面我會揀魷魚鬚牛丸牛筋牛肚魚蛋呢啲都係瘦嘅可以選擇嘅配料 🤪至於味道方面魷魚鬚一時時 睇你好唔好彩 有時可能會有啲硬 但係勝在夠低卡 食多多都唔怕 哈哈牛筋就有保證啲 次次都好食嘅 仲好入味添😍牛丸都唔錯係Juicy嘅👍🏼配多碟灼菜全走 咁一人的減肥餐就夠哂飽喇…查看更多