金色不如帰

好味道的貝汁鹽味拉麵、自家製豚肉煎餃同木村梳打水-信州巨峰，不過份量極少，都食唔飽，以為自己大食左，原來細過出面d拉麵店的拉麵🥹🥹重要貴，貴唔緊要，要食得飽人先得架，我睇鬼滅之刃之前食，食完好似冇食過咁，睇到一半就肚餓，雖然冇樓上食評咁經歷差嘅服務，但真係唔怪得人地返鄉下先食😤😤…查看更多

金色不如歸嘅湯底確實同其他有唔同，佢哋用大蜆、豚骨同魚介熬製，因為有蜆，所以湯頭比其他拉麵店多咗份海鮮嘅鮮甜。拉麵用嘅係北海道「春よ恋」麵粉，呢隻麵粉係由芳香甘甜嘅北海道春之戀小麥製成，麵條小麥味濃，仲好甄韌。不過，雖然味道都ok，但拉麵份量比較細，同埋淨係跟兩片薄薄嘅叉燒同京蔥絲，如果你真係好肚餓，可能會覺得唔夠飽🤭喺呢個時候，你可以好似我咁叫埋佢哋嘅餃子🥟味道OK，加埋拉麵就剛好後飽喇😬 價錢同份量唔係好成正比，所以只會試一次咁多啦。…查看更多

總結： 金色不如歸作為米芝蓮一星拉麵品牌，食物質素有一定水準，貝汁鹽味拉麵鮮味突出，涼拌墨魚清新有層次，但整體份量偏少，加上價錢偏高，性價比不算理想。環境舒適，服務流暢，適合偶爾一試，但低機會回訪。叫左嘅食物有：貝汁鹽味拉麵（午市Ramen Set）【7.6分】- 麵條屬幼身，掛湯力不俗，口感彈牙；配料如叉燒、蔥花、筍絲等擺盤整齊，但份量略少，未能完全滿足飽肚感。輕盈涼拌黑松露紋甲墨魚【7.5分】- 墨魚切片薄身，口感爽滑，黑松露香氣點到即止，不會過於搶味，整體味道清新，適合作為前菜。飲品：Coke Zero環境： 店舖裝潢走型格簡約路線，座位安排舒適，枱凳整齊，適合輕鬆用餐。服務： 店員態度正常，點餐流程順暢，上菜速度快，整體體驗流暢。價錢： HK$184.8（加一後）; 人均 HK$184.8進食時段： 午餐時間評分： 6.9/10詳細評分解釋： 綜合食物（味道與賣相）、環境（氣氛、空間、衛生）、服務、性價比四方面作整體評估。比分偏重食物與飲品部分。- 1‐5分： 不推薦- 5‐6.9分： 普通，低機會回訪- 7‐8分： 都可以，會考慮回訪- 8.1‐9分： 相當不錯，大機會回訪- 9.1‐10： 各方面都好好，一定會回訪整體而言，金色不如歸作為東京米芝蓮一星拉麵品牌，湯底確有特色，特別係貝汁鹽味拉麵鮮味突出。但考慮到午市套餐價錢接近$200，而份量偏少，性價比不高，若非特別想試米芝蓮拉麵，未必值得專程前往。…查看更多

去過兩次，第一次係門口睇緊水牌其間店員粒聲唔出係面前直接收走，第二之同帶位講兩位，又係粒聲唔出手指指你去張枱度。 基本上同其他openrice嘅評價都係吻合，一副睇唔起顧客既樣。以上事件千真萬確，如有 懷疑造假歡迎報警check CCTV。寫依段野係希望香港商家反思，唔好賴人北上，有時係香港食野寧願全程電話落單都唔想接觸店員受氣。…查看更多

經過The Southside咁岩見到呢間拉麵店$148和牛拉麵，心諗如果塊肉好食都值回票價呢碗和牛拉麵係由三款肉嘅汁調制所以湯底肉味濃郁我心入面嘅主角係塊和牛，好好食和牛好嫩滑，充滿肉味絕對唔係普通急凍嘢上面仲有啲黑松露醬汁同和牛perfect match 好味到如果有得加錢加佢塊肉就好喇🥹不過可能因為用心烹調，等待時間大約10-20分鐘左右，適合休閑日子去食😋…查看更多