金禾

營業中

休息中

朝早肚餓，公司附近啲早餐又食到厭，想試下新野，聽啲附近番工既朋友講，以前灣仔金禾搬左嚟中環，距離公司又唔係好遠，一於踩下場試下先。餐廳整體都好乾淨，坐位又唔會迫，可以舒舒服服咁坐係到嘆下，門口玻璃唔會擋住啲日光，唔似普通茶餐廳有啲暗，餐具紙巾都好齊全咁放係枱上面，唔洗下下問人拎。食物方面，今次我叫左個早餐C，大大個奄列加個牛油多早餐食完人都醒神啲，而且㕑房係開放式既，望到個㕑房既潔淨程度，食咩都放心啦。

中環又有新餐廳啦...又係茶餐廳呀。不過今次呢間除咗有平時啲茶餐之外，仲有佢地招牌嘅鹽焗雞雖然得未食過呢間餐廳，但之前行過已經見到lunch time 時間好多人排隊，應該都唔差嘅中西有三寶 📍$65有2款三寶飯，我就選擇咗鹹蛋，叉燒，紅腸，鹽焗雞飯 👍份量好多，我諗下次黎要叫少飯，啲飯多到呢 🙈。呢個餐一定要提提個鹽焗雞，真係整得好出色... 惹味得黎啲肉又唔會鞋，正呀～ 不過啲叉燒好似肥咗啲，大舊咗啲。同店主反映咗，佢話原來可以落單時要求瘦啲架，下次識做啦!

炎炎夏日正好......行街？沿著下亞厘畢道行到FCC開始覺得有啲肚餓，諗起是日金禾新舖開張大日子，灣仔last day都有去食中環first day點可以唔去？落樓梯過馬路去威靈頓街，行到扶手電梯見到花牌滿路就知唔使開google map搵地方啦。過往典型嘅逼狹卡位不再，新嘅格局更令人誤以為入咗文青cafe，食物水準就依然係咁高汁（個人覺得凍檸茶比以前好飲咗）生炸雞脾肉滑多汁，薯條香脆，等咗15分鐘都冇失望。係茶記選擇不多嘅中環區，下次路過唔使再諗食咩好係一件好事。