金牌

營業中

休息中

九龍灣淘大商場人氣爆棚的冰室週六下午茶時間人氣滿滿😆餐點種類很多，主打鐵板扒餐，其中還有許多創意菜式裝潢新穎，環境乾淨，卡位舒適套餐包含湯品和飲料，可揀紅湯或白湯紅湯即是羅宋湯🍅，味道酸甜開胃，蔬菜足料🌽忌廉粟米湯味道不過不失～蒜蓉奶油麵包，蒜香撲鼻😸加拿大龍蝦尾拼西冷牛扒鐵板上桌時滋滋作響，可以揀選一款醬料西冷牛扒煎至外層微焦牛扒搭配紅波辣椒醬🌶️香辣惹味，提升牛肉風味建議可以點三成熟，然後慢慢用鐵板烤熟整條龍蝦尾則用青醬調味，青醬香草味突出，龍蝦肉本身稍嫌沒有鮮味，搭配醬汁食用較好吃～金牌羊架有三大塊，份量十足😁非常推薦薄荷醬，帶有清新薄荷香和甜味，中和羊扒的油脂感，更添層次👍🏻三成熟的火候掌握地非常好，切開來肉呈現粉紅色😆肉質軟嫩，帶少少羶味配菜有節瓜、粟米🌽意粉和薯條底層墊滿洋蔥，防止燒焦，頗細心整體來說，扒餐套餐性價比高👍肉質不錯，配料豐富

心血來潮想食鐵扒，上網Search好多人推介九龍灣金牌，見近近地，即管一試。一到餐廳，已經坐滿食客，等左大約十分鐘入座。餐牌上鐵扒選擇相當多，款款都好吸引鐵板加拿大龍蝦尾拼T字骨牛扒 配黑椒汁 配羅宋湯 蒜蓉包鐵板相當豐富，龍蝦尾鮮味爽口，配上T字骨牛扒牛味濃郁，肉質幼嫩又多汁。套餐仲配有傳統羅宋湯，好醒胃，蒜蓉包夠脆口鐵板火焰豬頸肉配蒜蓉汁 配忌廉湯 蒜蓉包第一次食鐵板火焰豬頸肉，口感幼嫩，油脂分布平均，燒得好香口。忌廉湯口感棉密又順滑

今日去咗「金牌」食鐵板扒餐，真係冇得輸！一個人食啱啱好，塊鐵板上枱嗰陣仲吱吱聲，熱辣辣咁🔥，未食已經覺得好興奮！ 我揀咗雞扒配司華力腸，再搭意粉🍝。塊雞扒真係幾出色，煎得啱啱好，外皮微脆，入面仲好juicy，完全冇雪藏味，食落仲有啲鮮甜👍！司華力腸就正常！意粉都值得讚吓，唔會煮到淋哂或者發漲，仲有啲咬口，撈埋啲鐵板汁食，好惹味～ 配菜都唔馬虎，有車厘茄🍅、翠肉瓜同粟米🌽，全部燒得香噴噴，尤其係塊翠肉瓜，爽口得嚟又唔會太乾，好食！ 個餐仲包紅湯同蒜蓉包，紅湯就普通啦，但個蒜蓉包真係無得頂😍！烘到金黃色，咬落去脆卜卜，蒜蓉味超香濃，每次嚟都必食，甚至想追加多件！ 成個餐嘅價錢就貴少少🤏，但係計返味道同份量，都算合理。鐵板嘅熱度keep得耐，由頭食到尾都仲係暖笠笠，好滿足！如果一個人想食啲熱辣辣又有鑊氣嘅嘢，呢度真係唔錯～ #金牌 #鐵板扒餐 #雞扒 #蒜蓉包 #一個人食好選擇

嗌左個下午茶餐既咖喱豬扒薯仔焗飯，薯仔得一粒，不過呢個價錢收貨。鐵板肉眼牛排就完全唔值$168，勁薄，鐵板上既時候又冇滋滋聲，揀3成熟又唔係3成熟，想食扒既話揀番牛扒飯算，嬲到都唔想再影多張相，對面茶舍啲扒厚過你都平過你幾十蚊，真係唔明點解你可以賣到呢個價。

今次帶朋友嚟到呢一間主打鐵板餐，超高CP值！晚市套餐已包括蒜蓉包、餐湯、扒、飲品，價錢比較親民和性價比高！呢度嘅鐵板餐選擇非常多，連鵝肝海鮮都有得揀，而主食可以揀飯/意粉/薯菜，餐湯可以揀紅湯/白湯，而一般扒房會比普通嘅餐包仔，但係呢度會比烘蒜蓉包，香脆又可口。鐵板鵝肝西冷牛扒點咗五成熟嘅西冷牛扒，鮮嫩多汁，而鵝肝煎得香氣十足，表層帶脆口感，裡面鮮嫩，每一啖都好滿足！再配合黑椒醬汁，味道更昇華！英式雜扒雜扒餐非常豐富又大份，醬汁揀咗蒜蓉汁，包括有豬扒、雞扒，肉質鮮甜美味，特別係雞扒，口感嫩滑好吃。另外仲有半熟太陽蛋，金黃蛋汁流淌，拌飯吃一流！下次再去嘅時候，一定會試下佢哋嘅海鮮鐵板餐！

前幾天，我和家人來到九龍灣的淘大，這間餐廳平常午餐和晚餐時候經常人潮洶湧，今天特意提早到，六點半就進去試試！這裡有我最喜愛的懷舊鐵板餐，想起小時候跟爸爸媽媽一起享用的美好回憶，這次輪到我帶他們來吃，真是充滿感慨。我們點了一個雜扒餐和西冷配虎蝦，價錢親民且份量十足！餐點還附送蒜蓉包、三文魚沙律和餐湯，真的是超值選擇！另外，我們還試了鹹蛋黃海鮮炒飯和招牌焗豬扒飯。焗豬扒飯的份量更是驚人，兩塊厚厚的豬扒，滿足感爆棚！

今日係淘大行完街，就同朋友去左金牌食野餐廳食物款式繁多，仲有鐵板餐，晚市套餐等鐵板瀑布芝士漢堡餐一上就見到超澎湃嘅芝士醬,一路用鐵板熱住，確保每一啖都係熱辣辣，芝士融化後，搭配新鮮的生菜和番茄，令口感更豐富精選晚餐，包括餐湯，頭盤同主食煙三文魚沙律沙律菜爽甜清新，好開胃鐵板金牌羊架份量唔少，羊架本身醃得好入味，肉質鮮嫩，鐵板將羊肉既外層略微煎香，保持左多汁的口感，搭配簿荷醬，香氣四溢兒時紅豆冰紅豆粒粒分明，清涼爽口黃牛半溶既雪糕加埋忌廉，入口順滑仲可以另加每日時蔬上湯浸既娃娃菜，湯頭鮮甜

今日去九龍灣鋸扒🥩平民價錢食到質素幾好嘅鐵板牛扒👏🏻加配埋set食到超飽🦞加拿大龍蝦尾拼紐西蘭肉眼扒$248(配餐湯、蒜蓉包、飲品）鐵板黎到滋滋聲出曬煙，牛扒叫左5成熟，切開係粉紅色，龍蝦肉彈牙，成個set分量好多，一個女仔食吾曬，🍝蒜香櫻花蝦大蝦意粉$68(特飲加$16)呢個意粉蒜香味勁濃郁，啖啖意粉都係蒜香，加埋大蝦同櫻花蝦，香香香🍞粒粒金磚西多士 $30係正宗嘅西多士，入面夾住花生醬，仲有粒粒花生🐔香炸雞中翼5隻 $35🍨黑牛（可樂+雪糕）特飲竟然有黑牛，自從麥當勞同好多茶餐廳冇再出，好懷念呢杯糖分超標嘅邪惡飲品記得要慢慢倒可樂，小心炸泡泡🍹凍奶茶

《人氣鐵板下午茶🌟》———————————————-#金牌 🎖️ -呢間人氣茶餐廳一到下午茶時間就大排長龍，早排同朋友專登早啲去拎位，終於可以食到佢嘅下午茶餐同埋鐵板😝-🍔 鐵板瀑布芝士漢堡包打卡一流，鐵板上嘅芝士滿滿🧀 下面嘅火爐keep住溶化啲芝士～ 牛肉漢堡肉質彈牙，好Juicy，配搭鬆軟既麵包好夾😍跟餐飲品我哋升級咗做黃牛，即係忌廉＋雪糕🍦-🥩 加拿大龍蝦尾拼紐西蘭肉眼扒 肉眼扒口感嫩滑，我哋嗌咗5成熟，一啲都唔鞋，牛味突出🐮 龍蝦尾size夠哂大，非常抵食，肉質彈牙🦞 架燒得啱啱好，份量十足，而係鐵板上面熱住好正，我哋再加咗隻太陽蛋，蛋汁夠流心，配搭蒜蓉醬汁好夾！跟餐仲會有餐湯同蒜蓉包，十分豐富～-🍞 西多士佢嘅下午茶都好正，而且性價比高😊西多士炸到金黃色，好靚仔，上枱熱辣辣，咬落去食到一粒粒嘅花生醬味，加埋煉奶同牛油夠哂邪惡🧈-⭐價錢參考：鐵板瀑布芝士漢堡餐：$98粒粒西多士：$36加拿大龍蝦尾拼紐西蘭肉眼扒：$248🍌 抵deal 指數：7/10

😅喺呢度食完飯嬲到要一個用咗OpenRice 咁多年都冇寫過食評嘅人喺度比差評😇-五點幾一入到嚟坐低，叫咗幾次都冇staff幫手寫野，扮聽唔到，後尾係隔離枱個客同我地講要用QR code 落單，但係連張QR code紙都唔比點叫野食😅-叫咗下午茶餐嘅乾炒牛河同埋個鐵板芝士漢堡，先唔講個包，碟乾牛嘅份量大家有眼睇，賣$48但個份量可能得食飯嘅碗仔多少少，同埋淨係得兩塊牛肉，一啲獲氣都冇，唔知食咗啲乜。。。。-個漢堡餐$98連薯條同一罐汽水，一嚟到已經覺得好伏。。。個芝士杰到我懷疑係白汁再啲芝士粉溝出嚟，但係一啲芝士味都冇，個包味道普通，薯條唔係特別好食，最大問題係成件事同芝士冇乜好大關係😓感覺被scam-成餐飯最唔伏可能係罐可樂😊大家自行判斷是非啦🙏🏻費事講得太激進比人ban～

九龍灣出名多野食，如果以香港茶餐廳來講，今次推薦呢家金牌gold label cafe & restaurant，絕對抵食又好食🤤週末下午茶雖然好多人，但都願意來排隊，呢度除左典型港式茶餐廳美食，仲有鐵板燒扒類，西餐都有埋，滿足不同客戶食欲🤭今次主食點左幾款：1. 必食鐵板燒，我就點左羊架 $178，配薯菜，跟蒜蓉包同餐湯，亦都跟飲品🤤羊架燒得剛剛好，食得出羊架是靚貨，真心好食😋2. 牛肝菌汁雞扒🐔煎蛋🍳飯 $47 我好少食白汁飯，但呢個牛肝菌汁原來好正好開胃，雞扒熱辣辣夠香脆，而且好抵食，值得一試👍3. 再來個下午茶餐：粒粒西多士配瑞士🇨🇭雞中赤3隻 $44 又係跟餐有野飲，抵喔🤤

🌇 九龍灣｜GOLD LABEL CAFE & RESTAURANT｜高質鐵板扒餐平民價！位於淘大商場嘅 GOLD LABEL 係間超高CP值嘅平民扒房，主打鐵板餐，選擇多樣，連鵝肝龍蝦都有得食，晚市set已包頭盤、餐湯、飲品，真係抵食！🔥 必試推介
✔ 鐵板鵝肝西冷牛扒 $188
鵝肝煎得香滑無腥味，西冷牛扒七成熟，外焦內嫩，鎖住肉汁，每啖都好滿足，配搭夠豐富！✔ 加拿大龍蝦尾拼紐西蘭肉眼扒 $248
肉眼扒口感嫩滑、有肉香。對比起西冷，我更鍾意肉眼；龍蝦尾size夠大，肉質彈牙鮮甜，海陸雙拼份量十足！推薦
✔ 頭盤煙三文魚沙律＋蒜蓉法包＋餐湯＋飲品（晚餐set包）
煙三文魚新鮮，沙律夠清新；蒜蓉法包香脆；餐湯熱辣辣又夠濃郁，配埋野飲好滿足～💡 總結
用百幾蚊食到鵝肝、龍蝦、靚扒，仲要連餐湯、頭盤、飲品，性價比極高，水準超出期望，啱晒想食靚扒又唔想傷荷包嘅朋友！📍 GOLD LABEL CAFE & RESTAURANT
地址：九龍灣牛頭角道77號淘大商場3期地下G266-270號舖
🗺️ #dummytummy九龍灣
🍽 #dummytummy扒房 #dummytummy鐵板餐
💸

出街做嘢搵間食晏，勁多嘢食揀扒類焗類沙律米線炒粉炒飯。同事揀咗焗牛脷飯，見到幾厚幾正啲份量足，兩份都份量好足😊而我係食炒飯👍下次試其他，對佢哋扒有興趣，沙律都好正啲，見到有個餐係扒再加2球沙律，勁正。這家餐廳的環境比較簡單，但服務態度很好，上菜速度也快。勝在款式多樣，選擇豐富，適合不同口味的人。重點是份量實在，吃飽無問題！炒飯方面，材料新鮮，火候掌握得不錯，口感清爽不膩，好啱當午餐或晚餐選擇。整體嚟講，係一間平價又實用嘅餐廳，值得推薦！

今日去九龍灣度行下啲家品店，行攰左想搵間餐廳食個下午茶先，。經過呢間餐廳見到好多人係門口排隊，咁我就決定揀呢間食。我地叫左佢招牌扒牌 肉眼配鵝肝🩷🩷🩷🩷🩷佢塊鵝肝食落入口即溶，配埋薯條同埋塊肉眼好夠淋而且牛味夠濃，我叫左7成熟，煎得岩岩好，又多汁配埋佢個濃味黑椒汁，辣辣地好過癮。仲有個白湯係忌廉粟米湯，好濃食到一粒粒粟米粒好有口感，加埋個蒜蓉包，好香蒜蓉同牛油味搭配湯一齊食好正絕配。我叫左3個下午茶都好正🩷🩷🩷🩷🩷有瑞士汁乾炒牛河茶餐，佢啲瑞士汁甜甜地，個河粉炒到好夠鑊氣，而且啲牛肉又夠淋身索晒啲瑞士汁味好正！份量又足👍🏻粒粒西多士茶餐，炸到啲西多士金黃色，粒粒都好靚仔😍同埋佢有得揀煉奶或者蜂蜜味，梗係揀煉奶味啦😆正呀！咬落去食到一粒粒嘅花生醬味，好滿足呀🤓仲叫咗個瑞士雞髀沙律茶餐，佢個瑞士雞髀醃得好夠味，淡淡都食到瑞士汁嘅味道同埋雞髀好滑，都好大隻，配埋佢個雜果沙律，好清爽。因為有四個餐，所以叫咗四杯都係凍檸茶，不過凍檸茶都好夠味茶味夠濃，而且唔會話太甜，質素咁高，平靚正。唔怪得每張枱都坐爆曬人啦！👍🏻

嚟到淘大商場，好多餐廳選擇，行住邊睇邊搵邊間食晚飯，同行朋友想食意粉，但我就想食好耐冇食過嘅「鐵板扒餐」，好彩見到呢間「Gold Label Cafe & Restaurant 」有曬呢兩樣嘢食，而且仲有好多選擇。餐廳以QR Code自己落單，一嚟就先揀鐵板餐，實在有好多選擇，牛，豬，羊…，最後揀咗「加拿大龍蝦尾拼紐西蘭肉眼扒 - （鐵板餐）」，有意粉，飯或者薯條揀，餐湯要紅湯跟蒜蓉包。朋友揀咗「青醬煙三文魚意粉」，可揀多汁，份量多喎👍🏻飲品有好多選擇，呢度仲有經典嘅「黑牛」可樂+雪糕，我即點😋朋友就揀咗「鹹檸七」。大滿足✨