金灣漁港火鍋

營業中

休息中

與爸打的一次下午茶小敍，嘆平價點心，可能因為價錢便宜，食客也不少，頗為擠迫。我們叫的都是一些大路的蒸點，上桌時仍然相當熱辣辣。潮州粉果外皮算薄，晶瑩通透，看得到入面的餡料，肉、馬蹄、蔥以及花生等勻稱，一口咬下甚麼都有，沾些辣椒油更能提味。蝦餃和燒賣都是對辦的，蝦肉及豬肉俱很鮮美。香口的炸點是又熱又脆，不會勁油膩。煎韮菜餃脆皮甚薄，足以釋出韮菜的香氣，惹味之作。鯪魚球本身經已很充實，啖啖扎實而豐盈的魚肉，配以最佳拍檔蜆芥，絕不過鹹。煎芋絲餅實際上跟芋頭糕差不多，芋頭很多。可能人多，唯一美中不足之處乃冷氣有點不夠。

Went here to yum cha with my family, as my mom kept stressing the prices were really economical during afternoon tea hours. .We ordered the following dishes:-Shrimp Dumplings The skin was thin and the shrimp was fresh. -Pork Dumplings Topped with a bit of crab roe, the dumplings were meaty. -Pan-fried Turnip Cake The turnip cake was somewhat mushy, but had a  generous amount of turnip in it. -Pan-fried Chives Dumplings With an extremely crispy skin, the dumplings were hotly-fried. They had a lee

大約於1點入座，飲茶至兩點多，由於呢間酒樓準備做下午茶，當時我哋張枱仲有少少食物，一個看似係部長的短髮女人埋嚟問係咪埋咗單就走(因有家人走先已經由佢埋咗單)，答佢食埋就走，轉頭飲緊杯茶準備走佢又問走未，完全趕客，仲衰過食限時

尋日同舊同事去灣仔食左一碗喇沙海皇鍋米線，分享比大家聽聽。😋首先講講湯底，喇沙嘅湯底唔算濃郁但都食到有椰香味，而且都真係辣。不過，整體來講，湯底比我期望中少咗啲層次感，可能椰汁唔夠多。🔥🥥米線方面，份量非常足，真係大件夾抵食。但米線有點腍，唔夠彈牙。配料方面，除左豆付卜同赤貝就無其他...🦐服務態度真係麻麻。聽其他食評講過，呢度嘅服務態度一般，但親身體驗後真係感覺唔好。當時有個四眼哥哥，行過我哋枱幾次，但完全唔理我哋要落單同賣單嘅手勢。仲有，米線同D點心都未食完，就急住嚟收走，好彩我叫停佢，真係有啲煩。👓😒總結來講，呢碗喇沙米線鍋喺茶樓黎講都算特別同埋唔太貴，尤其係份量方面確實值得一試，但味道方面就唔好有期望，同你係屋企煮差不多。同埋服務態度確實需要改善。如果你想搵平價茶樓，唔介意服務態度嘅話，可以一試。👍希望呢篇食評可以幫到大家，睇下你哋有冇同樣嘅感受。🍜✨

不嬲星期六嘅灣仔人流比平日少得多，無諗到謝婓道呢間金灣漁港火鍋未夠兩點已大排長龍等入座，地方唔算大，座位唔算多但尚算寬敞，食物質素不錯，適逢$2 茶位確少見，不妨一試。

走進金灣漁港，先俾濃濃香茶氣息迎面撲嚟，心情即刻愉快咗好多🍵。點咗幾款必試小食：脆皮炸魚皮，啖啖肉感加上一啲又脆又鮮明嘅口感，真係啱哂愛下酒嘅我。牛頸脊嘅彈牙同深郁牛味，真係撩撥到味蕾，一試難忘。再講下嗰清雞湯底，細火慢煲出嘅湯圓滑得嚟鮮甜，加半隻雞入面，啲湯簡直好飲到冇朋友！呢度嘅魚乾炒飯絕對係隱藏版勁食🍚，粒粒分明嘅飯加上香脆魚乾爆出嘅香味，每一啖都似喺度小小地爆炸咁，飽滿滿足感！而且隨單來嘅芝麻菜同豉油雞，又鮮又滑，話晒都係茶樓嚟嘅咖啡🥚，一壺好茶配埋啲勁香嘅食物，咪就係香港人回味無窮嘅風味喇！坐得近近地，嗰份熱鬧嘅氣氛加埋嚟緊唞嘅每一啁熱氣騰騰嘅美味，係我哋口袋唔深嘅普羅大眾都享受得起嘅呀。撇開環境唔算豪華，但係嚟呢度食飯，唔單止飽肚，連心情都飽滿咗😋。灣仔秘密基地，金灣漁港，我會再嚟㗎！👍

今天2：20分到達金灣樓下見約十二三人在排隊,可能因為下雨天,午餐時段人流未散,因此下午茶未能在二時後入座,約在2：45分被安排入座後寫咗點心單遞交時被侍應告知要一次性下單,之後不能再加單😳,因為廚房在三時會截單,點心很快上枱,但點心來到時是的炸物炸不透有粉☹️,蒸飯亦不熱😓,在吃的途中約3時20分時應在叫食物到齊了請去買單先😅之後便關冷氣😖因為是搭枱的關係我枱的一個老伯仍在吃湯粉時,被告知要吃快點,我當時即刻回應為何如此趕仍要做下午茶,侍應回答我你可以早點來,我說我早點來你會放我進來嗎？😤之後去買單再檢查賬單時應該是兩蚊一位茶錢竟被收了$44最終收銀當然係話打錯啦！😆🤨總結~可能在影片分享網站上被人吹捧茶錢夠平點心夠熱,之後做起個市,服務態度差到冇人有😤😤😡😡以後就算免費都不會再幫襯😡😡😤😤

今日慶祝媽咪生日 咁啱佢又話想打邊爐 由於我哋唔想揀啲限時嘅餐廳 成家人打算慢慢坐低傾吓計 所以就揀咗呢一間係灣仔嘅火鍋餐廳 我哋安排咗係房入邊嘅位置坐 空間咁都算唔錯 自成一角 傾偈大聲啲都唔怕我哋叫咗個椰子雞湯底，火鍋配料，佢都算齊全，私心推介佢嘅炸魚皮，係即叫即炸嘅，上到枱嘅時候仲好熱，好少出邊火鍋店鋪炸魚皮係即叫即炸，味道都非常好。另一個推介就係佢嘅手切安格斯牛肉，$198一碟，份量十足，都冇諗過咁大成餐飯都唔錯，我屋企人亦都好滿意，呢度不妨推介大家瞓晏咗

見到好多人介紹呢間，咁啱經過呢頭就梗係要試下，諗住性價比好高，點知幾失望吓：1. 咖喱魷魚無咩特別，汁比較稀。2. 皮蛋瘦肉粥好淡味，加胡椒粉都唔掂，食左一半已經無胃口，無辦法再食落去（sorry, 我知好浪費，但真係食到口淡淡食唔落）。呢刻已經有強烈感覺要止蝕，決定唔再叫野了。埋單大約80蚊，呢頭嚟講價錢唔係特別平，但即使佢再平，咁嘅質素都好難令我再光顧，唯一係門口阿叔幾好人，今次叫做試過就算。

次次都係黎食下午茶 因為下午茶真係超抵😆反而午市飲茶都係第一次。✨迷你星洲炒貴刁 $68（3.8/5）雖然話係迷你但係都唔細 起碼分到四至五碗😳食到有咖喱味但唔會辣。都有幾多隻蝦 細細隻的。只係略嫌唔夠鹹味😂可能係我重口味✨燒賣王 大點$30.8（3.5/5）燒賣味道正常 不過比起其他酒樓嘅比較細粒😗不過不失✨鮮竹牛肉球 小點$20.8（3.5/5）牛肉球同樣比較細粒，但味道幾好的，加埋喼汁好食✨蠔汁叉燒包 小點$20.8（3.8/5）叉燒包雖然都係細細個，但系餡料好夠，又好多汁，皮好鬆軟幾好食👍🏻👍🏻✨潮式蒸粉果 小點$20.8（3.5/5）粉果都幾大粒 餡料有花生同粉葛，好爽口👍🏻加埋佢既辣椒油好食✨炸煎堆仔 中點$26.8（4.8/5）煎堆仔係我覺得咁多樣最有驚喜的，系豆沙餡的。個皮炸到好薄 餡料好多，個皮一啲都唔油 夠晒乾身👍🏻👍🏻👍🏻

呢間酒樓我嚟過無數次.我最喜愛佢哋嘅煎炸點心.佢哋嘅價錢真係好親民.我住喺新界區.每隔一段時間我都會嚟呢度飲茶食點心.依度我係OpenRice曾經介紹過.我今日再度介唔給各位食家朋友.希望你哋也喜愛佢哋嘅食物.真心話.我只係一個喜愛食嘅過客朋友.我喺OpenRice介紹的全部自費.並不存在（打手）兩個字.目標將所美味食物介紹如而已！今日一早搭地鐵過嚟.嚟到都係早上九點鐘.原來呢度係開九點三十分.為有企係門口等.九點十五分有樓面姐姐返工.開燈開舖.並招呼我哋入去坐低先.慢慢才準備開茶.同埋我哋一齊入座的有三四枱客.樓面姐姐都好有禮貌招待！今日點餐如下： 1. 鮮蝦鹹水角三件（優點）$12.8元 2. 鮮蝦炸雲吞 （優點） $12.8元 3. 金灣蝦餃皇兩件 $13.8元 4. 香煎韭菜餃三件 （優點）$12.8元 5. 奶皇千層糕（優點）$19.8元 6. 黑椒牛柏葉（優點）$19.8元 7. 鮮蝦腐皮卷（優點）$19.8元呢度茶位＄8元一位及加一服務

透過openrice搵到這間酒家，一心相約朋友一齊聚會，打去訂枱時接線生接聽，初初都好好態度，但一聽我話訂3位，對方語氣即變話3位唔接受訂枱，唔該就cut我線！第一你如有人數限制訂枱，應一開始即講明我地係接受幾人以上才訂枱，第二係無等客人有何回應話其他問題就即cut，極度不禮貌！我被cut線後都算再打去問是否可以walk-in入，接線生態度好差地答，可唔可以walk-in你自己應為拉！？現今這個態度真的趕客，日後我就算一大班人都唔會選擇這間酒樓！

灣仔區無限時既打邊爐🍲我同男朋友由6點幾坐到10點幾先肯走我地叫左個胡椒豬肚湯底😋可以先飲幾碗湯再打邊爐🍲丸個d建議2個人唔好叫咁多🫣因為都幾多下😅10幾粒🫣諗住食多幾款丸點知黎到幾十粒丸🤣唔掛得知點解落單個侍應會話你地食得曬🫣雪花牛肉😍都唔差嫁👍🏻食飽唔想咁早走，想吹多陣水呢度d啲啤酒🍻都幾平嫁4-7蚊就有枝😱同一大堆朋友黎吹下水飲酒就岩曬🫣最後走個陣淨低好多丸類既野，唯有帶走🤣埋單$6xx👍🏻咁都唔係好貴

客商聚首論世情似是過去似未來雲輕霧柔拿不住來得瀟灑散歡樂必食 ( 豉油王炒麵 )，不覺得鹹味重，只感覺到豉油在麵條上的焦香，相信廚房師傅手藝了得，每絲絲的麵沒有黏著，麵線有爽脆口感，作為一餐的尾段主角，可說實至名歸。碟上佈滿了七彩炸蝦片，懷舊點綴帶起 ( 炸子雞 ) 在七、八十年代的外觀。牠皮脆肉滑，在皮下沒有滯留肥膏，雞髀位置剛剛熟，胸肉熟透而帶有水份。( 羊腩煲 ) 的料頭和薑粒份量充足，奪走了主角地位，未能令我滿意。溫馨提示 : 《 金灣漁港火鍋 》捧場客超乎想像的多，在星期四五六日或公眾假期，最好先打電話訂座呀！

本人於1月2日晚飯小菜，因一道小菜本人及朋友覺得與菜名不相符，於是找待應求証，侍應態度並不是好言了解，一開口就話從來未有客人就此菜投訴，我要求再揾高級職員再了解及投訴，此女侍應二話不說話自己係最大話得事，當時簡直不能接受及相信一間開業多年嘅食店會請一位態度極度惡劣嘅員工，遲早一日被此侍應毁掉食店生意及熟客