金潮小廚

營業中

休息中

朋友試過金潮小廚幾次，大力推介餐廳的小菜出色，但提醒要早點到達餐廳，否則可能要等上一陣子。為避過人潮，我和朋友就在平日的下午6點左右到達餐廳，幸好不用等位就能入座。環境是一般港式平民餐廳格局，但基本上都是乾淨企理，坐得舒服。招牌黃金蝦 （$135）朋友表示這個是必叫菜式。蝦炸得酥脆，表面舖滿大量鹹香的起沙蛋黃。但有一兩隻蝦不是太新鮮，肉質較霉。拔絲黑豚肉 （$115）豬肉肥瘦適中，炸粉不太厚而炸得嫩滑，表面的調味醬味道甜甜的，吃着很開胃。日式牛柳粒 （$140）牛柳粒份量頗多，調味適中，不會炒得過靭，又非常有鑊氣。鹹菜胡椒豬肚湯 （$115）胡椒味十分足，加上份量很大，四個人分着喝，每人都喝了幾碗才喝光，下次可能要多人來才點。

前天下午，我的朋友一早打電話去店裏攞飛，然後大約6:30已到店等候，當時枱號叫到32,但之後已不再是跟飛號而是所有入去跟太子女打完招呼嘅人，太子女一有枱就叫佢地，請問公平嗎？如果不能跟飛號入，為何仍然要派飛😡，等到一肚氣，以為人哋話佢的野食有幾好味啦，做生意做到唔憂做咁，其實D小菜咪又係不外如是，胡椒蜆湯啲蜆韌到爆，最有名嘅荷葉飯亦一般，不如為何仍有那麼多人願意幫襯這麼不公平又一般嘅食店，真係食完都一肚火，奉勸各位，如想要幫襯這間店的話，要先有被打尖的心理準備

今日在葵芳區工作關係，順便約了朋友吃個晚飯一聚。在恆景商場内見到一間叫金潮小廚的食肆，店舖面積不大檯椅放得有些擠迫，但食客很多剛好還剩一張枱，於是立刻入內坐下望望菜牌。今天點了它的招牌一品窩和XO醬炒粉絲。一品窩的賣相不錯，雖不是很大窩有點像盆菜的感覺，食材盛得滿滿的而且品種都算頗豐富，計有花膠、珊瑚蚌、魷魚、魚肉塊、大蝦、冬菇，下面用紹菜墊底。各種食材在熱氣騰騰的濃郁醬汁中滾著，且傳來了陣陣的香味，在這大冷天中更惹人垂涎。各種食物質素都很新鮮，醬汁的味道亦很鮮美。XO醬炒粉絲亦很快上枱，粉絲外表色澤油潤食物的顏色配搭很好看，用魷魚，爽蝦，肉絲、雲耳，西芹絲，蛋絲來炒材料豐富。粉絲亦炒得很乾身，卻又不會太硬和過份油膩感。總結今餐的食物材料，味道各方面都很不錯，下次都會再來一試。

金潮可以話由細食到大，因為屋企人好中意食😂 同埋我中意食佢嘅炸生蠔(桶蠔)🦪 今次聖誕節前由16號開始，小食要加$5/碟，其他都要加$10/碟，難怪唔洗等位🤓 真係有好有唔好🤗鎮店鯇魚皮 $55 ($50+$5) - 雖然份量唔多，但你會想像到佢有幾珍貴，一條魚可以有幾多塊魚皮😂 味道啱啱好，好爽口，做餐前小食值得一試☺️ 招牌黃金蝦 $135 ($125+$10) - 你可以選擇有殻定無殼嘅蝦，如果不愛吃蝦殼，可要無殻，剩下蝦仁製成「黃金蝦球」，啖啖肉，吃得更方便！但係我中意嗰殼，脆卜卜更惹味美國炸桶蠔 $190 ($180+$10) - 得五粒，食開正常呢個size應該有6粒🥲 不過味道真係做得好好，對我嚟講係必食👍🏻蒜蓉粉絲蒸扇貝 $310 ($300+$10) - 當我覺得佢價錢好貴時，佢嚟到的而且確令我覺得好抵食，因為好大隻😋 我再返屋企同屋企人講就覺得再抵啲，因為現加啲扇貝好貴🤗 佢哋仲加多句，去金潮要食貴嘢，因為嗌貴嘢反而先平😂 呢句說話令我覺得下面呢兩樣都好蠢😂 魚湯竹笙靈菇浸時蔬 $115 同滋味冰梅骨 $115 - 呢兩嗰性價比都好低，都好普通🤔 人均消費大約$240

星期五晚心血來潮去食金潮，6:30pm門口已有唔少客人等位，幸好我們2個人等左10分鐘就有位可以入座。叫左一個薑蔥金蠔煲，一打開蓋，滋滋聲香味撲鼻！雖然一煲只有5隻蠔，但每隻都份量十足，係送飯嘅好選擇，食過番尋味！另外叫左一份沙拉蝦，一上枱，真係好大碟！每隻蝦都好彈牙，唔需要剝殼，只係份量太多，加上滿滿嘅沙律醬，2個人食有點兒「漏」🙈🙈整體上，金潮性價比幾高，比較適合大班人食 可以叫多d小菜每樣都試d😋

葵芳呢間小店，每次行過都見到有條長龍等位，今次夜晚8點多去到附近，見到難得有位，所以即刻入去試下😍😍由於防疫關係，鋪頭放左好多透明膠板，而且位置尚算闊落，一班朋友聚會最岩我地總共嗌左四個菜一個飯第一個係冰梅骨，梅子鮮甜而帶酸，好開胃，肉炸得恰到好處，仲好juicy，難怪咁多人推介因為懶得剝殼，所以嗌左個招牌黃金蝦球，蝦球幾大隻又彈牙，配埋濃香既咸蛋，絕配一口牛同上湯浸菜心，有水準，份量亦好足荷葉飯，由2層荷葉包住，一打開d香味就湧上黎❤️飯蒸得粒粒分明，一點都不會太濕，必點之選👍🏼由於太多人排隊既關係，鋪頭限食個半小時，而我地食到9點半出面依然有人等位，所以食得有d急，而且就算訂左枱，其實都要等位，所以要食真係要早d黎。味道上，大部份都係大排檔風味，所以非常香口，但食多幾啖會開始覺得太濃味會口渴。而價錢上亦比同區既進取，但依然大排長龍，可見真係有過人之處，整體黎講係值得一去既👍🏼

今日經過葵芳，諗起好耐冇食金潮，於是同屋企人過去排隊，排咗30分鐘左右竟然有位，好開心有得食！我哋叫咗粉絲蒸扇貝、豉油王墨魚咀、小炒王，全部都好好味😋 尤其係粉絲蒸扇貝，扇貝真係好大隻，充滿鮮味👍🏻👍🏻墨魚咀真係好彈牙，十分之惹味👍🏻小炒王就不過不失，鹹咗少少，配白飯就一流😁真係好多人，排隊都要啲時間，但係呢個價錢食到美味嘅小炒，都係值得的

商場有幾間食肆，見這間人流最多，決定一試，基本上沒有服務可言，地方亦較狹窄，枱與枱之間緊夠一個人通過，不過街坊小店這也是一種特色。本來想食酸菜魚，但鄰店的酸茶魚沒有午市套餐，所以選了這間。周日中午都有提供特價午餐，全都是$48以下包餐飲，叫了一個酸菜魚柳飯，一個豉椒牛肉炒河。個酸菜魚柳賣相一般，飯的份量是一個湯碗，一見就覺得吃不完，但試了一口湯味道很合符我口味，兩人吃著居然清盤了至於豉椒牛肉炒河相當夠鑊氣，好怕河粉炒得好油，這間完全沒有這個問題，相比酸菜魚我覺得河粉更濃味，於是不經不覺又吃光了。很地道的一間小店，現在也愈來愈少了，期望再來吃一次晚飯。

金潮係葵芳街坊眼中都係hidden gem, 今日就同同事再訪兼聚舊豉油王墨魚嘴必點無誤！！墨魚爽滑彈牙，加埋洋蔥炒惹味甘香，食完一粒又一粒金沙南瓜薄身嘅炸粉包住南瓜，再以鹹蛋黃覆蓋，正魚香茄子熱辣辣煲仔小菜，上枱時仲滾緊，送飯一流

十幾年前已幫襯舊店，自從搬去恆景商場就少了光顧，因每次都要排隊等位，很不方便。今次舊地重遊，沒有白灼魚皮亦沒有䓤花豬潤，真有點失望，不過幸好其他菜式味道依然正斗，總算不枉此行。先來一碟賽磅蟹，份量十足，送飯－流👍🏻再來兩碟炸物- 沙拉大明蝦及酥香糖脆骨，炸得鬆脆內嫩，味道入味，出街用膳必點之物。再來羗蔥煀蠔，隻隻桶蠔都堅大隻，好似手掌咁大😋蒸白蟮又是必叫，每次出外吃飯必選，肉嫩又夠晒惹味。竹笙雜菜煱健康得來又美味，大魚大肉必選菜式，色香味俱全，唔錯，唔錯😋👍🏻以上六碟都要成仟元埋單，金潮晚飯價格絕不便宜，幸好其份量及味道搭夠，能在葵芳村屹立咁長時間，總有其過人之處💪🏻

平時去開好爵中心間飯堂內部裝修緊🥲要再搵又平又好食嘅，霎時間都唔知去邊食…我老公係YouTube 睇到話呢間好想試，今日係附近做完嘢就走過黎睇..11點開門，岩岩好有位坐，又放到車仔👍🏻食物乾炒黑椒牛肉烏冬 - $48 包凍熱飲我老公話試新嘢一定要試炒功🤣呢個黑椒炒烏冬真係好正！佢好香黑椒味少少辣，好夠味炒啲烏冬又好食！不過係略嫌啲牛有啲干啲洋蔥爆過勁香！呢個價錢抵食到暈，份量都好飽❤️水煮魚柳飯 - $48唔係度度地方都有午餐食水煮魚柳，呢到簡直犯晒規！$48食水煮魚柳喎…一食就知唔係廉價魚！不過真係好嗱麻…磅飯湯碗咁大🤣不過都係嘅，佢呢到lunch都有好多職安真漢子，要食飽啲先有力做嘢！學生可以減2蚊凍檸茶凍奶茶其他其實呢到成日都經過，睇到佢咁多獎攞都覺得唔係平民食🤣🤣但原來佢lunch set 都係$50樓下，真係超高性價比

出咗一日街見都近葵芳，於是去咗呢個菜館食飯。門口都人山人海，好彩預先book 咗位置。聽女朋友講呢至小菜好好食，可惜兩個人唔可以點太多。就叫咗個墨魚咀、黃金蝦同埋通菜。Jesus, 上菜速度都好快下，啲餸一嚟到我已經9秒9放入口。墨魚咀比我預期仲好食😋份量多，兩個人其實食唔哂。黃金蝦就中上，都好味，但我食過其他仲好食啲。但係呢度嘅黃金蝦一樣咁惹味。通菜都好好食，唔會話好炒得太淋👍🏻👍🏻👍🏻Menu 上仲有好多野食，期待下次光臨

之前同女朋友屋企人食中秋飯，去到雖然多人，但係因為有事先訂枱，所以好快有位。我地叫左好多餸，有蒸鱔，雞煲，沙律蝦，酸菜魚，通菜煲，一口牛，水煮牛等等，每一樣都好唔錯。特別係蒸鱔，一口牛同沙律蝦，足料夠味，啲牛唔會煮到好老，真係有質有量👍🏼除左食物質素好好之外，服務都好好。見到我地唔夠位放餸，會主動遲啲先出菜，仲會同我地講啲餸點食會好味啲。今時今日有返咁上下質素既食店真係越黎越少，所以要繼續支持！！！

公司係附近，平日聚餐就一定會過黎食金潮！價錢實惠不但止！味道好食😋先最重要！份量又夠足！非常推薦😎招牌黃金蝦💰135絕對係金潮既黃牌，黎既人必定，每張台都可以見到一碟😍😍，好大隻蝦！鹹蛋黃包裹住大蝦！一咬落去，味蕾爆炸💥豉油皇墨魚咀💰105佢個墨魚咀係拋過油！脆脆既口感！撈埋佢個精緻，一啖一個都未夠喉😋😋份量好大！送酒一流！金沙南瓜💰115煎炸野真係一定要order啦！金沙南瓜🎃鹹蛋黃漿包裹住南瓜！軟糯既口感，沈迷了！水煮牛肉💰160辣嘢愛好者真係好難唔叫水煮牛肉！不過中肯啲講，始終唔係川菜館😆😆期望唔好咁高，味道就唔係好夠正宗！不過配菜真係好多😏魚湯竹笙靈菇浸時蔬💰115清清淡淡既菜湯😝😝因為叫左好多肉食重口味，要有翻啲青菜平衡下先得！啫啫通菜梗💰125送菜上黎既時候「cha cha」聲🤣🤣真係好正！一定要係咁樣既通菜煲味道先濃味！鮑粒荷香飯💰115不過不失，但係勝在份量夠足，荷葉味道都入到啲飯度

今晚同朋友聚會，一起去食晚餐。話想食中菜酒樓小炒等，就特登去搵中菜，行行下見到呢間大家都覺得唔錯就入去食。環境同衛生都一般般；普通中菜館設計，衛生唔算好好，但起碼無老鼠、昆蟲等污糟野。我地叫左3個菜，肥牛煲、支竹魚腩煲同干炒牛河。肥牛煲味道還好，肥牛就食慣，配埋湯底醬汁煲味道都唔錯，而且份量都算多，牛味十足。個支竹魚腩煲比較鹹，支竹好好食（個人特別鍾意），但係份量唔多；魚腩吸收左醬汁，味道就幾好但比較鹹。干炒牛河中規中矩冇特別出色既地方，而且好油膩。