金潮小廚

營業中

休息中

這間餐廳應該在區內開了一段時間, 裝修也有點舊了, 店內空間感不大, 枱與枱之間有點狹窄。價錢沒有反應在食物份量上, 每碟的量都是比較細小。♡ 招牌黃金蝦 $140蝦可以選擇帶殼或去殼, 炸得金黃, 吃下有很濃的鹹蛋黃味, 蝦肉肉質亦彈牙。♡ 黃金鮮魷 $140鮮魷魚炸得漲卜卜, 外酥內嫩, 灑上少許椒鹽更惹味。♡ 豉油皇墨魚咀 $115幾特別的一道菜式, 豉油皇的味道很濃, 但墨魚咀很有咬勁, 需要牙力好的才吃比較建議。♡ 滋味冰梅骨 $120排骨的皮面有糖包住, 脆脆甜甜的, 還有梅汁的一點酸味。排骨暫得小小的, 肉質也鬆軟。♡ 豉汁蒸大鱔 $170蒸大鱔的份量有點少, 蒸的時間剛好, 鱔肉肉質嫩滑, 與豉汁配搭鮮味香濃。 ♡ 金潮一口牛 $205唯一一碟有擺盤的菜式, 醬汁有點甜甜的很開胃, 牛肉是一片片的, 肉質嫩滑不柴不乾。

本人今曰一行9人有老有嫩，上午已經打電話訂咗枱，8點入坐，去到等咗15分鐘都冇位已經火火哋，老闆女已經出嚟門口問咗三四次邊個訂咗位有幾多人？已經同佢講咗三四次8點9個人，令一批年輕人都同佢講咗三四次八個人訂咗八點，點知過多5分鐘佢竟然放一班大大聲聲話訂咗8:30嘅人入座，我真係好想知老闆你哋點樣對待食客，乜嘢叫做訂座，訂咗8:30可以入座先，兩台訂咗8:00竟然冇得入座企喺門口睇你黑面，你咁樣係待客之道咩？大家以後想去食呢間餐廳就自己諗清楚，食飯都要睇佢哋面色，不知所謂

鎮店荷葉飯 好多料例如雞粒 菇粒，而荷葉包裹去蒸所以不論打開定飯粒都好重荷葉香，飯粒唔會太濕而做到粒粒分明，估唔到用咗蛋炒飯作飯底豉油王炒墨魚咀豉油王味濃好啱餸飯或者飲酒，而墨魚咀外脆內軟好彈牙。滋味冰梅骨 味道酸甜恰當唔會過酸，排骨方面則肥瘦適中同炸粉唔會過厚，外皮則用糖漿裏上啱啱有層糖薄脆亦無痴牙！👍🏽---## 評分標準食物:4/5環境:3.5/5服務:4.5/5性比價: 👍🏽pp$100-150回購率:👍🏽地址：葵芳榮芳路9號恆景花園恆景商場地下G14-G15號舖

喺以前我哋成日都嚟葵芳（金潮小廚晚飯）但每次我哋都係一早致電卜位.所以都唔使等好耐.金潮喺間人氣小廚.佢哋啲鑊氣小炒喺葵芳無人不曉.有陣時卜咗位都要等.因為上圍客未埋單.所以門口經常都排晒長龍.因為依家要去將軍澳協助家人揍小朋友.所以無嚟一排.唔知道質素如何？今天係星期六無喺將軍澳.有空閒時間及又想食啲有鑊氣小炒.為咗被開晚飯人潮.所以提早少少食！.今晚點餐如下：1.潮式胡椒大蜆湯 X1 $120元2.招牌黃金蝦 X1 $140元3.順德污糟雞（半隻）X1 $135元4. 鮑絲養生菌炆伊麵 X1 $95元🚶🏻‍♂️👉📌金潮小廚 (葵芳)葵芳榮芳路9號恆景花園恆景商場地下G14-G15號舖

人氣茶餐廳，其實佢都唔係茶餐廳咁簡單啦，成日見到門口都有好多人朝喺度排隊，尤其是係晚市嗰陣時，所以我哋就選擇咗嗌外賣返屋企。溫度都保持到啊👏 價錢相對來講覺得唔算話太大眾化，不過佢哋嘅嘢食係有少少噱頭嘅，例如叫咗個川味口水雞，個辣度好好味又唔會話太辣，另外又叫咗個咕嚕肉同埋炒菜，都好夠鑊氣。 不過下次我會想試吓食堂食，要感受下佢哋嗰個堂食既熱鬧氣氛

今日同朋友去咗金潮小廚食晚飯。雖然我哋一早已經book咗，不過到達嗰陣仲要等多25分鐘先有位，本身等到有啲唔開心同燥燥地，明明book左仲要等咁耐。不過，當食完之後就下晒火，覺得好彩有等埋佢，但下次真係要早啲去排位啦。今次叫左10樣野，包括：1. 蟶子皇：蟶子肉質飽滿彈牙，新鮮由紐西蘭空運直送，好大條！老闆大力推薦～2. 魚湯浸小白菜：湯底非常鮮甜，小白菜夠嫩，夠淋。3. 豉油王炒墨魚咀：墨魚咀煮得外脆內軟，豉油王嘅味道非常突出。4. 紅燒豆腐：豆腐口感滑溜，紅燒汁香濃，好搭配飯一齊食。5. 珍菌炒齋菜：呢樣唔係重點，純粹想食多少少菜。6. 粟米斑塊：斑塊外面炸得好乾身，但入面係濕潤，唔會係淋滋滋。7. 甜酸黑豚肉：黑豚肉質好易咬，甜酸醬汁好似咕嚕肉咁，味道似係靚料版咕嚕肉。8. 麻辣雞煲：麻辣味道好香辣，唔會辣到食唔到，雞肉肉質鮮嫩，食完覺得個胃暖暖地。9. 黃金蝦：蝦子肉質緊緻彈牙，黃金蛋黃醬搽得均勻，每次必點。10. 椒鹽鮮魷：魷魚炸得外酥內嫩，再點埋椒鹽，好惹味。基本上冇一道菜係覺得伏味濃，除左等位方面，基本上都很好👍🏻 10樣嘢，最後埋單total挨近$2000，係幾抵食嘅！

雖然住在附近, 但一直未有機會吃, 難得今晚表妹約在這𥚃吃飯, 總算吃到了。這晚門外依舊大排長龍, 最少要等三十分鐘, 幸好認識人並一早留座才可以立刻進入店內。餐廳沒有什麼特別裝潢, 桌與桌之間幾乎沒有距離, 是有點狹窄。鎮店鯇魚皮 $60起初以為炸魚皮, 這種魚皮冷盤倒是第一次吃。魚皮不腥, 而且Q彈爽口, 再沾一沾鼓油, 像是吃刺身似的。鹹菜胡椒豬肚湯 $120湯會越飲越辣, 更會發現不少胡椒粒粒, 反而鹹菜完全沒味道, 湯是不錯但有進步空間。招牌黃金蝦 $140總共九大塊黃金蝦, 尺寸比一般餐廳大很多, 單單看到已經很興奮。可選擇連殼與否烹調, 為了方便我們選擇了不連殼。 黃金蝦脆炸無比, 麵粉不厚, 蝦肉彈牙, 面層加上少量咸蛋, 十分惹味, 只是吃了兩件已經覺得有點膩 🙈紅燒乳鴿 $78一隻鴿身算中等身型, 燒得剛剛好, 鴿皮略為脆口, 鴿肉未至於十分嫩滑, 但絕不“榎口”。啫啫通菜煲 $125上碟時熱騰騰, 通菜十分香口, 不會炒得太淋, 也不會太咸或太油, 十分出色 😋 不過豬頸肉不太配搭, 如果改為雞肉或牛肉會更加好。難怪經常有大批人在外面等候, 首先味道真的不錯, 鑊

1700左右到店，成間舖得一枱食緊，我兩個，門口有個呀姨示意有位就坐，坐低咗有兩個呀姐好大聲問幾多個，之後就好無禮貌咁喝人“坐第二度“，明明好開心諗定食咩小菜，結果老公不滿，佢話：唔可以講唔好意思可唔可以坐第二張，唔係喝人！唔知以為唔洗錢嘅，個老闆都多得你啲員工唔小P.S：若果服務可以唔俾星，就連E粒都會收返

當晚差唔多十點到場 唔使等位✌🏻滋味冰梅骨 $120梅汁酸甜恰當，每一粒排骨都做到鬆軟 而排骨面都沾上好似冰糖葫蘆嘅冰糖脆脆面鎮店荷葉飯 $120飯內有雞粒 鮑魚粒 菇粒，一打開 啲荷葉香氣就湧出嚟，飯蒸得唔會太濕 做到粒粒分明，而且用咗蛋炒飯底 誠意十足潮式胡椒大蜆湯$120好夠胡椒味但又唔會太辣，飲完第一碗 個口腔同肚都暖笠笠，全部蜆都大大隻 用左好多蜆煲成 湯底鮮甜美味🍻藍妹$37 食潮州野或者小炒真的不能沒有啤酒作點綴😚*大份量 每款菜都好似用4人份量作標準*老闆娘好有人情味 我明明第一次幫襯 佢都當我熟客咁招呼傾同傾計

之前食過，小菜ok，去開葵芳諗住去食，下午4點45分，餐廳一枱客都冇，我哋得兩個，俾張門口細圓枱，近風口，吹到頭暈，調去後面張方枱都唔得，話你得兩個，之後晚市多人要留俾其他客，我話成場吉枱，佢講到5點半就爆場，得，你大把生意唔憂做我哋咪走囉，態度差，服務差，大排檔格局，酒樓價錢，大把地方有好餸，使乜一定食你！？各位食神去之前諗清楚啦。想俾錢受氣兼背脊骨落可以試嘅，食完難消化當減肥囉，之後成場吉枱啲服務員冇咁辛苦，可能態度會改善嘅，如果捱到唔使執笠

因為幫家人整嘢，嚟左葵芳呢邊，就諗起不如再訪金潮，相隔幾年後再食，依然覺得金潮性價比高，小菜份量足、獲氣夠！今次星期六晚約8:30到達，唔需要等位，直接可以入座。最近有啲皮膚敏感，唔可食牛同海鮮…所以唔可以叫佢地既招牌黃金蝦…有啲可惜…🔸燒汁珍菌炒魚柳魚柳好大塊，無雪味肉質好滑，珍菌好入味，另有配菜翠玉瓜。🔸干蔥醬油煎焗排骨仔原來係煲上，新鮮滾熱辣，排骨份量都幾多，非常惹味，要配白飯，否則會覺得咸。🔸啫啫菜心煲本身想叫芥蘭煲，但姐姐話賣晒就轉菜心，豬頸肉彈牙入味，菜心爽甜。

金潮都係葵芳數一數二餐廳，以前經常與兩老及家人用餐，味道好出品穩定，最重要係老闆待人處事都好有人情味！有一段時間未有到訪金潮，是晚特意帶同家人前去。到達餐廳後由於未有訂座情況，walk in 去到只提供門口檯二選其一，當見到場內有三至四張空檯時主動詢問可否轉轉入邊檯，此刻收銀女士態度其差地拒絕並說已有訂座，然後再同旁邊一位員工講，唔食由佢地！呢句一出，即刻帶家人離開！其實做街坊生意大家明白體諒啦，自己有小朋友都係想問多句你唔得咪算啦，你唔憂無生意都唔使咁既，打開門做生意我來消費唔係受你氣睇你面色！呢啲餐廳真係比呢啲富二代做壞晒，以為自己餐廳大把生意唔憂做，最慘既浪費老一輩心血，連最基本禮貌都無，真係祝你生意興隆！

呢間餐廳喺葵芳都屹立咗接近20年 由以前係街鋪變到係商場地鋪 咁多年來我都幫襯咗唔少次😗 坦白講食物質素好 但係由於當時比較受歡迎啦 有唔少人特登搭車跨區過嚟食㗎 當時嘅服務質素唔好 有啲似而家嘅壽司郎 等咗幾個鐘位就係為咗食佢嗰個半鐘 值唔值得就真係見仁見智啦😯 干炒牛河對呢度嘅小炒好有信心😝 因為呢度嘅大廚煮嘅食物都好有鑊氣 今次係午市但係都絕對唔會令人失望 乾炒牛河上色均勻 牛肉質素正常 唔會過分醃製口水雞飯口水雞飯見到隔離枱食都好吸引 所以我都嗌一碟嚟試吓🐥 口水雞係鹹咗少少 但係送白飯真係一流 加上口水雞係辣嘅 好惹味🌶 我就冇食層雞皮 雞肉就唔算太肥膩 尚算可以 熱檸水正正常常冇乜特別咁啦🍋凍奶茶冇嗌到少甜但係個味道都幾好😮俾我揀我會鍾意食口水雞飯多啲😂 可能係因為我本身鍾意食辣嘢啦 雖然乾炒牛河夠晒鑊氣 但係我都係覺得口水雞吸引我多啲🙉

星期六晚同屋企人慶生🎂🎉預早一星期book位6:30pm 7位準時到達 職員話8pm交枱ok?😨😰我心諗 求其應住先佢如果好遲上菜我都冇辦法要繼續食 唔離坐架啦▫️估唔到幾年冇黎佢換哂細枱 好好好迫🥵🥵每張枱超過一半櫈背都頂到隔離枱既櫈背同埋現場超嘈要嗌住傾計😕▫️我地叫左6碟🤤真係好癲 佢5分鐘後黎左3碟係炒飯用左最耐時間但都只係講緊15分鐘😲😲▫️冷盤魚皮: 幾好味，但份量好少豉油墨魚咀: 好un，咬到炆👎🏻👎🏻👎🏻魚煲: 好味既，但個人覺得偏咸拔絲豬肉: 一d都唔拔絲，做唔到內脆，連落單阿姐都稱之為咕嚕肉only🫥 份量少椒鹽鮮魷: 呢個好味，出色😋炒飯: 有穫氣既，粒粒分明，大份量👍🏻▫️下次如果再食中菜應該會試下其他餐廳先因為佢都有d趕人走既feel我地只係食到7:30pm佢已經狂收碟，又望望下咁😒

朋友試過金潮小廚幾次，大力推介餐廳的小菜出色，但提醒要早點到達餐廳，否則可能要等上一陣子。為避過人潮，我和朋友就在平日的下午6點左右到達餐廳，幸好不用等位就能入座。環境是一般港式平民餐廳格局，但基本上都是乾淨企理，坐得舒服。招牌黃金蝦 （$135）朋友表示這個是必叫菜式。蝦炸得酥脆，表面舖滿大量鹹香的起沙蛋黃。但有一兩隻蝦不是太新鮮，肉質較霉。拔絲黑豚肉 （$115）豬肉肥瘦適中，炸粉不太厚而炸得嫩滑，表面的調味醬味道甜甜的，吃着很開胃。日式牛柳粒 （$140）牛柳粒份量頗多，調味適中，不會炒得過靭，又非常有鑊氣。鹹菜胡椒豬肚湯 （$115）胡椒味十分足，加上份量很大，四個人分着喝，每人都喝了幾碗才喝光，下次可能要多人來才點。