影片
以上資料只供參考, 請與餐廳確認詳情
上網睇下太子個頭有乜嘢食, 見到依間食餃子🥟, 好似幾吸引, 於是行去找佢的位置, 望下餐牌, 都有幾多款式😂👍, 有幾款都想試, 我今次叫左西洋菜餃拼芝🧀士粟🌽米餃, 加$要上海麵, 等左一陣湯麵送到, 賣相都ok, 飲啖湯先, 話係青紅蘿蔔🥕猪踭螺片湯, 飲落好清甜唔肥👍, 但都會有口渴的感覺, 再試下佢d麵, 質素還可以😝, 試下d餃🥟先, 西洋菜餃🤪🥟, 出面比較少有, 咬開入面饀料非常豐富🥰☺️, 味道唔錯, 都幾多菜😍, 食落亦唔會覺得好咸, 再之後食芝🧀士🌽粟米餃, 用芝士🥟做餡, 我都係第一次試, 咬開有拉絲的感覺, 喜歡芝士🧀的話, 食落會幾鍾意, 因為都幾香芝士🧀味, 二者味道唔差, 皮薄餡又豐富, 真係算幾好味😘👍, 鋪頭位置唔多, 但坐得也舒服, 下次再去太子, 都會再來試下其他口味😝👍😍
繼續閱讀
舖頭招牌以餃子為主，輔以自家煲靚湯，仲有原條魚湯米線同各種雲南米線。今次一心想食水餃就唔諗其他啦，睇完餐牌就決定特色牛肉餃。不論煎餃水餃，都有7隻同10隻揀，唔夠食的話，仲可以加$8加麵底，另外嘢飲半價。今次嘅選擇係，特色牛肉餃10隻加上海麵加凍豆漿一支。唔使10分鐘，出住白煙水餃麵就上菜啦。單憑擺盤，就知一定健康，最重要係湯夠唒熱辣辣。 講返水餃，大隻飽滿，同個匙羹俾，大嗰個匙羹，睇落份量十足。即啖咬落去，發現特色係指西芹牛肉特色餃。一開始會先淆到爽脆嘅西芹，再嚟先係牛肉。餡料調味適中，唔會偏鹹淡，而且牛肉餡都有gel頭，所以食落又滿足嘅感覺。唯一美中不足係，水餃唔夠多汁，要配埋湯嚟食會最好。湯底青紅蘿蔔粟米豬踭螺片湯，係家嘅味道，湯唔算好濃郁，螺片味唔係好覺，但係飲唔出有味精，係值得一試。上海麵+$8 ，麵質煙靭，本身味道淡口，主要靠湯底味道，所以都唔錯，但可以同湯底滾多陣更加入味。總結，食物質素中上，如果你行健康路線，又喺附近經過而想食餃子，值得一試。
繼續閱讀
🥟香菇豬肉餃 ($42/7隻)價錢嚟講算唔錯，淨係碗湯都值回票價👍🏻當日碗湯係青紅蘿蔔粟米豬踭螺片湯🥕🥣淨係我呢碗都滿滿嘅湯渣，落足料煲呀！飲落清甜暖胃，好有呀媽煲嘅感覺餃子大粒飽滿，皮都幾薄👍🏻不過個餡可以多啲菇，會香啲惹味啲，同有多啲口感，而家甚少感受到菇嘅存在🍄🟫每枱都有口水汁同埋菜脯，今次我淨係試咗菜脯，佢唔算好辣，但係因為佢切得比較碎，所以如果你都係鍾意食菜脯嘅人，就要不大啖啲先有feel！
繼續閱讀
太子區有好多餃子店～金滿多餃子店相對比較少人講～今次買左佢既下午茶餐～.堂食$30 外賣+$25隻湯餃，跟一杯指定熱飲～煎餃加$2最後叫左外賣～.要左粟米湯餃湯係粉葛鯪焦豬骨湯底係好淡淡既湯底。.而佢既餃子好大隻～😮唔係浸湯浸到發大隻嗰款佢個皮邊係實淨內餡偏淡 會好清楚食到粟米味肉比較少 亦無乜太大既調味.整體來說～係屬於較為健康嘅type~如果你係喜歡淡口味嘅，呢間餃子店會好適合你.亦都跟一小兜既辣菜脯～（堂食應該係可以自己加嘅～）如果覺得佢淡就一定要加上佢既菜脯～成個味道又唔同。
繼續閱讀
1）職員西口西面 見到佢啲規矩簡直唔想幫襯2)轉左位要收加一服務費3）主要係三姊妹打理，食餐飯都要係客面前數臭客4）落單冇筆問佢攞 又叫我直接落5）麵份量比之前少左一半6） 三姊妹都係黑面神7）食物越嚟越貴
繼續閱讀