金滿堂甜品

營業中

休息中

昨晚係九龍城食飽飯走左一陣見到呢間糖水舖都有D人就諗住入去試下啦，叫咗個椰皇炖湯丸既野，真係未食過D甘難食既野，裡面D蛋白全部爛曬，水汪汪甘，食左兩淡都唔想食，朋友叫左個咩紅豆涼粉豆腐花，D豆腐花又係爛曬，都係食左幾淡，野食唔好食都唔緊要，D waiter態度都無個好既，好似殺左佢全家甘，個樣仲要好污糟甘，真係趕客，上來呢度仲要見到甘多好評，咩世界，我同朋友都發誓以後唔會再來

星期六晚上12點多來，不會太擠迫選擇很多，最後點了榴槤女皇、心太軟、糖不甩、麥提莎糯米慈。一，糖不甩，比想像中好吃，甜度剛好，裡面的芝麻很香，糖不甩軟軟的可是不會粘住牙齒可以放心咬，哈哈(^_^;)二，榴槤女皇，我選了熱的，所以榴槤會分開上，椰殼中有椰奶和燉蛋白，蛋白很滑。我覺得榴槤分開上才不會太甜，因為我試過把榴槤放進去吃，椰奶雖然有榴槤香可是吃多了就太甜了，如果能吃甜的才建議你放進去。三，心太軟，跟外面吃的都差不多，所以不用多說。不過心意加分，每次碟中都有各種圖案，十分驚喜四，麥提莎糯米慈，第一次買來吃，沒吃過的人真的不能只看批評，因為我一開始只看到劣評就沒吃過。口感外軟內硬，每一顆都又圓又大，甜度沒比光吃麥提莎甜，所以剛剛好，不訪一試。

呢間糖水鋪sweet到爆炸~同男友一齊黎食一向黎食就食個單戀傻小子的....(有草莓又有乳酪雪糕果個)今日心血來潮食心太軟... 哇，不得了waiter哥哥反手放隻碟落黎果下我仲諗緊做咩拎碟手勢咁奇怪望真d...哇！勁靚! 有朵攻瑰花仲有個love字...真係好有心思至於味道，心太軟入面有少少熟得濟，同埋有少少粉味但個乳酪雪糕（加五蚊）同埋曲奇雪糕都好好食，而且唔易溶，食得慢的朋友都唔洗驚第一次食甜品食到咁喜出望外，如果曖昧緊的男女黎呢度...哈哈~受寵若驚太開心唔記得多謝個waiter 哥哥Tim ~好多謝你呀

我本人十分推薦「單戀傻小子」呢個甜品。酸酸甜甜的士多啤梨、脆扑扑的玉米片和冰凍的乳酪雪糕，真係非常開胃呢系列有三款各有特色的甜品，分別為「單戀」、「痴戀」和「失戀」朱古力心太軟隻碟仲好靚添啊，有朵玫瑰花這次的心太軟水準一般吧，外皮香脆，但裡面既朱古力醬有少少熟透，雖然仍然能做出流心的效果，但不多味道也算OK，蛋糕部份的朱古力味稍淡了一點。甜品嘅名堂很有創意，令客人發笑。更重要的是價錢十分合理。所以，我十分鍾意呢間甜品店

食過單戀傻小子和榴連女王。名字非常可愛吸引單戀傻小子是乳洛加果凍和士多啤利，酸酸甜甜幾好味，而且士多啤梨幾新鮮，雖然有少少甘多既酸榴連女王是榴連加清心丸，放在椰子內，帶有很濃郁的榴連味。而且椰子的味道能被充份利用，揮發於整個甜品內，帶有陣陣的椰香這個甜品愛榴連的人一定要試呀。務態度尚可，等待時間可接受。大家到九龍城記住要食呀

喺九龍城食糖水既話通常都會係去金滿堂，因為金滿堂既位比較多，好快就會等到位。 金滿堂有好多唔同款式既甜品， 但我自己就好欣賞芒果既甜品，例如金玉滿堂同金枝玉葉，因為呢d芒果既甜品往往都同出面既甜品唔同，加入左好多好創新清新既元素。另外覺得椰青水6蚊係真心抵飲既！

去左食位於九龍城既金滿堂。我地好多人去，但都只係等左一陣位咋。睇左個menu好耐，覺得樣樣甜品都好似好好食咁。最後，揀左個叫法式美人既甜品。佢好多名都改得好得意，其實佢只係法式焦糖燉蛋加雪糕。啲燉蛋好滑，好香。但層焦糖太硬，搞到好難咬，可能整得耐左。另外，我啲朋友食左個叫係雲呢嗱雪糕加啲士多啤梨咁既，佢地話好好食，哈哈，下次試下先!

19.SEP.2014 (FRI)食完晚飯, 又係時候食個糖水.好彩去到唔太多人排隊.每人叫左一個自己心愛o既甜品.我叫左榴槤 . .. .入面有牛奶布甸, 有泰式珍珠, 又有大大榴槤肉.其實我一見到. . . 就已經覺得好飽.我食完之後真係飽死左一樣 . . .味道係幾唔錯, 足料, 唔會每樣都得少少; 而且又唔會太甜.我朋友仔個芒果甜品, 我溝埋椰果肉一齊試左一啖, 幾好食.我覺得食飽飯後, 適合食芒果哩個多過榴槤. 真係超飽. . . . 

今天我到了醫院進行了一個簡單的治療休息過後就出發去接老婆仔放工老婆仔今天心情不錯工作也算順利她說要吃上次經過想吃的甜品店去到後發覺沒有開門到最後看到這間看似不錯入到去後才發現這裡的甜品都是低糖的不錯, 這樣更健康我們叫了個34元的金玉滿堂和一個26元的白馬黃紫金玉滿堂其實是楊枝甘露不過裡面加了龍眼肉沒想到龍眼肉和芒果也是不錯的配搭龍眼肉淡淡的甜味和芒果的鮮甜有很好的效果不過老婆仔卻認為這個太甜了有點懷疑是否真的是低糖製作至於白馬黃紫的甜度就剛剛好裡面有椰汁, 芒果和紫米露椰汁的甜度適中配合紫米露老婆仔更愛這碗我吃了幾口就全都讓給她了我們來到的時候是下午茶時間店內沒有其他顧客所以感覺很舒服這裡的裝置也以簡單為主所以也是一個不錯舒服享受美食的地方

今次特登帶fd泥試。叫左心太軟配綠茶同曲奇雪糕同埋麥提莎糯米糍。心太軟要等十分鐘。心太軟個裝飾好有心思好靚。挖左流心比我想像中少又辣口。雪糕食唔出我楝左嘅口味。食完之後好濟。個糯米糍皮好軟熟煙un，配埋麥提莎一絕。另外個侍應都係同上次同一個黑面神。

頭先係九龍城嘅老人院探我婆婆，天氣炎熱，去左呢間甜品店消暑。點知去到門口見到一眾愛回家演員同一班臨記係甜品店入面拍緊劇。我地唯有去附近分店食。叫左杯店舖推介嘅椰青水$6、龍吐珠、金玉滿堂、金枝玉葉、芒果糯米糍、芒果金字塔。芒果糯米糍同椰青水 最早黎。芒果糯米糍一早整定，黎面件芒果算大塊，但有點兒太酸。椰青水真係100%無添加，好清好純嘅陣陣椰香味。大大杯，真材實料，夠起碼兩個人share。龍吐珠之後黎左，底下係龍眼汁加椰奶。中間係椰奶打成嘅冰，好冰震。topping係珍珠同西米露，好有口感。fd叫左個金玉滿堂，裡面有芒果汁、龍眼、芒果肉、芒果雪糕、水晶珠，口感豐富，但唯一唔好係唔夠凍。我的芒果金字塔最遲黎，其實係大大碗芒果綿綿冰。有綿花糖、小丸子、彩針朱古力、芒果醬。芒果味好濃，真係見到一層層冰同d配料好夾。仲有好多甜品未試丫！另外，個女待應全程都黑口黑面，好似全世界得罪佢甘。

好多不同既甜品選擇，又用好多得意既甜品名，令到啲食物更吸引。我朋友叫左個芒果棉花冰，因為夏日熱辣辣最岩食冰消暑，而我就叫左我最愛既榴連，啲榴連重，但不太喜歡佢地既朱古力片，太甜又吾脆，所以下次會試下其他的甜品

前排想食甜品個frd就買左呢個出名嘅甜品比我食，當中有麥提莎糯米糍同唔知椰皇燉奶…，呢個唔sure,椰皇嗰個就清清淡淡唔太甜，普通啦！麥提莎只可講句幾得意，唔可以稱得上特別好食，或者下次可試下第二d吧～

作為一名榴蓮控，去親甜品店都會優先考慮榴蓮類甜品，金滿堂就大把選擇。 榴蓮飄香面頭有西米，椰果，啖啖榴蓮肉，下面隱藏了一個榴蓮布甸，個底係榴蓮打成。集所有榴蓮味於大成，榴蓮味充盈，但由於係由唔同材料帶出，有層次。榴蓮肉的軟糯，榴蓮布甸的軟滑，加上西米的脆，椰果的韌勁，豐富的榴蓮口感。 榴蓮女皇大大個椰青盛住椰奶，椰奶入面有榴蓮肉，凍食，食完好滋補。 榴蓮烏冬榴蓮漿打成嘅湯底，用蒟蒻，椰漿做成嘅烏冬，幾可亂真，topping係榴蓮肉，榴蓮撈麵，別有風味。

同成家人去九龍城打完邊爐之後爸爸就提議去食甜品,不過本身唔好甜品既媽媽就唔贊成。經過我地嘅說服,最終決定去金滿堂。四個人叫左四個 甜品，首先廣下我果個咖啡果凍加三球炭燒雪芭，呢個甜品係Open rice既推介。咖啡味非常濃，不過唔係好中意咖啡嘅小妹就覺得麻麻，而雪芭就好好食，裡面有粒粒咖啡果凍同果仁，好有口感第二樣係最遲泥既黑樹皮即係朱古力綿綿冰，旁邊有小丸子同粟米片。小丸子一定要同綿綿冰一齊食，如果唔係好淡，綿綿冰係超濃好有朱古力味，超讚！！第三樣叫唔知咩巴西(唔記得個名)，透心涼，夏天食最正。入面有清甜椰子水，粒粒果凍，蘆薈，同芒果。待應提供既餐具係膠羹所以刮唔到d椰肉第四樣唔知咩名，冇食到，應該係果d傳統白果腐竹糖水听廣幾好食。經過甘次，唔好甜品嘅媽媽依家對金滿堂嘅甜品(佢話淨係金滿堂)完全改觀。姐係話以後媽媽會同小妹呢個甜品魔食甜品hahaha