金滿堂甜品

營業中

休息中

今晚系九龍城食完飯，買左個金玉滿堂返屋企食。大大的一碗，芒果雪糕球另外有個合仔載。芒果肉頗多，珍珠仔爽口，小丸子黏黏的，芒果汁杰杰的打成糊狀，甜度適中，$36/1碗，好味！

終於搵得返呢間野！ 差唔多一年前無意間同朋友食過呢間甜品，印象中幾好，所以今次自己一個人再去食。椰青水上年係＄5，而家已經係＄8至於個燉蛋白，都幾好味嘅！但椰汁燉蛋白，係個蛋白上面仲有啲椰奶🤔🤔🤔不過我以為係全部都係固體，同我想像中有啲出入。但係一個人真係冇可能食得晒，因為係超級滯。服務態度就，正常不過冇笑容。題外話呢度係冇精靈嘅

去完九龍城食飯順手買埋個甜品$22,8粒朱古力糯米滋食完一粒又會想再啪多幾粒呢杯椰青水只係$8!!!!!!!清甜！唔係落糖個種wo買個椰青$8都唔得la，呢到大大杯！正

TEA TIME時間黎到金滿堂, 人少少, 坐等闊落舒服.見到MENU上有超人氣的椰皇+水晶珠+燉蛋白布甸+榴槤肉, 愛榴槤的我係不二之選.大大個的椰皇, 有薄薄的椰肉.滿滿的椰汁, 浸泡著粒粒水晶珠.再睇真D, 入面有一球榴槤肉, 仲有一層燉蛋白布甸!水晶珠極之爽, 榴槤肉唔係極濃, 啖啖都有椰香及榴槤香. 蛋白布甸極之滑. 最後仲要食埋椰肉!凍凍的, 十分適合夏天.一個榴槤女皇, 3種口感, 3種味道!! $46好抵食!

尋晚同朋友去完九龍城食飯,就睇下附近有D甜品好食,見門幾多人等緊,我地就試下呢間,點知唔駛等就入得LOL佢牌面寫住低糖少甜,好似幾健康咁~MENU好多款式D相又好吸引,最後都終於揀到~咖啡媽媽---有兩球咖啡雪芭同埋中間既咖啡果凍,果凍真係果凍,個雪芭幾正,入面有杏仁碎同埋好細粒果D咖啡果凍~成個甜品都好咖啡,咖啡控要試下~同埋真係唔係好甜,我幾鍾意~

這家甜品店比較有趣，大概顧慮到女士們，甚至顧客們對健康的追求，因此強調店內所有糖水，並非加入白砂糖，而是加入香葉熬製的冰糖，所以較健康云云。至於香葉熬制的冰糖和一般冰糖有何分別。冰糖又是否真的較健康，那就不得而知了。無論如何，味道才是王道。黎甜品店，當然要食佢既王牌。我就食左個椰汁蛋白燉湯圓。以原椰蓋上，雪白的椰奶上浮著幾顆湯圓，一試，是麻茸餡的，味道而言，甜中帶點酥酥的口感，幾香。但餡的份量就略為失色。飲一啖椰汁奶，溫潤可口，味道不會過甜，甜味亦頗溫和，有很香的椰子味，喜歡。原來蛋白藏於底下，舀一口來吃，蛋白十分之嫩，也算是不俗。

金滿堂甜品，由一間變到三間，我估佢都發左達，我就照舊幫人發達，我越食佢越發。雪高，豆花，涼粉，紅豆抄埋一碟，叫雪中花，不太甜，豆花滑，涼粉幼，紅豆爽，雪高正糖不甩，用芝麻，有新意，好未

第一次食，感覺同小x糖啲甜品，裝修好似細問下，原來小x糖個老闆曾係度打工唔記個甜品叫咩奇兵，加左5蚊轉乳酪雪糕，有點甜，無應有的乳酸同奶味，黑珍珠同小丸子煙煙韌韌幾好味丫！芒果新鮮，都很甜。傻瓜朋友叫左個好似香蕉船既甜品，叫愛情號佢話好味，有三種雪糕口味可以選擇，佢揀左曲奇，士多啤梨，雲呢嗱，叫依個甜品貪有幾舊生果食下。很開心的一次飯後甜品，下次會試下榴連類甜品。

去九龍城吃飯, 飯後甜品都差不多變了指定動作.今天吃完小菜就去了同街的金滿堂甜品.進去看到牆身說這裡都是用香葉熬制的冰糖取代砂糖, 立即增加不少好感 本人吃甜品一向都不太喜歡太冰的, 就點了個熱的椰汁芝麻湯圓, 男友點了個金枝玉葉(楊支金露).下單後不用2分鐘就端上來了, 看來除了需時的心太軟等等其他一般糖水是一早準備好的.先說我的, 味道唔係死甜, 的確有椰香, 糖水是比較稀身的我喜歡, 唯一是覺得湯圓質感怪怪的有點像打邊爐的水晶包. 男友的金枝玉葉他說芒果有點酸, 另外整碗都偏杰身. 但都算足料, 合格的.雖然九龍城有很多選擇, 不過這裡甜品質素我覺得是不錯的, 會回來再吃哦.

飯後吃甜品是常識吧。舒適的環境是吸引我入去之一。另這裏標榜糖水是用香葉熬制而成取代白砂糖，大大降低糖水甜度的含量， 又不失糖水本身的味道， 對食客是非常健康的。是次點選了椰汁紫米清心丸(熱)，26元。紫米太多，傑撻撻😣，清心丸太少了。好在奶味 濃郁，糖水不會太甜，尚算ok

有八粒麥提莎糯米糍係幾抵食😁每一粒都好大粒😃怕膩嘅仲可以同朋友share,每人幾蚊就食到1-2粒糯米皮夠煙軔，裡面嘅麥提莎又唔會好似放到溶哂咁，仲可以keep到小小涼😇做得確係唔錯Mix埋糯米皮食，朱古力味吾會太甜，味道啱啱好！！

每次來到九龍城食飯必定耳油未盡的要吃甜品，此店天天都大排長龍的。此店以低糖少甜作招來，是比較吸引現今追求健康的香港人了！雪中花 ＄28其實這是一個大雜燴呀！咩都有啲，原粒朱古力雪糕球、紅豆（用糖水煮得過久都過淋和甜）、豆腐花、涼粉等，一次過滿足很多個願望！味道方面略嫌過甜。紫薯心太軟 ＄38賣相也特別精緻，三小格的盛着方便小匙羹一點一點的不起。一切下心太軟，紫薯流心緩緩的流出來，和外層焗得剛剛到微脆的旦糕相呼應配合雲呢拿雪糕送食，冰火交溶口感強烈，再加埋小丸子的煙韌度，一次過多重口感還是幾過引的！只是甜左小小囉！

次次等完男朋友收工，我一定必黎既一間糖水店，就係呢度了。D糖水足料到好多果肉，味道又夠正！我今晚叫左一碗金玉滿堂同龍眼西米露，個雪糕球係可以揀唔同味道，好好，因為有好多鋪都set定左個味無得揀😩😩。等左唔夠五分鐘就上到糖水，因為我同男朋友都好中意食龍眼d野食，所以呢間真係整得好出色，順帶一提，呢度有得食盒裝既麥提莎糯米滋，好得意又細粒，一啖過，好彈牙d糯米🤓又唔貴，真心試過就知正

在九龍城食完晚飯，最好食個甜品，九龍城大把甜品店選擇，因為之前在九龍灣食過金滿堂覺得唔錯，便入了店內。眼見好多枱食客都食椰皇，老公便叫了椰皇蛋白燉湯丸，而本人喜歡食湯丸，叫了超辣薑汁湯丸。椰皇非常原味，可食到陣陣椰香味，不會太甜又潤喉。底部的蛋白非常嫩滑，滑到以為是豆腐花，芝麻湯丸細細粒容易食，唔錯的甜品。超辣薑汁湯丸，食一口湯丸，芝麻餡流出來，皮薄餡靚，好似是…..寧波湯丸，飲一口薑水，真係好辣，飲完個身都暖哂。

很久很久沒有寫食評了，這次迫使Angelina J重新執筆，是因為九龍城最出名的糖水鋪，金滿堂👍好大的面子呀😱😱😱講下歷史先，位於九龍城的金滿堂，相信大家都不會陌生，九龍城出名多好野食，多少人特登揸車到此覓食，金滿堂甜品也因此成為大家飯後直落的聚脚點，除了天時地利，當然它的甜品水準也算是高的!有別於一般的傳統糖水，除了芒果系列的各款甜品，它的榴蓮和椰皇系列更是很多女生的心頭好!本人公司在九龍城附近，平時都經常外賣糖水到公司，每次消費五百蚊左右，就算外賣的士收費由廿蚊加到四十蚊，老闆態度幾惡劣都不減我地對金滿堂糖水的喜愛！直至有一次，同事如常外賣了金滿堂，點知送錯左一個糖水來，黑馬王子變成白馬王子，雖然只差一個字，但糖水幾乎是另一回事，芒果系列和椰汁黑糯米的分別，那位同事除了不吃黑糯米，更十分討厭椰汁的，結果打去話送錯了，希望送個對的過來，點知個老闆堅持自己係聽到白馬王子，話自己冇錯，為什麼要送多個俾你? 而且態度語氣惡劣到唔知點形容好😡😡😡 我想講落order時有另外兩位同事清楚聽到是黑馬王子的，金滿堂太繁忙的關係又冇對單(平時有的!) 點解決呢?同事最後都算了，說不如你送個對的過來，