金源餐廳 (已結業)

茶餐廳俾人感覺係開得早收得晚，價錢相宜，又夠快~~~ 平日食開嗰間每日晨早就開，但係六點就收架啦~~~~之前既日子就唔知，但最少呢幾年都 係咁~~座位方面，茶餐廳都算濶架啦~~~當然你唔好拎佢來同西餐廳比啦~~ 員工，見到你帶小朋友就會主動俾個靚位你，等你方便啲。 食物價錢都自中規中距啦~~~午餐仲好快賣曬，想食就要早啲啦~~~  今日就去食番個早餐~~ 沙嗲牛肉通粉，配牛油方包，午餐肉，炒蛋。茶飲熱檸蜜潤一潤先~ 沙嗲牛肉會有辣椒絲，比起平常的辣少少。味香，通粉唔係大通粉，掛汁較多。炒蛋唔算油，還好啦~~

為左個奶油豬叫常餐，點知嚟左嘅係牛油方包，問阿姐，阿姐話冇晒喇，得方包，然後走左去。唉！冇就早啲講呀嘛，我叫第二個餐。叫凍檸茶少甜當然係冇理我。而第二個餐呢，等左好耐要追先有，原來唔記得拎出嚟，不過呢位阿姐有禮貌啲起碼識講唔好意思。食個飯都錯漏百出，餐廳果個時間已經唔多客，唔知係落單阿姐求其定廚房求其。曾多次幫趁，以前都覺得ok，貪佢人唔多實有位，但經過今次，態度咁樣加上食物又唔見得好出色，應該冇下次。

叫左京都豬扒lunch 豬扒都有8-9塊算多 但有2-3舊我覺得太肥 同筋位就有食到. 豬扒算係𣺉身易咬甜酸汁就酸左少少 同埋唔夠多 諗住可以用汁黎送飯但唔係好夠.Lunch會送湯 但嫌冷左啲 好似一早裝定 要就拎黎.因為lunch time 開始多人 但staff都好有禮貌 話唔好意思要我等

食物質素麻麻，但服務態度極差，外表幾光鮮，但衛生環境惡劣，價錢又唔系話特別平😐😐😐😐😐😐😐😐😐😐😐😐😐😐話說食下食下碟野有一條疑似膠袋嘅“膠帶”出現，極之噁心👊👊👊👊👊👊於是要求換過碟，個侍應答應咗，叫我地選翻碟同價嘅野食。好啦，之後我再叫過碟，但個個侍應叫極吾應，好似扮聽唔到咁。於是我嬲嬲地就埋單走人。真系無下次。😡😡😡😡😡😡😡😡😡😡😡

今早同我男人嚟呢間餐廳食早餐，其實已經食過好多好多次，不過……佢之前停左業幾日再開返之前食覺得佢啲煎蛋，奄列好油，直情上碟後都會見到有啖油響隔離……所以之後都好少幫襯今日再去食，依然都係好油😅😅不過值得一讚，係佢跟餐嘅麵同通粉都好大碗，我已經叫佢少通粉，但我依然食唔晒，可想而知真係好大碗……另外佢有啲煎扒早餐，有煎魚柳，煎雞扒同煎豬扒……呢類煎野好香，由其係魚柳脆卜卜……如果食物冇咁油膩，咁就好喇

D野冷嘅😱😱😱😱😱味菜牛柳絲炒麵牛肉係凍嘅好似啱啱喺雪櫃攞出黎一樣❄️❄️❄️❄️❄️牛肉好似未解凍嘅 ⛄️⛄️⛄️⛄️⛄️呢汁就好似隔夜冷飯菜汁☃️☃️☃️☃️☃️個面硬到好似公仔麵啱啱攞出🔥🔥🔥🔥🔥就算侍應肯換俾你啲態度都超差🌚🌚🌚🌚🌚之後換咗個雞翼肉醬意粉😧😧😧😧😧個雞翼整意粉呢就好似變壞左一樣🤢🤢🤢🤢🤢難食到想嘔🙄🙄🙄🙄🙄極度後悔😭😭😭😭😭

同太太去食下午茶，奄列都幾好味，不會過熟...其他食物，與一般茶餐廳無異，純計食物，OK的。奇就奇在幾個員工(& 老細?)會在客人旁邊大大聲指罵、鬧交，可能心情未能平伏，對客人的態度都幾差...有位男職員，可以用惡劣形容...

今日於顯徑金源食雞扒, 漢堡扒、牛油餐飽、時菜、茄汁豆和茶走早走, 茶走茶味香濃, 煉奶味香濃, 水滾茶靚, 好一杯美味茶走,而雞扒煎得鮮嫩入口, 漢堡扒口感一流、牛油餐飽夠熱夠軟、時菜新鮮爽口、茄汁豆鮮甜,一頓好的早餐

早兩日到大圍顯徑邨金源餐廳食嘢，點了一個煙肉碎炒蛋配雪菜肉絲米線及熱檸檬茶。煙肉碎炒蛋有驚喜，煙肉有微煎過，蛋甘香，熱騰騰又香口。牛油方包，只有一小角位有牛油，但麵包新鮮鬆軟，唔建議將碎蛋夾方包一併吃，因會減低炒蛋香味！熱檸檬茶，檸檬多至有半個，但欠缺香濃茶味。環境寬敞乾淨，整體尚算滿意。

平時食開大家樂tea~今日突然想試下屋村茶餐廳o既tea~去到金源門口~望到有幾個tea set都ok~~T1: 吞拿魚火腿飛碟T2:雞中翼拼炸曼頭~諗左好耐要T1定T2~最後決定叫T2~因為呢隻TEA比較少見~點知....阿姐落完單之後...轉個頭同我講話無晒~勁傷心~~重諗左咁耐要T1定T2~之後唯有叫返T1~T1質素不錯~穩穩陣陣的一隻飛碟~入面好多千島醬~其實幾好味~但係感覺好肥~哈~~友人叫左吉烈豬扒冬蔭公湯烏冬(走冬蔭公)友人怕辣~~問阿姐會唔會好辣~想叫少辣~阿姐直頭話其實D辣都係等於檯面枝辣油~一係幫我地走辣~想要辣先自己落...我地唯有話好~但心諗...冬蔭公等於辣油咩....-.-不過阿姐唔肯幫我地少辣~哈~最終就叫左走辣了~烏冬先上~感覺好清~之後再上豬扒~好油~但係幾脆~總算是不過不失的屋村下午茶吧~希望有機會再試到T2的茶餐吧~!!!

下午茶時間黎到金源餐廳,地方很大,有點大過頭的感覺(因為有好多空位,生意好像好一般,可能租金平啦),要了個下午茶焗白汁雞皇飯轉了特飲洛神檸蜜(同凍飲差1蚊頗合理便試試),之後就開始等~~~等~~~等(即焗真可以話有好有唔好呀)洛神檸蜜:唔多洗等的,味道較普通的檸蜜酸少少,有淡淡嘅洛神花味,比檸蜜好飲焗白汁雞皇飯:出到黎d汁有d多,感覺焗唔夠(耐d乾身d會好點,可能佢地個白汁太水,又怕焗得耐其他會過火啦),講返個飯雞肉偏瘦連皮都唔多見(對我來說頗好),落了幾多芝士吓,芝味十足呀~ 除了個汁外其他都很好,價格算不過不失~

在這裡面吃過幾次 , 包括早餐 , 午餐和下午茶 ,唯獨沒有吃過晚餐 , 因為經過這裡幾次 , 都發現這餐廳很早就關門 , 記憶中 , 好像是下午六時已見它關門 !真是覺得奇怪 , 是有錢不賺 , 還是這商場租金很便宜 如果集中做好早餐 , 午餐和下午茶餐 , 那我也會是十分欣賞的可是在幾次的體驗之中 , 還是覺得食物水準很是一般而服務也未見特別的好 !碳燒豬頸肉撈檬粉 ( 3.2分 )檬粉多 , 餸菜比較少 , 豬頸肉夠稔夠入味 , 檬粉本身爽口 , 加上小小酸的越南酸汁熱奶茶 ( 3分 )一般的 , 沒有特別 服務服務一般 , 不過不失

今天路經這兒，貪這裹較方便泊車便在此食晏，午餐有多款選擇，定價由廿五元至三十多元，包中湯及飲品，價錢不算貴，中、西食物都有，我選了一款豬頸肉炒公仔麵，下單後不用五分鐘便到齊，公仔麵炒得夠乾身，猪頸肉夠頭但不韌而且份量不少，只是配菜少了點及醬油下多了令味道稍稍偏鹹一些。 杯凍奶茶奶味重而茶味偏淡，始終是飲茶不是飲奶，質素一般而已。整體除了環境裝修較新外，食物質素平平而已。