影片
以上資料只供參考, 請與餐廳確認詳情
首先一入鋪頭，本身有張枱未執，店員見我地入去就即刻執比我地，但執完之後張枱係抹得極唔乾淨，枱面又油，枱罅又攝住左勁多上手食淨既污糟野，咁我地接受程度都算高架啦，自己揾紙巾抹下都當睇唔到就算。然後到落單個陣，老細就sell我地話佢地d雞係新鮮雞，唔係冰鮮雞，所以叫左個醉雞煲黎食，咁我地就緊係食住雞又飲埋d醉雞湯，點知食到最後先發現原來成煲都係蟲。(第一張圖入邊白色彎彎地細細粒既全部都係蟲黎)發現左之後已經即刻同店員講，佢都淨係話幫我免左個醉雞煲，但講緊成煲都係蟲，我地一直以為白色一點點個d係芝麻或者其他野，點知睇真d原來全部都係蟲，鋪頭既人完全冇諗住有d咩表示，連say句sorry都冇，但我地就食左成煲蟲落肚。其他食物又細碟，講緊一行6人，每人夾得一兩舊黎食已經清晒成碟野，特別係個咖哩蝦，直程d肉係梅既，一擺落口已經散晒，講緊每人食得一兩隻蝦已經要298蚊，完全唔值，另外花螺一蝶要成357又係唔值，真係當人水魚。今次真係我食過咁多間餐廳以黎體驗最差既一次，不論係食物質素，味道，份量，環境，同店員對我地煲蟲既處理手法都好差，我強烈表示極度不滿。
繼續閱讀
朋友介紹我，好興奮話發現咗一個隱世嘅地方，一定要我過嚟試吓，你都門口見到佢個招牌寫車仔麵，唔係啩，叫我黎試車仔麵？好難好食過文記喎，仲要鋪面好噏耷，唔似會有好嘢食喎，點知..嚟到呢度千祈唔好嗌車仔麵，唔好俾佢個名呃咗，佢嘅小炒非常之出色，仲有嗰啲燒海鮮，嗰啲蒜蓉同嗰個醬汁真係不得了，簡直出色過好多出名食海鮮嘅地方！佢個水煮魚真係好滑同埋豬紅大腸好入味，真係辣得好過癮！仲有佢嘅招牌避風塘牛坑腩，外脆內軟入口溶化，仲有好香嘅牛味，一定要嗌！！絕對有驚喜！
繼續閱讀
幾年前食過正正常常。昨天偶然經過，入到去坐低已經後悔，因為坐位又迫又汚糟，好後悔冇走番出黎。剔紙仔叫咗碗豬皮豬腸豬紅紅薯粉，碗嘢黎到已心知不妙，豬皮顏色紅紅哋，食落口係有陣臭益味，豬紅又係有陣怪味，最後食咗D紅薯粉就投降，呢間一定唔會有下次。
繼續閱讀
坐低食碗車仔麵。價錢親民吾貴。選擇都夠，不過有啲招牌菜要加2蚊。今次食牛腩墨丸粗麵。湯底清無味，牛腩似煲湯肉甘，一絲絲肉，吾淋又吾又味。墨魚丸似潮洲魚蛋，吾好食魷魚豬紅大腸豬紅有陣怪味😑魷魚🦑無味，大腸好似白洽甘。。。吾好食。。好彩枱面有樽醋！咁就可以食哂碗麵啦。不過吾好食無下次
繼續閱讀
睇住佢裝修，初初紅紙蓋住個名時以為文記開分店。個招牌同落單都好似抄深水埗米芝連文記，所以試左一次。不過價錢就好平，食物普普通通。其實如果唔係抄人風格，我會覺得幾好，起碼夠平夠貼地。不過都明白租金貴，裝修上引到客人去試都係一種手法。都希望香港有多點小店可以生存
繼續閱讀