金泰皇泰國菜館

營業中

休息中

好耐冇食泰菜，當然首選去九龍城啦。今次試咗呢間「金泰皇泰國菜館 」位於城南道41號地舖。傳統裝飾，充滿泰國風格，環境及坐位寬躺舒適。食物選擇非常多，各款小食、沙律、冬陰公湯、海鮮類、咖喱類、蔬菜、炒粉炒麵，湯粉都有。當然首選一定要食至愛《船河》（$50），泰式傳統湯河，湯味濃郁而且十分足料，加埋金不換香葉更滋味。《馬拉盞炒通菜》（$56），同樣都份量十足，菜嫰加上馬拉盞香口惹味，食吾停口。《炭燒盲鰽》（$158），製作需時耐心等候。呢款魚啱大人細路食，因為很少細骨。而且魚肉厚又滑，炭燒令魚脂更香更好味。推薦必試。《青檸燒牛肉》（$138），估佢唔到製作用心，牛肉燒好，薄切然後砌成牛肉山。並且伴有青菜，牛肉嫰滑，配上特製檸檬汁、辣椒蒜粒及香料，酸酸辣辣，十分滋味。喜歡食牛嘅朋友，值得一試。配埋《咸檸七》（$23）同《龍眼𣲙》（$25），消暑解渴之餘，仲可消滯又降火。呢間餐廳並冇加一收費，今次呢一餐咁豐富，埋單都吾使五百元，介紹俾大家，可以去一試。

呢間餐廳的侍應同廚師都係泰國人主理，所以味道一定正宗，而且價錢平民！🌟肉碎生菜包每次嚟食泰國菜，一定必點肉碎生菜包！好惹味，豬肉碎肥瘦適中，生菜大塊又新鮮！肉碎同生菜各分開一隻碟裝住，份量好多，啖啖滿足感！！唔似出面一隻碟就裝晒肉碎同生菜🙈另外酸度適中，好開胃！⭐️冬蔭功冬蔭功係最經典的泰國菜！冬蔭功可以選擇辣度，湯入面有大頭蝦、各種海鮮、菇菌和大量香料，鮮味十足。大頭蝦有好多蝦膏，啖啖肉！酸辣度啱晒香港人口味~🌟青檸蒸盲曹個人認為泰式蒸魚應該先選盲曹，因為盲鰽的魚油豐富，肉質鮮美，魚味濃郁～若無盲曹，可以再選擇烏頭或鱸魚。青檸蒸盲曹的湯底的魚汁和湯汁已經完全融合！絕對推薦！！🌟炒金邊粉份量好足！麵底好彈牙，甜、酸、鹹的味道好均勻口味偏少少甜，好有泰國街頭風味，幾清新~

去九龍城食宵夜，9點幾鐘去到附近已經冇咩鋪頭開見到金泰皇仲未收，即入唔洗諗我叫左個蝶豆花芒果糯米飯～好食，芒果夠甜夠新鮮糯米飯熱辣辣加埋椰奶更香更好味朋友叫左個辣椒炒豬肉飯？！佢同店員全程用泰文落單，所以我都唔清楚依個飯到底叫咩名但佢之後有提到個豬肉佢加左錢轉燒肉片，本身唔加錢就係用豬肉碎炒既我偷食左兩啖～表示好好食啲豬肉比辣椒同泰國醬油香葉個啲配料炒到勁香，將佢變左白飯小偷一片肉可以送兩三啖飯冬蔭有少少可惜，我本人喜歡傾向更酸更辣既口味所以今晚既冬蔭唔係我杯茶下次要再黎食晚餐見到隔離枱叫左條魚好似好正咁～晚餐一定更出色

有一段時間沒吃泰國菜了，今天下班相約媽媽到九龍城「金泰皇泰國菜館」回味一下；菜館由正宗泰國人主理，出品地道正宗-泰式椰青冬蔭功 $98材料有大蝦、香茅、南薑、乾蔥、草菇及椰青肉等熱度相當足夠，在這嚴寒天氣下飲一口熱湯，非常暖胃冬蔭功鮮甜不膩，鹹辣夠平衡，調味恰到好處，很滿足！推介指數：9.5/10-豬肉生菜包 $69生菜爽脆度滿分，也夠爽甜豬肉半肥瘦帶有濃厚豬香，加入香茅、九層塔、蒜蓉、芫荽及魚露等調味，不錯！推介指數：8/10-炭燒盲鰽 $158原條盲鰽份量可不少表面灑上大量食用鹽，魚皮煎至輕微焦香；魚肉雪白軟嫩又新鮮，鹽份滲到魚肉內，鹹香適中，蘸上酸汁更開胃美味；魚身幼骨不多，方便進食推介指數：8.5/10-泰式燒雞 (半隻) $109燒雞賣相可愛，外皮燒得半燶，雞肉雪白嫩滑雞皮香脆帶炭香味道；雞肉肉汁滿滿，肉質軟嫩有彈性，蘸上酸辣醬汁能再增加味道層次感推介指數：9/10-馬拉盞炒通菜 $56通菜鮮嫩翠綠，調味剛好不過鹹，且油膩感不高推介指數：8/10

愛好食泰菜，所以今晚又來到九龍城搵泰國菜食，今晚揀了城南道的一間泰國餐廳。餐廳裝修。也是充滿了泰國特色。鹹魚雞粒炒飯 $63，炒飯炒得非常香，除有雞柳及鹹魚，𥚃面還有粟米粒、紅蘿蔔、介蘭、蛋碎，入口有口感之餘，每一口都食到炒飯豐富多層次的味道！泰式海南雞半隻 $96，海南雞金黃的雞皮，肉質嫩滑，無骨食落啖啖肉，點上跟配的酸酸甜甜醬汁，更是非常惹味！椒鹽多春魚$55，椒鹽多春魚，炸得很香口，食的時候𥚃面脊骨很容易分開，所以食得都很方便，魚春雖然不多，但脆卜卜的，伴着配料炸蒜、芫茜蔥、洋蔥、辣椒……等，伴着一齊食，很清香惹味！香茅炸雞翼$53，雞翼跟配充滿着蜜糖香甜的醬汁，令肉嫩多汁的雞翼，香之餘更帶蜜糖的香甜！惹味！炒雜菜$56，雜菜𥚃面有多款菜，包菜、介蘭、紅蘿蔔……等，看落顏色漂亮，見到已經非常好胃口，不但睇得，食落爽口清甜。龍眼冰$25，龍眼冰冰冰涼涼很香甜，面上的龍眼肉份量頗多，有口感又香甜！椰汁冰也是 $25，朋友說椰味很香，甜度剛剛好，也是非常好飲，而且口感細滑！椰汁西米糕$38，西米糕有6隻，煙煙韌韌，香濃的椰汁味，是不錯的飯後甜品！

九龍城泰國菜試過很多間，想不到還有這間「金泰皇泰國菜館」！帶給我無限驚喜，只因所有泰國菜式都十分正宗美味可口！首先，讓我們開始品嚐炒椰菜苗（$68）。這道菜以新鮮的椰菜苗為主要成分，搭配了一些調味料和香料，椰菜苗保持了其嫩綠的外觀和脆嫩的質地，並且帶有微妙的清甜味道，讓人回味無窮！冬蔭功（$73/小份）加入了海鮮或肉類等配料，味道鮮辣而微酸，充滿了泰國菜獨特的風味。湯中的配料豐富多樣，讓人感受到不同口感的層次。接下來是咖喱包軟殻蟹（$198）份量十足豐富。這道菜以鮮嫩的軟殻蟹為主角，搭配香辣的咖喱醬汁。軟殻蟹外皮酥脆，內部肉質鮮美多汁，配上濃郁的咖喱醬汁，讓人感受到濃烈的香料和海鮮的完美結合。接著是柚子沙律（$63）。這道菜以新鮮的柚子果肉為主要成分，加入了蔬菜、堅果和特製的醬汁。柚子的酸甜風味和脆口的質地為這道沙律帶來了令人愉悅的口感，清爽怡人。隨後是芒果糯米飯（$60）。這道菜將新鮮成熟的芒果切片放在糯米飯上，再搭配一些椰汁，每一口都讓人感受到芒果的香甜和糯米飯的綿密。椰青的口感柔軟（$32），椰香濃郁，而且具有天然的甜味。喝一杯椰青可以瞬間解渴，讓人感受到夏日的清涼和舒爽。最後是

從來都唔寫食評，但真係太難食，所以決定寫出嚟。路過九龍城，見到間餐廳寫滿泰文，啲侍應又好似係泰國人，諗住應該正宗，就試吓啦。只係叫基本中嘅基本，炒蝦雞金邊粉，上碟嘅樣正常，點知一食，啲蝦肉係室溫，而啲雞肉係凍嘅，只有金邊粉係熱，即係廚師只係是但炒熱啲金邊粉，就求其掉啲蝦和雞上碟；連炒粉最基本嘅 碟食物要熱 都做唔到，成碟嘢勁難食，不幸中之大幸，啲食材食熟嘅，否則真係完全唔使食。呢間餐廳，我一定唔會再嚟。

老友想食泰國菜，就約左係九龍城由泰國廚師主理的#金泰皇泰國菜館，餐廳裝飾充滿泰國風情，坐位都寬闊舒適。點左幾款正菜跟老友分享😉。柚子沙律，除了有咬落爆汁爽甜嘅柚外，仲有爽口的蝦仁🍤，撈勻酸甜汁，醒神又開胃。金泰皇亡果盲鰽沙律，皮連肉炸令魚皮脆肉香，配埋青亡果沙律，香辣酸甜的令人食慾大增。馬沙文咖哩雞，雞肉有好多片，煮得入味，咖喱汁濃香而帶點辣，撈埋配菜的薯仔🥔同埋飯食，同樣出色😚。飲埋清甜的泰國原個椰青，完美的晚餐。

今日放工黎九龍城揀間好地道泰國餐廳食。餐廳🍴由泰國人打理，但佢地都識得講廣東話，而且服務態度仲好好添👍🏻食得好滿意😀皮蛋炸蝦餅🍤唔係間間都有得食😍蝦球炸得好香脆，配埋溏心皮蛋內餡一齊食就無咁膩，熱辣辣又彈牙👍🏻泰式酸辣鳳爪🌶️可以選辣度。鳳爪醃到好入味，好惹味。洋蔥🧅茜芹味夠濃，好開胃前菜🤤椒鹽軟殻蟹🦀炒得好出色，好味👍🏻有鑊氣🌶️軟殼蟹沾左蛋醬去炸，咬落除左有椒鹽咸香味，仲有蛋香甜味，好味🤤好有層次鹽燒鯽魚🐟🧂即叫即燒！一上菜，嘩！超大條😍兩隻手掌咁大條！舖滿粗鹽及香料香料醃製調味，味道甘香一啲都唔腥，鹹香滲入魚肉。魚肉香滑juicy,沾上泰式辣醬更加帶出鮮味！生菜豬肉包🥬 可選辣度🌶️香辣咸香豬肉碎混入洋蔥，不用仼何醬料，配上爽口生菜已經夠哂惹味！口感豐富！最後一定要叫飯後甜品:椰汁糕🥥呢間做得好出色，甜味適中，口感香濃椰汁🥥加上一層粒粒西米，口感煙韌，好味😋好味到買多左份打包返屋企聽日再食🤤🤣

明爐蒸盲曹多酸小辣超開胃，熱騰騰原條盲曹上枱，仲有小量豬肉，湯頭味道多酸小辣，魚肉吸滿湯汁既味道，愈吃愈開胃！魚身豐腴，肉質鮮美。一啖湯再一啖魚肉，好好味~ 而且食起黎一D腥味都冇! 如果想再重口味，台面仲有其他調味料可以自己落。鹹豬肉炒芥蘭 鹹豬肉香口惹味，仲好酥鬆，深綠色既芥蘭夠哂爽口，係佐飯好菜 ~!香辣海鮮粉絲沙律小酸多辣，夠哂開胃清爽！材料有魷魚 蝦 粉絲 芹菜等配料，如果份量可以再多D就更好喇!

本來居住在九龍城的日子，可以享受各式美食，不過最近傳來噩耗，九龍城區將大規模重建，未來號稱小曼谷的九龍城，是否會淹沒，實在未知之數，不過九龍城的美食實在太多，趁著未搬遷之前，記下每日吃在九龍城吃的美食。歡迎關注，以便獲得最新九龍城飲食資訊。豬肉生菜包$69 ，這個生菜包，內有豐富的泰式香料，加上帶點微辣，放在生菜之內，非常開胃。這個生菜包有別於其他泰式食肆，因為香料味道濃郁，如果喜歡吃芫荽，是必吃之選。冬陰功$73，酸辣程度適中，湯內的蝦肉新鮮，配料濃郁，就算只是細鍋，都已經足夠兩人享用。海南雞飯$53，雞肉帶點鹹香味，雞肉鮮嫩可口，香茅飯味道十足，再加上自家製海南雞醬汁，味道層次豐富。鹽燒鯽魚$158，鯽魚被粗鹽包裹着，廚師已經將外皮展開，魚肉味道香甜，加上自家製醬汁，可以帶起鯽魚的鮮味，如果烹調的時間短一點，魚肉的魚汁可能更多。芒果糯米飯$60，芒果味道甜美，糯米飯煙煙韌韌，爽口彈牙，加上椰漿更加美味可口。青檸梳打$30，酸酸甜甜，非常有泰國特色。勝獅啤酒$35，冰凍的泰國啤酒， 加上冰凍的杯，10分配合泰式美食。

今日黎到九龍城未有頭緒食邊間，行到依間鋪頭門前，泰國姐姐親切笑容叫我地入去幫襯，望見入面都有幾多食客，我估應該唔差呱！至愛既炸蝦餅：外皮香脆蝦肉鮮甜彈牙； 冬陰公湯：湯味道酸辣度好適中，不會太辣或太酸，好多秀珍菇同蝦，味道好惹味。青檸牛肉：賣相好吸引，望落唔係好多，但其實牛肉層層叠，份量都幾多，牛肉五成熟左右，肉味香濃，醬汁酸酸辣辣，味道開胃醒神。串燒6串（豬/雞/ 雞腎各2串）：燒得岩岩好，不會太乾，好有風味，沙爹醬好香，配串燒一流。雞腎特別好食，口感好爽脆。加杯青檸梳打，好refreshing。服務員好有禮貌。埋單都係3百幾蚊，不收加一服務費，抵食！！

從云云的東南亞菜之中，泰國菜必定是我的首選，喜歡泰菜多元的味道，多樣化的香料，加上色彩繽紛的配搭，在視覺和味覺也給人一種滿足的感覺。想起食泰國菜，自然第一時間想起去九龍城，這家「金泰皇泰國菜館」，由泰國人主理，餐廳裝潢樸實無華，但食物質素高，價錢實惠，菜式地道，性價比高。泰式椰青冬蔭功湯（$98）食泰國菜，東蔭功湯是我的必選菜式，這個冬蔭功湯用了原個椰青剩載並加入椰青肉和水，令香辣味道增添椰青的清甜和清香。金泰皇芒果盲鰽沙律（$198）原條盲鰽起肉香炸，骨酥肉香，口感香脆，配合泰式的青芒果沙律，酸辣香甜的味道令人食慾大增。泰式海南雞（$96/半隻）已經去骨的海南雞，啖啖肉，雞皮爽彈，肉質幼嫩，配一碗油飯（$16）就是最佳的配搭。椰青（$32）喝完椰青冬蔭公，啜一啖冰涼的椰青更覺清甜。咸檸七（$23）冰涷的咸檸七，解膩又解渴。Storefront Menu

We loved the mango sticky rice . Nice staff~We just came into the shop because nearby shops were full. Luckily it’s still with free tables

今日難得去九龍城緊係要食泰國菜，見到呢間望落幾抵就入咗去。3個人嗌咗一個青咖喱豬加薄餅，咖喱食落辣辣地，濃味，不過豬肉份量偏少，薄餅冇咩特別。另外嗌咗碟馬拉盞通菜，佢醬料好入味，少辣，好食！仲嗌咗6串串燒，分別有雞、豬、同雞腎，當中雞賢比較岀色。我哋都嗌咗3杯飲品，有芒果沙冰、椰子沙冰、同椰青水，飲得岀係新鮮，而唔係加料嘅嘢飲。整體唔錯。