金泰子泰國餐廳

話說太子呢頭真係愈來愈多泰菜小店，今次專登嚟到試呢間成日排長龍嘅泰國餐廳。老實講，門口睇落普普通通，但一入去就聞到陣陣香茅同泰式香料味，再加埋幾位泰籍姐姐熱情招呼，個氣氛已經即時加分！環境唔算好大，但坐得幾舒服，最緊要係冷氣夠猛（食泰菜最怕熱到癲啊🔥）。今次同朋友兩個人叫到成枱都係嘢食，首先個泰式火山排骨真係無改錯名，上枱已經聞到陣陣辣椒同香料嘅霸氣！肉質燉到好淋，輕輕一撕就離骨，個湯汁酸辣惹味，但建議唔太食得辣嘅朋友點少辣就好。跟住個冬蔭功海鮮麵鍋真心巨型，兩個人根本食唔晒！湯底香濃，酸辣度平衡得幾好，海鮮料又多：大蝦、魷魚、蜆肉、帶子，仲有索盡湯汁嘅MAMA麵，呢個價錢真係抵到爛👏。另外個咖哩軟殼蟹大包都係驚喜之作，軟殼蟹炸得酥脆，個咖哩汁香滑帶蛋香，點埋個薄餅真係邪惡到極點！燒豬頭肉就燒得香口，肉質爽嫩，點埋個泰式醬汁更加開胃。至於甜品七色彩虹芒果糯米飯，打卡真係無得輸📸，七種顏色用咗天然食材整成，糯米飯熱辣辣，芒果又甜，作為結尾完美！總括嚟講，食物水準對得住價錢，專做正宗泰菜，尤其係冬蔭功海鮮鍋同彩虹糯米飯性價比高，環境同服務都唔錯。晚市真係幾爆場，建議早少少去排隊。今次體驗滿意，個胃表示非常滿足，下次一定會再encore個粉絲蝦煲同試埋個椰子雪糕！👍…查看更多

作為一個成日食好嘢嘅人，對食物要求都好高！最近同屋企人喺太子食晚飯，屋企人揀咗呢間泰國餐廳，我哋大家都係第一次食，原本都對呢間不太起眼嘅餐廳沒有期待什麼。但係呢度嘅食物令到我哋超級驚艷😍，成餐飯我哋都喺度大贊，每道菜都做得好出色。詢問之下，原來呢度嘅廚師和員工大部份都是泰國人，唔怪之得可以將泰國嘅風味淋漓盡致咁樣演繹出嚟！👍呢個價錢都好合理，佢哋每碟餸都幾大碟，我同屋企人都講定下次要再嚟幫襯！ 〰️〰️〰️〰️〰️〰️〰️〰️〰️🛶 泰式和牛船麵 $98 呢個船麵係餐廳服務員推介我哋要點嘅！食完之後真係大贊佢嘅湯底，牛肉味超級濃，呢碗船麵係我喺香港食過最好食嘅。佢仲有牛肉片同埋牛丸，加埋濃厚嘅湯底，真係食到清碗底！🍜 冬陰功海鮮麵鍋 $168 超級多新鮮嘅海鮮（有魷魚、帶子、蜆、青口等），冬陰功湯底唔算太辣，但係冬陰功味好濃，我哋仲飲咗幾碗湯㖭～ 🦀 招牌咖喱軟殼蟹 $138 好大盆，有好多軟殼蟹，個咖喱做得好好食，落咗啲洋蔥同埋蛋汁，一定要叫這個！軟殼蟹炸得酥脆，咖喱香滑帶蛋香，送飯一流！ 🦐 海蝦刺身 $98 有蒜頭和辣椒在上面，再點生蝦汁一齊食，超級好食，真係食到停唔到口～ 🍢 沙爹串燒 $90/6串 （雞肉/ 豬肉 /牛肉/ 豬頸肉/雞全翼/墨魚丸/司華力腸） 可以在以上選六串，我們除了司華力腸之外，其他都叫了一串。沙爹醬香濃惹味，串燒燒得啱啱好！ 🌈 七色彩虹芒果糯米飯 $88 顏色靚又唔會太甜，芒果香甜，糯米軟糯，打卡必點！ 🥭 芒果沙冰 $35 味道好濃郁，芒果香味突出，清涼解渴！ 🥥 椰子沙冰 $35 同樣味道好濃郁，椰子香氣十足，口感順滑！ 🍹 龍眼冰 $28 好重龍眼味，仲有粒粒龍眼喺裏面，鍾意龍眼的朋友一定要點！ 〰️〰️〰️〰️〰️〰️〰️〰️〰️💰 總計: $856, 3位用餐(已包含10%服務費)…查看更多

收工9點，竟然係太子仲搵到餐廳食飯！仲要係泰國菜，仲要冇咁快last order!梗係要試吓！泰式火山骨 $148第1次食火山骨🌋都有6大嚿，成個手掌咁大，經濟實惠！酸辣味，似泰式青醬，味道不太辣，怕辣嘅朋友仔都可一試！青木瓜沙律$68點少得我最愛既som tum！夠辣夠酸！超開胃！冬陰功海鮮湯 $88（S)好中意夠多檸檬葉+香茅味🍃仲要係熱鍋上，誠意💯分❗️都好足料，蝦魷魚都有不少～特製泰式豬髀 $85豬髀份量，一啲都冇揸流攤，配搭鹹酸菜同埋流心蛋！佐飯一流！鹹酸菜份量再多更好！芒果糯米飯（白/黑）$53我哋揀咗黑色，黑色係紫糯米！養生養血！Overall 嚟講的確經濟實惠，而且份量都大，下次可以試埋冬蔭功海鮮麵鍋！…查看更多

🇹🇭太子呢間「金泰子」由泰廚主理，喺旺角同太子站中間，地點超就腳。價錢合理，午市仲免加一，食物地道夠水準🍽️ 經典小食大拼盤(Hk$168):包含了蝦餅、魚餅、春卷和雞翼各三件。其中蝦餅尤其出色，新鮮炸起，口感鬆脆彈牙。其他如魚餅、春卷和雞翼也同樣是即叫即炸🥖 香脆蒜蓉包(Hk$35)餐廳的主打小食之一，麵包烤得外層金黃酥脆，蒜蓉牛油香氣濃郁🍍 菠蘿海鮮飯(Hk$108)菠蘿海鮮飯鑊氣十足，搭配新鮮酸香的菠蘿肉，非常開胃🥭 香甜芒果白糯米(Hk$53)糯米軟糯,芒果香甜,加埋香濃椰漿，如果多人share推介招牌七色彩虹芒果糯米飯🍧泰式街頭椰子雪糕(Hk$68)：食落同喺泰國街頭食到嘅一樣風味🥥 椰青(Hk$38)：清甜解渴，係搭配泰國菜的經典選擇🍸椰子沙冰(Hk$35)：口感順滑，椰子香味濃郁，冰涼解渴📍金泰子 Golden Prince太子柏樹街21號地舖(港鐵太子站 D 出口, 步行約3分鐘)…查看更多

在香港尋覓泰國菜多年，終於在這家不起眼的街角小店找到驚喜。冬蔭功海鮮麵鍋湯底濃郁酸辣開胃，滿滿的海鮮讓人滿足；和牛船麵湯頭醇厚，牛肉片與牛丸相得益彰；咖哩軟殼蟹外酥內嫩，醬汁令人回味。生蝦刺身搭配特製醬料鮮美彈牙，沙爹串燒火候恰到好處。特別要稱讚七彩芒果糯米飯，香甜不膩，每口都是享受。飲品也毫不遜色：芒果沙冰果香濃郁，椰子沙冰清涼順口，龍眼冰更是真材實料，每口都能吃到清甜的龍眼果肉。人均不到300就能品嚐到如此地道的泰式風味，難怪連泰國朋友都認證這裡的味道最正宗！…查看更多

由泰國廚師主理，好抵食嘅招牌熱辣辣冬陰功海鮮麵鍋～.🍜冬陰功海鮮麵鍋$168食泰式菜，冬陰功湯是必然吃的，呢道嘅招牌冬陰功海鮮麵鍋，超級多新鮮海鮮，有魷魚、蝦肉、扇貝、青口、豬肉丸等等，仲加了泰國好出名嘅媽媽麵，好彈牙爽口。湯底超大煲，冬陰功味好香濃，飲完一碗又一碗！.🌈七色芒果糯米飯$88七彩打卡甜品😍，芒果肉好清甜，糯米飯好香軟，七色嘅味道有斑蘭、芋頭、蝶豆花、白糯米、菠蘿、士多啤梨及紫糯米！🦐辣椒膏炒大蝦$198大蝦勁大隻，炒得好香口，蝦頭仲有豐富嘅蝦膏😍！ 🥓燒豬頸肉$85勁大塊肉肉，肉質都好爽，配合埋泰式甜酸醬，美味！🥬鹹肉椰菜苗$88椰菜苗係唔辣嘅，清清地加埋鹹肉，幾好味！整體來講，份量都多，經濟抵食！…查看更多

今次主要想講最吸睛嘅~~彩色糯米芒果椰漿飯七彩糯米球排列成圓形，色澤鮮明，令人眼前一亮，像是藝術品般精緻。金黃熟透的芒果切成扇形，與糯米形成鮮明對比，提升整體美感。濃郁白色椰漿覆蓋糯米，增添層次。糯米軟糯不黏牙,每種顏色的糯米口感略有不同，可能使用天然色素如蝶豆花、香蘭葉、紅糯米等，味道清香。椰漿香濃滑順 ,甜度適中，椰香濃郁但不膩口，與糯米完美融合。芒果香甜多汁，果肉細緻，與椰漿糯米搭配非常和諧。…查看更多

太子人氣泰國餐廳金泰子 必食冬陰功海鮮麵鍋都係泰國廚師主理 仲要位置好近太子站 簡單記錄一下.⭐️冬陰功海鮮麵鍋$168勁大份 可以足夠兩至三個人分都得用咗泰國好出名嘅媽媽麵 吸晒酸酸辣辣冬陰功湯底而且海鮮都有好多 扇貝 蜆肉 魷魚 蝦肉咩都有.招牌仲有自家製⭐️七色芒果糯米飯$88包括斑蘭 芋頭 蝶豆花 白糯米 菠蘿 士多啤梨同紫糯米糯米飯勁軟熟好似飯團咁最重要係芒果都好甜 呢個高分.記住叫多份⭐️燒豬頸肉$85切到勁大塊 而且肉質都好爽但再叫多個⭐️泰式濕炒河粉$80表面有幾多牛肉同埋蔬菜河粉夠鑊氣 一定要夠多醬汁先好食.‼️如果鍾意泰國菜嘅朋友一定要嚟試吓.#金泰子泰國餐廳 (太子)地址：太子柏樹街21號地舖.（記住Like同分享 係我繼續出誠實記錄動力 感謝支持🙏🏻）.…查看更多

店舖細細 不過晚市好快就好多人坐得比較迫 要加一火山排骨 ($148)叫咗小辣 但係一啲辣味都冇完全唔惹味 個湯勁酸排骨冇乜肉 好似平時煲湯嗰啲骨咁又冇乜味 完全唔值呢一個價🤨菠蘿海鮮炒飯 ($88)用個菠蘿裝住 份量唔係好多海鮮都多嘅 不過完全冇味完全係烚咗跟住直接放上去咁另外一個炒飯就一般般啦蠔仔蛋餅 ($108)呢個都算大份 啲蠔仔都幾大粒配個辣醬都幾好食 不過個底偏油炒通菜 ($60)正正常常 份量唔係好多 冇咩評價整體真係好一般嘅泰國菜同埋都唔係好平 唔係好推介😮‍💨…查看更多

碟碟都超大份，街坊都成日推介😎主打好多款正宗泰國菜，咖喱、BBQ燒烤、海鮮、小食、沙律、粉麵飯、甜品樣樣齊，最緊要係價錢夠平，CP值高到離譜🤣冬蔭公海鮮麵鍋，2-3人份量只係$168！仲要好多料！帶子係鮮甜㗎🤤酸辣度調得啱啱好，香茅同檸檬葉嘅香氣好突出，蝦、蜆、魷魚夠晒新鮮🤩湯底濃稠掛住麵，每啖都食到海鮮嘅鮮同香料嘅醒胃😍火山排骨大大份$148 排骨夠淋，肉一啜就脫骨，酸辣汁滲透晒入肉，但又唔會蓋過肉香👍🏻串燒$15@沙嗲雞肉串 雞腿肉切得夠大件沙嗲豬肉串 梅花肉肥瘦均勻，烤完脂香爆棚🤤沙嗲豬頸肉串 爽脆口感超正，烤到微微起焦，咬落卜卜脆😎靈魂沙嗲醬甜度剛好，花生味濃郁，咬落肉香同醬香mix埋，一串根本唔夠喉🤩咖哩大蝦 蝦隻大隻肉厚，開背去線好入味，黃咖哩汁椰香夠重，辣度溫和👍🏻蝦肉蘸滿咖哩，鮮甜夾住濃香，連汁都想食晒🤤🤤生菜包鴨肉鴨肉炒得焦香惹味，帶少少薑蔥香，清爽嘅菜香中和咗肉嘅油膩，越食越開胃😆泰式炒金邊 金邊粉炒得乾身，鑊氣十足，醬汁均勻掛住每條粉，帶少少魚露嘅鹹香！配料夠多，口感豐富，超飽肚😋馬拉盞炒通菜 馬拉盞醬嘅香辣勁突出，帶少少蝦醬嘅鹹鮮，通菜吸晒醬汁，每啖都夠惹味🤩最後飲埋椰青同埋木瓜奶昔，超滿足…查看更多

呢間餐廳係街坊力推👍🏼主打多款正宗口味泰國菜，包括咖哩、BBQ燒烤、海鮮、小食、沙律、粉麵飯、甜品等，重點係價錢非常親民，Cp值極高🇹🇭💗炸蝦餅皮蛋（$95）用蝦膠包住皮蛋炸到金黃香脆，外層蝦膠爽彈🍤入面皮蛋甘香🥚蘸上泰式甜酸醬一齊食，一啖有雙重口感💗酸辣鳳爪($65)酸辣鳳爪無骨啖啖肉，肥厚爽脆🐓拌入生洋蔥、蘿蔔絲同蔥整成沙律，味道酸辣清爽🥗💗青咖哩雞肉+ 薄餅($110)青咖喱香濃帶甜，椰奶味突出，富各種香料味，入面有大量嫩滑雞肉、茄子啦同青豆🫛將柔韌酥香嘅薄餅沾埋咖哩一齊食，簡直係絕配🫓💗泰式和牛船麵（$98）船麵湯底用上牛骨同多款香料熬煮，湯頭味道豐富且濃郁🥘配上順滑嘅金邊粉🍜和牛片軟腍牛味濃，加上彈牙肉丸、芽菜同炸豬皮🐮💗菠蘿海鮮飯（$108）將原個菠蘿起肉🍍係炒飯加入新鮮菠蘿、魷魚、大蝦、墨魚仔、三色豆、提子乾、蛋花等，非常豐富，炒飯炒得乾身且粒粒分明，酸甜開胃，最後放上肉鬆點綴🍛💗馬拉盞炒雜菜（$66）炒雜菜有齊芥蘭、椰菜、蘿蔔、西蘭花同椰菜花，用上馬拉盞醬炒，有鑊氣又惹味🥬…查看更多

太子隱世泰式住家風味！ 冇花巧裝修但有驚喜！碟碟份量爆棚，鹹香濃郁嘅泰式風味！►辣椒膏炒蜆- 蜆肉肥嘟嘟冇沙，辣中帶鮮甜，醬汁超正，真係會食到舐舐脷停唔到口►椰青海鮮焗飯- 椰汁親自滲透飯粒，入邊仲有嫩滑椰肉，海鮮堆到滿一滿，椰香雙重夾擊►椰汁雞湯 -椰香濃郁，酸酸辣辣超開胃，雞肉份量都夠晒多►咖喱軟殼蟹 -炸到香脆嘅軟殼蟹配上甜辣味嘅黃咖喱，餸飯首選！啲汁都唔好嘥一定要嗌埋薄餅！🌈甜品視覺系暴動❗️必點‼️► 「七色彩虹糯米飯」► 「七色彩虹千層糕」每隻色嘅糯米飯，真係又唔同香料味㗎！好正🔥 舖仔細細但乾淨企理，每一個菜式都地道住家餸溫暖感！…查看更多

#冬陰功海鮮麵鍋試咗冬陰功海鮮麵鍋，裡面有好多海鮮，蜆、蝦、章魚仔、魷魚，仲有兩粒帶子，雖然未去到好新鮮，但呢個價錢都可以接受！湯底味道酸酸辣辣，雖然未去到好濃味，但個人覺得啱啱好，都幾開胃！仲要份量真係好多，兩個人share都食唔晒。#皮蛋炸蝦餅另外嗌咗個皮蛋炸蝦餅，皮蛋仲係流心質地，蝦肉好彈牙，包住啲皮蛋，食落去好有層次感！#總結整體嚟講，金泰子嘅食物質素唔差，價錢都唔太貴，份量又多，真係高CP值！…查看更多

行完花墟太熱了，想食泰國嘢就入咗呢間。Menu第一頁大大個冬陰功海鮮麵鍋，十分吸引，就即刻揀咗！冬陰功海鮮鍋🥘$168海鮮份量好多，有兩三個大扇貝，同圖片一致，上菜速度好快。麵條比較幼身，不過如果係韓式方便麵果種口感應該更好。我地兩個人食都綽綽有餘，食得超級飽。除此之外，還叫了一個肉碎生菜包$88蔬菜新鮮，睇上去細細一兜，但都好味。芒果沙冰，芒果好甜，十分真實。最後，仲食咗七色糯米飯。每種顏色都係唔同嘅味道，黃色嘅係菠蘿，我就麻麻地黃色。但其他顏色嘅味道不會太突出，所以配上椰汁，真係啱啱好！…查看更多

👾太子｜金泰子泰國餐廳｜平價泰式串燒＋冬陰功麵小店環境較細，座位比較擠迫，但價錢親民，適合簡單一餐。餐廳主打 泰式串燒 及 冬陰功麵，選擇多，份量足。🔥 冬陰功公仔麵 ($168)
麵量十足，海鮮包括 帶子、魷魚、花甲、章魚仔，不過口感稍為偏硬，未算新鮮。湯底酸辣適中，冬陰功味道不算太濃，剛剛好。🍢 串燒拼盤 ($90/6串)
份量夠大，可選 豬、牛、雞、豬頸肉、司華力腸、雞全翼、墨魚丸，燒得惹味，調味適中，整體味道不錯。🥬 飛天通菜 ($60)
味道普通，沒特別驚喜，但配搭其他菜式剛剛好。💡 總結
金泰子屬於 親民價泰式小店，串燒選擇多，燒得不錯，冬陰功公仔麵份量大但海鮮稍遜。如果純粹想 簡單吃泰菜、試試泰式串燒，可以一試！📍 地址：太子柏樹街21號地舖
🗺️：#dummytummy太子
🍛：#dummytummy泰國菜
💸：$100-$200
👾：⭐️⭐️⭐️[味道 7/10 ～ 環境 6/10 ～ 服務 6/10]…查看更多