金水堂

今日下就去咗食泰國野，呢間食過幾次，覺得幾好食，就再幫襯，點知今次就賴嘢🤮🤮叫咗個餐加咗杯凍啡，啡飲到一半，就見到隻小小🪳浮起咗🌊，即刻想嘔出嚟。。。。咁就拎杯啡比個店員睇啦👇🏻我:哇杯啡有隻曱甴喎佢:應該係啲咖啡渣黎架(點解可以咁都講得出，承認一下有咩問題？講個sorry唔好意思有幾難？)，然後佢隨手就倒了我:真係冇言以對。。。有相有真相🤢🤢🤮🤮🤢🤢…查看更多

味道：羅漢果水好淡似水，袖子蜜又似水少袖子蜜，海南雞比較肥，醬汁好喊。值得一贊手撕雞飯，都幾好味，但小心飲品伏味濃，隔離台客都話嘢飲唔掂。服務：其中一位中年店員服務態度好差，催客人埋單。問店員什麼是Monster飲品,淨係答汽水囉。推薦：2星 價格：2星去食嘢最好叫汽水，羅漢果水好難飲。 …查看更多

唔好意思，呢個食評一張相都冇，因為估唔到呢間金水堂比想像中好味😆我哋食咗海南雞飯($68)，炒金邊粉($68)同埋飛天炒通菜($58)。海南雞飯嘅雞都幾滑，個湯冇味精味，唔錯！配菜有個泰式拍青瓜，對我哋嚟講太辣 handle唔到🤪 炒金邊粉都好夠味，蝦好爽冇雪藏感，份量都幾大，食唔晒🫣最正係個飛天炒通菜😋 等咗大約10分鐘左右先到，因為佢係即叫即擇菜！菜好嫩～ 唔食得辣叫咗少辣啱啱好！員工細心又有禮貌👍🏻…查看更多

早幾日去開荔枝角上堂 就上去長沙灣廣場食個飯上到3樓都見好多餐廳 見金水堂呢間當時冇乜人，價錢都唔太貴。 一個海南雞套餐加埋野飲都係72蚊 晚餐黎講算係可以接受 所以就入去試下。 點知食落都有驚喜。成個套餐分左三個部分雞飯，前菜，同個湯青瓜細細粒幾入味，酸酸地飯前食小小幾開胃。個雞就好滑，入面仲有d骨膠原啫喱幾有誠意。油飯個油味唔太重，飯軟硬都算可以。湯個色唔太深但飲落就幾有味。唔錯以70幾蚊一個晚餐黎講算係可以接受，如果大家都經過呢頭推薦大家黎試下。…查看更多

今日收工同朋友約左係長沙灣廣場等,行上3樓原來有幾間食肆,沿路見到呢間金水堂坐左好多人加上好耐冇食泰國野就選擇左佢見佢有海南雞、豬頸肉、香葉肉碎飯等等嘅泰式野,我又咩都想食啲所以就膽粗粗問店員可唔可以加錢轉雙拼😆最後我嗌左個海南雞雙拼豬頸肉飯😋雞已經去左骨,好嫩滑!!豬頸肉略嫌燒得唔夠脆但yum埋啲汁真係好野味店員話個湯係用雞骨熬出嚟所以都十分之夠味,🐔味濃🤣我朋友就雙拼泰式手撕雞同豬頸肉仲額外加5蚊就有碗冬陰公湯我地另外都有嗌到泰式炒芥蘭由於我同朋友都唔食得辣所以叫店員幫我地走辣芥蘭好新鮮 又係好入味好送得落飯🍚總結：整體食物都不錯有意料之外嘅驚喜店員好服務態度性價比高絕對可以encore…查看更多