金枕頭泰國餐廳

營業中

休息中

早兩日兩條友去左食海南雞飯即晚又痾又嘔又發燒胃痛第二朝睇醫生話病毒性腸胃炎🫠已向食環署投訴 食環處亦反映已到場巡視有發現可改善地方，已即時提醒希望廚房小心d 乾淨d不過唔好意思無下次了🙏🏻

呢間forever my favorites restaurant !宵夜時段飲品只係十零蚊大推椰汁沙冰菠蘿炒飯同出面一樣用菠蘿外殼裝起美觀夠乾身我鍾意炒飯味道夠味，好吸引想再舀多幾碗

係粉嶺做完運動又未食晚飯， 又唔想食得太heavy 於是就去金枕頭食個宵夜，9點後就會有宵夜時段，好多野食同飲品都好平。夜晚9點半入到去仲係好多人，坐低之後店只會俾個QR code 你手機落單，一d特飲好似椰汁珍多冰，椰汁紅豆冰，龍眼冰都係10蚊一杯但份量一d都唔細架。有d湯河就20蚊一碗。我就叫一杯龍眼冰同雞絲湯河做宵夜，雖然龍眼冰10蚊但一d都唔馬虎 ，都有6粒龍眼，至於雞絲湯河份量明顯細d但考慮到價錢廿蚊一碗所以都合理，味道就正常水準無咩特別。如果月尾唔夠錢洗，可以考慮食呢間既宵夜

金枕頭既特價宵夜簡直係粉嶺人既童年回憶😋細個成日等夠鐘入去食架😹不過印象中以前d staff好惡今次黎啲staff態度反而好佐粉麵大概$2x左右有一碗特飲都係$10左右價錢仲keep到呀😋味道都唔錯👍🏻👍🏻

收夜肚餓住粉嶺附近有福因為9pm後係宵夜時段！平過正價幾多架一碗河粉基本上$20-$25份量夠食泰式飲品好似椰汁沙冰、珍多冰、紅豆朱古力呢啲都係$10-$15有找去邊度搵！整體質素係高既個人推蒜蓉包同椰汁沙冰（同椰汁冰唔同架，個人覺得沙冰正勁多！）菠蘿炒飯夠香，有臘腸、入面既菠蘿都juicy

呢間野二十幾年前已經吃佢 最中意炒金邊粉 串燒 菠蘿炒飯 好有泰國feel。金邊粉好有口感 Q彈爽滑入晒味 有時食獨多炒河 吃個炒金邊又有返d新鮮感， 加幾串串燒就夠過癮，菠蘿炒飯原隻上 泰勁揪👍🏻

好好食嘅一間泰國嘢！已經食過好多次，最鍾意食佢個濕炒牛河😋😋好友泰國的味道！同埋佢個冬陰功湯都好好味🥹唔會太難唔會太酸，奶香味啱啱好！呢一間都係朋友介紹話由細食到大👍🏻真係好味🤤

平日晚晚都好多人排隊🚶🏻‍♂️🚶🏻‍♀️🚶🏻👩🏻‍🦯今晚見無嘜人，即刻衝入去試下😆咁啱就快到消夜時段，就叫宵夜優惠。真係好抵喎，串燒都係$18左右就有兩串，湯河$2x就有了。見咁平，我就叫咗個冬蔭公湯、泰式炒通菜、雞牛串燒同埋泰式炒河粉。🫕冬蔭公湯多料得嚟好香，唔會太重香料味，而且酸甜度調較得好好😋🥬泰式炒通菜好惹味，唔多油！🐮🐥雞牛串燒燒得啱啱好，雞仲係好滑嘅，牛又唔會un，正！👍🏼泰式炒河粉🤩d河粉好彈牙，而且好重鑊氣，仲要唔油，真係食到停唔到口。埋單$200幾蚊，你地話抵唔抵食！😁

之前慕名而來過，但覺得好難食🤢但今日好晏先搵食，周圍又關哂，諗住試多一次！我9點幾到已經開始咗宵夜優惠😲可以食到 10點半。一個人食叫咗個辣肉碎炒河🥘、炸蝦餅🦐同埋龍眼冰🧊河粉睇落好細，但其實食落好夠飽，好似食極都有咁🤣而且味道好好食！一洗之前對呢間餐廳嘅印象🤭🤭至於炸蝦餓，只係$22 /2件，size適中🟠仲非常脆口😙最後叫咗杯龍眼冰，就遜色咗小小，係普通有幾粒龍眼加小小龍眼味嘅水，不過不失😌

粉嶺的經濟泰國菜不多，此店簡單的佈置、坐位亦有製多！芒果沙冰味道較淡，但賣相尚可；鐵板蠔仔蛋，味道尚可，鮮味較少，配搭醬料進食更佳咖哩軟殼蟹，咖哩粉味較重，軟殼蟹入口香口，推薦此菜式

我叫外賣，返到屋企唔使5分鐘。凍曬。食物唔係泰國野，我以為食緊茶餐廳，香港風。仲要份量少，又冇味。偷工減料，有誠意的泰國餐廳。我唔會推薦人地黎食囉！影衰香港美食天堂個名。

由細食到大嘅餐廳以為質素幾高但今次再食好失望😵‍💫😵‍💫.豬頸肉炒飯+炒金邊粉 合共$96價錢公道但配料 同份量都好少🥶炒飯嘅豬頸肉竹同金邊粉嘅雞肉都係得幾舊🥶味道係可以嘅 但係食唔飽🥶

不止一次響呢間嗌外賣，因為真係超級抵食，份量又夠大，一盒飯係滿到差啲蓋都蓋唔住，之前嗌有折，呢幾次無折扣，但一樣抵食佢哋啲拼盤百零蚊，大大份，平時泰國餐廳啲拼盤都無禁大份，不過我個人喜好，最愛佢哋嘅沙嗲，啲牛肉雞肉完全唔鞋，肉質好滑🍍菠蘿炒飯真係食得出有菠蘿肉加埋落去，唔係只得炒飯底咁！另外我哋每次都會必嗌佢哋嘅濕炒河粉，好好食，個汁整得剛剛好，唔會杰攤攤咁，🍡甜品拼盤又係必嗌，椰汁千層糕好好食，軟軟哋，un un 哋，仲要可以選擇大份細份，唔怕食唔哂

本身自己好喜歡吃泰國菜，不過坊間很多泰國菜都不便宜，難得遇到這間平民價格，不收服務費，而且食物質素不錯的泰國菜。這次我們點了海南雞飯，飯有很香的香茅味，雞件很嫩，還有附一碗冬瓜湯。個人對海南雞飯很滿意，冬瓜湯則感覺是味精湯，所以只喝了一口。炒飯粒粒分明，味道鹹香鹹香的，也挺好吃，亦不會感到很油。蝦餅很彈牙，味道也不錯，雖然經油炸，但不會覺得很油膩。總括而言，這間泰國菜與其他泰國菜相比可能食物總類相對沒有那麼多，但絕對是價廉物美，值得一試的餐廳。

收工返黎肚餓多數都黎食...最鍾意蠔仔粥，蝦餅，牛油雞翼同金菇肥牛...真係好食到會係咁想再叫多幾份..但深夜食太多會有罪惡感🙊🙊所以間中食下都ok...價錢合理