金文泰泰國菜

營業中

休息中

細細個就係住呢度，自從十二歲搬走後好耐冇嚟過，今次過嚟買嘢喺openrice搵下有咩食，呢度附近真係好多小店，我哋揀咗呢間泰國菜。一入到去舖仔細細，連廚師有三個店員，都係泰國人，好nice，好有禮貌。沙嗲串燒(雞，豬)各兩串，唔乾身，沙嗲醬唔辣好香。泰式香蒜胡椒炸軟殼蟹，炸漿厚咗啲，但都唔錯，而且份量都幾多。泰式鹽焗魚，原本冇諗住點呢個魚，但聽到隔離枱話好味，真係幾好食又有魚味又勁大條，唔鹹，就咁食唔點汁都已經好味。泰式乾炒河(牛)，好香，又唔油，真係好好味。芒果糯米飯，芒果好甜，糯米飯有啲乾。另外點咗一個白飯同三支象啤。

有日係長沙灣兜嚟兜去無意中發現咗呢間小店，店面好細，行過都好容易錯過。老細非常有性格，淨係開晚市，同埋星期三多數休息，大家小心摸門釘。廚師係泰國人，佢地店員之間溝通都係講泰文，味道非常正宗。我食過炒金邊粉，辣肉碎炒飯，牛肉炒飯，串燒等等，全部都好夠鍋氣，超級好食🥰每份大概係$55-$60左右，+$6就可以跟凍泰奶/椰子水等等，cp值高。我覺得佢比九龍城啲泰菜好食好多…係九龍城食過幾間都麻麻地。希望大家去發掘呢間hidden gem.

一間好細嘅餐廳，裡面祗有三張4人枱及一張2人Bar 枱，但老闆也會接受電話預約留位，所以一早也會爆滿，最近生意比較之前靜咗，可能真係多人去了內地消費，我哋一定要支持留港消費，否則小店會更難經營。每次也會食以下4樣野，串燒雞肉，好淋又唔乾炒通菜少辣燒乾身魷魚香葉肉碎煎蛋飯價錢相對便宜，無加一，碟頭也多料

沙嗲串燒，豬/雞即燒肉冧juicy新鮮熱辣辣特別係豬肉 啖啖肉加少少肥 一啲都唔硬唔乾！好香口豬頸肉飯係呀厚薄適中 好似炭燒過好香口又入味😋必點👍🏻馬拉盞通菜少少辣，好野味！足料金邊粉，酸酸甜甜好開胃😋粉質煙煙韌韌唔會冧啤啤超讚椰青！一定要拔埋啲肉嚟食😍超級嫩滑啖啖肉，一個人叫咗兩個😋

想買外賣打了30分鐘內多次致電也沒人接線，店舖有開門，但完全不聽電話不做外賣。因去店看看才知店有營業。但食店只有三張枱很難等位。營業時間亦非常短，只有5小時，晚上6：00-11：00。

大熱天時～行到過去竟然冇開～之前係舊鋪食過～今日諗住去食～見OpenRice 既開放時間係開下午一點～咁咪過去囉～點知去到先知自己食白果～浪費左我嘅時間～有少少失望

打電話落單，叫我等陣，之後電話等左3分幾鐘，然後cut我線，再打左4次都唔聽電話，如果係好生意，唔做外賣，我理解，但希望直接講聲。費時浪費大家時間，可附上打電話時的照片。也不會再叫這間了。