金川湯秘制酸湯米綫

營業中

休息中

隨便入咗間米線舖頭，見佢highlight咗三款米線，既然第一次嚟到就試咗佢嘅招牌嘢！招牌金川湯米線(少辣少米): 見到佢啲餸好豐富！最鍾意就係佢嘅魚肚🐟好滑身同有口感，坊間好少米線舖會有魚肚食！見佢餐牌寫住係貴妃雞，食落都真係皮滑肉嫩😋另一個驚喜又得意嘅位係❕❕佢有大魚蛋，成件事即刻好香港！而湯底唔會太酸太重口味個種，酸、辣、鹹都啱啱好，每一啖飲入口好舒服，所以…碗湯差啲飲晒。藥膳貴妃雞米線(少米): 個湯底都真係要讚，佢好重藥膳味，唔會帶苦澀。 雞都有好多!!餐牌寫住有1/4隻，真係有咁多，好足料！

Think most of us went because of the video on social media. Same here, but we nearly decided not to try because of the review in open rice stating that staff was rude. I am so glad that we were not deterred by the reviews and gave it a go. The lady was actually quite pleasant and took her time to explain the menu and made suggestions to popular dishes that we should try. We've ordered the signature and the medicinal soup base. The signature was great, very different to all big sour noodle cha

此店為我遇過最劣等服務質素嘅餐館, 實在係黑名單首位。我去買外賣, 收錢時我發覺樓面職員(只得一位嬸嬸)好似收少咗我錢, 我好心提佢再check清楚張單, 結果發覺佢睇漏咗一項菜式, 跟住佢勁晦氣講話”頭先收錢時你又唔早啲講?” 原本諗住可能佢心情唔好, 忍一時就算, 點知佢又唔識新帳目應該找返我幾多錢(註：樓面入單全人手, 飛紙仔冇System), 咁我就用手機幫佢計數,叫佢跟住照找. 事情擾攘咗10分鐘, 我見佢個小店大把人等佢落單, 咁我就話你可唔可以盡快處理後入返張單去廚房. 跟住佢就超晦氣講”我都未搞掂張單, 你叫我點入呀?”🤬就算嘢食再好，服務態度都令你食到一肚氣!作為鄰舍, 本想支持本土良心小店，亦明白小店經營艱難, 想盡量節省開支便聘請親朋戚友(相信樓面位嬸嬸係店主(大廚)既屋企人) 打工做樓面, 但係小店咁嘅服務態度真係令人可恥! 明白大家工作有壓力，但係顧客嚟買嘢食，唔係嚟受氣。奉勸店主如果想生意做得長久，請立刻更換樓面職員, 以免繼續趕客！

入座之後第一個感覺係覺得店鋪侷促，同埋氣氛有啲壓迫感。等咗大概半個鐘有米線食，嚟到先發現原來叫嘅2個餸都冇，但係事前唔會同你講。考慮咗一陣諗緊補唔補餸（心諗係咪又要等多半個鐘），最後都有叫，好彩等咗5分鐘就有新餸。金川酸辣湯底唔錯，但係湯唔熱（已經等咁耐以為應該起碼熱），叫嘅咖哩魚蛋有雪藏+酸味，其他餸普普通通（叫咗貴妃雞，墨魚春捲）。overall 覺得米線嚟講個話等得有啲耐，唔值得，服務態度同埋氣氛都可以改善。

以前食過一次，係俾佢養生呢個字吸引，諗住一試無妨，個陣經常行過都唔見有人食，食一次已知龍與鳳，經驗食湯麵最重要係湯一定一定要夠熱，一飲佢個湯暖既，🙄唔熱即刻扣晒分，去過一次真係唔想再俾錢經歷，唔明點解而家咁多人排隊，真心一百個問號

慕名而來，看媒體介紹老闆曾經是米芝蓮得主，家庭式小店，全店就只有14個坐位，厨神老闆一個人在厨房裹，老闆娘一個人打理店面，閒時跟客人聊聊天，感覺温馨。食品種類不算多，今日自己一個人來，就只能試他們的招牌金川湯米線，味道真的不錯，湯底是酸菜味，味道調得剛剛好，不會過咸或過酸，有6款餸:自家包的雲吞，鲜虾（去殼），大魚蛋，魚肚，流心蛋，貴妃雞，組合非常匹配，下次再帶老虎來吃，人多才可試其他小吃。慢功出細貨，趕時間就不合適了。

係社交平台見到呢間米線嘅推銷片段，主持人話得好好食，廚師好有心機煮，於是決定一試。星期日嚟食，佢今日開 12:00 (係 google search 到），但由於門口冇寫(OpenRice 呢度係寫星期一至日開 11:30am)，我前面有兩個慕名而來嘅食客，等到 11:45 見未開，好嬲咁走咗，仲話幾好食都無用，入面伙記都唔出嚟解釋。搭正 12:00 開舖，佢嘅地方真係好細、好迫，一坐低有個女人就每人派一張點菜單嘅紙，自己圈，都有少少眼花撩亂 😂😂，所以我自己最後係點錯米線嘅 🤣🤣。我最後點咗金川酸辣鴨血魚片米線，我朋友點咗地魚湯 + 流心滷水雞蛋 + 蘿蔔 + 魚片 + 魚肚米線，我嗰個係套餐，我小食就點咗「沙薑鳳爪三隻」，而我哋亦加多咗個小食，推銷片段推介嘅頭抽雞翼 4 隻，埋單兩個人加埋係 $196。食後感：唔係真係咁好食，我本人覺得唔值等半個鐘。 另外，侍應態度唔多掂，有少少冇禮貌； 最離譜係張餐單小食嗰度，好多炸物，但一樣都冇，侍應話做唔切，咁如果一早知做唔切，咁就唔好寫出嚟啦。 買外賣嗰班又慘，被告知做唔切，要等堂食啲單清咁啲先可以做到，同樣，既然做唔切，就唔應該寫有外賣

同朋友去維園行完年宵後係附近搵到一間湯米線店內面積細約有10-12個座位感覺係家庭式經營的小店餐牌上有3款米線預先set好配搭亦可自由選擇喜愛的配料 招牌金川湯米線🍜(有包飲品)呢碗米線係已預設的，配料豐富包括有4件貴妃雞，2件魚肚，2隻鮮鳳蝦🦐，2粒手工雲吞，1粒大魚蛋及半隻流心蛋🥚，值得一讚好細心將鮮蝦剝左殼，食落爽口彈牙，手工雲吞餡料飽滿，湯底清甜微酸，主張少油少鹽，最後米線連湯全部食晒自選金川湯米線🍜湯底揀左金川湯(小辣)🌶️，味道濃郁且酸中帶點辣，飲第一啖湯入口有點嗆，需要慢慢食以免嗆到，揀左3款配料分別是2件墨魚春卷，2件台灣魚豆腐及紫菜，金川湯湯底偏重口味，酸辣並存得來相當開胃惹味😋，但如果唔食得辣的話，建議轉藥膳湯或地魚湯

辨識度極高嘅黃金酸湯米線，湯底酸味出眾必試！食材亦唔普通，唔係硬辣硬酸落好精嘅湯底。係天后區粉麵舖比較多，呢間舖頭地點好近地鐵站，喺維園打波睇波出席嘅活動嚟食宵夜最啱。

今日過去天后，lunch就翻兜再嚟幫襯第二次食米線。上次食蟲草花雞米線幾好味，但米線太淋太碎，今次就試下散叫，自選餸。金川湯自選$32，揀咗金川湯(酸微辣)，中麻辣、米線、墨魚春卷(二條)$10、台灣鴨血(六件)$10、頭抽雞中翼(二隻)$13、滷水魷魚$13，熱檸檬茶$8，埋單合共$86。呢間係朋友強烈推介，話係酒店廚師開舖，食完第一次真係好味，於是再嚟食第二次。價錢係有啲貴，但食物質素好好，絕對值得呢個價錢。湯底微酸帶啲辣，好好飲，我係成碗飲哂，無味精唔口渴，抵讚！米線既軟硬程度有明顯改善，今次啱啱好，唔會過淋，唔會筷子夾唔到。墨魚春卷唔同外面既外炸油皮，腐皮係軟身米白色，餡係墨魚肉，好扎實，好有咬口。台灣鴨血唔會一夾就散，但味道一般。頭抽雞翼自動用碟仔另上，雞翼幾大隻，十分入味，值得下次嚟再叫。滷水魷魚最有驚喜，魷魚鬚既部位好明顯係揀選過，唔會好hea咁得好少或者碎濕濕，仲要咬落好有嚼頭，份量適中。上次同今次都係揀熱檸檬茶，無加糖，估唔到連簡單一杯餐飲都整得好好飲，熱檸檬茶有檸檬味但唔會過酸，茶底同檸檬一齊浸但唔會過苦，連熱飲都係加分位由於呢間係小店，落完單要等大約十分鐘左右先上

（冇影到相啊😬食完先發覺想寫食後感☺️）呢幾日天氣凍～一唔小心就冷親咗🤨路過呢間唔起眼嘅鋪頭仔，見係湯粉，呢哩嗱嗱買個外賣：先叫咗個藥膳雞米線。等緊嗰陣時，見老闆娘包緊雲吞，即刻order埋。返嚟打開～個藥膳湯好香濃，整個雞米線配搭合適，連最後一滴湯都飲完。雲吞新鮮包好，唔係傳統嘅包法，似餃咁嘅型，裡面係蝦同豬肉，放入高湯當中，好味到飲哂 😋～以街坊價錢，食到喜出望外嘅美食，非常欣賞～下次約埋朋友去堂食🥰

行山下來不知道吃啥，和隊友說試試新店，然後找到了這家不太起眼的，open rice也沒有很多人點評。點了招牌酸湯和藥膳貴妃雞，加了牛腩，小食點了豬扒，好飽！好好食！用料很新鮮！最近預製菜吃多了⋯最好吃的是炸豬扒，肉質很嫩，炸很香，超推薦！

路過天后突然想食酸辣米線，見到呢間小店就試下啦~ 鋪面裝修簡單，但係都幾舒服。叫左碗招牌金川湯米線~ 好快就煮好，好足料~個湯頭都好好味，酸味好夠，少少辣，啱哂我胃口！米線有雞，蝦，魚肚，魚蛋，流心蛋~正~好好食~

同朋友👩🏻‍💼一齊喺天后，諗住簡簡單單食啲嘢，喺車站附近行個圈，見到呢間，朋友👩🏻‍💼話不如試吓，咁我梗係唔反對啦🤣呢度有「招牌菜」，咁叫咗其中2款，係 $78「招牌金川湯米線」 同埋 $68「藥膳貴妃雞油麵」，topping 仲加咗 $13「頭抽雞中翼2」🤣「招牌金川湯米線」：一嚟到嘅時候飲啖湯先，味道鮮甜🤩；「招牌」材料包括鮮鳳蝦2隻、滑爽魚肚2件、貴妃雞4件、手工雲吞2隻、大魚蛋1粒、流心蛋半隻，真係幾豐富，全部都幾好食🤩$68「藥膳貴妃雞米線」：都係飲啖湯先，都係味道鮮甜，有藥材味仲有雞味😋，材料包括「貴妃雞1/4、鮮淮山、蟲草花、杞子」😋「頭抽雞中翼2」：充滿醬油香味，好食🤩$20「唐生菜🥬」一碟，叫咗兩碟：新鮮爽脆，簡單好食，感覺健康🤩招牌菜 包「汽水、熱檸飲品或茶」，咁叫咗「熱檸茶🍋☕️ 同 熱檸水🍋💦」

今天到維園看綵燈會後便到天后覓食，一段時間沒來發現很多食店都換畫， 其中發現了這間新開的金川湯， 在帆船街那邊， 五點左右未到食飯時間都有不少街坊幫襯， 想必實力不錯。店舖門面不大， 裝修雅致，甚有日式感覺，而且仲做緊試業優惠，$68就試到佢個招牌金川湯米線湯底清甜帶微酸，輕微麻辣十分惹味！（ 平時食開十小辣的我都食到）米線偏幼身，配上雲耳娃娃菜葱花，感覺健康了不少。 鮮海蝦很彈牙，魚肚都有3件很爽口👍🏻值得一讚係貴妃雞， 十分嫩滑！ 另外叫了個清雞湯米線配頭抽雞中翼加澳洲牛筋丸（彈牙多汁) 比囡囡都食到佢舔舔脷。下次有機會想試埋佢個藥膳雞米線😍