金寶餐廳菜館

營業中

休息中

俾錢買嘢食都要受氣，叫外買接電話既女服務員會先《喂要D咩》渴狗咁！服務太態度差，環境衛生差，食物仲差！肉片炒河大部份河粉都係黑色炒燶嘅完全唔係人食！完全唔會有下次

收工上咗朋友家竹戰，最節省時間嘅晚餐當然係叫外賣，呢間佢屋主叫開，每人揀一款食物，打電話落單爽手，好快送到！叫小菜唔包飯，我哋自己煮飯！外賣包得企理！普通發泡膠盒！椒鹽鮮魷：無可避免地焗過會淋咗無咁脆！醬汁企理，鮮魷煙韌！灑上鹽好味京都骨：好多汁，豬扒入晒味！鬆軟淋身！醬汁酸甜，最喜歡啲洋蔥！送飯一流！小炒王：好多款式炒埋一齊，不過味道唔夠惹味！唔香唔辣！一般炒芥蘭：爽嫩好味！正！總共$278味道ok，不過份量略細！一人一個小菜會唔夠食

有時半夜三間肚餓，等mc記又耐又一定要焗你食貴餐，仲要d野凍哂薯條又淋哂。冇咩選擇下好在青衣有間叫金寶，佢好似開到半夜2點。今次半夜肚餓，叫左個乾炒牛河黎食，又黎得幾快，大約半個鐘左右就已經送到黎，一打開盒時仲係熱辣辣，仲有就係佢地會將外賣包裝得好仔細，佢地仲會用膠紙痴實盒外賣同個袋，因為佢地好似係用電單車黎送外賣（好幾次見到送外賣黎個師傅係帶住頭盔送上黎），痴好黎揸電單車就會倒瀉。今次嘅河粉碎左少少，牛肉都係碎左，但味道就剛好，唔會太咸。但唯一問題係油左少少。不過半夜黎講選擇已經少，所以算ok了。

話說一直都有叫開呢間外賣，一直都食開個樣送，今日真係嬲到，叫外賣聽電話個女仔態度已經唔好，我個左我要一個菜，一碗飯同一碗湯。外賣送到黎之後我覺得奇怪點解得兩盒，我問送外賣個位人士之後叫我打返去叫佢地送返，當我打電話返去又係個個女仔聽，我同佢講頭先邊度邊度送外賣漏送左碗飯播，咁點？之後佢睇返單話冇落到，我話咁點算？之後就話咁你咪再叫過七十蚊外賣咪送囉，我話吓？你地漏送俾我仲要我叫多七十蚊？之後個女仔就話我地有錄音可以聽返，我話好，你咪聽，我好肯定我有講，之後個女仔仲要話我屈佢。我以後都唔會叫呢間外賣有乜理由咁樣去屈一個客人，各位下次叫外賣叫他們覆你一次先好收線

雞脾沙律醬會變成冷塊沙律雞脾雪得太久沒有雞肉味，非常難食，好像食沙冷一樣，生果粒非常乾沒有生果汁味道，完全不新鮮。服務員也沒有禮貌，說話上也很粗魯野蠻，使食者沒有胃口。

打去嗌外賣 叫干炒牛扒公仔麵不停問翻我點炒 成塊牛排掉落去炒？我就話不如妳問左先個女人就話 我係老闆可以問乜最後我話我叫左咁多年都有既 點會無吖佢就話上手唔同做法講真 人地鬼知妳轉手咩點做生意吖 今時今日咁既態度

平時係青衣食飯都會去呢一間。食物水準唔錯，又唔係好需要等位，價格又不算太貴。晚餐叫佐：干燒伊麵 香辣炒飯5個人食，叫佐一碟麵同一碟飯。2碟都幾大碟。香辣炒飯都幾好味，唔算太辣，有D似楊洲炒飯不過係辣。沙拉骨沙拉骨都幾好食。D沙律醬唔算太肥太溜，送飯一流鹽水雞腳星期六日先會有，好入味，D雞腳都好林。飯前小食豬手伙記話佢地新出佐個豬手叫我地試下。都幾野味，唔係好油，黑椒汁同隻豬手好match鮮魷最中意就係叫佢地既椒鹽鮮魷，真係好好味，魷魚質感彈牙，滾熱辣炸起即上，金黃鬆脆，炸漿份量又唔會太多。墨魚咀由於佢同鮮魷差唔多，所以覺得好似冇乜特別。但都滾熱辣，鬆脆。炒白菜每次係青衣食飯都會黎呢間，今次同班朋友去食，佢地都話冇介紹錯，值得推介！！

係青衣住左好多年，一向都覺得青衣大部分餐廳都係大集團經營。今次就推介一間食左十幾年既茶餐廳－金寶。是日晚餐：牛柳粒小炒王賣相佳，份量足，有牛柳粒、青椒、紅椒、腰果等，賣相吸引，夠惹味。椒鹽鮮魷魷魚新鮮滾熱辣炸起即上，金黃鬆脆，炸漿份量剛剛好，魷魚質感彈牙。正！啫啫雞煲雞煲都係熱辣辣上枱，味道唔錯。。配料有豬潤、冬菇、洋蔥等。送飯一流～燒乳鴿皮脆肉嫩，好好味～金銀花配生菜由於唔想食莧菜，就揀左生菜～滿滿一碟，生菜色澤鮮綠，又多皮蛋，味道唔錯。餐廳營業時間仲去到凌晨３點，外賣全青衣都送，深夜肚餓都唔怕。我成家人都好滿意呢一餐，價錢又唔貴，所以周不時都會去幫襯。

食奶油脆豬的經歷通常都不太好，硬硬的包，要用牙齒出力的咬，表面有奶油的部分食完了，便得繼續用力的食餘下的白面包，加上很多時牛油太多，感覺很膩。於是，每一次食過奶油脆豬之後有隔好一段時間才會食。直到，我遇上……這一間在彩虹邨的茶餐廳剛翻新過，少了一分懷舊，雖然沒有了去舊地方體驗一下的感覺，幸而食物沒有讓我們失望。由於下午食得很飽，所以簡單的叫了奶油脆豬，並沒有試這裡的”signature dish”，反而驚喜就在此！這裡的奶油脆豬內柔外脆，絕對不用死命的咬咬咬，加上牛油同煉奶的比例好好， 一啖有齊奶油的香甜，脆身的麵包皮，還有鬆軟的麵包，值得一試！HY ：）

我叫過好多炒嘢食都好好味, 唔會太油, 不過尼喥啲伙記態度同語氣都好差, 仲有叫外賣時送到來個膠袋都係打死結, 尼喥啲伙記做茶餐廰最基本既野都唔識, 如果唔係個廚房煮嘢好食同埋開到半夜兩點, 我真係唔會再來幫襯。

放假唔想煩,諗住叫外賣食啦,見lee度有推介' 椒鹽骨 '我心諗正呀,我至愛之一,點知黎到,發覺d豬扒干到不得了(覺得佢番炸),全無香味.......我間唔中都幫襯佢地,水中都ok,但今次真係...........唉,希望佢唔好愈做愈差

間唔鐘都會喺嗰到叫吓外賣青方區內遠近送到,營業時間到凌晨3點真係方便咗我呢類球迷機迷推介佢哋嘅咖哩少少辣,好香不過佢哋啲牛腩有點靭配魚或者配豬是一個不錯嘅選擇

深夜肚餓又唔想落街食外賣左個椒鹽骨飯.椒鹽骨好香好好味!最岩夜晚一兩點肚饑的人叫外賣

星期日...留o係屋企無野做...叫決定叫外賣....(呢次係我第一次o係青衣叫外賣...)睇完open rice~~~決定打呢間...打電話去...都響左幾耐至聽...我:「唔該~呢到係唔係叫外賣?!」金寶職員:「係!」我:「要個焗豬扒飯.....」金寶職員:「我地無焗豬扒飯架喎...」我:「咁呀...你地是日午餐係咩野?」金寶職員:「今日星期日,我地無午餐架喎...只有散叫!」我:「咁好啦...我轉頭打過黎...」金寶職員收線..後記...叫咩無咩....超無奈......最後打左去第二間...-0-

前幾晚肚仔餓，又懶煮、又懶出街搵嘢食。於是就想起叫外賣啦。上OPENRICE搵一搵屋企附近有邊間茶餐廳有好介紹。於是發現咗金寶。之前平時有時o係屋企樓下附近都見過金寶架外賣車。前幾日係第一次試。叫咗兩個晚餐，係"馬拉棧通菜牛肉"同"咕嚕肉"。兩個小菜都幾好味同有wok氣。唔錯。今晚再翻兜"馬拉棧通菜牛肉"，加另一個小炒"椒鹽骨"。都好好味。兩個小炒加兩杯凍飲，都係$70。都幾抵食。如果有例湯送就更理想啦！以後又多間外賣可以選擇啦。