金大班

營業中

休息中

第一次叫間咁垃圾嘅餐廳叫左個外賣，買左兩份餐具點知送到黎無俾任何餐具而且我地係partyroom，都無餐具可以用，我地食唔到野就打電話去鋪頭諗住叫佢配個騎手送過黎第一次打電話過去，係個講普通話嘅，我就話我聽唔明普通話，叫佢揾個識講廣東話嘅，結果cut我地線我地再再次重新打過去，有個阿姐就好惡咁話我地無買餐具，然後又再次cut我地線咁我地當然再打過去啦，無餐具食唔到野啊嘛，而且佢咁嘅態度，我地就好唔gur然後個阿姐就對住我地講粗口，話佢點x知我地點食野，又唔系佢包野食又話咩佢收左工，關佢x事（佢真系keep住咁樣講粗口）.......但系我打嘅係餐廳電話，你收左工可以唔聽唔洗又爆粗又瀨係我地無買餐具....當然最後又cut線啦另外講多幾句佢d野食啦，我地最後要落去買餐具，但我地自己來來回回買餐具加埋外賣員送過黎嘅時間，d野都凍凍地，凍都無所謂嘅，好食咪得，但野食都一樣好唔掂，我無試過咁難食哥粟米魚柳！我個frd都話個星洲炒米好難食...唔會再買尼間野食！難食+態度好差嘅餐廳

等餐等了超過一個小時也沒出餐，這是餐廳標準嗎？我勸大家不要幫襯這間垃圾餐廳，餓死都沒有餐給你的。那麼垃圾的餐廳根本不應該存在，希望大家看到這內容不要再幫襯這間餐廳。

有一晚女朋友想食公司三文治，但晚市好多舖頭踢晒腳都唔會做，之後我間間都問，最後呢一間肯做俾我，三文治會烘底，正常水準，總括嚟講如果晚市太肚餓又唔想等位，其實佢都係一個唔錯嘅選擇

係美團叫左個外賣,等既時間唔係問題,但食品同服務態度就好有問題第一,我叫雞扒通粉,比錯豬扒通第二, 雪菜肉絲米無雪菜肉絲第三,沙牛餐我加錢加左配菜但分量少左其實做外賣出錯唔係咩大問題,肯認未得囉,錯既送返/退款,態度好D未得囉美團表示可以安排部份退款,OK既,做晒手續之後餐廳單方面拒絕,個吖姐仲要打過黎大聱夾惡今少HI話一係退一個餐一係要我揼晒落垃圾桶之後影相先肯退錢,話返佢出錯餐呢個係咪我問題就CUT我線呢間餐廳真係有生之年衰I既一間餐廳

約咗人喺冬菇亭食午餐，中午時分勁多人！店舖都算OK，唔會太細 燈光亦都唔錯 姐姐都算幾好，嗱嗱臨喺度開個位俾我同朋友望一望餐牌，呢度價錢都唔貴 各適其適，有好多唔同種類嘅快餐，我就見到佢個精選常餐相當不錯 一於叫日式海鮮炒烏冬試吓先 ^^好快已經嚟咗，烏冬正常貨色，加上芽菜 、洋蔥 、魷魚、大蔥等等 口感豐富 又夠份量 ～～再加上凍檸茶，喺炎炎夏日飲呢個真係正簡單輕鬆午餐，同朋友開心聚一聚 ，$50左右，性價比都幾高！

幾年前同一個選址仲係大排檔冬菇亭，後來翻新做左幾件茶餐廳粉麵檔，呢度就係其中一間金大班。餐廳選擇都好多，有整整一本menu，呢排戚起乾炒癮，就嗌左個乾炒豬扒意粉，新鮮炒起，勁大兜😂😂意粉入面放左大量洋蔥，勁多塊豬扒，事先用豉油醃過，充滿鍋氣當然茶餐廳就要嗌翻杯凍檸茶，一個人食非常滿足，餐廳除左乾炒系列，仲有焗飯，湯飯，炒飯，碟頭飯，咖喱飯類等等，宜家用電子貨幣嗌滿300蚊野食還可以換領陶瓷碟一隻，值得去試試

讀書個時我同朋友每次一大班人食飯，以前都鍾意去啲屋村嘅東菇亭，貪東菇亭又近又抵食不過大個左之後就好少食今次經開呢頭又夠鐘食晚飯，就去左東菇亭搵食入去先發現而家嘅東菇亭「骨旨」左好多，有卡位舒舒服服坐，環境乾淨去到時仲係七點，坐左陣愈來愈多人，仲有啲係成班親戚聚埋一台嗌小菜，睇黎呢度都幾受歡迎嗌左兩個小菜，啫啫雞煲同腰果炒黑椒牛柳粒特登叫呢啲經典菜式想試吓啲味道雞煲好惹味，雞炒得有鑊氣，啲紅蔥頭索哂啲雞汁好好食炒牛柳粒唔會太韌或太淋，剛剛好，黑椒味夠濃除左呢啲仲見到佢有個攞過獎嘅樽仔奶茶梗係要試下啦，佢有好滑嘅奶香，偏好似多奶奶茶嘅朋友仔可以試下值得一提嘅係，佢地除左環境整潔外台面仲有紙巾盒！簡直顛覆我對以前東菇亭嘅記憶😂

今日試吓呢一間喺牛頭角嘅平民快餐店 位置就係冬菇亭嗰邊 ~~餐廳都算幾大 冷氣都夠 ～再加上強勁冷氣，幾正㗎！中午時分都幾多人 不過好快已經有位 估唔到侍應態度幾好 佢中午有好多唔同款式選擇，menu好多唔同款式 每一日都有五款精選常餐 有飯有面，10分豐富🥰價錢50幾蚊起😎諗唔到食乜，要咗個常餐簡單要咗個日式海鮮炒烏冬，等咗一陣就比到估唔到都幾足料 有啲魷魚、 芽菜，份量都幾大 ～加埋凍檸茶都係50幾蚊簡單滿足☺️

新年前諗住叫個外賣自取拎返office食外賣本身有個湯, 比漏左包粉我, 拎到上office 碗野係清水黎!!!我打返去同職員講, 態度十分差: 咁你依家想點?仲要唔肯比返包粉我, 一定唔會再食

使用外賣平台 外賣購買這個一人餐星洲炒米一收到外賣打開外賣盒令人嘆為觀止起初以為是外賣員在途中打開了外賣盒偷偷吃了三分之一還很有手尾地蓋好但發現外賣沒有被中途開過的痕跡於是聯絡客戶服務專員詢問是否合理和正常的份量得到的回覆竟然是餐廳用了大盒，所以裝不滿是正常可是從圖片中可看見此星洲炒米，份量其少成年人用了不夠3分鐘便已吃光光味道一般，餸也不是十分豐富申請退款也得到如圖中的回覆因為不建議使用此公司的服務詳情請看圖片

肉丁麵，相信大多數茶記常客都會點過，但要遇上令你覺得好食嘅肉丁麵，唔知你又有冇試過呢？依間金大班嘅大部分食物都唔太啱自己口味，飲品亦唔好有期望，之不過，依度碗肉丁麵卻的確係好食，相信佢嘅味道絕對適合大多數人口味，而且肉丁又唔會太肥同太油膩。個人建議: 先俾少少時間讓個麵索一索湯、等個麵回一回之後，稍微浸一浸啲肉丁落湯，大大啖麵帶點肉丁，食到麵爽肉丁香！ 確係正！個湯雖然有啲濃，不過每次都係要飲返幾啖先夠滿足嘅😆😋😋

質素已經和當年開業的金大班差很遠很遠！涼瓜生的，又硬又難食，伙記只表示不是當造，所以硬是正常的，沒問題，餸汁是又稀又水又難食，完全垃圾不堪，已經很少有這麼難吃的茶歺廳，絕對是最難食的一間，我付錢後也沒有吃到五份之一便棄掉！奉勸大家不要幫襯，後悔莫及！

有一天去食下午茶，我哋平日成日幫襯多年的，當天我同朋友飲到杯奶茶苦，平時係好好飲，我哋要求換另一種飲品，沒有惡意，但是一個樓面同冲茶職員之間的對話同埋不滿眼神望住我哋，令到我哋感到好唔舒服。

假日同朋友去左牛頭角樂華南邨影藍色時光隧道 一層層粉藍色圈圈 打卡必去📸影完去左係邨內既金大班食下午茶😛港式茶餐廳又點少得西多士 今次order左個流華西多士同厚蛋菠蘿包🤤-✨ 流華西多士 邪惡之選😈😈西多好特別 中間流心係煉奶 出奇地吾會好甜 食落亦都吾會膩 流心份量好多 西多士鋪滿華田粉 口感一流✨ 厚蛋菠蘿包 蛋好厚😍仲淋左少少千島醬係蛋面 同菠蘿包一齊食又不錯 口感豐富 食既時候會有少少失儀態 因為太厚餡🤣🤣✨樽仔奶茶 (原味 & 少甜)好少見樽仔奶茶有做少甜 適合一啲想減肥又口痕既人🤣呢隻奶茶原來今年係得過獎 吾怪得茶香奶滑啦🙀

This restaurant is a tried and true chacenteng of proud Hong Kong culture. The dishes that they serve and the restaurant ambience truely reflects the culturally Hong Kong experience. The service is fast and quick as typical chacenteng service are. Food also arrives fast and the meals come with soup. I highly suggest eating here for their meal sets as it comes with everything including a soup and drink.The menu is constantly changing day by day. They have a everyday rotation which changes the men