金域冰廳

營業中

休息中

鸭腿湯飯隻鴨腿現斬第一次食鴨腿湯飯隻鴨腿唔係煲出黎應該叫鴨肉 泡飯分開距點菜後記得要隻骨碟，食完D骨要擺翻自己個碗入面。。。。。。。 唔講以為消費緊上千蚊高檔餐廳唔係個人問題，食緊個飯 ，吐翻D骨落自己個飯度？你每一個客都上隻骨碟，我相信每一個香港人都會吐骨碟入面。無甘多服務就唔好要求甘多。。。。。見到隔離盤炒貴刁鍋氣都無，寧願食麵包都唔想光襯第二次。隔離左右都好幾間餐廳，可以選擇其他間食飯。。。。。。

不合格嘅茶餐廳😓😓😓同男朋友random搵早餐入左去依間茶餐廳，全餐廳滿座，無諗過咁失望叫左$42沙嗲牛肉公仔麵餐配丹麥多士、司華力腸、炒蛋和$4x新出嘅回鍋肉公仔麵餐配丹麥多士、煙肉、炒蛋大家都飲熱朱古力主要失望係份量過小🙈🙈🙈🤢司華力腸得一小舊，和期望有一整條有落差🤢回鍋肉公仔麵得幾嚿細嘅回鍋肉味道就普普通通，始終公仔麵好難煮到好難食不過無咩事都真係唔會再入嚟，不推薦🥲🥲🥲🥲

銅鑼灣返工，成日都要煩lunch/夜晚食啲咩放飯時間周圍遊蕩，睇吓有冇啲咩岩食行過呢度見到下午茶餐牌都算多嘢食咁岩又幾想食乾炒牛河咁就唔好晒時間，就入去食啦( ´ ▽ ` )ﾉ因為當時已經5:49，下午茶去到6:00入到去即刻坐低嗌嘢食一份頭抽乾炒牛河+凍檸茶（+$3）牛河味道正常，牛肉份量都俾得幾多，不過油左少少，但整體都ok喇凍檸茶叫咗少甜，但嚟到都係好甜冇少甜到，不過費事煩所以照飲唔換喇呢餐當晚飯食都幾抵食😂🤪

完全理解通漲及大環境造成成本都一齊上漲，但我深信由上月開始既加價(超過10%既增幅) 應該可以彌補成本增加的利潤減少。那我想請問一份$35既蛋茄治(附圖) 搞咩呢？我都叫左年幾，食物質素參差我都理解，知道你開分店，但加完價仲差過以前，咩玩法…

一天忙碌時間過去了 今晚來到金域冰廳食晚餐 點了一個豉汁蒸鎗魚酸菜魚等了45分鐘才到我問服務員點解甘耐 那個細細粒矮矮的服務員態度很差 說一句唔等得就唔好等 垃圾服務同態度 吃了一半 這間餐廳沒下次 價錢又貴

某個週末，一家人出市區行行街，食食野。輾轉地，最後於傍晚時段，來到了銅鑼灣一帶。在繼續行街之前，太太建議來一個 early dinner，因為大部份的茶餐廳仍然是下午茶時段。身在渣甸街就決定在此街尋食了。最後，我們看中了《金域冰廳》，因為這茶餐廳有一系列的素食飯餐啊。令太太吃得很開心的素食，就是茄子豆腐飯。真的，是醬煮茄子，以豉油、醬油為主的汁，充滿著香港式碟頭飯既最基本風味。再者，豆腐、茄子同飯都吸滿了這一個充滿了豉油香而且帶少少甜既汁，感覺很好。小朋友要吃的，魚柳包配薯條。如沒有那包包，這就是一份 Fish and Chips。魚柳肉夠大，夠香口，薯條 (也許是薯角) 香脆可口。這一些香口炸物，沒有人會不喜歡。下午茶餐最好食咩? 炸雞脾配沙律就是其中的一個最佳配搭了。出來的雞脾，是生炸的，外層又香又脆，咬入口則鮮嫩多汁。沙律完全沒有雪過的味道，似乎是即日鮮製的，整體上不錯。我們視這一餐為 early dinner，所以也多叫一個飯，我同兩位小朋友分享。兒子看中這一個蟹子煙三文魚炒蛋飯。出來的，果然是一個香口足料的一個炒飯。有蟹子，有三文魚，香氣絕對是十足，炒飯的味道也鮮美可口，大家

這餐廳的服務平常也不錯，食物質素正常，好多時都肯送多碗例湯，例如唔要白飯會畀返一碗例湯你。但今次的光顧服務就有些問題...本人叫咗兩個蒸餸同埋一個肉鬆炒蛋，等咗好耐一個餸都冇出，問姐姐點解咁耐一個餸都冇，佢話師傅要等埋蒸餸做好先一齊出三個餸，佢解釋話唔想你食完一個炒蛋跟住蒸餸都未出，唔知點算，我都係第一次聽有咁嘅原因😨 唉！呆等咗都算啦，到出菜時姐姐佢仲話如果你想早啲出炒蛋下次要先開聲。真係聽到小小聲😠😠！原來簡單餸容易整嘅先出先食係不尋常，是要預先order下才有的安排，原來最後都係客人的問題😠！

今日又去咗金域冰廳食早餐。都係嗌番個招牌嘅沙爹牛肉公仔麵，但係今次會配埋多士、豬柳漢堡同司華力腸。佢既上餐速度同平時一樣咁快，唔使十分鐘就嚟曬所有嘢。沙爹牛肉公仔麵保持平時水準，啲麵唔會煮得太過林淋，仲有啲彈牙。沙爹牛肉就係平時喺茶餐廳食到嘅味道。多士係連埋牛油嘅烘邊多士，牛油味好香，多士冇烘燶左，而且仲脆。豬柳漢堡煎得好香口，好食，大小正常。腸就比平時嘅短 ，但係都做到脆邊好食。凍檸茶要加三蚊，算係加得多錢，不過習慣飲凍飲就冇計，味道算正常。埋單總共45蚊，屬正常價錢。

今日去銅鑼灣返工要做啲體力勞動工作，已經好攰好肚餓，諗住晏晝食飯可以好好享受，輕鬆一下，點知嚟到呢間餐廳中左招，體驗冇咁好。喺呢度嗌咗佢午市嘅臘味炒飯。秋風起，食臘味。不過估唔到佢嘅臘味飯份量偏細，唔係太夠我填飽肚，臘味畀得亦唔算多，淨係見到好多綠色嘅菜遍布成碟飯。最大問題係成碟嘢嘅味道偏淡，食落去冇咩味道，好清淡，調味有改善空間，當然有可能係我平時食得太重口味。仲有樣要提既係碟嘢上到枱已經覺得唔係好熱，飯係熱既，但係菜係凍既。價錢中中挺挺，算正常價。

這幾天要在銅鑼灣工作，見到這間裝修不錯就和友人試一下！早餐我叫了沙爹牛肉麵配午餐肉炒蛋，麵還可不太淋，但湯底普通，反而沙嗲牛肉有驚喜，沙嗲汁夠濃又不會太水或太傑，味道不淡又不太甜剛剛好突顯了沙嗲的味道，炒蛋乾濕度適中不太老又不太濕，現在很難吃到這種水準，而我友人就點了泰式辣肉碎米粉配煎雙蛋，我友人説米粉好吃，辣肉碎夠香，辣度剛剛好，煎雙蛋又滑滑的不太老。現在很難吃到這種水準，總括而言，現在在太多食店裡很小能找到這水準之上的食物，感覺到師傅們的用心製作，希望下次再來還能保持

生平最憎作文寫字 但今日一定要寫 依間金域餐廳果沙嗲牛肉麵難食到一個點， 都算一生人食過十大難食沙嗲牛肉麵之一。首先牛肉拿到無晒牛肉味，真心唔知自己食緊咩肉， 第二果公仔麵 自己煮都好過佢十萬倍， d麵煮到爛晒 好似食緊米田共甘， 最後果沙嗲醬好似好貴甘 俾得果小小 重要完全無味 係無味道。 成餐野得果炒蛋同丹麥麵包係最正常，杯奶茶就不過不失，但成個餐完全唔值41 蚊！ #自己煮麵都好過佢 #十大難食又貴ga餐廳之一 #填字數俾個劣食佢

喺銅鑼灣剪頭髮前食早餐，成日食另一間茶記，今日就搵第二間食吓，行過呢間見到幾多人食就入咗去。【極品早餐 沙嗲牛肉麵，火腿奄列，菠蘿油】嘩～！好大個菠蘿油呀！呢個早餐份量真係好大，見到都飽咗一半，哈哈！我通常會食咗麵先，因為好怕啲麵浸到好淋。餐牌寫住加$4轉福麵，但侍應話冇福麵。呢個沙嗲牛都算好食，牛肉唔韌，沙嗲汁都幾香濃，麵硬度適中。火腿奄列都係正常發揮。至於菠蘿油，其實我比較少食，不過佢跟餐有得揀就試吓，哈！面嗰層好鬆脆，配埋厚切嘅牛油，好好味好邪惡。【歐洲早餐 吉列魚柳配火腿奄列，法蘭克福腸，茄汁豆，丹麥多士】我個Friend最愛魚柳，佢個餐都係好豐富。食物水準唔錯，穩穩陣陣，正統港式嘅味道。坐位就迫迫地，佢枱面啲隔板成日俾冷氣啲風跌，好煩，餐具就一貫茶記風格唔多乾淨。

#breakfastforlunch, #cheapeat, #breakfastdate, #causewaybaybeen the quite a few times since it opened a few months ago... a rare one that my wife and i could visit quite often so far... now kinda stop because wanna try somewhere else and honestly, it got too crowded in a way.anyway, this is my third time visit and finally to remember to write something about it, well it does give me something to write...here you go

本身無乜胃口食野 就叫咗碟羅漢齋飯 個飯賣相其實好好 好多料 都即刻有翻胃口食野嘅 點知見到條蟲！即刻勁想嘔！叫佢換翻㓦新嘅比我 嚟到就變到勁少餸 呢下真係覺得勁無胃口！我比64蚊嚟食L咗d乜？

Impressive menu, new decor, bright lights and freezing aircon at 7am on a Saturday.Unhappy manager and a bunch of staff trying very hard to get off to a good start. Unhappy is an understatement - he was swearing at everything that was wrong that morning. I completely felt his anger drift across the whole floor - but not too sure if vocal frustration is something I need to be listening to....As I waited for him to calm down and get over the fact that one of the POS was not turned on, lack of sta