金城。漁

營業中

休息中

平時食開茶餐廳嘅早餐，追求都係快靚正！真係估唔到今日等咗十幾分鐘之後，我都只係有禮貌地追下單問點解十幾分鐘都未有？點知可能一直以為自己經營緊高級餐廳嘅腦細一句唔好意思或者幫我跟吓張單都無…..然後仲要同其他客講話: 而家唔係你話坐低十分鐘就有得食，呢度個個都等幾個字先有得食。真係好大嘅官威！唔知以為佢個番茄新鮮到啱啱喺田到收割，啲肉係啱啱新鮮劏嘅……事實係已經用緊快熟通心粉，啲湯咪一早準備好！真心講句嘢，無咁大個頭唔好戴咁大頂帽，接唔切單就cut咁啲位！無心做飲食就執_咗佢！在味道方面，通粉太淋，唔使咬就可以直接呑。番茄湯底係無味的。雞蛋係凍嘅，麵包都係凍嘅唯一正常係火腿！

 什麼是水上人的味道?   筲箕灣東大街有不少餐廳都可以試到水上人的味道.未食過依間,門口的餐牌見到有龍躉打算試下.....waiter 哥仔介紹 我地試龍躉扣,係龍躉胃平時唔係成日有,因為好厚身所以口感似豬肚多過魚肉或者魚鰾. 我最鍾意試新野...講到甘真係要會一會佢...除左龍躉扣,重叫左菜心炒牛肉, 例湯有粉葛湯龍躉扣 惹味,的確口感特別. 不同厚度有唔同的感受,厚一點的確似豬肚,薄的像邊緣就似筋.果然無介紹錯 .菜心炒牛肉有點咸不過都算大碟.  粉葛湯無咩特別正常發揮.凍檸茶後加因為間餐廳通風一般,食食下有點熱所以要加杯凍飲降下溫. 凍檸茶好好,茶無苦檸檬有味.待應都勤快有禮,期待下次再去試不同的食品.

話係全城最好食既焗豬扒飯，咁就一於試下。蕃茄醬唔酸少少甜又不失蕃茄既味道，冇蕃茄，醬汁十分易入囗，好味道。加咗芝士落去焗就更加好味，有拉絲。豬扒厚切切開方便食，帶骨，肉嫩味道夠。蛋炒飯底乾身有咬口。份量剛好。一碟唔錯既焗豬排飯。

中秋佳節梗係去食晚餐，搬咗新鋪之後呢，見到中秋節有新嘅晚餐咁就去預咗試吓。第一款花膠響螺燉雞湯，味道好有雞味，d 肉好淋同肉好滑。比好高嘅分數啦！聽聞燉咗四個鐘！第二款奶油大蝦，炸咗的大廈加鹹蛋黃，又脆又邪惡又好食第三款炸子雞，唔知係咪又食雞總覺得好似好瀉咁。不過水比得上酒樓。第四款就係脆炸蜜瓜鮮奶。好新奇嘅餸，茶餐廳通常都冇，係中秋佳節先有得預訂。好有鮮奶味，我會比好高分。Overall , 我會比好高分，味道仲好過酒樓！係坐喺廚房出面好熱，一邊流汗一邊食野……不過食物質素好好，屋企人話都會再來食！

呢間茶餐廳「金城」唔係得舊式早餐A-D餐比人簡而係有全日早餐7:00am -5:00pm 俾人簡👍🏻呢間餐廳算係好耐歷史 由街尾搬到街中間裝修方面都唔錯😆 整睇黎講都叫乾淨👍🏻👍🏻👍🏻平日朝早10點半唔洗等位🤣真係爽打開個餐牌 (小編一心諗住食全日早餐)，點知好多選擇🤣簡直有選擇困難症最後簡左煎蛋，雞扒，腸仔，多士 😂大大份連杯凍咖啡都只係$45 炸性價比高🌟🌟🌟推介地址: 筲箕灣東大街東威大廈3號地舖

朝早到金城食自選早餐，其中一樣配搭揀選牛油野菌。食到一半發現有隻炒到乾晒身嘅昆蟲，大小有食指指甲大。經爆炒後精華流到野菌上，淡淡蛋白質，營養豐富，健身朋友必嗌！隨即嗌女店員嚟望下，店員拎上手睇話係乾蔥，絕非昆蟲，然後就拎入廚房。男店員過一陣就過嚟話下次唔好嗌野菌，原因係呢味餸唔啱你口味，話係我唔啱食就退嘅意思。我亦都指證係因為有昆蟲而叫佢收走，並非唔啱口味。收走碟餸嘅女店員其後都過嚟話唔係昆蟲，只係一隻小螞蟻。恕本人孤陋寡聞，螞蟻並非昆蟲？

下午茶餐肉通粉-配火腿煎蛋-凍鴛鴦圖中一樣，味精無窮湯又多，薄切餐肉多士真係乾爭爭通粉未熟透，呢個餐盛惠$50，真係見人見致再叫個招牌海鮮炒飯，以為出名食海鮮作招徠，可惜材料係蟹柳，嗚門卷加雪藏軟軟的魷魚圈，小蝦子兩隻，帶子BB ，餐牌上有個辣椒仔，以為會辣，點之一d都唔辣，幸好佢個疑似自製辣椒油拯救個炒飯，唯一可讚係炒得好乾身配上避風塘炸蒜的確有一番風味。另外再叫東大街之恩物，鮮油奶多，幸好不過不失

郊遊前梗係嘆返個醒神早餐啦😂我哋嚟到筲箕灣天后廟附近，呢間茶餐廳門面都幾光猛企理，排咗一陣隊就入到座。我哋揀咗幾碗粉麵早餐，一嚟到，我覺得好奀仔😅雪菜肉絲餐肉米粉得一塊薄切午餐肉🥲另一碗漢堡扒煎蛋米粉就反而有兩塊😅不過食落味道又唔錯，湯底都幾唔錯，唔似味精湯😆另外雞扒煎蛋米粉，雞扒好出色，卜卜脆又唔算油膩。最後加錢叫咗兩款多士，就十分出色！鮮油多 同 奶醬多😍😍😍烘得啱啱好，好好味😋

因舊樓重建金城轉到新位置經營，環境變得更光鮮闊落。同時因為下午茶時段，食客亦不算多。老闆先前提到瓦煲當未送到，故今天仍然未能試到煲仔麵。最終揀左雞脾配金磚去紓緩一日工作壓力。(落單時待應已經好有心咁提配雞脾即炸需要較長時間預備)結果熱奶茶都好快嚟左，可以慢慢飲住等。15-20分鐘後食物終於到。一上碟已經聞到厚切西多及牛油的香味，新鮮炸起的熱度令牛油自然融化滲入金磚中，金磚配埋蜜糖更一流，內餡都完全填滿花生醬。雞脾同樣有陣熱氣冒出，一上枱時仲有啲油泡仔喺表面。雞脾份量大，外皮炸得卜卜脆，切開雞脾同咬落去時都仍有肉汁流出。

今次叫咗摩羅雞扒飯，味道吾錯，雞扒炸得剛剛好，全熟，轉左全熟蛋，仔仔都搶住食，可能因為鍾意食啲提子乾😅，D汁亦會分開上，不會撈曬係面，喜歡落幾多就幾多，味道同賣相都比以前好！

自從平記執左就轉到金城，再到現在的新舖。東大街雖然多茶餐廳，但是東南、孖寶、華星都是藍店，所以不會幫襯。金城上一代都是藍，但轉到第二代已認證為黃店。簡單點了兩個午餐，一個星洲炒貴叼、一個椒鹽豬扒炒飯底。個人喜好，星洲都是跟炒米比較夾，而且黃色味粉唔夠多，味道有點淡口。椒鹽豬扒應該是即叫即炸，食落還是很香口，重點是炒飯底，真的用上隔夜飯，乾身有咬口。茶餐廳最重要就是奶茶，跟舊店一樣，茶味足，加了冰都很香茶味。

Order左個海鮮炒飯，但炒得太燶，一打開蓋已經成陣燶味出哂黎。焦粒太多，每粒飯都有，完全食唔到。浪費哂成個飯，可惜。為左健康著想，成盒飯掉左。希望廚師注意下，炒得香，唔一定要燶。

Newly opened Cha Chaan Teng, with tasty and authentic Hong Kong food. Great place for breakfast, lunch or diner during weekday or weekend with family or friends The staff there is very friendly and kind. Make the experience even better. Strongly recommend this place and will definitely go there again. Good value for money