金坊泰國美食

營業中

休息中

本來訂位19:45， 但等到20:30時依然未交到位。跟那位聲稱是老闆的男子查詢時，被惡劣地回覆：咪做緊囉！之後拉斷自己口罩，作勢想打人。大聲地大叫：唔做你地班_樣既生意！過主啦！既然訂好位，就理應準時交位比訂位者，並唔係無了期叫下位等下去。不過，老闆最大，老闆贏了。

睇完商場靚靚 pop up store, 原來已經到左醫肚既時候。見到呢間門面平實既泰國餐廳、又唔洗排隊..再望埋個餐牌，2舊水有找有椰皇翅雞煲喎！！🤩咁就吸引左我入去喇😆跟住侍應行入去，沿路見到牆上報置好有東南亞特色🦚🐠🪵🌴🪷🐟🌱🪹🤴🏼入到去先發現間餐廳都幾大，係屈左入去睇唔出。最入面仲有2間房可以 book 來食飯。（有人在裡面用餐中，信心增加）坐低落完單再細心四圍望下。發現老闆係虔誠教徒. 放左好幾尊金坐佛、玉坐佛喺較高既位置。好快黎左一連三道菜。第一道馬拉盞炒芥蘭用大公雞碗，走平民路線喎。味道正常發揮。跟住黎既係燒鱔， 厚身有光澤，燒到岩岩好。一啖食落去好Juicy🤩再黎椒鹽軟殼蟹，成坐山咁，俾炸蒜、各式香料厚厚咁蓋住，食落蟹脆多汁舔舔脷！正諗緊係要叫杯飲品時，個椰皇翅雞煲黎得合時候。成鍋雞件、椰皇肉、翅等好足料。個湯好清甜、熱熱的。我呢個湯水怪飲完一碗再encore 多一碗先捨得食飯。澱粉質方面，朋友點左芒果蟹肉飯，好有水準！正宗泰國風味😋送既甜品-粟米椰汁糕- 椰汁味再濃點會更好 同埋 有點脆身... 餐廳全日免加一，除左特別日子收加一服務費！呢個做法又幾好喎!

成日去新都城Shopping 經過見到呢間泰國餐廳門口唔大，以為好細間，點知入到去很大仲有幾間房，啱哂聚會🤭今次我地一行四人，一試真係有驚喜呀🤩必食！椰青魚翅雞煲 $168 ⭐️⭐️⭐️⭐️⭐️個樣唔算吸睛但椰青味好清甜，雞件份量又多又滑，每人飲到兩碗，只係百令蚊仲有翅架！抵！推介：燒大鱔 $88 ⭐️⭐️⭐️⭐️⭐️燒得啱啱好，魚皮脆卜卜，鱔又滑又厚肉配泰式汁，正呀！推介：泰式椒鹽軟殼蟹 $108 ⭐️⭐️⭐️⭐️我咁懶拆蟹食軟殼蟹就啱晒，椒鹽真係好鬼惹味！I like it😋😋食埋芒果蟹肉炒飯⭐️⭐️⭐️⭐️同 馬拉盞炒芥蘭⭐️⭐️⭐️已經好飽🐷估唔到仲有泰式甜品送添！我地研究左個Menu 覺得好抵食又好味，下次再嚟試其他嘢先🤪🤪#將軍澳 #新都城 #泰國菜 #性價比高#抵食 #金坊泰國美食

今日嚟到寶琳食呢間泰國餐廳，平時都有嚟食開嘅，一入到去嘅感覺就係嘩！到咁都有嘅😂😂因為好少何喺商場入邊都有間咁大嘅食肆！我嚟到嗰陣係晏晝，都算幾多人食。但係由於地方夠大，所以唔使等位就入到去啦。平時嚟到都好鍾意食呢度嘅海南雞飯啲海南雞又多又大件🐔🐔而且味道都幾好食都幾好食。而且餐廳比嘅飯🍚都係個驚死你食唔飽嘅份量😂，所以食得唔多嘅人就記住要叫少飯啦。我覺得如果啲飯可以硬返少少，咁就真係完美啦。另外我再叫咗一個馬莎文咖喱魚柳飯。相比之下呢個飯就真係有啲失色啦。佢嘅魚柳就只有四舊，都算係比較少。而且上到枱都唔夠熱，炸得唔夠脆。但係個咖喱汁都幾好食嘅，個飯整體算係合格啦。另外好好嘅就係每個餐都會包一個湯，今次都就叫左冬瓜湯同椰奶雞冬陰功湯。好濃味好好飲！😍😍

我今同fd約左想食泰國嘢，跟著黎左呢度食，發現味道好正宗，特別係牛小排，真係好正，酸得黎又多味，而且分量好足，兩個人都食唔哂，而炸野都相當唔錯。個炸蝦球酸配上酸辣醬一流，中間仲夾住唔少芝士，相當一流😂

普通泰國菜1️⃣椰青魚翅雞煲味道較清同淡,唔夠味,不過都幾足料,價錢合理💰HKD$982️⃣馬沙文咖哩豬咖哩整得好香好惹味,小小辣,但個豬肉就麻麻地,較韌.💰HKD$883️⃣馬拉盞炒芥蘭幾爽口,味道正常發揮💰HKD$784️⃣椰青多水，清甜，大個💰HKD$38送的甜品,椰汁糕食落好水,椰汁味唔濃,個糕勁水身,有D似大菜糕免加一 但會收水錢😂😂$6😂😂咁都開到4間分店🙄

呢間泰菜開左好多年，細細個食到而家！成日都好多人等。。。今次食個tea先其實都真係幾平，下午茶仲配一份小食同飲品。冬蔭公肥牛金邊粉我覺得呢間冬蔭公嘅口味好岩我地食。因為酸多過辣😬😬無咁大陣香矛味。入面仲有足料咖，肥牛有大概4片，又有豬紅，仲有2粒魚蛋。。豬頸肉船湯金邊粉個船湯比較濃味，個人覺得偏鹹。入面有大概4片豬頸肉同2粒豬紅，食落都幾好食咖。青咖哩薄餅每次我都點呢個，不過今次塊餅好似無焗過咁，好扁又油，唔酥化。我每次都唔明點解要俾咁多咖哩汁🤣因為根本用唔哂黃咖哩蒜蓉包個蒜蓉包焗得唔夠香同埋蒜蓉唔夠。我覺得沾咖哩汁唔多夾。炸春卷呢個係意想不到嘅好食！夠熱不過有啲油。入面嘅餡料好香好好食椰汁黑珍珠涼粉冰原來好大杯，一啲都唔甜，黑珍珠其實係奇亞籽，又多涼粉，好飲！呢度咁多年都無裝修過，係殘舊小小，同埋無乜服務，不過下午茶唔洗加一，平價之選。。

打拋豬🐖 羅望子炒蝦🐖 #推 火烤松阪豬🐖 蝦醬空心菜🐖 涼拌海鮮沙律🐖#推 南薑椰奶雞湯🐖因為需要現場候位，我們一開店就去了，座位在二樓，鄰座間距離都蠻大的，空間部分很寬敞喔！當天點了很多道菜，表現都是可圈可點，其中我最推火烤松阪豬，豬肉很嫩，一上菜就被掃光光，還再加點了一盤。另外湯品的部分也不錯，都蠻有特色的！-

相信泰國控朋友無人不識金坊😆 可能通常都係係荃灣食，今次🖤黑白配⚪️食將軍澳分店！餐廳食物由泰國廚師👨🏽‍🍳親自主理，食材由泰國新鮮空運到港😋我哋一大班人嗌咗好多嘢食，咁就重點介紹幾樣啦！🍞蒜蓉包條 $38 （必食‼️）好食！！甜甜地嘅蒜蓉包😚 一上枱已經問到勁香蒜蓉味！咬落口外脆內軟好好食🥗金坊柚子沙律 $88呢個價錢但大大粒柚子肉，唔係柚子粒😏 食完胃口開曬可以食其他野🤣🍤炸蝦餅 $88上枱唔算太熱，但每一粒都好大厚肉，蝦餅都係好彈牙👍👍🥣冬陰功海鮮湯 $98（細） $128（大）湯濃唔會太咸，飲完一碗胃口都可以再添，湯料亦都唔少幾足料🥘泰式青咖喱/紅咖喱 （雞/牛/豬） $88紅咖喱比青咖喱辣，兩款都有椰香味！點蒜蓉包同薄餅一流啊～～🐔海南雞 $118（半隻） $208（一隻）雞肉嫩滑，不過不失，係穩陣之選🦀香芒蟹肉炒飯 $88望落個飯蟹肉唔多，但食落都重蟹肉味！呢個價錢黎講性價比係唔錯的了鮮蝦炒金邊粉 $88蝦仁好大隻，但粉有啲乾，但味道啖左少少🤏大家一致都覺得煮得麻麻最後叫埋甜品，斑斕椰汁糕 $48同芒果黑白糯米飯 $68好香椰汁味😋 紫糯米味道又好出👍完成結束仲有香茅雞翼、泰式

最近心血來潮想食泰國嘢，所以喺OpenRice搵。搵到呢間泰國餐廳喺寶琳新都城，去到門口見到入面好多人好墟冚。個裝修就唔算新，但座位有好多，個場超大。叫咗冬蔭功扎肉豬頸肉金邊粉，一望落去個湯好似好淡，但係原來係好好食㗎！好有驚喜！啲扎肉同其他舖頭食到嘅好唔同😀而豬頸肉都好嫩，個金邊粉唔硬，有少少傾向係河粉質地，成碗麵我覺得非常驚喜👍🏻👍🏻另外，本身叫熱泰奶茶，不過阿姐話只有凍泰奶茶，就叫咗凍。杯奶茶都幾好飲。

難得约同家人吃泰國菜。這家店充滿泰國風情，泰國食物小菜也比較同區的來得更多樣化及齊全。我們叫了咖哩炒蟹，馬拉盞通菜，印度薄餅，泰國小食併盤，泰式豬手。每樣都很合我們為食一族。尤其是咖哩蟹的味道很贊! 豬手也很入味。椰子雞湯伴飯也一流。總的，我們很滿意。只是，我們午餐叫很多小菜，餐館只可收现金，不收咭，對我有些不方便。

寶琳美食話多唔多，話少唔少。但係泰國菜我真係數唔到有第二間，呢一間金坊性價比幾高，價錢平，大大碟，又好食😋午餐叫咗海南雞拼豬手飯，配幾條芥蘭、一隻蛋，飯係平時食海南雞嘅黃薑飯。海南雞幾嫩，豬手幾入味。湯係送嘅，可以揀冬陰功湯或者椰奶雞湯，有時會有冬瓜湯添。加埋嘢飲都係50幾蚊，喺大商場來講都算抵啦～我最鍾意追加佢嘅炸雞翼，佢嘅炸雞翼神奇之處就係凍咗都唔會冧！晏晝嚟嘅話好多學生哥同老師嚟食，有機會要等位。

2年前食過一次比佢d咖喱嚇親冇再食過！朋友話佢d生菜包唔錯，有次宵夜就叫左外賣試一試！揀左豬頸肉生菜包，估唔到進步左咁多，令我大改觀！！新都城終於有返間正常既泰國菜🤣🤣🤣今次同屋企人就叫左椰汁雞湯，正正常常～馬拉盞炒通菜，正！通菜好嫩好新鮮！再食多次豬頸肉生菜包！必叫！！個海南雞飯就麻麻地～

食過咁多間泰式，最難食都算係呢間，香茅雞翼無香茅味，炸粉太多，淨係放D香茅係面就檔香茅雞翼，泰式炸豬手仲離譜，淨係食倒炸粉味，個樣跟食譜簡直兩回事，食淨一半，軟殼蟹一樣唔掂，超咸，最正常就衹得豬頸肉湯河，唔會再幫親😡

突然想食泰菜，去了這間。門面看已經好泰feel, 很多泰國的佈置。點了些喜愛的泰菜。這是每次食泰菜都必食的炸蝦餅，味道不錯，好評！推！海南雞飯，雞很好味，份量也不少，雞油飯飯香、不油膩，好評！為了食薄餅，就點了綠咖喱牛，牛肉有點硬，且有雪味，但綠咖喱味道很好，點薄餅很美味。薄餅份量略少，多兩片較好。泰式炒通菜，比其他泰國餐廳好味很多，好評！這個有驚喜。飯後有少少甜品送，甜品也很美味。總體來說，食物很好。