金坊泰國美食

營業中

休息中

由佢開張到現時搬咗去坑口，都幫襯唔少次午餐，$5x 起有湯有嘢飲，每次都食到好飽，餐牌仲每日不同，真係夠晒豐富嘅選擇👍乾炒海鮮河試過食濕炒係成碟芡，感覺唔多好，所以爸爸試食乾炒，果然鑊氣十足，而且食開一貫質素，有菜有肉，夠足料冬陰脆腩肉湯湯底酸辣香濃，差啲飲晒啲湯配料十足，通菜同秀珍菇不過脆腩落咗水就唔脆，而且偏老，扣分！船河湯金邊粉船河湯底好似係用豬血製作，所以偏深灰色，但係味道帶點香辛料味，好似八角之類滷水料味道。材料都超豐富，豬紅、豬手、豬肉丸、豬油渣等等，比冬陰公湯更正大商場入面以5x-6x價位食個午餐，真係唔多做到，重點係好味又飽肚，多多支持💪

🌃 食肆為連鎖泰國菜餐館， 設有四間分店， 今次進食嘅地方係位於寶琳新都城中心二期，鄰近於寶琳港鐵站A1出口，餐廳設計充滿泰國色彩，有不同的泰國宗教擺設，而食物價錢都十分平民化， 以經濟實惠見稱。..🦐 燒大頭蝦 兩隻💲 28👉 28蚊有兩隻簡直超級抵食， 廚師好貼心將大頭蝦開邊燒，令到蝦身更加香口， 而蝦頭仲要爆膏添， 點埋泰式酸辣醬更加惹味，值得encore。.🍢 燒蟶子💲 18x2👉 18蚊呢個價錢以為係蟶子仔， 點知上菜嘅時候原來係原隻大蟶子😍， 口感幾彈牙 再加上炸蒜同香蔥等配料， 鮮味更加提升😋.🐟 明爐烏頭💲 98👉 98蚊呢個價錢坊間很難找得到😍， 熱辣辣原條烏頭上枱，底部有爐不斷加熱， 加上酸辣香料湯底，辣椒香蔥等配料，怎令人不愛呢？ 再煮多一陣會更加入味， 魚肉吸收了湯汁嘅精華， 食落十分鮮嫩， 酸酸辣辣幾開胃， 如果叫多碗白飯更加正。.🥘 二人套餐💲 268👉 套餐十分豐富，🐓海南雞半隻帶有雞黃油香， 雞件都幾嫩滑， 仲可以點埋酸辣醬 ； 小食選了🍢沙嗲串燒拼盤，雞牛豬各兩串，燒得恰到好處， 咬落仍然帶有肉汁， 加上泰式沙爹醬嘅靈魂醬料， 食完仲有啲唔夠喉；飯類選

今晚屋企人講起想食泰國嘢，約咗去附近一間泰國餐廳，性價比都幾好，款式選擇又多😙屋企人表示好滿意燒蠔 2隻$36蠔汁濃郁，蠔肥美，口感嫩滑，系一道幾好既開胃菜。燒蟶子2隻$36大大隻蟶子，鮮甜嫩滑，性價比高。碎肉生菜包 （豬）$88正宗泰國生菜包肉，少少辣吾會太辣，份量多，生菜新鮮，口感豐富。炸蝦餅$88外脆內軟，口感彈牙配合泰式酸甜醬，非常開胃。青檸汁燒豬頸肉$98份量多，酸酸甜甜，豬頸肉爽口。海南雞飯連湯 $68海南雞嫩滑配合油飯，米飯香味撲鼻，口感細緻而濕潤。芒果黑白糯米飯$68黑：紫糯米飯 ；白：斑蘭味飯芒果加椰汁超好食 芒果少少酸配合椰汁 酸酸甜甜 容易入口 色香味俱全珍多冰 $28椰奶味香濃，口感絲滑，可以選擇甜度。泰式珍珠奶茶 $33正宗泰式奶茶口味，絲滑順口。牛油果沙冰$33牛油果咪濃郁，有益健康，容易入口，不會太膩。沙嗲串燒（牛）$88 半打牛質軟硬適中，配合沙嗲汁非常惹味。🦥將軍澳分店地址：將軍澳新都城中心2期2樓2016號舖

是次享用金坊午餐，位於將軍澳新都城2樓， 十分方便的位置。海南雞飯：滑嫩的雞肉與香米完美結合，入口即化，帶來濃郁的雞肉香氣和米飯的香甜，伴隨著醬汁的微辣和酸爽，令人食指大動。當中最喜歡酸辣的醬汁用來拌飯十分美味。沙嗲雞肉串燒：烤至金黃的雞肉串燒，散發著獨特的香料香氣，肉質嫩滑多汁，口感彈牙，充滿著炭烤的風味，配上微辣的沙嗲醬，令人回味無窮。其次午膳還有湯水附送好味加分，職員態度有禮貌以及會提供清水於桌上方便我們自由使用。

今日同媽子行街，行到累見到有間泰國野就無諗咁多入去食下午茶啦咁就叫咗個豬手飯同船河。 隻豬手完全唔係豬手樣, 連一塊豬手皮都無見到, 仲要食落口係鞋到好似煲湯料咁鞋又無味。另外個船河個金邊粉唔係金邊粉, 個湯底又死咸無層次。 真係難食到全餐飯一路食一路係咁罵。總括嚟講唔會有下次，完！

近年經濟唔好，外出消費想慳就上深圳、儲到錢就飛轉日本，本地食飯真係冇乜幾何。不過有時候唔想舟車勞頓，自己又唔願煮，咁無可避免都要落街食下飯。新都城行左好多年，唔同鋪頭都轉過好多手，而呢間金坊泰國美食經過好多次 ，今日一於入去試吓。吸引到我入去ge原因，就係佢地做緊優惠，分別係「$18燒蠔」、「$18燒蟶子」同 「$138咖喱軟殼蟹」，呢個價錢有海鮮算係相當吸引！蟶子燒蠔每人限叫2隻，咁我地分別都叫左兩隻，蟶子新鮮，燒起上黎非常香口！生蠔爽甜，火燒又係係另一番味道，另外一提係個醬汁非常之match，食完勁開胃！食完前菜，咖喱軟殼蟹上枱，未黎到已經香噴噴。軟殼蟹大大隻，咖喱汁亦非常惹味，拎黎伴飯一流，不過餐廳用左蒜蓉包，一樣有驚喜！蒜蓉包鬆軟，配咖喱汁食完又想食。食完海鮮，點都要叫番個菜，我地簡左泰式名物：馬拉盞炒通菜。果然呢款真係泰菜必食，大大碟香噴噴，食完勁滿足。食得泰國野，順便試埋經典甜品同飲品，我地order左芒果糯米飯、大菜糕、龍眼冰同珍多冰，全部都有水準！龍眼冰好fresh，不過就比較甜，珍多冰比較岩一家大細；芒果糯米飯、大菜糕甜度岩岩好，飯後甜品一流！2個人食，$466，有齊

我地兩個人食，由於份量太大（超抵），飽到食晒唔曬，打包左兩個盒走！😂首先一黎就係蒜蓉包條+咖哩軟殼蟹👇🏻1.蒜蓉包超超超好食💓 點埋咖哩汁perfect. 唔點都得，本身已經好香蒜蓉味+脆邊！2. 軟殼蟹$138 有兩隻蟹 ！抵！ 個咖啡汁唔辣既，+甜甜地。個汁太多，食晒啲蟹都仲有成碗，撈埋飯都仲有🤣 3. 燒蠔，$18/1隻；夠大隻，略嫌個辣汁太辣，就咁落lime汁就算。 一人可叫兩隻！5. 燒聖子 都係$18@， 幾大條下，唔錯💓 6. 青咖哩雞+叫左一碗白飯個白飯好鬼大碗，裝到多左一碗咁。青咖哩—辣！ 中意食辣既就岩！ 椰仔味濃，撈多兩碗飯都得 👍🏻👍🏻7. 因為太辣叫左杯芒果冰，好好飲！ 解倒辣！ 夠凍！ 正！8.之後黎多個馬拉箋炒雜菜。超級辣！ 全場最辣係呢樣！ 略嫌賣相一般！ 影相唔靚！9. 菠蘿蟹肉炒飯好大份呀救命🤣 碟碟都咁大份，最後呢個食左一半打左包！ 聽日返工做lunch! 幾好食！ 有住家feel! 10. 最最最後…. 燒豬頸肉！全場最好食，無誇張！有咩可能$88 咁大份？個汁好傳統泰式汁！ 汁都打包埋！😂必叫豬頸肉。100分！椰汁糕係送既！ 好有味好甜，l

平時食開午餐多，今次黎試下晚餐，竟然有驚喜。。。係價錢。$88明爐燒烏頭，＄18一隻燒生蠔，每人限叫2隻。，毫不猶豫我們都點了。炒金邊粉有鑊氣，幾惹味，可能因為有小蝦米，係食完想再食個種。烤牛肉出乎意料地嫰，配上的汁酸酸辣辣，幾開胃。椰青翅湯一直係我地至愛，鮮甜又香滑，每次Encore之選。生蝦一碟8隻，每隻都好大隻幾新鮮，整體滿意。環境多卡位，食完傾下計都坐得舒服。最後仲有甜品送，椰汁芒果糕，好食，整體好滿意，價錢又實惠。

街坊必食，街坊啲friends都必食。如果你奄尖腥悶，又淨會食高級嘢，即去到rosewood嗰啲luxury place，咁你就唔好去，但完全唔介意市井地道，真係可以入去嘆下正宗泰菜。

喺將軍澳泳池游完水，勁肚餓，諗唔到食乜，於是上OpenRice搵好嘢食一入到去呢度，門口裝修都OK ，但係門口冇人招呼，我坐低咗喺一個位又要我起身，要我坐第二度咁你一開始唔帶枱？都算啦，食物最重要，我叫咗個OpenRice最多人介紹嘅海南雞飯。個海南雞飯未到之前，佢就送咗一碗冬陰功湯俾我，入邊勁多芫荽，對於一個唔食芫荽嘅人，真係難以接受，我飲咗一啖，酸得滯，而且有芫荽，即刻投降⋯唔緊要啦，個冬陰功湯都唔係主角，海南雞飯先係呀嘛！一上到嚟，仲要係有好多軟骨，雞翼都冇去骨，而且啲皮上面仲有好多毛，超嘔心，雞肉一啲都唔滑，韌到呢！好似走地雞嘅質地咁，而且冇雞味！似係雪咗好耐，所以有少少雪味，都咁多人推薦？個黃薑飯就普通水平，醬汁只有酸辣醬，冇豉油同埋薑蓉。比較單一口味，啲雞肉已經難食，醬汁仲要冇得選擇⋯救命⋯奶茶係普通泰國奶茶，比港式奶茶甜啲，正正常常啦個海南雞飯真係難食，唯有叫多個小食，講個春卷先，係OK嘅，入邊啲餡都夠味，係成餐飯最好食嘅嘢我期待嘅蝦餅係最令我失望，勁粉，feel到麵粉比例超多，不如叫炸麵粉？唔好叫炸蝦餅

去完相思灣玩完了大半天獨木舟 這麼重運動量的活動 當然要一起吃頓好的啊～剛好將軍澳也有這家泰菜 裡面款式也蠻多～而且味道都很不錯～份量也蠻多的 超適合我們一群朋友運動完去聚餐😋那個芝心蝦丸超好吃🤤蟹肉咖哩也很好吃!!配薄餅吃超好吃的😋明爐魚也很夠味喔～(而且還有玉米筍喔🤣)

態度十分惡劣！！明明住戶優惠有9折，畀完錢先講，仲要死唔肯退🙂話比返張9折卡？？？如果有下次我係住戶都有9折啦，洗要你張卡？嗰兩位女士仲要語氣勁差，服務態度超級唔良好！！！各位避雷！❤️

今日住將軍澳既親戚話去食泰國嘢下午茶，咁就嚟左依間佢話響新都城開左好多年既泰國餐廳食飯，咁本身見到佢個價格都相宜，都唔會有咩期望，食物嚟講不過不失，講唔上好食，符合番佢個價錢。不過服務態度真係十分之麻麻，平心而論我都唔係要求高既人，咁我點完餐比長輩，我自己就叫飯所以冇分辨菜品既問題，佢哋剛好就叫左兩碗同樣食材既湯麵，但一碗係河一碗係粉，亦叫左一杯珍多冰同三色冰，我都只係問一問邊碗河邊碗粉同埋飲品邊杯打邊杯，最後都係不求人。老實講，你上菜上咩我都望住佢有張底單，如果你本身忙緊，或者講一句唔太清楚我都還可以理解同接受，但望一望當聽唔到就真係有啲離譜，仲要唔止一個伙記係咁樣啵，又唔係忙又唔係人手不足，都唔知係唔係老闆刻薄伙記搞到成間嘢啲職員都咁有性格，生存到咁多年估計都只係因為果區你幾乎獨市姐，講真入嚟食都預左唔係求優質服務，但都唔應該咁樣掛，所以真係有好大改善空間，對我嚟講就只此一次，供大家參考。

食晏一向要快靚正，呢間做到晒，每次落去都好多人排隊食晏，午餐價錢都係$5x，仲要跟餐包湯包飲品，好難唔全院滿座餐湯：椰奶雞湯 / 冬瓜湯大蝦金邊粉微酸偏甜，金邊粉煙韌彈牙，大蝦都唔少，再加配料有青檸同花生碎，非常好味菠蘿海鮮炒飯份量足，海鮮正常，配料有豬肉鬆同腰果，正常發揮

呢日去左朋友屋企玩咁上下時間就落街食個下午茶😋朋友好推薦呢間泰國菜話又抵又好食😉-1️⃣泰式牛肉遊船湯河泰式船河湯底超濃郁🤭而且除左牛肉之外仲有豬紅、青紅蘿蔔咁🥕 非常豐富而且河粉又唔會太腍或者吸晒啲湯發脹晒-2️⃣泰式燒豬頸肉遊船湯河同牛肉船河大同小異🍜不過牛肉換左做豬頸肉豬頸肉薄切燒得好香 份量都幾多👍🏻-3️⃣ 青咖哩汁印度薄餅下午茶餐上最好就係仲會跟餐附送飲品☕️同小食青咖哩好好味 配埋印度薄餅好夾🫓就算係送飯都會好正-4️⃣泰式咖哩角有兩隻咖哩角 炸得香脆餡料調味亦都好食😄