金坊泰國美食

營業中

休息中

爸爸節十幾人食飯，叫了很多菜式，有些菜式未影相已經被消滅左😂而且價錢合宜，大大份，味道都吾錯！埋單每人200都吾洗！而且一早訂位，預留了房間俾我地，所以可一家開心談天說地都吾會嘈吵～但注意有最低消費喔😀生蝦係我地必食既泰國前菜，蝦算新鮮，厚肉，加上蒜片和酸辣汁更惹味！雞肉很嫩，送飯一流👍🏻半隻都足夠，可試多點不同菜式。烏頭魚湯汁算入味，魚肉蘸酸辣汁更鮮味，最愛吃伴菜，菇類入哂味，好正☺️蠔餅大大份，最難得係蠔很新鮮，漲卜卜，蠔份量算多，不過有些蠔有少少殼未清呢。初初都怕湯會好辣，但應該調較過適合香港人口味，味道偏甜，屬少少辣而已，所以都忍吾住飲左兩碗😝本身想叫黑白糯米飯，員工建議不如一白一黑啦～其白其實係班蘭飯，個人較喜歡班蘭飯，無黑糯米咁硬，而且飯還是熱辣辣，會食到班蘭香味☺️芒果份量算多同甜👍🏻

其實食過幾次架啦，屋企人都鍾意食泰國野，所以又黎食，六點九左右到達，唔洗排隊直入，齊人之後叫左幾樣野😌青檸豬頸肉～我幾鍾意食豬頸肉😅爽口爽口所以食食泰國野多數會叫，平時叫普通燒豬頸肉，今次呀哥無啦啦叫左呢款，但唔知青檸黎自邊到😂😂無論汁啦就咁食啦，都感受唔到青檸既存在🤔雞牛豬各兩串串燒～串燒正常啦😌係覺得今次啲牛有些少韌🙈大份海鮮冬陰公～我唔食辣，另外三位屋企人食晒😂😂我見海鮮好似幾多，佢地都話係唔錯既蒜蓉金磚～又鍾意食包又鍾意食蒜🤤🤤咁又點會走得甩唔叫🤣果然無失望，黎到係暖暖地，外層香脆，麵包紮實😌絕對唔係空氣包，好味道😆馬拉盞炒通菜～呢個絕配😆炒得好食，唔會太咸😌😌 原本仲叫左菠蘿炒飯，原來漏左單無落，好彩我地都飽啦😌😌再黎埋一定食唔晒～你話係咪非常出色其實又唔係🤣不過算做屋邨黎講都唔錯架啦，行開行埋咪試下囉🙈

下午茶時間來到新都城唔知食乜好，行過呢間泰國嘢見平平地不如試試見冇咩胃口不如叫個酸酸甜甜嘅泰式鳳爪啦，$38仲要包嘢飲！黎到見到鳳爪個份量真係超出預期咁多，而且味道正常無伏，相當抵食但春卷放喺鳳爪旁邊，比啲汁浸到個底淋左一半，如果分開上就更好啦

今天一家8 人訂了晚上8 點晚餐。家人7:45 已到，我8 點到達！門口已有一些人在等位，門口帶位既侍應一直都話有人埋緊單，請等等之類既說話！一直等到8:30 仍未有位，我問侍應還要等幾耐，佢哋竟然話入邊啲客人仲未走我都冇辦法，自問都時常出外用膳，但明知門口還有10幾二十人在等位，對於已埋單但仍坐在餐廳裏面不願走的客人，表示冇辦法，真的感到好奇怪，如果係，為什麼會俾我哋book八點呢？對於呢個處事態度，我真係好生氣，奈何家人好想試試間泰國餐廳，我們等到最後8:50才能入座，足足等了一個鐘頭，眼見附近嘅餐廳已沒有人在門口等位，難道呢個真係很好食很抵食嗎？我們叫了咖喱炒蟹，海南雞，菠蘿炒飯，泰式金邊粉，串燒，豬頸肉，泰式炒通菜，黃咖喱雞，其實菜式都好一般，味道較鹹及很重味精。買單連飲品一共$1400，最好笑的是原本想點一支泰國將啤竟然說沒有酒牌不能買酒，真的很奇怪！對於一間味道一般，服務麻麻嘅餐廳，自問不會再來第二次了！今日只是星期五晚上，但已有這種服務態度，不敢想像星期六日或者是節日會如何！？

明顯人手不足，數次入錯單，一個簡單的咖哩飯等左我半個鐘，雖然味道不錯，但服務明顯不行，不過午餐$55包一主食，一小吃，一碗湯以及一杯熱飲，是以如果有足夠的時間，也可以嘗嘗。

午餐新都城都有大量選擇，但肚餓想食飽D,所以選了金坊泰國餐廳，因為一向知道佢地大件夾抵食！一人一個飯，朋友點了青咖哩雞配白飯，我則選了泰式菠蘿炒飯。青咖喱雞拼白飯，用料十足，十分惹味。雞件嫩滑，不會煮得過耐而鞋口！用料有泰國茄子和豆角。蔬菜量多，咖喱不會過辣，但非常好送飯！泰式蘿炒飯睇相就知佢夠專業！腰果、提子乾、肉鬆都齊全！鑊氣足夠！可惜今次炒飯有少少濕，如果炒得再乾身少少會更加理想！整體職員有善，用料十足，價錢合理，會再黎幫襯！

55蚊一個餐，包一碟飯或者一碗麵，一杯飲品，一碗湯，再加一個小食。以呢種價錢嚟講，直頭係平到天上有，地下無。所以，平心而論，唔係非常非常好食。 味道上，我覺得家常喇。白咖哩龍脷柳嗰個我覺得幾好食，啲魚炸得好，薯仔喺咖喱入面又煮得好淋。呢一碟係佢嘅招牌菜，我覺得真係好食嘅。另外我哋都叫咗一個米線食，都係好食嘅。 隻雞髀好大隻。 我覺得值得試。小食就不過不失，正正常常。 反而係個湯唔係好好飲，感覺溝咗水。計返個價錢，我係會返轉頭嘅，所以好評。

泰菜永遠都係心水之選, 今次來左將軍澳搵完朋友後, 就來呢到E肚, 當晚來到已經成8點幾, 過左晚飯最多的時間, 朋友話先唔洗等位。魚餅一定係必點, 新炸熱lala, 又香又惹味串燒雞串, 唔點汁都好味雜菜青咖哩, 最好囉來送白飯一流最喜歡的菠蘿炒飯, 夠多料~唔記得左個名, 大概係豬肉雜菜炒粉絲, 原來都好香好好味另外必點生菜包, 辣辣地, 好惹味所以上菜時都係熱lala, 出晒煙, 加上肚餓的我地, 清晒食飽飽走人

朋友聚舊，晚飯選了屋企附近之泰國菜館。一行三人點了一個二人套餐包括有酸辣鳳爪沙律、炸蝦餅、蝦醬炒飯、香茅蠔仔煲及另加半隻海南雞。不消十分鐘，餸已到。每樣餸份量非常大。炸蝦餅非常彈牙香脆。酸辣鳳爪辣味十足，食得非常過癮。沙律份量亦非常多。蝦醬炒飯蝦醬落得重手，非常冶味食落重有少少辣，越食越開胃。香茅蠔仔煲熱辣辣，蠔仔size非常大，每人起碼有兩隻，味道不俗。海南雞份量亦不少，雞肉處理得非常滑，雞件亦去了骨，啖啖肉食得非常過癮。埋單$500鬆啲，以價錢來說，非常抵食，值得再光臨。

春天成日潮濕，天氣時冷時熱。食慾自然變差，食泰國菜係十分好的選擇。餐廳環境乾淨舒適，待應反應迅速，很快便安排我和朋友到二人卡位。枱上附上泰國特色醬汁，當中試了香辣的辣椒醬，十分惹味濃旭，必試！人少少，點了一份二人餐。炸魚餅豬頸肉生菜包雞肉串燒泰式豬肉炒粉絲套餐包埋兩碗白飯！非常足料抵食！每碟上枱時，份量十分！足夠三四人一齊分享！炸魚餅，一共八件。相信為自家制作，魚餅新鮮即炸，帶有陣陣香茅風味。豬頸肉生菜包生菜新鮮，非常爽口！豬頸肉混合大量的紫洋蔥，配上生菜，入口爽，洋蔥辣，非常好送飯，十分滿足。雞肉串燒6串足料大大碟，串燒制作用心，雞肉入口嫩滑，肉汁保留得十分好，非常juicy。泰式豬肉炒粉絲這碟係必食推介，粉絲配上大量蔬菜和豬肉，鑊氣十足！粉絲吸收到配料的精華，調味適中，不會過咸，一口接一口，好食到停唔到口ar!

見好耐無去將軍澳果邊🤔🤔就一於去下地鐵線篤篤既寶琳行下🚶🏽‍♂️🚶🏽‍♂️發現其實新都城裝修完之後都幾多野食🤔🤔雖然大部分都係連鎖店🥘🥘🍛🍛行行下查實已經下午茶時段🌅諗住搵間泰國野食個細金邊粉🍲不過見到個lunch set 差十幾蚊多咁多野又大兜d 我就係下午茶時段叫左個午餐食😛😛🤤豬手飯個樣好吸引但我都係叫左無咁濟既海南雞飯🍛黃油飯好香 份量好大!其實係無骨海南雞黎不過送多隻翼咁解🐔雞好滑 無過多脂肪但最好味係小食通菜!!! 甜甜辣辣 超推介👍🏽👍🏽有鑊氣👍🏽👍🏽一場黎到試埋個椰汁沙冰🥥唔錯 勝在大杯🥤

服務差：1. 追單追幾次。兩點落單，大部分食物都快到（呢點讚既），唯獨一杯凍檸茶遲遲未到，兩點半開始前後追左三次，有一位侍應竟然回覆：“係咪落左架啦？你等下啊，宜家好多單啊！”，當時遲過我地到既隔離檯杯凍檸茶到左。最後（追第四次）向一位疑似最高負責人講漏單情況，一分鐘就即刻有，當時兩點搭十一。2. 好難得全店職員都冇笑容，而且惜字如金，亦只有顧客單向對職員講野（唯一雙向就係上面話翻我轉頭既侍應）。追單唔覆“好，我睇睇啊”“唔好意思”之外，埋單問收唔收卡，只講三個字“收現金”，唔作解釋。不衛生：有位侍應一次過攞四杯滿載既熱飲經過細佬身後既走廊，不斷滴濕滴污穢地下，好彩冇掛衫係椅背。之後一直冇人拖過地。離開餐廳既時候，冇行過滴污穢個條走廊，不過鞋底都痴笠笠。味精重：冬瓜湯好重味精，根本就係胡椒湯，程度不亞於其他微辣菜式。想清淡啲都唔得。抵食：午餐$55，碟頭飯，飯夠多，set跟小食、湯同埋港式熱飲。

又係寶林lunch嘅時間,呢間泰國菜我轉工之後第二日就有同事介紹,食過一次 今日有frd黎陪我又諗起呢間性價比高嘅泰式lunchLunch menu好多選擇 岩晒我呢啲眼闊肚窄嘅人，仲要免加一，我上次黎食過白咖喱豬扒配蝦丸呢度最開心係平時飲冬蔭功要專登叫一煲，但呢度係例湯咁包埋，仲要水準唔係求其，好多草菇，味偏酸，好開胃蝦膏炒飯配料都唔姑寒，啲蝦大大隻有五六隻，但炒得偏濕，同埋蝦膏味唔算好出，但味道都有中上，份量夠一個男仔食飽下次會繼續回頭試埋其他

已經多次來到這泰國食店，因為味道不錯，而且一般不用等太耐就可以入坐，所以大約一個月也會來光顧一次或以上。小愛人最愛芝士，所以每次也會點這個芝士蝦球，愛吃芝士的不能錯過，但我真的最多只能吃下2件，因為芝士加大大蝦球，再吃只會吃不下其他東西了。海南雞，入味嫩滑，特別是雞髀位，滑溜又沒有血，讚！十分推介！今次新嘗試點了這個鐵板蠔，味道不錯，而大蠔也有7丶8隻，伴菜也很好吃，而且價錢不貴，大約只是$100。愛人每次來到也會點這個咖哩膏蟹及蒜蓉包，咖喱汁不會太辣，是香濃甜口的咖哩，連小愛人也很喜愛把蒜蓉包沾上咖哩汁，今次唯一不滿意的就是膏蟹尺寸十分細，比起上次細了了3丶4成，這個尺寸丶這個價錢，有點失望！整體而言，這餐廳是值得再去，只是這個咖喱蟹可能不再點了。

之前有見過呢間泰拳國菜餐廳一路都無機會去試，終於尋晚可以試到，叫咗個炒通菜食落無咩味到，個波羅炒飯 d 飯淋到好難食，表面太落炒得好靚，食落就知係點，只係個蝦餅及冬蔭功湯都 ok. 串燒係豬肉及雞肉 ok, 牛肉串燒 d 肉硬到好難食. 夜晚菜式價錢唔算平，碟碟都九十幾至百幾蚊，但最重要係個服務唔得，成間餐廳你會留意到幾個侍應主力係做緊傳菜員，真係要落單只係個矮矮哋嘅男人無著制服落單多，唔知佢係間嘢老闆定經理，但佢個態度真係麻麻，叫佢落單時扮睇唔到或認人，仲要對主佢哋員工爆晒粗口，講真如果真係老闆，佢對客人唔係應該會好招呼d? 如果咁嘅態度食過一次你估會唔會再有下次呢？ 見個食評話呢間唔錯覺得都講係會嘅午餐或下午茶抵食，但晚餐食過可能又唔同，會唔會再返食？答案係”唔會”，其他評價等 d 人自己去評。