金凡潮汕菜

營業中

休息中

要叫招牌避風塘炒蟹！寫得招牌就唔會差嘅…應該🪖🪖🪖😌避風塘炒蟹：蟹梗係重要，但都唔好睇少炸蒜嘅地位！蟹肉鮮甜有膏（膏都好好食），炸蒜超香，辣辣地，喉嚨痛都忍唔住送咗幾啖白飯🥰估唔到送飯係咁好食，仲有少少魚翅撈飯嘅汁，perfect！而魚翅撈飯嘅味道剛好，材料豐富，送完碗飯都有唔少魚翅羹剩；豬脊肉炒菜心，好夠鑊氣，菜心爽甜，唔會炒得太油膩👍🏻推薦避風塘炒蟹🦀🦀yummmmmmy😍

放飯同一班同事去食lunch! 好似話有間魚翅撈飯好好味，跟住我地就成班同事一齊去食啦！又真係幾足料同抵食！佢個套餐係百元之內！大大碗魚翅湯同埋飯！完全實現咗細細個睇電視大家所講嘅魚翅撈飯嘅感覺！絕對就係港式回憶嘅系列！餐廳 好細心，仲有得加少少錢就會多少少餸菜一齊食！我哋揀咗沙嗲牛牛肉同埋咕嚕肉！一路食住魚翅撈飯，一路食少少咕嚕肉同埋沙嗲牛肉真係入味又好味！餐廳嘅裝修非常之有特色，簡潔嘅白色色有一個潮汕滷水嘅檔口，房入邊更加以70/80年代戲院做一個有趣嘅裝修！喺餐廳食飯坐得真係非常舒服！員工都非常Nice

呢間餐廳真係好正，裝修得好舒服，仲有潮州菜嘅特色味道！入面仲有啲復古嘅電影牌，氣氛好特別。而且，餐廳有私人包廂房比你成為一個私人嘅空間！講返魚翅撈飯，真係一定要試吓！你仲可以加少少錢嚟加返啲小菜。我地叫咗迷你咕嚕肉同埋迷你沙嗲菜遠牛肉。食落去真係超級美味！咕嚕肉嘅醬汁好香濃，肉質又咁腍口，一啖落去真係令人欲罷不能。沙嗲牛肉鮮嫩多汁，味道好正！至於魚翅撈飯，佢係用一個超級熱嘅石鍋上枱。然後，我地會將白飯撈去魚翅湯內。你可以想像返，個石鍋嘅熱氣同埋飯同魚翅嘅香味一齊散發出嚟，真係好有快感！我細細個就聽人講過魚翅撈飯嘅美味，依家終於可以親身試吓，真係好開心！

尖沙咀呢間潮汕菜樓底好高好闊落，位置係加連威老道，位置方便，同埋都坐得舒服。潮汕都係食打冷野，不過我地今次冇叫到。今次食呢個金凡魚翅撈飯，一鍋上!熱辣辣，再加2碗白飯。就咁食就少少咸，不過撈飯係岩岩好的。再黎招牌避風塘炒蟹，叫左少辣，超級多炸蒜，好香口，蟹肉都好入味，D炸蒜香到可以撈埋飯食，好正。炒菜心，都好大碟，同埋切開左一半，又易咬D，同埋炒得入味D。金凡潮汕菜尖沙咀加連威老道46-48號地舖

今日同朋友嚟到食潮州嘢，地方都幾大裝修唔錯！潮州嘢唔再係滷水鵝片等等今次就是其他嘢！今次就試咗佢哋人氣之選嘅二人餐！今次二人餐有佢哋人氣菜式，就係避風塘炒蟹啦同埋魚翅撈飯！我自己覺得避風塘炒蟹好惹味，特別係佢嘅配菜可以配飯食啦！而蟹都幾大隻！另外魚翅撈飯都係第一次是，湯頭味道唔會好濃厚，咁就唔會同避風塘炒蟹撞埋一齊，會有少少魚翅！另外試埋佢嘅魚麵，吵得都幾香，又唔會好多碳水化合物！食落口都幾特別。

呢排見到有人介紹金凡有得食魚翅撈飯既然男朋友股市有斬獲梗係要叫佢黎豪⼀豪佢啦～原來魚翅撈飯係二人餐套餐仲有原隻避風塘炒辣蟹炒時蔬/家鄉炒魚麵因為已經有飯底咁我地就揀時蔬～魚翅撈飯超級豪😍😍打卡⼀流味道都唔錯唔會太濃太膩避風塘炒辣蟹好正！超級香啲炸蒜用黎送飯都好得！👍蟹殼已預先扑碎好易食蟹肉入味鮮辣惹味🌶️黃金豬脊仁炒時蔬侍應介紹豬脊仁原來即係豬油用豬油炒過難怪普通菜芯都好似特別香咁🤤連平時菜少肉多嘅男朋友都食唔少😳完美嘅⼀餐當然要有甜品試左潮汕特色嘅福果綠豆爽福果軟糯糖水清甜不膩😍下次要再試下啲潮式滷水同凍海鮮先！

又有朋友即將長期離港，飯聚送行，首選中菜，因為朋友是潮州人、我們因此選了這潮汕飯店！隨便在openrice search 找到了這店，想不到水準很高。點菜時，店員介紹了幾道菜：涼拌魚皮，微微的辣，爽彈的魚皮，濃香麻油味，正！九肚魚蠔仔餅也是一絕，滑滑的九肚魚與香脆炸蠔餅竟然合襯，有另一種口感！鹵水食物也是潮州菜必吃，朋友點了鵝肝鵝片雙併，西式鵝肝吃得多，想不到原來潮式的也好味！店員介紹了的時蔬是番薯葉，也是較為特別。最後是甜品！也是友善的店員推介的！香煎潮式粉粿，內裡是甜的綠豆蓉，皮薄，堅好味！

新開潮州菜餐館，樓底好高，環境好舒適寬敞，裝修充滿懷舊風格亦不失氣派，係聚會好選擇。今晚同老公兩個人撐枱腳，人少少就叫左個人氣魚翅撈飯辣蟹餐，都已經非常夠飽。✨金凡辣蟹可以揀唔同辣度，我地揀咗小辣。辣蟹大大隻啖啖肉蟹肉鮮甜。避風塘口味嘅辣椒同炒蒜惹味得黎唔會好鹹。✨金凡魚翅撈飯一疏疏嘅魚翅配上芽菜，加上濃郁上湯，忍唔住撈咗成碗白飯。✨豬油渣生炒菜心以豬油渣炒嘅菜心，再加上蒜片，好香口。菜心嫩綠爽脆。

男朋友雖然唔係潮州人但都鐘意打冷今日行經尖沙咀就試下新開嘅金凡潮汕菜⼀入門口已見到大大個凍櫃放滿各式潮式凍蟹凍烏頭可惜我地今日人少😮‍💨餐牌都好多選擇仲有唔少套餐有個令我地兩個都好有衝動試嘅係佢地嘅人氣二人魚翅撈飯辣蟹餐🤤🤤糧尾都可豪食魚翅撈飯我真係第一次🥇大大煲魚翅砂窩上翅湯濃稠翅群都真係睇得到嘅有料👍用魚翅撈飯原來係咁滋味嘅～招牌避風塘炒蟹有得揀少辣成隻蟹都好入味！大肉蟹夠肉地仲有蟹膏添🤤🤤🤤真係令人忍唔住想連手指都食埋！黃金豬脊仁炒時蔬呢個又係⼀絕菜芯香鮮爽口👍加上豬油勁勁勁香但白飯已撈完魚翅唯有多點⼀碗😂經理超好客見我地食得咁滋味仲送上潮州特色綠豆清心丸糖水食物味道好又好服務下次⼀定要再黎魚翅撈飯！

今晚與友人想試食潮菜, 又不想打冷, 在老尖上樓食潮菜應該價錢不菲, 路過見到這間地舖新店個招牌很吸晴, 價錢也合理, 一於食豪少少, 叫個魚翅撈飯套餐, 老實講可能價錢未夠貴, D翅都唔係好多也不算大梳, 叫做試過啦, 而避風塘炒蟹, 蟹唔算大隻, 但都做得幾有風味, 肉質也新鮮, 鮮蝦水瓜烙, 水準之作, 砂鍋朱油渣炒芥蘭, 就夠特色和有鑊氣。整體連埋鋪面金漆招牌的裝飾, 在尖沙咀遊客區, 如繼續保持侍客之道, 應該可以打出條營商之道。

舖面的招牌很吸晴, 金漆招牌外, 玻璃窗掛滿各式打冷美食, 例如：獅頭鵝、墨魚、凍蟹、凍魚等, 全都睇到令人垂涎欲滴, 再望清楚價錢, 也不是一般樓上店的嚇人, 即管入內一試, 前舖樓底頗高, 掛了金凡的金漆招牌, 座位也算寬敞開揚, 原來更有一些二人及四人餐, 所以無謂多諗就試了他的最貴那個二人餐, 就是魚翅撈飯、避風塘炒蟹、黃金豬脊仁炒芥蘭, 上枱才知道原來就即是豬油渣, 這個推介二人餐,目前又免加一免茶位, 而食物份量也不少, 怪不得也頗多客人點名享用。

估唔到而家尖沙咀有間新嘅魚翅撈飯！記得之前喺泰國都食過一次魚翅撈飯！估唔到依家香港竟然有間魚翅撈飯專門店!就一定要去食吓啦！餐廳裝修充滿香港風味、音樂見證住香港傳統嘅歌曲、呢度嘅小菜都幾豐富，仲有出名嘅潮汕菜！鍾意食潮汕菜嘅，你一定要過嚟食吓！我哋今次比較簡單，淨係叫咗魚翅撈飯同埋兩個小菜嘅套餐！ 。首先碗魚翅撈飯、建議大家食咗魚翅湯之後先再撈飯咁就可以品嚐到佢、自然嘅味道！再加上魚翅嘅質地都幾滑！湯係利用雞湯長時間熬製！時間嘅感覺！小菜我哋叫咗青椒炆雞、同埋蕃茄牛肉！我會比較建議食青椒炆雞，因為幾香雞都滑！蕃茄牛肉就見仁見智！因為牛肉味比較奇怪！金帆潮汕菜尖沙咀加連威老道46-48號恆隆銀行尖沙咀分行大廈

如果喜歡食潮州菜嘅朋友有好選擇了。呢間新開業嘅餐館不論打冷、滷水，還是海鮮菜式都唔錯，價錢亦唔算貴，值得一試。今日就試試個魚翅撈飯辣蟹餐，七百零蚊有蟹又有翅。金凡魚翅撈飯 - 以砂窩上盡量保持溫度，不過都要快啲食。一梳梳魚翅配上芽菜，配上濃湯，撈白飯食好滋味。金凡辣蟹 - 喜歡香口濃味嘅我當然揀避風塘口味，炸蒜粒同辣味非常誘人。隻蟹都幾多肉，蟹肉鮮甜。豬油渣生炒菜心 - 自家製豬油渣，既邪惡又香口，用黎炒菜，寧舍甘香。

魚翅撈飯套餐價格親民， HKD88就有得食仲送熱飲， 轉凍飲加HKD3, 特飲加HKD8, 加多HKD30可以叫埋迷你小菜， 未食見到餐牌都覺得好豐富呀🫶🏻為咗打卡效果靚啲， 我同朋友將沉咗係底嘅魚翅搵出黎，經我地一番努力終於將2碗嘅翅全部收集齊係呢一匙度，大部分都屬於無骨翅邊， 我連讀碩士都揀photography真係無揀錯科❕涼瓜炒雞柳真心好食， 味道濃郁夠晒入味，連平時唔會食涼瓜嘅我都可以食到！ 蕃茄牛肉炒蛋最令我印象深刻， 未食已經聞到濃郁嘅味道尤如擦身而過嘅路人飄出嘅體味， 擺入口咬咗一啖忍唔住獲利回吐，味道同餵豬嘅不相百仲真係好震撼，所以邀請店員一齊品嚐， 但店員話餐廳選用嘅雪牛味道絕對唔可以同鮮牛比較而拒絕品嚐。最後叫咗2杯熱菜蜜， 其中一杯等咗半個鐘就黎到啦， 係呢度絕對可以享受無拘無束自由奔放嘅慢活生活態度✨

今晚去的餐廳位於尖沙咀，主打潮汕菜，滷味、打冷和小菜都應有盡有。餐廳以白色為主調，十分之光猛，店員服務亦加分。避風塘炒蟹🦀蟹用了避風塘方式去炒，蒜香與辣味互相輝映，味道濃郁，蟹肉鮮甜，十分惹味。魚翅撈飯 🍚魚翅用了瓦煲，保持其溫度，亦令魚翅更美味。魚翅是一梳梳的，鮮甜矜貴，配上爽口牙菜和上湯，撈飯一流。豬油喳炒菜 🥬用了炸到十分香口的豬油喳加上蒜頭🧄來炒菜心，火喉控制得宜，令翠綠的菜心爽脆可口。