金公館 (彩明商場) (已搬遷) 新店位置

餐廳位於調景嶺， 距離鄰近地鐵站調景嶺地鐵站路程只需五分鐘左右，還算方便快捷 ，餐廳主打的食物，就是中菜 ，這裡選擇有很多， 但這天我的選擇就是他， 全因為店員的一句話 “我們還有位置， 可以過來品嘗一番” 很久也沒有聽過這樣的說話。可以深深感受到現在飲食業的艱難，而我點算的食物， 就是四川擔擔麵。四川擔擔麵，可以選擇不同的辣度， 但我最欣賞的並不是他的辣， 而是和花生醬的比例， 每一口也帶有淡淡的花生香味， 正正取得一個完美的平衡， 加上面麵的軟硬度適中，容易入口。

呢日唔想煮飯，叫先生收工買野返黎食，佢話公司附近有間京川菜做緊個二人套餐優惠，就叫佢外賣返黎試下～先生叫左個二人套餐返黎俾我嘆～第一次外賣片皮鴨🤣套餐有小食有三個主菜有飯有湯有甜品，好豐富！小食先黎個雞絲粉皮～粉皮幼嫩又薄身，好易入口，而且青瓜同雞絲份量好對等，所以唔會話菜多肉少。片皮鴨真係要襯熱食，估唔到外賣一樣唔會馬虎，份量都好多。上面起哂皮，下面舊舊都係肉🤤好足料👍🏻主菜宮保雞丁唔會太辣，都幾惹味。飯後食埋個杞子桂花糕，成個餐好抵👍🏻

今天到了調景嶺的運動場緩跑後，再到隔離圖書館看看，充實一天，不經不覺到傍晚的晚飯時間，約家人在附近商場的「金公館」晚膳，食店門店有個京劇造型貼紙，一看也大概知道食京川菜吧，令我即時想起北京填鴨，心中想起好耐未食了。食店的枱與枱之間放了直額作間隔，無形中變成了自己的空間，感覺安全衛生。而每張枱也有食客，似乎食肆的生意回復起來。三款醬料我都鍾意！饃饃皮之間有紙分間，避免黐埋一齊，細心！烤北京片皮鴨叫了的半隻份量也可包到八九件，片皮鴨的溫度令放在口中咬出的肉汁更正，片皮鴨烤得香口。再加上青瓜、京葱、醬料，口感難忘。雪菜鴨絲炆年糕食片皮鴨可加$78選了「雪菜鴨絲炆年糕」，以往食雪菜肉絲通常配湯米，今次則用炆年糕作配搭，年糕煙煙韌韌夠彈牙，醬汁包住每粒年糕令本身冇味的年糕更惹味，與湯米相比是各具特色。竹笙鼎湖上素平時食肉都會叫碟清菜但略嫌寡，所以叫了這碟菜，有菜有菰有竹笙，夠清新又比清炒菜多份滋味，不錯。雖然過了一日，心中仍回味片皮鴨，下次定必再嚐。

見呢間開左一段時間，依家晚市外賣自取仲有77折今晚就試吓佢啦。先嚟一個前菜冷盤先雞絲粉皮，粉皮夠爽口，雞絲有咬口，再配埋青瓜絲撈麻醬真係不得了。最出名嘅招牌菜片皮鴨一定要試吓啦。包鴨個皮係好薄好薄，個油香味好重但一啲油膩嘅感覺都無，再加清新爽口嘅青瓜同大蔥包住一齊食，食多幾件都唔怕。椒鹽鮮魷炸得好鬆脆，魷魚新鮮爽口彈牙，粉漿唔厚身，灑埋啲椒鹽係面非常野味，送啤酒一流。一見到個鳳梨咕嚕肉個樣已經好吸引，色彩繽紛，咕嚕肉炸得好脆身但唔乾身，粒鳳梨好甜好開胃，個汁掛得啱啱好，甜甜酸酸好開胃好好味。椒鹽炸豆腐細細粒容易入口，外皮香脆裡面夠滑食到唔停得口。紹菜肉絲炒年糕，濕濕地又有紹菜嘅清甜，年糕夠煙韌好味。仲有蒜片牛仔粒，好夠鑊氣，牛仔粒細細粒一口一粒方便食又唔韌加埋爆得就脆嘅蒜片一齊食正到飛起。食完主菜當然要食埋甜品啦，炸金銀饅頭，饅頭外脆內軟，最緊要加埋甜蜜蜜嘅煉奶係一個絕配。仲有仲有擂沙湯丸呀，煙韌軟熟嘅外層包住好香甜嘅芝麻餡，呢一餐可以劃上完美嘅句號啦。

天氣潮濕悶熱，又係時候食啲辣嘢醒吓神～最就近嘅食肆食川菜有這間『 金公館』。好受街坊歡迎，最近推出抗疫小菜外賣自取七七折優惠～ 怪不得門口keep住都有人等外賣。除咗川式嘅辣嘢，都有廣東菜， 唔係千篇一律都食辣。叫了三款小菜大約等十分鐘左右， 人雖然多，店員很有禮貌，冇咩混亂情況屋企人好鍾意食酸菜魚， 揀這款就冇錯。另外叫了兩款小菜， 包得幾紮實， 酸菜魚份量要分兩大圓盒乘載， 再加兩個小菜其實都幾重。膠盒裏面外面都包上 保鮮紙， 防止湯汁濺出。老壇子酸菜魚$218（ 揀了少辣）要用兩大個圓盒盛載， 分量頗大。 魚肉嫩滑， 而且份量好足， 夾極都有😋 配菜更加係豐富之極， 有水晶寬粉，芽菜和大量酸菜。 稍嫌酸菜唔夠咸酸。 湯味道好鮮，充滿泡椒辣味。小炒黃牛肉$88充滿 四川嘅風味， 黃牛肉肉味好濃，有嚼勁， 入曬味， 加上大量爆炒嘅川椒， 辣得好過癮， 差點招架不住。麻婆豆腐$78這道麻婆豆腐也不要期望是廣東式， 表面有一層花椒嘅醬料， 辣中帶麻， 風味甚佳！外賣紙一邊係川菜 （ 另一邊主要係廣東菜），川菜大部分都辣嘅不過唔會標明， 唔食得辣嘅記住問清楚或者要小辣。作為街坊， 食物好食

同事升呢做左老豆。同事們趁放假就去將軍澳佢屋企賀下佢，因限聚令，我們不能一同出去食晚餐，經過商場見一食店金公館，有同事建議買外賣上去同事家一齊食，因為食過金公館的川菜，非常欣賞，大家都同意。晚市外賣自取有77折一優惠，抵食啊！落單不久便包装好，拎返屋企享用。京滷鴨舌肉質香醇，外皮Q彈，散發淡淡的滷香。麻婆豆腐包含麻、辣、鮮、香，濃油味厚，豆腐嫩滑入味。雞湯龍炒手，不辣的抄手靠雞湯入味，皮薄而潤滑，餡料鮮味，湯底鮮甜美味！老壇子酸菜魚有兩大碗，湯底濃厚而不膩，酸酸辣辣帶點鮮，非常開胃。魚肉冇骨，口感鮮滑，酸菜爽口，粉皮滑溜，味道香辣惹味！

經過見到這間川菜館，外賣自取有77折，好抵，試下先。等左10分鐘左右，包裝如有湯的會用保鮮紙包好，唔會溜。見到杏汁白肺湯$55/位，試下先，因平時在家一定唔會煲，豬肺難處理，湯味好濃郁的甜味，豬肺彈牙，還有一隻雞腳。再叫了碗酸辣湯$48比屋企人，佢愛食辣，有肉絲、木耳和豆腐，個湯好開胃。川菜唔少得食馳名的蒜泥白玉$68，蒜泥好惹味，唔會澀口，肉片加青瓜片好爽脆。四川擔擔麵$38，真係好抵，麵質又彈牙，加上花生味濃郁的湯底，叫了少辣，還有面層的辣肉碎，撈麵食一流。宮保雞蝦球$138，川菜常用辣椒同蒜片作調味，成碟有6成都係配料，蝦球爽口，

今日放工實在太攰唔想買餸煮飯，由於疫情關係又唔想坐喺餐廳食。最好嘅方法當然就係外賣啦！唔好以為外賣好頹，今次係金公館外賣左幾個小菜，話俾我知外賣都可以高質高享受～金公館嘅招牌菜係北京片皮鴨，餐牌上嘅圖賣相超吸引當然要試吓啦！😋外賣返到屋企果皮都依然keep住光亮酥脆，師傅已經撇除鴨肉嘅脂肪，鴨肉質感都幾嫩滑，🤤配上醬汁同大蔥青瓜包入薄薄的一塊饃饃皮，一捲一個一口停不下來🤪另外加$78有一個雪菜肉絲炒年糕，年糕煙韌厚度適中，雪菜主要係呢度送嘅主要味道，份量同香氣都十足！另外主食叫咗個雞絲粉皮同埋酸辣粉，天氣熱食啲涼拌菜特別爽！粉皮撈胡麻醬，酸辣粉係比較幼身的粉，酸辣更加突出！ 夏天食一流！🤪外賣都有高質享受，而且等嘅時間都好快，當日我十分鐘之內就有得伶。整體體驗十分良好，疫情過後一定要試下walk in

疫情下真的很少外出用膳、知道金公館推出了外賣片皮鴨套餐 $328 免加一、真的好吸引！一早打電話落order，來到不用等。餐廳乾淨企理、枱與枱之間都隔著板、比較衛生。二人餐另外再單點其他餸菜、超級豐富！雞絲粉皮麻醬味好香～老黃瓜例湯夠火喉烤北京填鴨半隻、份量唔少啖啖肉、而且外賣到家 鴨皮仲脆脆地、有齊醬料、青瓜絲配料、自己在家慢慢包、吃得更放心。宮保雞丁好惹味、冇想像中辣非常期待的招牌菜式老壇子酸菜魚、桂花魚好新鮮魚肉滑滑的、薯粉好入味、沒有黐在一起、酸辣度夠！幾個月冇吃川菜、能夠在家吃到酸菜魚 好開心😌蒜片牛仔粒炒得好香、肉味香濃、送飯一流。仲有荔枝桂花糕做甜品、清香解膩～

鄰居介紹我們這家中菜館，說價錢不貴，但食物質素不俗。 途經餐廳，發現外賣有77折，便決定一試。干煸四季豆油份唔算多；蝦米、菜脯和肉碎份量足，微辣惹味。老壇子酸菜魚屬心水之選，酸度與辣度兼備。魚塊已挑骨，吃起來啖啖肉，嫩滑可口。薯粉煮得煙韌、酸菜乾最入味，辣勁十足。宮保雞丁軟嫩，伴以香脆花生，佐飯一流。家人很讚賞這道烤北京填鴨，即使是外賣回家吃，也不減鴨皮香脆度。鴨皮與鴨肉之間沒什麼脂肪每片饃饃皮也以一張薄紙隔著，細節見用心。外賣配備甜麵醬和冰梅醬蒜片牛仔粒採用優質牛肉,帶少許嚼勁，肉味濃郁，不禁一口接一口地吃。備註：每個外賣盒會收取$1

琴晚放工去了位於調景嶺既金公館餐廳買外賣，有吾少既食客也光顧，可知道食物質素一定吾差，所以特別期待。老壇酸菜魚 $198：酸菜魚既辣度當然可以選擇，由於本人吾系食得好辣就要求店員比最少既辣度我－少少少辣。雖然是揀左三少辣，味道會酸味多於辣味，正正是我最喜歡既味道！酸菜魚既外賣份量有兩大碗，而且魚既片數真的很多；魚片既口感極為嫩滑，沒有魚骨帶著；當中更有吾少既酸菜可一同食用。最值得讚是底部仲有薯粉，真的可能當作酸菜魚麵食～薯粉好滑，吸入左酸菜湯底既味，令人愈食愈開胃！！老壇酸菜魚必叫之選！！！京滷鴨舌 $52：鴨舌既份量吾算好多，上面加入左芝麻粒令味道更加香口；鴨舌口感帶少少林口，而入面仲帶滷水味道，作為小食也不錯！椒鹽鮮魷 $68：鮮魷口感軟實度適中，炸得吾會太過油膩；鮮魷味道帶少少鮮味而沒有雪味，椒鹽味道剛好，吾會太咸。四川擔擔麵 $38 (小辣)：擔擔麵是一人份量，麵質好滑不易斷。而當中既辣味好足；雖然叫左小辣，但依然好香辣！擔擔麵也同樣有花生醬味，但吾算好漏啊！

最近因為疫情都少左好多出街食飯，今次係屋企附近嘅一間中菜館，叫咗少少小菜嘅外賣。要知道夏天仲要煮嘢食真係會煮到成身汗，於是今日就等屋企人唔使煮得咁辛苦，可以抖返一日。外賣都幾多選擇，後面仲有！落單加埋等拎，都只不過係15分鐘！快靚正。川滷鴨舌由於疫情嘅緣故，相信今年都冇得再去旅行，特別掛住台灣嘅鴨舌。今次試左這個川滷鴨舌，雖然個名有個「川」字，但係味道一啲都唔會辣，而且滷得非常入味。送酒一流。椒鹽魷魚椒鹽鮮魷同大排檔有得揮，炸漿唔會太厚魷魚好鮮味。合桃松子雞丁呢個雞丁相當惹味，雞丁泡油後，另外再加上合桃同松子蟲子兩款果仁，食落去有少少油，不過呢兩種果仁其實對腦部好健康。小炒黃牛肉小炒黃牛肉屬於川菜嘅類別，加上了辣椒、青辣椒一同爆炒。好刺激而且辣度十足。牛肉不會太老，恰到好處。翠塘紅燒豆腐最後叫咗一碟紅燒豆腐清清地，紅燒豆腐炸香後，配上下薄切嘅冬菇以及菜心。唔好見係外賣以為份量一定會少，四人食都好夠呀。而且外賣仲有折架，絕對平過堂食好多，咁樣都係二百幾蚊！如果見食屋企野食到悶，不妨叫返幾個小菜試下，屋企煲個飯就得！

前排家中長輩生日🎂 就唔想去啲咁遠嘅地方搵野食 決定係🙈🙈將軍澳搵緊酒樓試下 起碼方便到老人家 我地最後揀咗金公館酒樓晚餐黎黎去去都係個啲小菜 炒粉麵等等講下佢個咕嚕肉 炸得啱啱好 唔會好乾好硬 啲酸味都較得啱啱好🙈🙈食落口都好開胃 配埋白飯一流而我覺得個炸饅頭都好脆 好好食一定要配埋好肥嘅奶 先係最好食去酒樓當然例牌食炒飯夠鑊氣 啲飯唔會話好硬好水咁 食落又唔會好油而仲有鴨都好好食Overall黎講真係幾好 唔錯 啱曬老人家口味🙈

今日放工去調景嶺探下姪仔，佢因肺炎疫情已停課多時，留在家中又唔出得街，我買咗一些智能玩具送給他。同事說彩明商場的金公館菜式都唔錯，因限聚令，超過4人唔可以一齊坐，而且外賣自取有77折，我就買外賣上去同姪仔一家開餐。外賣等待時間都好快，包裝也很好，食物盒內外層都加保鮮紙包住，防止倒瀉。老壇子酸菜魚：份量不比堂食少，足足有兩大碗，材料以鮮魚片為主，配以酸菜、萵筍、寬粉、花椒、辣椒等，魚肉滑嫩，萵筍爽口，寬粉滑溜。湯底濃厚而不腻，味道酸辣好醒胃。京滷鴨舌：細細軟骨周邊極為滑嫩，油潤的肉令人回味不已。鳳梨咕嚕肉：酸酸甜甜的菠蘿，配上外脆肉嫩的肉塊，掛上濃稠的酸甜芡汁，色澤亮麗又美味！四川擔擔麵：湯底濃郁鮮香，麵條幼滑，伴著肉碎和葱花，辣辣的好味道。

近來都比較少外出用膳，雖然煮了晚飯但還是有點想念街外餐館的味道，放班見到金公館做緊外賣7折，非常抵！ 片皮鴨也可以外賣，便買了回家和家人分享。叫了半隻片皮鴨，份量滿多的，問過店員夠4-5人食用。雖然是外賣，但拿回家後皮依然脆口，鴨的油脂滿香，肥瘦適中，還有鴨肉可供夾著食。每一張都有紙分隔，不會貼住。另外叫了黑椒腰果牛柳粒，黑椒味重，牛肉不會炒至過老，腰果爽口，送飯一流。整體味道不錯，份量夠大，而且有折扣，非常抵食。