金仔米缐

營業中

休息中

因為工作關係，好多時都會係禾輋附近覓食，呢間金仔米線已經食左無數咁多次。通常諗唔到附近有咩食，就會諗到佢架啦。今日自己食左個麻辣湯的米線，佢地仲有得叫唔同的辣度，我就叫左小辣。呢個係其中一個Pre-set的午市套餐，仲包杯飲品，呢個有三個餸，句括豬扒、沙拉丸和腸仔。腸仔係普通廚師腸，無咩特別，沙拉丸幾好食，個人最鍾意係佢地的豬扒，我每次都會叫。豬扒唔會un，亦唔會切得太薄，有啲咬口，味道好食，而且每次都有2塊，算得上大方。至於米線方面軟硬度適中，個湯底也有一點點的麻辣味，其實亦唔算辣，仲會有些芽菜、韭菜和腐竹，各樣味道都唔錯。佢地主打仲有個湯底叫金仔湯底，個人就覺得有些鹹。佢地的地方都幾大幾多位，通常諗唔到食咩就會來。

金仔米線😋今次外賣返屋企再加材料打邊爐😍😍土佬雞😋我地叫左少少辣，佢加埋醬汁，雞件好入味😆😆蔥燒味江團魚😋😋我們就叫左呢個魚打邊爐，佢配埋湯比我們，烤魚煎到剛剛好，好食👍地址：沙田禾輋邨熟食亭地下1-4號舖整體評分：4/5味道：4/5抵食：4/5

今日又來到沙田做嘢 嚟到禾輋商場行過少少就係冬菇亭嗰度附近都有好多茶餐廳比門口個餐牌吸引住😍😍見到有個早餐好優惠$23 $23 $23 $23蚊炸火腿通粉 太陽蛋 牛油方包 加一杯熱飲由於當時太早都唔需要等位個早餐大約5分鐘就到齊☺️☺️☺️開頭諗住$23都會伙伙地居然超出我預期 火腿通粉個湯底好正☺️☺️完全冇因為個價錢已偷工減料熱飲我就嗌左熱奶茶茶走 奶茶好香好濃好滑👍🏻👍🏻整體來講 呢個價錢呢個質素真係好抵食👍🏻👍🏻希望呢個抗疫早餐永遠都會存在☺️☺️☺️

下午1:45左右到達，即使係週末都唔使等位，可能因為禾輋邨有太多餐廳啩！除咗客人唔多，餐廳人手亦明顯不足。入座後等了15分鐘(中間叫過兩次)仍然未有人執枱同畀餐牌我哋。大致上睇咗餐牌，發現午餐供應至2:00而下午茶就由1:30開始供應，所以1:30-2:00入座係有最多款式可供選擇嘅時段。叫咗一碗全日供應嘅自選米線、一碗期間限定嘅胡椒豬肚湯雞米線、一碗下午茶時段供應嘅蒜泥白肉米線；另半價加配一碟雞絲粉皮、一杯紅豆冰及一杯奶茶紅豆冰。埋單都係$150，抵食。胡椒豬肚湯味夠濃，蒜泥白肉夠麻、但有點辣。雞絲粉皮放得太多醬，太濃味亦太咸。紅豆亦都係太甜。總括嚟講係太濃味，唔可以食得太密。

當日我們食飯因工作關係不能外出，於是叫外賣自取，一共叫了10碗米線，其中我叫午餐酸菜腩片魚腐米線，回到辦公室，打開，為何米線上只得腐皮及兩小片腩肉？酸菜在哪？魚腐？同事比我好，有找到魚腐，我的米線套餐是40再加凍飲$43，雖然買了$404有8折，但這種得一兩片肉的米線如何值錢？真的不知道廚房亞姐點樣可以俾得人食，個個問是否別人食剩的。應該問整order 個廚房亞姐係咪老闆叫你唔好俾餸啲客食？當日叫全部10碗米線加1碟海南雞飯，其中腩肉酸菜套戲、肥牛套餐米線都係冇乜餸，大部分都係一兩片肉，只係其中一碗$68大滿貫有多少少餸，另外叫豬扒麵的同事都說自己幸運，也找到兩塊豬扒件。第一幅相片是加入米線的情況，我並未進食的。佢哋將米缐連酸菜腩肉放在分隔盤上，但酸菜得一兩條、腩肉得兩片，我將米線倒入湯中，也佔外賣碗不夠一半，酸菜米線你們找到酸菜嗎？一條還是兩條？其他同事叫肥牛套餐都一樣，攪拌很久也只找到唯一一片細碎肥牛，我們在休息間進食，各人都議論紛紛，你們明白當日8人非常不滿意，有男同事要去買麥當勞套餐再當午餐。

《金牌金仔湯底套餐》沙田禾輋商場大裝修，街市改裝好好行，來到這附近，食個晏先，然後才去買餸。冬菇亭都有幾檔新食店，金仔原先位於商場，現在搬到這兒，地方大好多。這個全日都有的套餐，包一杯飲品及一個油菜，可以揀油麥菜，點了招牌金仔腩肉套餐~酸菜腩肉炸醬麵線，金仔湯底，今次揀食麵，麵質夠爽，掛滿炸醬辣汁，越食越開胃，炸醬味道香濃，少少辣，果然正！肥美腩肉，肥瘦層次分明，肥膏部份入口即溶，整體夠入味。靠窗邊有卡位，中午和煦的陽光，感覺好舒服。午餐仲有其他套餐，唔使諗食咩餸，湯底有好多款，任配。喜歡吃飯的，也有不少選擇。套餐唔夠，喜歡可以加小食。下次要同屋企人來會一會土佬雞煲。午餐冇收加一，抵食。

冬天梗係要食邊爐啦其中椰子雞㷛都係一個唔錯嘅選擇今次試咗金仔佢嘅前鋪係禾輋商場裡面而家搬左去陳根記舊址佢地除咗有椰子雞煲仲有唔同嘅雞煲 亦都有烤魚其實有好多選擇嘅全部都係可以食完 再點火鍋料 之前試過烤魚係好大好足料 再加埋佢個湯底吾錯 冬天好鐘意食今次試吓椰子煲個湯底都唔錯有椰子味 甜甜嘅之後加水係加椰青水 所以都忍吾住飲左幾杯湯半隻雞都足料 但有個小少心得啲雞最好煲滾就快啲食 吾係會變得鞋 而家㷛得耐 啲雞皮啲酒會岀唒落啲湯度影響湯底味道之後叫嘅火鍋料都算正常價 四個人食飽飽大約$500度 埋單下次再試下其他湯底

出菜慢 等左半個鐘一碗米線都來唔到 後來解釋話廚房出錯 取消張單 埋單個時仲要計埋無來到米線既錢 不知所謂 明明鋪頭無咩客 都可以咁樣出錯 兩個人去食 兩個人都覺得不知所謂⋯以後絕對不會去