金不換泰國餐廳 (已結業)

放假睡到日上三竿，超床就想吃泰國菜，正好想要去荃灣廣場逛街，就直接朝金不換出發。假日以為很多人，意想不到的是位置不少，坐下之後就看到午餐餐牌。第一次中午來，原來午餐很掋吃，60元能在荃灣廣場吃一個午餐。服務員招呼很好，很親切。我們點了2個午餐，加炒菜。原個菠蘿海鮮炒飯很香，放在真菠蘿裏面，吸收了菠蘿香氣和甜味。海鮮都是一隻蝦，魷魚之類，配料不是很多，可能被真菠蘿的大小焗限了。第二個是海南雞飯，金不換的海南雞很滑，以前都晚上來吃半隻，也不太肥。不能光吃肉，另點了蒜蓉炒椰菜苗，很有嚼勁。最後來一杯最愛的泰式奶茶，非常滿足。

 Whether it is seafood or chicken, the raw materials of their home are really real, not soft at all. The grapefruit salad is the most impressive. The grapefruit is full and sweet, full of pots, and it is very cool to eat. The pork neck slices are thick and crisp outside.

呢個星期日真係好熱，完全唔想係街上逗留，都係搵個商場行下算😅係荃灣廣場行到肚餓，就諗住睇下有咩嘢食，見到呢間泰國菜都幾多人幫襯，就去試下。見到午餐個menu都幾特別［燒膳飯配煎蛋］ 其實就係鰻魚飯，一共有四塊，鰻魚唔會有骨，而且好滑，可惜份量比較少，而且就咁食鰻魚有點無聊，如果可以多些配菜就好了另外仲點左［原個菠蘿海鮮炒飯］。平時食呢個飯都起碼百幾蚊，依家60蚊有找，好抵😂😂炒飯味道正宗又乾身，可惜都係配料比較少，多d提子乾同果仁就好了餐飲叫左泰式奶茶同椰汁冰，呢d特飲都唔洗加錢👍🏻椰汁冰係濃郁既，但唔知點解超甜😫泰式奶茶有烤過既香味，都唔錯。btw，lunch都要加一。買單兩人130，都算抵😸下次再黎

下星期日便是父親節從來不想跟人迫我選了昨夜預早跟車公公慶祝，地點選了近近哋又多年未有返兜在荃灣廣場的金不換用膳。 餐廳屹立在荃灣廣場已多年，還是依舊的裝潢仍是滿有親切感！ 一行五人各自選上自己心水泰菜便成一檯美食，看上去色彩色繽紛好豐富啊！ 飲品我跟二佬同選了青檸梳打＄35，而我當然選走甜的版本，沒甜的也不難喝或許我不怕酸感覺挺清爽。 小食泰式鳳爪＄92賣相很飽滿又完整好吸引，香辣的汁醬亦調得不錯可惜的是鳳爪很大雪味，告知餐廳後負責人很願意將之取消，我亦換上另一款前菜！ 換上來的是豬肉碎生菜包＄128，用新鮮脆口的生菜裹著豬肉碎來享用口感超正，豬肉碎味道香辣微酸又夠Juicy好味道。 車公公愛吃肉尤其是雞！便點了海南雞＄80/半隻給他品嚐，看上去雞件好像不錯，可惜吃下沒多肉味最差是連雞肶亦不滑溜，只有那雞醬仍然有心機調製點了它還算入得口！ 不吃得辣有三人當然點黃咖哩最合適！可選豬、牛、雞豬肉黃咖哩＄138，我們選了豬肉一看便知大鑊豬肉乾柴不堪(又蠢的近來叫豬又唔係貴價菜一定是雪藏貨)，也算吧那點上兩個白飯＄15/碗配咖哩汁吃，可惜連咖哩汁都真的沒多香味

Shopping shop 到攰攰地，見呢間唔洗點等位，求其入去食。1️⃣菠蘿炒飯$59（包野飲），好平，性價比極高，好少有低於$100的菠蘿炒飯，仲要原個菠蘿上！（不過個菠蘿有無重用就唔知啦！🤪） 2️⃣金邊粉$55（包野飲），例牌必點，呢個應該係素食？3️⃣泰式蝦沙律$128，呢個係熟蝦，雖然好明顯係冰鮮蝦，無咩蝦味，但勝在醬汁好惹味！必嗌，好正！4️⃣南瓜布丁🍮$45，餐牌無圖，以為普通一個橙色布丁，點知係釀入左真南瓜🎃，令平凡既布丁多左點小驚喜💞🤩 整體性價比高，茶記價錢，泰國人餐廳質素，好味！ /

母親節當天，我們到了荃灣金不換用膳其實我們是金不換忠實物粉絲，因為它家的泰菜真的對得起定它家價錢今次是我們第一次來荃灣分店, 以往我們聚餐是黃埔 (已倒閉) 或 海港城的鐵板蠔仔 蛋絲和蠔仔，絕配，一流咖哩蝦本身打算叫宮廷蝦，但是上兩星期我們才在海港城分店享用了，所以今次點了咖哩蝦一咬落去 啖啖濃郁咖哩蝦肉 椰香不搶咖哩味，反而將咖哩味推向極致無得彈冬蔭功唔使多講，每次必點足料 酸甜辣配合得天衣無縫芋頭焗飯它簡直是我食過最好味道的芋頭焗飯，足料，啖啖肉芋頭一咬便化在口，肉有肉味，飯粒又高質每次必點! 芒果糯米飯一個字 : 正! 糯米飯軟硬適中，椰汁香濃，芒果香甜最佳組合 後話: 其實金不換的宮廷蝦 ，出面沒有餐廳比得亢上! 還有它家的蝦餅，咸魚炒椰菜苗，PAD THAI 都很高質，下次再分享!

女人又想吃泰國野，平時就算萬分不願意，我都不會逆她意，因為我做人的原則是與其在她面前扭計，不如在她面前扭patpat，至少節省了爭拗的時間，又多了快樂相處的時間，比較之下還化算，所以我特意快步走到她面前，壞壞地扭了幾下我滑不留手的patpat，逗得她忍俊不住，就進入了荃灣廣場底層的金不換餐廳。燒春雞 $138 ：原以為原隻上，誰知斬件上，雖然雞皮表面被風乾後，仍然保留著肉汁，肉質細嫩，不過對我而言，就不能滿足原本手撕雞帶來那種野性的、狂撕的、殘忍的慾望快感，這種感覺就像是"鋼琴上黑鍵之間，永遠都夾著空白，缺了一塊，就不精采。"菠蘿炒飯 $138：原以為半隻上，誰知又原隻上，算是彌補了燒春雞缺的那一塊，炒飯多料鮮甜，飯底還有幾層菠蘿，更令人殷喜，此刻的我再也忍不住，閉上了眼晴在女人耳邊輕輕唱："你問我愛你有多深，菠蘿就有多深"，掘地三尺還有黃金，算是今晚的彩蛋，菠蘿汁不斷滲出來，滲著汁連著飯一起吃，我很喜歡這樣吃，我也喜歡喜歡這樣吃的那位...鹹肉炒椰菜苗 $78：泰式餐廳才會供應的椰菜苗，屬重味道的蔬菜，再加上鹹豬肉，感覺重口味在口腔開始泛濫...南瓜布甸(凍) $45：很少看到這種組

思鄉味重，所以點都要食一食泰菜，以解思鄉之情朋友提議去荃灣廣場地下的金不換唔洗等位，直入中間的方枱親切的職員立即問想要熱茶定冰，真係窩心青咖哩豬肉：青咖哩汁香得黎辣度合適，但豬肉片肉質較乾，略嫌嚡口，令整體大打折扣有咖哩當然要點蒜蓉包啦！蒜蓉味道濃，如果包邊可以焗得更脆口，就更好啦浸滿青咖哩汁後，口感軟軟，完全可以鎖實咖哩味道泰式炒肉碎：第一次選擇了雞蛋，坦白說與豬肉沒什麼大分別，唯味道比較鹹，必需配上生菜/白飯雜菜粉絲煲：一般，無特別以價值及食物質素，我會覺得一般，附近有更多其他餐廳比這間更值得消費

荃灣廣場weekend真係好多人，本身諗住同屋企人食新嘅鐵板牛排，但勁多人排隊勁長龍！再上左去睇pizza，但都係要等好多張，就諗住去金不換睇睇，都幾多人等緊，但可能5人枱，前面唔算好多張！最尾等左20分鐘倒就有位入，今次係坐卡位，但都幾鬆動！5個人叫左5樣野，生蝦啦，咖哩牛，明爐魚，通菜同garlic bread！野食okay ge，但叫左杯珍多冰就真心唔好飲🙈本身中意珍多次入面個啲類似jelly嘅野，但呢個唔好飲，仲要無綠豆！有啲失望，朋友話Thai tea都麻麻！

平日晏晝去食，超級多人，等左10分鐘左右先入得去。三個人叫咗三個set lunch，每個set lunch包一杯嘢飲，另外叫咗甜品：椰汁西米糕。叫咗香草辣椒肉碎煎蛋飯，賣相吸引，辣椒同香草紅紅綠綠，好多顏色。肉碎炒得好惹味，好送飯，加埋有煎到脆邊嘅煎蛋，簡直想添飯。燒鱔飯有大舊嘅鱔塊，煎蛋同菜鋪喺飯面。鱔塊燒到香脆，上面淋左醬汁，甜甜地，唔會腥，好好味。蝦炒金邊粉夠鑊氣，上枱嘅時候熱辣辣，好多蝦，金邊粉夠乾身，唔會黐埋一舊舊，唔太油又唔會碎濕濕。多配菜，好多芽菜。味道方面，啱啱好唔會太鹹太酸。三個set lunch的份量都好多，抵食，平均一個都係$50-$70。椰汁冰同泰國奶茶都正常。椰汁西米糕甜度適中，好新鮮，質感軟滑。

開左好幾間分店 一於試下午市免加一 仲有特飲 真係好抵.炒金邊粉😽勁大碟 份量配料都好足唔會太油 味道岩岩好加少少青檸汁好開胃 花生碎十分香口.椰汁冰🥥好濃椰香 唔會淡如水呢間野全部都好真材實料 推介一下

讚：上菜快，真係快，點完後10分鐘，啲野食已經出晒黎；份量大，炸蝦餅厚過手掌；海南雞都有大半隻雞；樣樣料都好足彈：呢間係荃灣廣場入面唯一無變過既餐廳，真係由死場食到個場人山人海。初初野食都唔錯，冬蔭功夠酸辣辣，味足，雞飯醬亦調得有心機但最近呢次食就真係退步，最重要係無味，所有野食都得番個色，冬蔭功得番啲番茄酸味，無任何香料味，海南雞飯既飯醬好淡，好似普通酸辣醬咁，通菜成碟都係水，而且一啲味都無總結：唔會再黎啦，抵食啫，都要食得落架

今日老友生日飯，上次試過這家「金不換泰國餐廳」味道不錯，特別是朋友是荃灣人故就就他、今晚選址這裡。🎉🥢肉碎生菜包 $128先來一個 「肉碎生菜包」，碎肉微酸小辣夾片薄荷葉與生菜同食特別爽口開胃，只是味道較淡口，不知是否為看落感覺滿滿，故用了隻細碟盛載，使我們都不知從哪入手，最後攪一到四處都是肉碎。🥢雙肉 - 忘記價錢🤣一邊是炸豬扒，炸得酥香鬆化入味。另一邊是豬頸肉就有點鞋口。🥢 鹹魚炒椰菜苗 $90鹹魚都頗多，椰菜有鑊氣沒有苦澀味，用油適中算不錯。🥢欖角肉碎炒飯 $108炒飯軟硬適中咬落糯香中帶欖角香味，配上臘腸有點嚼勁。

約咗朋友去荃灣食午餐，太耐冇去荃灣區，區內轉變得太多了，又想食泰國菜🇹🇭，大家左望右望睇下邊到附近有得食、朋友突然諗起🤔荃灣廣場有間泰國菜，裡面好有泰國色彩，炒粉絲、菠蘿炒飯、椰汁冰，好有水準👍🏼

食午飯選擇到這間泰國餐廳，始終連鎖經營，品質有保證，午飯時間人流較多，等了15分鐘才有位置。豬頸肉湯米粉很好吃，不會有太多味精的感覺，而且豬頸肉不油膩，米粉少澱粉質，健康之選。海南雞飯也不錯，油飯香濃，雞肉鮮嫩，正宗，醬汁也調得有水準。另外要讚一讚泰式奶茶，適合香港人口味，不會太甜，但有泰式茶葉的味道。這裏的午餐價錢不貴，大概五六十元就吃到高水準的泰國午餐，在平日的沉悶選擇裡多了一份驚喜，會經常去。