野草

北角和富中心嘅美食都有好多，野草呢一間gelato店係其中一間美食，佢同平時嘅gelato有一個分別就係可以好似Cafe咁坐，氛圍比較幽靜，間店嘅設計充滿咗佢哋嘅特色同埋佢哋嘅製作材料。今次試咗兩款雪糕，一款係芒果雪葩另一款係開心果，兩個雪糕分開兩個杯，令到兩浸味唔會混埋咗一齊，開心果味好濃郁亦都唔會太甜，唔會係嗰種好假嘅開心果，上面嘅開心果脆脆可以增加口感，雪糕嘅質感好綿滑，好似識拉絲咁，芒果雪葩超有驚喜，質感凍冰冰，消暑一流，味道好清新，芒果好甜好新鮮，getalo愛好者真係值得一試！…Read More

商場內的小店，一路知道佢嘅存在，聽聞雪糕好特別，見天氣熱，啱晒。佢嘅雪糕係自己做嘅gelato，味道時不時會轉。今次見到有大樹菠蘿、開心果、蠔菇、朱古力…. ，幾款都想試，但又唔敢食咁多，結果都只係選左開心果嚟試。佢有啲set係gelato + espresso，未試過咁食就試下。開心果gelato好滑，奶味明顯，開心果味吾係好濃（可能我期望比較高）。店內的哥哥仔建議先試食淨雪糕，然後再加espresso落去。Espresso 酸味比較重，唔係好苦，可能諗住要加落雪糕，所以係室溫嘅。Gelato + espresso呢個組合幾好，中和左雪糕嘅甜和espresso嘅酸苦。另外加左個榛子咖啡蛋糕，pound cake style, 蛋糕內有粒粒榛子，口感吾錯。不過，個名有「咖啡」，食落就吾多覺咖啡味。服務態度幾好，感覺舒服。counter落單，哥仔會送過嚟，又會主動問要唔要杯水。價錢嚟講，pound cake $22，開心果gelato 單球$64。Lunch有酸種麵包$48，三文治$68。飲品一杯$40上下。整體價錢唔平，但味道吾錯而且有特色，有心有態度。小店支持本地耕作，店嘅中間有放咗啲果蔬俾人買。位置係商場入面，座位位置比較open，但商場人流吾多，所以又吾會好嘈。三兩知己係度hea下，都唔錯。…Read More

難得本地小店，服務同埋食物都一流，已經幫襯咗好多次，期待下次再試新口味嘅雪糕香蕉蛋糕係我每次嚟到必嗌嘅美食，佢嘅多士同埋凍朱古力都係好好味店入面仲有本地蔬菜賣，好有特色…Read More

係東岸公園行到攰見附近有呢間手工雪糕就黎試下店鋪裏面仲有賣本地蔬菜都幾多人買鋪內裝修好fancy好岩女士黎打卡叫左開心果味雪糕都幾大球唔算好濃開心果味同埋價錢略貴 $60一球試下就好了🙂…Read More

喺附近食完飯，想搵啲甜品平衡一下味蕾。想諗起好久不見的野草，上一次去應該超過一年前了。記得野草係用新鮮食材製作gelato，仲同好多本地農夫合作。以前有試過佢地嘅苦瓜同黃皮gelato，心諗等我過去睇吓有咩新item。作為茜控的我見到雪櫃裡面嘅芫荽牛奶Gelato，梗係即刻order一份。俾錢嗰陣先見到收銀機前的menu上有面寫咗，可以加錢加芫荽蛋糕做topping。實在係茜控福音呀🍀🍀🍀食感方面，兩樣一齊食都真係有啲synergy，gelato有生芫荽嘅清香同淡淡奶香，蛋糕就有種熟芫荽嘅菜香。蛋糕奉上時仲要係暖嘅，外皮微脆。一啖gelato一啖蛋糕真係好幸福。唔知點解，突然覺得冬天食gelato都好warm…Read More