野田珈琲生豆專門店 + 焙煎

營業中

休息中

今日經過諗住試下，外賣咖啡飲下。去到cashier , 等左一陣都未有店員理我。唔緊要，我再企左一陣等。突然有個送貨員到，店員就一路同佢講野。我再等左一陣，見佢都見到我，以為佢會理我啦，行去cashier附近，我都開左口講要hot mocha。點知佢繼續吹水！！！其實店內都唔止一個staff. 其實有客都唔做，真係唔知講咩好。企喺度被人無視…..服務完全零分！！！！最後去隔離買杯Starbucks 算…..

看見野田咖啡咖啡櫃位門口處有膳食晚餐的餐牌，於是我們行到去取票機取座位號碼，兩名男職員分別問買走（外賣）還是堂食，我們答堂食，他們說直接入內隨便坐下。戴眼鏡短頭髮、輕微捲髮的男職員拿餐牌過來跟我們說，沒有鹹食只有pancake 梳乎厘。當時是晚上8:05，我們問什麼時候不提供晚餐？還有，可否替我們問問廚房能否做埋晚餐給我們？那男職員說：「我們晚上九點已截單。」我們想回應還未到九點。他望望手錶，不讓我們說，隨即改口說：「我們晚上八時截單！」他胡亂編造謊話，說：「我頭先未過嚟之前已幫你問過廚房，佢哋話冇（晚餐）！」他還不斷自辯說：「我哋係八點截單，只可以叫pancake疏乎厘……」我們不滿意，因為在野田咖啡舖外還放着晚餐餐牌，我們才進入內部餐廳入門處的取票機拿票。在飲品雪糕廚房位置的男職員，自稱是in charge,也不停只重複說：「晚上八時後不提供鹹食！」我們表示「離譜」，他還駁嘴堅持那兩句說話，我表示會寫comments, 那in charge說「好啊！」兩個男職員完全缺乏餐廳服務訓練，沒有抱歉只有不禮貌的死撐，完全缺乏待客之道，缺乏同理心，可惡！我們之前幫襯過幾次新地和雪糕，味道不錯

今日lunch break 未太肚餓，落街行左一陣決定同個朋友試下一直好想試既咖啡店。大地色既裝修簡單而令人舒服，店內仲有好多唔同既咖啡豆，睇黎係好專業。flat white 味道有少少淡，可能係因為佢隻豆唔係深焙，本人比較中意咖啡味出d 既，有d 可惜。朋友叫左杯ice americano, 因為無落奶而飲得出隻豆係比較nutty, 好易入口，朋友表示幾like。今日lunch time 就甘坐左係度吹水飲咖啡，環境一流好舒服呀。

今次是第二次來到這咖啡店，老公愛喝咖啡，他必定叫精品咖啡~ 其實我麻麻地咖啡，飲完容易心悸手震，所以近年已少喝，原先是想叫普通飲品，但坐在bar枱上看著menu，傳來陣陣的咖啡香，不禁想試一杯😆加上menu有一頁是”咖啡診斷”測驗，連原本不想喝咖啡的我，也掃QR code來做測驗，再嗅覺視覺加上其他的感官的刺激下，我真的按著測驗結果來叫了一杯試試！不禁概嘆marketing真厲害😌我和老公也order了在”咖啡診斷”下推介的口味我本身喜歡nuts味，有一款是有堅果味，果然真的有堅果香、味道回甘，真的很神奇，難得的很岩口味！我亦order了檸檬皮瑪德蓮蛋糕，也很好味👍🏻以下是享受咖啡時拍下的照片，歡迎細賞~能和老公好好享受二人時光，輕鬆的渡過了一小時，是很難忘的體驗

晚餐後，一行三人想吃雪糕，便到野田珈琲，到店後看見海報的抹茶梳乎厘，決定堂食。叫了三款食物，雪糕，紅豆蕨餅抹茶雪糕，海鹽焦糖香蕉疏乎厘。雪糕很重奶味，相當不錯，海鹽焦糖香蕉疏乎厘有驚喜，而且無論打卡和味道也勁推，相對地紅豆蕨餅抹茶雪糕就有點失色，整體來講，令人回味的餐廳，一定會再光顧。

今日經過Noda coffee，喺門外聞到香濃嘅咖啡味，吸引咗我腳步停低望一望，嘩~cafe掛滿燈籠，充滿着中秋節嘅氣氛啊。Noda coffee 嘅咖啡非常有名，所有生豆均來自日本，好有保證。除咗餐飲服務外，仲有得購買咖啡豆同咖啡用具，自己喺屋企都可以品嚐。🩶吉列豬扒芝士三文治 $128厚厚嘅三文治，外脆內軟包面揸上法式芥末蜜糖醬及辣根，鋪上沙律菜。豬扒炸到好香脆，放得耐咗都冇淋豬扒包裹住香濃嘅芝士，每一啖都會拉絲流汁，所有配搭加埋真係超級滋味。🩶泡沫咖啡 $42咖啡豆揀選了「N02 premium blend wood 木」味道圓潤香濃，微甘帶甜奶泡綿密幼滑，拉花都好靚💕

嗌咗兩個甜品 一杯cappuccino 一杯手沖咖啡話手沖咖啡係同服務員口講落單就得嘢食係幾好味 又好快到第一次黎心諗手沖應該需要啲時間 見到咖啡師好用心咁沖咖啡咖啡師沖完一杯又一杯 等杯手沖等咗45分鐘用餐時間60分鐘 以為差唔多沖到我果杯後面有行程 諗住直接去埋單走人cancel嘢飲結果張單係無落到我杯手沖咖啡我等咗足足45分鐘然後同我講無落到單服務員毫無歉意 服務一星係俾幫我落單嘅服務員全程望住佢係咁fill水 但點知無幫我落到單嘥我時間 磨哂我啲耐性👎🏻👎🏻👎🏻👎🏻👎🏻

Noda Coffee 野田珈琲☕️☕️「野田珈琲生豆專門店 + 焙煎」 コーヒー生豆専門店+焙煎一間十分講究咖啡的專門店，秉承日本團隊的嚴謹要求，把優質、新鮮、評分制的精品咖啡生豆進口香港。由收銀到， 服務員，到沖咖啡師也十分有禮專業咖啡☕️味道有層次感朱古力蛋糕🍫🍰 口感濃郁豐富店內還有很多日本製的陶瓷杯， 咖啡豆和用品購可享受高品質咖啡之餘又可享受環境舒服地方👍📍大圍車公廟路18號圍方3樓325號@nodacoffeehk hk#NodaCoffee #野田珈琲 #焙煎 #美濃燒 #Coffee #cake #cappuccino #latte #foodie  #foodiehk #香港好去處 #chinesefood #Instafood #yummy #hkfoodie #hkig #hkfood #ymmyfood #food #美食推薦 #美食推介 #食 べ物 #料理 #美味 しい #相機食先 #香港美食 #打卡 #コーヒー生豆専門店

我真的滿心期待購買這抹茶特濃20％雪糕..... Aei.............但收到手個一刻... 我覺得這比麥當勞，雪糕車 etc...出品的雪糕賣相還差...20％增量... 到底是不是出錯了變成-20％嗎？？我諗而間店還是選擇買咖啡類別比較理想......... 雪糕類別我真的永遠永遠沒有take two...可能不要選擇紙杯裝，選擇甜筒會... 做得像poster 般認真的份量與賣相.....P. S 雪糕質感普通不滑像沙冰粒口感。

位於圍方的「野田珈琲生豆專門店 + 焙煎」，雖然以咖啡豆著名，但他們的綠茶原味雪糕也是一大亮點。雪糕呈淡雅綠色，質地非常幼滑，入口即化。綠茶味道濃郁，不苦澀，甜度適中。每一口都能感受到茶香和奶香的和諧交織，令人一口接一口。在夏日午後，品嚐這款雪糕驅暑又愉悅。它的質地和味道完全體現了店家對品質的追求，讓人難以抗拒。圍方的「野田珈琲生豆專門店 + 焙煎」不僅是咖啡愛好者的天堂，也是甜品愛好者必訪之地。他們的綠茶原味雪糕，以其幼滑質地和濃郁茶香，為我和友人帶來難忘的甜品體驗。強烈推薦大家試試這款美味的雪糕。

門口冇人帶位，又咁啱睇唔到個撳飛機，就行咗入去問店員，啲態度衰地咁，都未行到去就大大聲叫我哋出返去撳飛。好多人都係入到去，一家大細定坐住輪椅嘅，都俾人趕返出嚟撳飛，純粹覺得呢間餐廳呢個設計唔user-friendly。門口個menu乜都有，但入到去個Menu一半以上都話售罄。想食嗰個士多啤梨疏乎厘，冇。好多款蛋糕，都係冇。最後求其試咗個檸檬蛋白撻，唔好食，非常普通，咖啡就好飲嘅。總結：下次淨係會外賣咖啡拎走。

朋友介紹過呢間cafe 嘅咖啡好飲，所以路過圍方就試下！當時下午6點幾，仍然係坐滿一枱枱飲咖嘅客人...因為有點餓但又預要食晚餐，所以4大1小點左d 小食及飲品。本身係抹茶控，先來抹茶濃縮拿鐵 $53，賣相好吸引，撈均後每啖都有抹茶及咖啡味，咖啡又冇搶左抹茶味，甜度啱啱好！👍抹茶紅豆厥餅雪糕 $68，夏天必點，成杯有好多野食，連個脆皮都食埋，抹茶雪糕味道幼滑濃郁，讓人回想日本旅行食過嘅味道！☺️抹茶鬆餅配紅豆蓉，坊間好少見抹茶味嘅英式鬆餅，上枱暖暖地，配埋紅豆蓉幾好味！😌菠菜芝士酥 $28，暖暖地上枱，鬆脆又新鮮好味！朱古力酥 $30，小朋友好鐘意，鬆軟得來又有朱古力粒～日式店舖裝修讓人短暫離港，而家咖啡杯賣相漂亮吸引，讓人細心品嚐放鬆一下，打卡一流！而咖啡師用心沖製咖啡更記一功！😌👍

[ 野田珈琲生豆專門店 + 焙煎 ]港鐵大圍站上蓋商場「圍方」匯聚食、玩、買於一身。極力推薦咖啡愛好者去商場呢間日系咖啡店☕️，店內所有咖啡生豆由日本🇯🇵進口，更設獨立焙煎室，新鮮焙煎80種以上精品咖啡豆，再由手沖咖啡師即場沖煮。✿ 咖啡發辦Coffeekase $328 (2人席)最近咖啡店更推出「咖啡發辦Coffeekase」二人餐，係手沖咖啡吧位前，每人享用3款100ml精品手沖咖啡☕️，及每人一客炙燒焦糖巴斯克流心蛋糕🍰。咖啡師會先了解客人嘅咖啡口味，再係80多種咖啡豆中選出3款製作精品手沖咖啡。3款咖啡口味由淺入深，有不同香氣、酸度、醇厚度和風味。總結🫦 店内有不少特色烘焙美點及甜品，亦有售各種咖啡器具及日本進口陶瓷，讓咖啡愛好者探索精品咖啡嘅世界。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿野田珈琲生豆專門店 + 焙煎地址：大圍車公廟路18號圍方3樓325號舖電話：2146 1268✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

Decided to have try their coffee here since there was a vast majority. The fun part was you can answer their questionnaire and they will give you several options to choose from that matches your taste(which is quite accurate as most of the recommendations were more citric and fruity)They will also let you choose whether you want the taste to be more light or rich. They will serve it in a cup and a flask. They introduced it in detail and advised after finishing the cup of coffee and then to enjoy

野田咖啡 見到人都幾多 一直未有機會試 難得平日有空閒可以去朝聖一下。今次同朋友試嘅都係餐廳嘅標準咖啡，分別是Cold Black 同抹茶咖啡。Cold Black 本身比較淡身和平均，不算得有什麼驚艷，但作為日常一杯咖啡品質算是不錯。抹茶咖啡的調配，視覺上亦 都吸引，味道平衡。另外，野田特別之處係店舖內有間炒咖啡豆房 即場會炒咖啡豆，客人亦都可以在玻璃門外見到炒豆嘅情況。咖啡種類頗多，部分咖啡豆亦陳列在咖啡店牆壁之上，算是一個咖啡的小展覽。在menu上手沖咖啡應該有大約50多種 咖啡豆來自世界各地，詳情要慢慢細看。手沖咖啡普遍價格80元以上，應該視乎罕有度和咖啡品種。而order手沖咖啡才可以在店內最入面的座位享用。今次見時間略少，就沒有order手沖咖啡。